金飯館

-行完觀塘工廈又唔知食咩、最後揀咗金飯館食佢最出名嘅炒飯，下面全部飯都係炒飯底本身我都打算叫豬扒飯、見到其他枱嘅成品都係成座山咁😂，為咗減脂最後我叫咗蝦頭油炒飯，炒飯炒到十分乾身，除咗蝦仁、大量櫻花蝦同埋蠔之外，本身個飯都蝦味十足食落非常過癮，同時我亦都加咗$15去食佢嘅蘭王蛋，單點另上幾貴🙂，食完我覺得冇咩特別可以唔使加隻蛋凍檸茶好彩唔係手打檸檬茶、而係茶餐廳普遍嘅凍檸茶，茶底都好夠味，唔會好多冰☺️之後我有同其他朋友交換食，黑松露炒飯，有少量帶子粒、蝦仁同白菜一齊炒，黑松露味唔會話太過出，相對起其他炒飯，有點遜色即炸豬扒燶邊蘭王蛋飯，逢親有豬扒嘅炒飯，都係好似成座山咁，得呢一個飯係包埋蘭王蛋，豬扒炸到非常脆身、亦都係超級厚身大件，成個飯簡直就係邪惡嘅化身，只係椒鹽豬扒太過出色、太過入味椒鹽豬扒飯都係炒飯底，成品非常澎湃，係避風塘風格嘅炸豬扒，十分惹味，作為脂肪達人我好鍾意呢個😙脆皮牛腩飯係過癮嘅組合，完全冇辦法想像點樣諗到呢個組合，炒飯底就唔多講，佢個炸皮係好食嘅，牛腩肥瘦均勻夠淋都係好食，但我覺得成個組合唔夾，怪怪的最後我哋七個女仔叫咗七個飯都係食唔晒，老闆一直好熱情同我哋傾偈，後來發現其實每人最低消費唔一定要每人一個飯😂-▶︎招牌蝦頭油炒飯 | $78▶︎燶邊蘭王蛋 | $15▶︎手攪檸檬茶（凍） | $8▶︎黑松露炒飯 | $78▶︎即炸豬扒燶邊蘭王蛋飯 | $78▶︎即叫即炸椒鹽豬扒飯 | $78▶︎脆皮牛腩飯 | $88 配咖哩汁--🏠【金飯館 Golden Bowl】📍牛頭角牛頭角道323號地下J號舖📍旺角廣華街38號地舖🕑星期一至日 11:30 - 22:00…查看更多

炒飯只是和暖，又乾又硬冇香味！豬扒是熱的，但配搭溫吞吞的乾飯，是折磨。原來店家只強調豬扒是即炸，並沒有說飯即炒。所以只能怪食客要求高！78元一碟，如果目的只是打卡是ok，因成品又的確係幾漂亮澎湃。但對我來說我覺得不抵吃，因為最主要的炒飯是不合格！住附近又不介意飯不熱不香，好吃與否自行評價。…查看更多

以前喺觀塘返工，周不時都會買金飯館嘅lunch，脆皮牛腩飯係我念念不忘嘅菜色之一，不過今次嚟到就選擇試吓椒鹽豬扒炒飯。一上碟嘅時候有啲嚇親，因為真係超級大份，好彩本身都極肚餓嘅狀態過去，即刻拎起一舊豬扒jap，肥瘦適中，一啲都唔韌，唔會炸過龍仍然保持肉質，外面鋪滿香蒜，食落口每啖都係邪惡嘅感覺。如果炒飯更加係邪惡中嘅邪惡，本身炒到粒粒分明，再加上上面嘅椒鹽豬扒嘅油分同椒鹽滲落個飯度，每一啖飯都係精華。付出嘅代價就係，食飽真係要好好去做運動還債。…查看更多

諗住好耐冇試金飯館去睇下佢地有冇進步到，叫左個龍躉球炒飯$126（老闆推薦），黎到賣相好似好吸引，但個蛋炒飯完全冇味，冇鹹味，冇蛋香味，個飯質又食到係差嘅米黎。諗住炒飯主打，炒飯應該唔會好差啦，但估唔到連個炒飯都咁難食。坦白講自己炒仲好食過佢，個伴菜又一d味都冇，食得出用水就咁白灼菜黎，上面一大埋蔥絲完全冇令到個飯有加乘作用，得個龍躉球係正常，但正常都就咁煎，家庭主婦都做得到，咁其實比成$126食黎做咩？自己煮唔好？成個飯得杯奶茶係正常。唉，香港真係愈黎愈多伏嘅餐廳🥲…查看更多

