金飯館

營業中

休息中

今日放工咁岩經過牛頭角，見到好多人排隊買呢間小店嘅外賣，見到餐牌又唔係特別貴，再加上外賣自取有八折，一於叫兩個餐返屋企試吓先！分別叫咗秘製沙嗲牛肉雙燶邊蘭王蛋飯同埋即叫即炸椒鹽豬扒飯，等咗一陣就返屋企啦~佢每盒飯嘅外賣都用咗兩個盆裝住，非常貼心，上邊嘅餸菜同飯分開，唔會比啲飯餸汁流入飯底度，影響味道秘製沙嗲牛肉 鹹度適中，配上煎得好靚嘅蘭王旦，鮮橙黃色非常誘人，蛋汁流出嚟送飯一流！仲要燶邊更加增添口感每個餐都跟咗炒飯底，果然功價十足，用上雞蛋🥚丶蔥花炒，簡單得來又好味😋椒鹽豬扒飯果然係即叫即炸，返到屋企打開仲有熱氣噴出，非常之香嘅椒鹽味道，仲有好多蔥蒜，豬扒大大件，炸得又香又脆，再配上一流嘅炒飯底，非常之好送飯！值得一題係炒飯底份量超級多，完全食唔晒！細食嘅，三個人食都可以😌

不愧為最近人氣餐廳 翻枱速度非常之快 但啲人一坐低都好熟路咁叫豬排飯 就知道不能錯過喇✨🔖 即叫即炸椒鹽豬扒飯千祈唔好以為係普通嘅鑊氣碟頭飯皆因其用料和做法都非常講究 有要求!每日限量供應ꔛ‬𖤐⸝⋆ 重要嘅嘢要講三次!!炸豬扒外層炸至香脆 一入口勁鬆化原來廚師會好有心機咁幫每塊豬扒做ᴍᴀssᴀɢᴇ💕所以醃料會比平時就咁浸住更融入豬扒之中飯底係用咗炒飯 並唔係配白飯咁簡單😏選用泰國米 貪其米夠香 再加入蛋快炒至乾身每粒米均沾滿了金黃色蛋汁 粒粒分明 最後有埋椒鹽粒嘅加乘 簡直極品呢❤️最後 為食嘅小編忍唔住加配咗蘭王蛋雖然有啲貴 但將啲蛋汁撈埋一齊食簡直世一( ͜♡･ω･) ͜♡🔖 咖喱即叫即炸豬扒飯同前者有異曲同工之妙 主角都係鎮店招牌～炸豬扒🐽但今次幫豬扒換上了咖喱衣裳 兩者都出色喜歡濃味的不妨試試呢個 個咖喱汁都幾惹味喔⸝⋆ฅ•ﻌ•ฅw𐤔

準備去見工，早左少少到，之前一直bookmark左但未去試，今次終於有機會喇(食物叫左椒鹽豬扒飯而飲品就叫左港式凍奶茶)A) 環境 ⭐⭐⭐⭐ （4/5）餐廳環境唔大座位較多，會有少少擠迫感，而裝修較為簡約，但店內有好多自家設計既餐廳logo🦐🍚，唔花巧亦有餐廳自己既風格，以港式茶記既標準黎講算幾四正。B) 食物質素 ⭐⭐⭐⭐ （4/5）椒鹽豬扒飯係即叫即炸，飯底炒得好好，色澤金黃粒粒分明，而且相當足料有五大塊豬扒‼️不過值得一提既係椒鹽豬扒比較重口味，有部分朋友仔未必太好，但個人而言係幾惹味😋C) 店員服務 ⭐⭐⭐⭐ （4/5）店員服務親切友善，而且姐姐好細心見落雨天🌧，主動幫手拎遮去遮架絕對抵贊D) 性價比 ⭐⭐⭐ （3/5）性價比方面算係合理水平，因為同區選擇較多，如果間唔中食下一個有水準既炒飯都會諗起呢到，都值得回頭再試既，下次要食蝦頭油炒飯🦐🔥🔥

