金飯館

營業中

休息中

門口有張好sharp可愛貼紙，出面啲相睇落好吸引，於是入去試下。用手機落單，可以電子支付，感覺係比較年輕嘅茶記。椒鹽豬扒飯 $78同其他茶記一樣，份量好多。飯底係炒飯，無白飯咁dry,炒飯金黃色好吸引，飯粒炒到粒粒分明，椒鹽豬扒味道好濃，好惹味，豬扒用左較多脂肪位置，肉質軟腍。祕制沙爹牛肉雙燶邊蘭王蛋飯 $78同樣係炒飯，煎蛋燶邊好香脆唔會太燶，一面係半熟，底就煎到好脆，用蘭王蛋撈飯好正，蛋黃味更突出。沙爹汁好香，牛肉腍滑。金飯仔沙爹三寶 $48細細碟但就有好多野食，豬皮吸曬d汁好入味，牛柏葉同魷魚口感爽彈。