金飯館嘅招牌蝦頭油炒飯真係令人一試難忘！炒飯炒得粒粒分明，唔會黐埋一舊，口感一流。餸料方面絕對唔手軟，有蠔仔、大蝦、蝦仁、櫻花蝦同帶子粒，層次豐富又惹味，蝦頭油香氣撲鼻，令人食到停唔到口。份量方面都好有誠意，一碟夠兩個人分，性價比極高，值得推介！至於芋頭臘腸粒炒飯就稍為遜色啲，雖然炒飯都係粒粒分明，但芋頭炸過再炒，口感偏硬，冇預期中咁綿密。不過臘腸香味都幾突出，整體都算好味，只係比起蝦頭油炒飯就冇咁驚喜。總括而言，金飯館嘅炒飯系列值得一試，尤其係蝦頭油炒飯，真係食過會想再食！…查看更多

嚟到牛頭角金飯館，正路唔使講，一定係食佢嘅招牌菜，蔥油香煎豬扒蘭王蛋配炒飯，但係今日我奇兵一路試食佢嘅限量下午茶，爆茜王酒雞子米線，一嚟到唔使講嘢影相先，雞子見到都興奮，全部大大粒，唔係細細粒嗰啲，係個口入面爆開，嗰種感覺，非筆墨可以形容，通常打邊爐嘅時候會含一啖啤酒，咁樣咬爆雞子冇咁燙口，而家飲住凍奶茶一樣有咁嘅效果，其他出名嘅小食當然唔使講啦，好正，離開牛頭角嘅朋友一定要嚟試下呀，一定冇介紹錯。…查看更多

牛頭角呢間有些少人氣既金飯館，弛名椒鹽豬扒飯，今日下午茶時段到店，冇乜食客，相比我上次午餐時段到店，要在店外排隊，有好大既差距。㨂了張二人枱坐低，望一望個餐牌，蝦頭油炒飯食過，龍躉炒飯又食過，係呢個椒鹽豬扒飯就未食過，咁就一於點佢。講真佢呢碟椒鹽豬扒飯真係好大碟，豬扒又多炒飯又多，炒飯乾身合格，豬扒啖啖肉，係就味道方面比較淡口，飯同豬扒都係。整體一般滿意。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

見到呢排幾hit特登去牛頭角食呢間炒飯👉🏻即叫即炸椒鹽豬扒炒飯 豬扒真心幾正，咬落仲有肉汁，椒鹽調味剛剛好。炒飯夠鑊氣，份量超大，兩個女仔share都夠食。唯一扣分係炸蒜多到有啲搶戲，少啲就更好下次會再試試其他炒飯👉🏻沙嗲三寶換購價$38。但伏！沙嗲味唔香濃，有魷魚、豬皮、牛柏葉冇咩口感，冇咩味🙂‍↔️🙂‍↔️🙂‍↔️👉🏻櫻花蝦菜心不過不失，菜心夠嫩，櫻花蝦裝飾。咁啱要碟菜食可以一試。…查看更多

B級美食🥇！大份抵玩佬味碟頭飯，椒鹽豬扒惹味juicy😈・・・・・・・・・・・・・・・・・・・・🍛 即叫即炸椒鹽豬扒飯 HK$78> 燶邊蘭王蛋 +HK$15・味道：有骨豬扒厚肉🥩，本身醃得夠入味，飯粒炒得夠乾身，配椒鹽好惹味。配濃邊流心蛋🍳，唔油膩夠大份嘅佬味碟頭飯，抵玩！出色👍🏻！・口感：豬扒鬆軟juicy，飯粒乾身包住蛋汁，正👅！・・・・・・・・・・・・・・・・・・・・🤰性價比：高～🤰9衝度：9衝～🤰結論：勁上癮！食到勁飽頂住都想繼續食XD…查看更多

【地道港式風味】今次試咗呢間街坊熱門小炒店，果然名不虛傳！招牌炒飯鑊氣十足，每粒飯都分明彈牙，乾身得嚟又唔會太油膩，加埋啲蛋絲同葱花，簡單但好有層次❤️沙嗲牛肉絕對係驚喜之作，醬汁濃郁得嚟唔會死鹹，牛肉切得厚薄適中，入口軟嫩又入味，送飯一流！同事極力推薦嘅雞子亦冇令人失望，處理得乾淨冇異味，口感爽滑鮮美，可惜配嘅麵條就普通咗啲，如果換成撈麵可能會更夾。整體價錢非常合理，兩個人食到飽都係兩百蚊有找，絕對係街坊小炒嘅高水準之作。環境雖然唔算豪華，但勝在夠地道，侍應招呼又夠熱情，已經約定同事下個禮拜再嚟encore🥰…查看更多

