之前成日搭火車經過大埔都見到白鷺湖餐廳😚呢日週末去到食Brunch，係大埔港鐵站附近有Shuttle Bus去到，大約10mins就到，其實都幾方便😝餐廳環境舒適，而且店員服務殷勤，好適合同朋友黎Chill一下～❤ Brunch包括田園沙律同餐湯以及主菜☺亦可以加$15要特選茶飲/汽水或者加$30選擇咖啡☕ 💫 自家製牛肉漢堡·煙肉·薯條 $188 店員會細心詢問是否需要Share，如果係，上菜既時候會預先幫忙將漢堡分成兩份🍔漢堡麵包烤過後好酥脆，帶點牛油香；自家製牛肉漢堡扒好厚身，質地厚實重牛味😋配搭蕃茄片、芝士片、煙肉等好豐富。即炸薯條🍟亦好香口 💫 美國安格斯肉眼扒(220g)·椰菜絲沙律·太陽蛋 $258 呢款有驚喜到！😋肉眼扒上放上流心太陽蛋🍳，肉質軟嫩到十分輕易就能切開😍入口超細嫩、而且好有肉汁。簡單用海鹽已能提味😗

銅鑼灣永光中心有唔少食肆進駐😆，今次就去左主打燒鳥既炭火地雞食串燒，一樣有驚喜😛 💫 雞柳 (芝士/芥末) $28 以雞柳肉包住芝士／芥末，芥未口味辛辣過癮、芝士則烤至微溶、一咬爆漿🧀 💫 免治雞肉棒 $38 每次都一定會點既免治雞肉棒！雞肉棒啖啖肉、質地軟嫩；配搭蛋漿口感更滑溜🥚 💫 熟成雞腿肉 $38 厚厚肉感，一咬就係脆皮外層×爆汁雞肉既組合😋 💫 鹽燒黑毛和牛牛小排 $58 和牛牛小排以青椒相間，可以減輕膩感。牛小排肉香濃郁，而且質地柔軟😛好多肉汁 💫 牛油果卷 $32 以燒至焦脆既豚肉片包住綿滑既牛油果，上面再加有紫菜等，味道豐富 💫 雞胸軟骨 $28 彈牙既雞胸軟骨上面灑上七味粉😝香辣爽口 💫 炭燒白鱔 $58 白鱔肉質厚實幼嫩，外層燒至好香口 💫 濃香雞湯素麵 $48 雞湯味道濃香唔油膩，幼身既素麵好掛湯😄配搭嫩滑既雞蛋 💫 焦糖蕃薯配雪糕 $58 甜品揀左焦糖蕃薯超級正！🍠面層係厚厚既焦糖脆皮，裏面既蕃薯本身已經夠甜，而且質地好綿密～配搭雲呢拿雪糕一冷一熱，香甜好味！😚

銅鑼灣呢間居酒屋裝飾得幾有氣氛，有多種日式小食、串燒、炸物同酒品等，可以黎一轉日本偽旅行😚 💫 炸雞軟骨 $48 炸雞軟骨好香口，卜卜既口感～ 💫 軟殼蟹牛油果壽司卷 $128 鬆脆既軟殼蟹🦀配上軟滑牛油果，有齊兩種口感😛 💫 日本產霜降A4和牛壽喜燒 $278 (追加日本鮮雞蛋&白飯 $26) 霜降A4和牛油脂分佈均勻😚入口好嫩滑；配搭大量蔬菜包括豆腐、大蔥、紅蘿蔔、菇等，醬油味道濃香 💫 豚肉燒肉盛合 (3種) $128 三種豚肉串燒包括厚切豚肉長蔥串、豚肉車厘茄卷串、豚肉鵪鶉蛋卷串🐷厚切豚肉滿滿肉感、車厘茄一咬爆汁、鵪鶉蛋卷串外脆內軟。 💫 Tiffany Sour $78 💫 生日甜品: 自家製草莓大福 $38 生日甜品造型幾靚🥳軟綿綿既糯米皮×綿密豆沙×香甜多汁既士多啤梨🍓配上雲呢拿雪糕，日系氛圍滿滿 ＊生日甜品需於訂座時預訂