依家晚市禁堂食🥲收工經過呢間做緊外賣八折，決定試一試，叫咗兩個飯一個小食秘制沙嗲牛肉雙燶邊蘭王蛋飯，沙嗲牛肉份量好足，沙嗲汁微微辣，幾香口，炒飯粒粒分明，配上燶邊煎雙蛋，蛋黃橙橙紅紅，用嚟撈飯一流！即叫即炸椒鹽豬扒飯，都係配上粒粒分明嘅炒飯，椒鹽豬扒有好多舊，豬扒唔會乾身，加咗大量嘅蔥蒜，好惹味👍🏻椒鹽雞軟骨，同椒鹽豬扒味道差唔多，一樣好多蔥蒜辣椒乾，好好送飯，必點！外賣有呢個水準算幾好👍🏻

這家餐廳未到正式吃晚飯時間就已經站滿了人等外賣，非常受歡迎秘製沙嗲牛肉雙燶邊蘭王蛋飯$78那兩隻超鮮艷橙紅色，蛋味超濃的生食用蘭王蛋，就是傳說中日本🇯🇵最佳生食用的蘭王蛋🥚！蛋香超濃，簡單但好吃得沒話說！配上炒沙爹牛肉跟炒飯底，$78？抵吃到爆！即叫即炸椒鹽豬扒飯$78份量很大，無論是那五大塊超稔身的椒鹽豬扒還是黃色的炒飯。椒鹽也就是炸蒜頭非常香濃，惹味之餘十分香蒜味，很慷慨的份量！雞軟骨+$38小食的價格，小菜的份量！又是一道份量大的小吃，入口爽脆又帶點脂肪香，同樣以炒蒜調味，惹味度/配飯度滿分

放工去觀塘買埋飯先返屋企，呢日去咗幫襯同事激讚嘅金飯館試下。餐廳近牛頭角多啲，呢邊舊區更加多好野食，正過工廈多多聲。門口呀姐大大聲嗌外賣自取有八折！小店菜式選擇唔算多，不過勝在樣樣都好吸引，老闆仲推介咗兩款招牌添。🐷即叫即炸椒鹽豬扒飯炸椒鹽豬扒拎到返屋企都仲脆脆哋，椒鹽好香口，微微辣。豬扒有四大件，份量一啲都唔孤寒，而且肉厚，質感一流。雖然係豬，但肉質唔會嚡啊，亦並唔係雪到無嚟味道嘅雪豬。🍳秘製沙嗲牛肉燶邊蘭王蛋飯沙嗲牛肉就食得多，撈飯亦得。沙嗲汁重香不重辣，大人細路都啱，唔會過鹹。鮮牛肉片有好多塊，每啖飯都有肉配。兩隻煎蛋吸睛到爆，日本蛋黃紅卜卜，而且仲要燶邊，做哂主角。🏆🍚炒飯雖然上面啲餸好正，但我諗餐廳嘅主角應該係炒飯。炒飯炒得好乾身，而且粒粒金黃分明，外賣食都食得出高水準。餐廳嘅外賣碗會將餸同飯分開，令兩者保持最佳狀態。🍗蜜汁雞翼雞翼好甜啊，而且每隻都係巨無霸Size！雞翼大隻會擔心入面唔熟，但佢熟得嚟肉又保持鮮嫩。墊底嘅菜絲都好甜好好味。

疫情嚴峻...天氣急凍...小編潛水多日再同大家推介下好野食，真心咁講，安全搵食，堂食暫時唔敢推介比大家，所以呢間bookmark左好耐嘅金飯館最後都選擇左外賣。雖然外賣比堂食的賣相真係差一截，但外賣自助有八折都有其吸引之處。而且黑金配色外賣分裝盒比坊間靚仔，店主滿有誠意。招牌蝦頭油炒飯 $78 折實$63推介:⭐️⭐️⭐️⭐️⭐️金色炒飯賣相非常吸引，金飯館其金飯特別之處。望落已經十分足料，櫻花蝦、大蝦、蠔仔，元貝粒、魷魚及魚肉等鮮嫰爽滑又彈牙，飯粒口感煙靱，蛋汁炒飯鑊氣夠又粒粒分明，配上自製嘅蝦頭油撈飯一齊炒，配料豐富高質，難怪係招牌推介的一款。即叫即炸椒鹽豬参飯 $78 折實$63推介:⭐️⭐️⭐️⭐️⭐️另一款必點招牌菜，即叫即炸，外賣攞係手果份椒鹽香豬扒飄香帶到返屋企，炒飯同豬扒分開包裝，金飯其飯粒功架更加突出。由於即叫即炸，外賣都要等一陣子時間，10分鐘內就可以自取每塊豬扒十分滋味，炸蒜蔥粒辣椒乾等香氣十足，咬落去啖啖肉。十足地道大牌檔嘅豬扒出品。足料5件豬扒性價比高質，非常惹味，疫情過後一定會來堂食再encore，叫佢個蘭王蛋招牌飯亦都係基本😋👍👅美味: 9️⃣ 😮驚喜: 9️⃣💡性價: 9️⃣ 🐽飽肚