大大碟炒飯-牛頭角金飯館經開牛頭角，見到呢間專門食炒飯嘅餐廳，好似幾特別，就去試吓啦，見到碟碟都成個山咁高😂應該2個人先食得哂😅點左沙嗲牛肉雙燶邊蘭黃蛋炒飯同沙嗲三寶，最欣賞係度蛋，煎得好靚，蛋汁仲可以融入炒飯中，沙嗲牛肉雖然大大塊但都較淋，炒飯方面覺得OK😅夠乾身，可以再香口d🙂沙嗲三寶又係大大塊🙃有魷魚、豬皮同牛柏葉，沙嗲汁香濃微辣🙂都唔錯，食量大嘅朋友仲抵🤣…查看更多

一直聽朋友講有間炒飯好正，一間喺旺角一間喺牛頭角，今次佢開觀塘就去試吓啦。今次試咗美極牛肉鬆松子炒飯，同埋試咗招牌蝦頭油炒飯。本身都好怕好油，雖然食完隻碟都真係有啲油，但食落其實又唔會好膩喎！個招牌蝦頭油炒飯真係超級香，好香口好惹味。真係好少食到啲炒飯係粒粒乾身粒粒爽，同埋有埋啲蔥花蛋花口感更加豐富。另外個美極牛肉鬆松子炒飯，俾咗好多松子，又有蔥花又有生菜，食落勁有口感。雖然好似好簡單，但係其實你叫我喺屋企炒到咁嘅質素都好難。美極亦係永遠都抗拒唔到嘅一個調味料，佢永遠都係好惹味，但最重要都係呢間佢本身嘅炒飯底真係做得好唔錯，好乾身啲飯唔會結到一嚿嚿。雖然好似真係就咁嚟食碗炒飯，但係其實都幾值得黎。…查看更多

讚：份量大，好肚餓都可以食好飽脆皮牛腩飯牛腩少量牛味。炒飯底，唔太有鑊氣。而個價錢唔俾白飯，炒一炒，算係咁。蔥油，好多油，撈少少送飯還可。$96連凍飲黎講，未必會再食。我一個黎食，要搭枱。張枱腳唔穩，員工上飯放低，都搖到我杯奶茶差啲倒瀉。枱細，對面搭枱既，試過彈左粒飯過黎。午市黎食，一直坐滿人，有女士拎飯盒裝一半入盒。見出餐位多人叫太陽蛋既飯。…查看更多

I have eaten at this restaurant a few times already by now so it’s just right that I give this restaurant a review. I am a HUGE fan of fried rice and I can cook a good fried rice myself, so you can believe it when I say this restaurant serves one of the best fried rice in Hong Kong. Even better than other expensive restaurants out there.The standout and my favorite is the deep-fried salt and pepper fried pork rice. It is served with generous portion of pork, dried chillies, and fried rice of course. The dish may look spicy but it’s not spicy at all. It has just the perfect balance of spicy and salty. And the pork is very tender. I have tried other dishes in this restaurant but this is by far my favorite.The only negative aspect that I can think of about the restaurant is its size. It is quite small and they have a lot of patrons so if you come here during peak hours you will need to wait a while to get a table and it will surely be for sharing with other customers.…查看更多

之前食過旺角分店覺得幾正今日經過觀塘想帶屋企人嚟試下😋發現呢間店原來呢間嘅菜式有啲唔同，係專食炒飯嘅一場嚟到即管又試試佢😃根據餐牌上面嘅兩個必食推介，我哋點咗兩個炒飯：✨️ 即叫即炸椒鹽豬扒飯 3🧡/5 呢個炒飯只係暖暖哋，唔係十分熱，有啲失望🥹但每啖炒飯都帶有避風塘風味嘅炸蒜味道非常惹味，唔會太油膩🥰豬扒都唔錯，幾厚肉雖然相對熱啲，但都未係即刻煮起嘅溫度，可能係做完之後稍微冷卻咗不過，總體來講，呢個飯嘅味道唔錯有風味👍🏻✨️ 秘制沙爹牛肉雙燶邊蘭王蛋飯 3.5🧡/5 呢個飯相對熱啲而沙嗲汁同煎蛋嘅流心蛋黃配搭得非常好，特別香滑😋沙嗲汁嘅味道比較濃郁牛肉嘅份量都足夠，啲肉質唔錯，唔會過於乾柴，咸香味適中不過食食吓都有啲heavy總結：3.5🧡/5兩碟飯份量都多啲炒飯都做到粒粒分明嘅效果調味偏濃，鍾意食濃味同香口嘢嘅人士應該會鐘意但呢間餐廳嘅選擇比較有限，基本上都係圍繞住炒飯，冇咩其他類型嘅菜式可以揀雖然炒飯嘅味道幾吸引，但如果鍾意多樣化嘅選擇嘅話，可能會覺得有啲單調不過，如果嚟開附近，呢度都值得一試嘅😊…查看更多