提起牛之鍋就一定唔少得講佢地既自家製甜品😍比一般放題選擇更多！邊爐＋甜品放題一Take過！ 💫 日本料理·火鍋·甜品 套餐B $278 🎉 期間限定可以任點原隻鮑魚同帶子🤤 套餐包括刺身任食；一般刺身包括三文魚、帶子、八爪魚、甜蝦、赤貝至泰式生蝦等都有提供 壽司有花之戀🌹、火炙芝士蝦壽司、芒果吉列蝦卷🦐、海膽魷魚軍艦、明太子龍蝦軍艦等 沙律有日式既蟹子沙律、仲有泰式鳳爪沙律、麻辣涼拌魚皮同海蜇沙律～一人份細細碟，可以試多幾款🤣 肉類encore左美國極上牛肉同澳洲牛肩胛肉眼🐮；仲有草飼牛舌、澳洲羊肩肉同五香雞件🐥等，其餘火鍋配料eg. 流心芝士丸、生猛海蝦🦐、台灣鴨血、鵝腸、韓國蠔肉🦪、八爪墨魚滑、芝士波波腸🧀、大白蜆等同樣可以經QR code落單；而蔬菜則係出面既自助區 另外，熟食仲有唔少炸物，包括芝麻雞翼、酥炸廣島蠔、雞皮餃子、日式章魚燒、燒一口台灣腸、燒馬步魚乾等 到最後！就係一定要留肚食既甜品😉呢度既榴槤系列有榴槤班㦸、榴槤甘露、榴槤芭菲！仲有宇治抹茶芭菲🍵、焦糖燉蛋、咖啡奶凍☕、楊枝甘露、芝麻湯圓、台式仙草麻糬、軟雪糕窩夫...🥰😍真係要多個甜品胃先夠裝～ 🌟 價錢資料 🌟 套餐B 特價時段 1930前離座／2100後入座 成人 $258 長者 $218 小童 $158 正價時段 成人 $278 長者 $238 小童 $178

柞木炭家最近推出春日餐單，以熱石燒烤，使熱力可以平均傳遞，保留肉汁鮮味 🌸春之石海鮮盛饌 $1088(兩位用) 一開始會提供五款前菜，包括醬薯仔、涼拌菠菜拼芽菜、泡菜、蘿蔔片等，加$40就可以無限refill😛 💫 前菜－ 海膽豆腐 海膽豆腐海膽味道突出帶鮮味，口感好滑溜，配搭紫菜同青瓜條一齊食有多重口感😁 💫 柞木壽喜燒和牛 和牛片油脂平均分佈，薄片輕輕一燒就夠，食落勁柔軟又多汁，可以包圓碌碌既飯團粒同沾蛋汁🥚一齊食 💫 牛小排拼醬油五花肉 牛小排好軟嫩、牛味突出；五花肉肥瘦相間，燒至外層香脆、內層充滿肉汁😋 💫 熱石海鮮拼盤 (鮑魚、貴妃蚌、沙白、扇貝) 由店員幫忙燒烤，店員會細心講解每個步驟👍以熱石燒烤可以保留海鮮既水份，唔會燒到好乾柴！😝扇貝大大粒，而且好鮮甜🥰～鮑魚亦厚肉彈牙，亦可以點辣醬提味，唔點都夠鮮味。貴妃蚌一樣彈牙可口，仲有沙白都爆汁 💫 主食 - 嚴選赤身蝦肉石燒飯/人蔘雞湯 揀左人蔘雞湯，原來選用烏雞製作，加入紅棗、栗子等，養生之選 💫 甜品 - 雞蛋布丁&燒焦糖香蕉 雞蛋布丁口感實在富蛋香，而且好嫩滑🍮燒焦糖香蕉外層焦甜香脆、香蕉味道亦香甜 💫 菠蘿柚子沙冰 / 藍海洋沙冰 +$20

