🔸牛油蜆鍋配蒜蓉包（2塊） $148 🔸日本刺身級帶子龍蝦汁意大利飯 $158 🔸脆皮酒香燒雞配自家秘製汁 $108/半隻 🔸西柚檸檬四季春茶 $40 - 同男朋友食西餐慶祝週年紀念日，揀咗依間近近哋嘅西餐廳，食物質素好又唔算貴，我哋都好鍾意食～ 男友最愛嘅牛油蜆鍋一上枱已經好香，食落蜆肉非常鮮甜，熟得剛剛好唔會老，配埋超香脆嘅蒜蓉包一流。 龍蝦汁Risotto都好濃郁，米粒口感煙韌，粒粒都掛汁好入味，配埋刺身級帶子無得輸。 仲叫咗半隻燒雞，外皮香脆，肉質嫩滑仲滴晒汁架好好味😋 最後飲杯西柚四季春茶，好滿足😌

🔸尋龍記燒賣拼盤 $68 🔸一龍大滿足 $68 🔸鳳爪排骨飯 $58 🔸拉絲菠蘿包 $38 🔸荷花酥 $38 - 今日同男朋友食lunch撐枱腳，嚟咗依間食創意特色點心嘅龍點心，非常推薦俾大家想聚會一邊傾計，一邊食啲輕食啊～ 見到必食推介有燒賣狂想曲限時嘅新品——尋龍記燒賣拼盤，當然要試試喇～ 嘩！每一粒燒賣都有唔同口味，而且粒粒都好好味：香辣雞軟骨、滷水鵪鶉蛋、金蠔髮菜、油雞樅菌黑毛豬、十年陳皮牛肉、黃椒醬龍利魚，真係好有創意呀～ 必食推介仲有：一龍大滿足，裡面有：蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃皇、碗豆桃子、鹹蛋黃墨魚燒賣。個人至愛酸菜魚，超正！ 男朋友再叫咗一份鳳爪排骨飯，淋上甜豉油嘅飯好香好好味，鳳爪同排骨都醃得好夠味！ 最後仲叫咗兩份甜品，分別係拉絲菠蘿包同埋荷花酥。菠蘿包配上拉絲嘅芝士，鹹香好味。 另外荷花酥係我至愛嘅蓮蓉餡，配鬆脆嘅千層酥，口味一流，超滿足！

🔸蜘蛛 $96 🔸龍卷風 $72 🔸龍卷風沙律 $78 🔸古今日式煎餃 $56 🔸宮崎味鹽牛舌串 $32 🔸鹿兒島黑豚荔枝卷串燒 $32 - Lunch同男朋友撐枱腳，嚟到觀塘工業中心嘅日式居酒屋，呢間居酒屋有好多新式創意嘅卷物，有創意得來又好好味。 揀咗兩款特色卷物，蜘蛛係炸軟殼蟹、牛油果、加蟹柳；而龍捲風就有海老、芝士，兩款都好好有創意，好好味。 再叫咗一盒龍捲風沙律，堆到成座山咁高嘅蟹柳絲，同生菜等配料撈埋一齊食，又新鮮又健康。 另外在叫咗一份日式煎餃，煎得剛剛好，皮薄餡靚。 仲有兩串串燒，男朋友最鍾意嘅牛舌，同埋食落好fresh嘅黑豚肉荔枝卷，都係燒得火候啱啱好，好滿足。

🔸籐香雞 $66 🔸霸王蝦球 $138 🔸招牌香鍋 $264 - 收工約咗細妹去旺角行街，喺朗豪坊附近發現到呢間食川菜嘅餐廳，就決定入去試一試。 叫咗一份籐香雞，係冷盤嚟，雞件肉質嫩滑，有籐椒嘅香氣，越食越想食。 跟住叫咗一份霸王蝦球，一上枱嘅時候嚇親我哋，因為有一大盤都係乾辣椒，但係食落又唔算好辣，而蝦頭非常大隻食落彈牙。 再叫咗一份招牌香鍋，配料可以自行選擇，我哋揀咗新鮮鮑魚，有四大隻新鮮又彈牙嘅鮑魚、有烤過嘅豬頸肉、辣炒嘅雞件、墨魚餅、仲有超高質嘅鯛魚片。成個香鍋嘅配料非常豐富，加埋醬汁都好惹味，配兩個白飯超送飯，食到停唔到口。

🔸炸鹽酥雞 $48 🔸紅燒豬腳拌麵 $60 🔸起司肉鬆蛋捲餅 $40 🔸牛三寶麵轉新竹米粉 $85 🔸凍黑糖珍珠鮮奶 $34 🔸愛玉凍 $30 - 好耐冇食台灣嘢，所以今日收工就同男朋友去呢間工廈食日月堂，係之前食過覺得好好味。 我都係例牌叫咗牛三寶麵，最鍾意佢可以轉新竹米粉，超掛湯好好味。 仲有牛腱、牛肋條同牛筋超足料，湯頭都好鮮甜。 男朋友就叫咗紅燒豬腳拌麵，豬腳好入味好腍。 蛋餅係必叫的，你是肉鬆呢個配搭冇得輸。 另外再叫咗一份鹽酥雞，即叫即炸好酥脆。 叫咗一份台式甜品，愛玉食完透心涼。 飲埋杯凍黑糖珍珠鮮奶就非常之滿足。