係牛頭角呢間茶記成日排晒隊，就算而家夜晚無堂食都好多人幫襯，今日收工經過就睇下有咩好食，原來外賣有8折，難怪咁多人幫襯！ .呢個「即叫即炸椒鹽豬扒飯」好不得了，等就等得耐左啲，但真係真心大件抵食仲要好食😋豬扒全部炸過夠晒惹味，上面既辣椒、蔥、蒜蓉好足料夠晒味，仲要個飯係炒左底，拎到返屋企都好食👍🏻之後再叫個「秘制沙嗲牛肉雙濃邊蘭黃蛋飯」聽到蘭黃蛋已經覺得好吸引，平時買都要成$5/隻蛋，因為佢隻蛋係真心好香蛋味，另外個沙嗲牛肉好淋身又香沙嗲味，真心好唔錯。最後加多個好抵食既小食「椒鹽雞軟骨」返屋企餸啤酒真係一流。

今晚到這間金飯館買外賣。餐廳主打炒飯，鑊氣碟頭飯，泡飯等，另有數款小食，價錢抵食大碟。即叫即做椒鹽豬扒飯($78)，份量十足，有五塊大而厚身的豬扒，炸得金黃鬆軟，油潤不乾身，大量的炸蒜，辣椒乾，蔥粒舖面，香氣十足，配上金黃的炒飯及少許蔬菜，正。招牌蝦頭油炒飯（$78),份量足夠二人享用。這個炒飯用了蝦頭油來炒，所以色澤比椒鹽豬扒的炒飯較深色，香味十足。米飯有蛋汁包著，粒粒炒得金黃乾身。用上大隻爽口的玻璃蝦，蠔仔粒，元貝粒，魚柳，櫻花蝦來炒，材料豐富。椒鹽雞軟骨（$48), 跟椒鹽豬扒一樣，用上大量的炸蒜，辣椒乾，蔥粒舖面。雞軟骨粒粒香脆，沒有厚厚的粉漿，很香口。

之前係FB關注組見到有人介紹呢間 已經好想試餐廳位於牛頭角同觀塘站中間 牛頭角就近少少一場去到叫左最多人食嘅招牌椒鹽豬扒飯同秘制沙嗲牛肉雙燶邊蘭王蛋飯______________________________〰️ 即叫即炸豬扒飯 $78餐牌寫住呢款係每日限量 好彩去到仲有😛上枱我都男朋友都俾佢個份量震撼到 豬扒同炸蒜嘅份量都好多 覆蓋晒成個飯豬扒即叫即炸 每塊都好長而且好厚肉 重點係食落好鬆軟仲帶肉汁 真係好嫩而且食得出唔係求其落鬆肉粉去醃 高質🤘🏿加埋啲炸蒜粒一齊撈飯食真係好正 推介🥰〰️ 秘製炒牛肉雙燶邊蘭王蛋飯 $78特別用上蘭王蛋 仲要打孖上個橙紅色嘅蛋黃真係睇到都知好食🥲配上前排大熱嘅沙嗲牛肉 呢個配搭好癲🤣沙嗲牛用上牛冧肉 食落好軟腍帶少少筋份量多之餘 仲佈滿沙嗲汁 好重花生香不過偏重口味 食到最後會覺得有少少咸🤣最最最最欣賞都係佢哋嘅炒飯底用雞蛋撈勻再炒至乾身 每粒都係金黃色食落唔油膩之餘仲好香 炒得岩岩好🤘🏿🥲〰️ 蜜汁雞翼 $48小食都好高質 雞翼都幾大隻外皮帶蜜汁甜香同芝麻粒 肉質都幾嫩而且有成五大隻 不錯不錯叫得過🤪

係牛頭角有一間飯專門店！🍚主打飯既餐廳有自選經典飯、炒飯同泡飯可以選擇，岩哂一眾想湊下米氣既朋友🤭依家外賣做緊8折優惠，買返屋企慢慢嘆感覺比較安心～😋🌟 招牌蝦頭抽炒飯 $78餐廳有幾款招牌菜，其中一款就係呢款招牌蝦頭抽炒飯～🦐炒飯加入自家製既蝦頭抽一齊炒，食落味道好鮮味，而且粒粒分明，入味又唔會好油膩。👌🏿配料都好足，有蠔仔、魷魚、帶子，加埋大大粒既蝦球同櫻花蝦係面，味道層次都好豐富！😄