🔸招牌手打檸檬茶 $28 🔸青瓜檸檬茶 $32 - 放假約埋朋友仔出尖沙咀行吓街，行到去海傍見到新開咗依間 #林香檸 ，係近期大熱手打檸檬茶，即刻整杯飲吓～ 朋友揀咗招牌手打檸檬茶，話飲到好香紅茶味，而且係用新鮮檸檬爆打而成，所以飲落仲會有檸檬嘅果肉，好新鮮好正～而我就揀咗青瓜檸檬茶，用新鮮青瓜絲加檸檬打成，飲落超級fresh，有種清新嘅感覺，我好鍾意呢！難怪近期會咁hit，行街都見到人手一杯，果然係幾正喎！

- 🔸海鮮辣豆腐湯 $85 🔸鐵板烤雞肉蓋飯 $89 🔸鐵板烤醬醃牛肋骨 $168 - 收工去尖沙咀行街，突然想食韓國嘢，就去咗韓國街，見到依間南大門3號門口有位親切嘅韓國叔叔招呼，就試一試。 叫咗兩份鐵板加一個湯，落完單就有三款小菜。 鐵板雞肉少少辣，連埋洋蔥、大蔥同椰菜等一齊炒，好好餸飯～ 牛肋骨係薄切嘅，用咗韓國嘅麻油所以好香，肉質醃得好鬆軟唔會老。 最後嘅辣豆腐湯都好豐富，有魷魚、蜆等海鮮同豆腐、蛋，食完成個人暖笠笠☺️

🔸椒鹽雞軟骨 $38 🔸招牌蝦頭油炒飯 $78 🔸秘制沙嗲牛肉雙燶邊蘭王蛋飯 $78 - 2023年最後一個返工日，收咗工之後同男朋友去左呢間炒飯專門店，好麻甩但係又好好味。 叫咗一份招牌蝦頭油炒飯，一上枱簡直嘩一聲，金黃色嘅炒飯嘅面頭鋪上咗一層滿滿嘅蝦米，同埋上枱就聞到好香嘅蝦味，食落原來中間仲有啲蠔仔，好驚喜。 第二份叫咗沙嗲牛肉炒飯，配兩隻燶邊蘭王煎蛋，半生熟深紅色嘅蛋黃超吸引，沙嗲牛配炒飯又係超好味，係男朋友嘅最愛。 炒飯加配$38就可以加一款小食，我哋加咗椒鹽雞軟骨，超香好有風味。

🔸炸鯪魚球 $45 🔸潮州煎蠔餅 $45 🔸潮州菜脯煎蛋 $45 🔸潮州蠔仔泡粥 $35 - 放假帶媽媽出街食飯，嚟到黃大仙附近，見到呢間潮州菜好似好抵食，身為潮州人嘅我哋，梗係要入去試一試佢。 叫咗好幾款潮州嘅特色菜，炸鯪魚球好大粒，叫咗細份都有六粒好抵食，粒粒都實心唔係麵粉嚟，加埋店家嘅特色蜆介醬汁，超好味。 菜脯煎蛋同埋煎蠔餅都係潮州必食，兩款都煎得脆皮，然後又好足料，煎蠔餅每一啖都食到蠔，菜脯煎蛋又夠鹹香。 最後嘅蠔仔泡粥都超級推介，蠔仔粒粒都好肥美，成碗粥食落非常鮮甜，媽媽都好鍾意。

🔸吉列蠔 🔸司華力腸 $12 🔸牛舌芯拼牛舌尖&大虎蝦 $98 🔸大啡菇拼牛舌芯拼牛舌尖 $98 - 收工帶好鍾意食牛舌嘅男朋友嚟食舌丼，係觀塘駱駝漆新開嘅牛舌專門店，俾個驚喜佢💖 叫咗兩份鐵板套餐，都係牛舌芯拼牛舌尖，又估唔到一條牛脷仲可以分到四個不同嘅部位出嚟，仲有唔同嘅口感。 一上枱見到份量真係好多，每片牛舌都極厚肉，咬落超有口感，而且火喉剛好唔好老嚡。開邊大虎蝦亦好大隻，肉質爽彈。 另外叫咗小食吉列蠔同司華力腸，即叫即炸非常新鮮。 套餐包晒沙律、餐湯、飯、漬物同飲品，超級飽足٩(˃̶͈̀௰˂̶͈́)و