觀塘牛角頭都真系好多隱身美食, 朋友介紹左呢間好味餐廳, 就決定外賣返屋企慢慢食, 路上拎住已經聞到香味不斷飄出🍚叫左大熱既招牌即叫即炸椒鹽豬扒飯, 返到去一打開即刻嘩嘩聲, 因為見到有豬扒鋪滿成個外賣兜, 至少見到五六塊豬扒,  每塊豬扒唔細塊, 味道有肉味但不油膩, 無諗到會食到大牌檔鑊氣風味, 最重要系飯系炒底, 炒飯好香蛋味, 粒粒飯黃色被蛋包住, 唔油又乾真系真心讚 秘制沙嗲牛肉雙燶邊蘭王蛋飯: 沙嗲牛肉肉質唔會太硬林林地好易入口, 仲好香沙嗲味但唔辣, 仲有菜脯, 亮點就梗系蘭王煎雙蛋, 見到鮮橙色既蛋黃都想咬落去, 蘭王蛋有幾香幾好味唔使多講, 煎到半生熟既太陽蘭王蛋真系正🍳蜜汁雞翼3隻:  每隻外面都有一層蜜汁同粒粒芝麻,  咬落甜甜地好香好夾味，唔會太甜又滲出淡淡芝麻味 

今日去完牛頭角做嘢 又要獨自食飯啦 見到呢間金飯碗就入去食下餐廳人唔太多 卡位坐得幾舒服 食品係茶餐廳風格 今日就嚟過港式午餐啦即叫即炸椒鹽豬扒飯 真係要等成三個字先有得食不過絕冇白費 一上枱成座山咁高 豬扒都有六七嚿非常豐富 上面鋪上滿滿嘅炸蒜同辣椒香口惹味 豬扒炸得外脆內軟入面勁juicy 一啲鬆肉粉味都冇 用嚟送飯一流 下面竟然仲係極邪惡嘅蛋炒飯 炒得粒粒分明夠曬乾身 每粒都有蛋漿包住 鑊氣十足叫番杯凍檸茶下下暑 除咗一般嘅檸檬之外 仲加咗青檸落去 飲落更加清香解渴

嚟到觀塘．牛頭角，呢間餐廳嘅炒飯真係數一數二。入到餐廳已經聞到勁香，可惜禁堂食只好外賣。不過外賣有8折，計返又好抵食。留喺屋企食都安心啲。「招牌蝦頭油炒飯」開蓋聞到陣味已經流哂口水，原隻鮮蝦好爽口，加入蝦頭油炒得好香，炒飯粒粒都散開，個飯真係炒得好靚「即叫即炸椒鹽豬扒飯」需要少少時間，因為真係即叫即製，拎到返去仲係熱辣辣，豬扒夠淋唔會鞋，底層嘅炒飯底好好食，粒粒金黃，唔會好油膩「蜜汁雞翼」加上芝麻嘅雞翼，個汁甜甜地,又幾好味見隔離枱食緊「秘制沙嗲牛肉雙燶邊蘭王蛋飯」好吸引。我都好想試下，等疲情緩和，要再嚟堂食

最近好鍾意食蛋所以加咗入社交平台蛋控關注組 入面有隻蘭皇蛋一直都好想試上網搵咗呢間位於牛頭角嘅金飯碗 竟然有得食喎 所以就嚟食下啦 下午茶時間嚟到 餐廳人唔太多坐得都幾舒服叫咗個秘製沙爹牛肉雙燶邊蘭皇蛋飯 最吸睛梗係兩粒大大隻嘅蘭皇蛋啦 個蛋黃係橙色 蛋白煎到燶邊超脆口 蛋黃漿特別濃厚 蛋香味濃郁果然唔錯沙爹牛肉醬汁調教得而濃淡適中 牛肉一啲都唔韌 用嚟送飯一流下面係炒底 炒得夠乾身 鑊氣十足叫多份蜜汁雞翼 雞翼隻隻都超巨型 外面炸得脆卜卜入面超juicy 再加上滿滿嘅蜜糖 一啲油膩感都冇