隱藏於尖沙咀瑞生酒店既The Pearl係間型格酒吧餐廳，暗黑工業風設計超有格調😝呢日黎食晚餐覺得無論環境、服務同食品都好好，岩哂同朋友Chill返晚吖❤ 💫 秘魯吞拿魚伴蕃茄莎莎配香烤鱈魚脆片及黑醋汁 $68 香烤鱈魚脆片鮮味香脆、上面放滿吞拿魚同蕃茄莎莎粒粒，味道清爽🍅 💫 蒜片橄欖油封大蝦配佛卡夏多士 $88 熱辣辣既大蝦充滿蒜香🦐，而且幾彈牙；以烘過既多士沾橄欖油同食 💫 慢煮西班牙黑毛豬鞍架 $188 慢煮豬鞍架肉質細緻軟腍，唔會好肥膩，而且滿滿肉汁～😋配搭酸甜蘋果醬🍎味道清新開胃 💫 和風原隻璣煮鮑魚配野菌意大利飯 $288 醬油既甜味完全包裹住意大利飯😋；意大利飯粒粒分明有嚼勁。而且裏面仲有Juicy爽甜既菇粒🍄，鮮甜美味😍重點既璣煮鮑魚超超超大隻！口感軟腍但仍保留鮑魚彈牙質感、同時亦夠鮮味！ 💫 Rosy Romance 玫瑰花茶配搭蜜糖同蘋果汁，味道較light🌹 💫 First Crush 主調係青瓜，混合菠蘿汁味道清爽

荃灣大鴻輝既滿屋改名做御滿屋，放題選擇更加升級！😚今次揀左77品既Set A，一樣食到好滿足😂 💫 經典三重新鮮刺身江洋盛宴 (77品) $258 [星期一至五 早割530pm時段] 自助區有各式沙律前菜、仲有少量炸物同熟食選擇～其餘食品就要Scan QR code落單啦😀 一開始當然要點刺身啦！大大片厚身既挪威三文魚😛酸辣既御·泰之味鮑魚😆阿根廷赤蝦、赤貝、帶子刺身、泰式生蝦、角螺刺身等，選擇多樣🤭 呢度既壽司選擇同樣都多🤩除左傳統口味壽司，仲有創意組合😋芝士飛魚子車海老壽司、蜜柑真鯛壽司、龍蝦膏赤蝦壽司、特濃芝士燒醬牛肉壽司、火炙醬燒蠔壽司、龍蝦三色塔、芝士咖喱肉醬玉子壽司、榴槤加州卷等；唔少得食返個海膽手卷，細細件夠滋味🤤 有串燒亦有燒物，必食燒紐西蘭羊鞍😍好嫩好香好多肉汁！😁仲有西京比目魚、蒜蓉燒生蠔等😝鐵板系列有薑蔥炒花蟹、麻辣小龍蝦；仲有中式既竹笙瑤柱蟹肉羮😛 一品料理適合2～3人Share，有瑤柱海皇粥、古法羊腩煲、雪花蠔鍋、日式蠔鍋等🥘愛牛一族就可以試下美國薄燒牛肉同鐵板紐西蘭西冷牛扒🐮其餘料理包括御品鮑汁燴花膠、萵荀炒蝦球🦐等～ 仲有炸物同天婦羅，餐廳都係即點即炸，所以Keep到熱度～夠香口！ 一定要留肚食雪糕！！佢地呢度有超多款雪糕雪條選擇☺有Movenpick同哈根大師雪糕杯s，仲有甜筒、日本黃豆粉黑蜜雪條、Melona雪條仲有雪米糍、黑金剛等，款款都想食🤭甜品區除左杯裝甜品，仲有較少見既抹茶千層蛋糕、大大個既泡芙、蜂蜜蛋糕等，亦可以自己吱3.7牛奶雪糕/抹茶雪糕再加麻糬等配料，岩哂甜品控😝 飲品方面，除左一般罐裝飲品，連啤酒都有多款牌子選擇；亦有清酒梅酒任飲；而且水吧仲會沖調特飲，好似紫貝天葵白桃梳打等😙望落幾靚的～ 以300蚊內價錢黎講，食品選擇同質素都唔錯，性價比是高的😛😛

最近朋友生日想打邊爐，K諗起好耐之前去過間高質精品火鍋Canton Pot，佢地係Nina Hospitality集團旗下，質素有保證☺仲見到佢地呢排做緊廣東流行音樂主題😍定期有主題之夜，好有玩味！加埋有卡啦OK既貴賓房，即刻Book左同fd一齊去！ 💫 海鮮盛宴鍋物套餐 $1280 佢地有五款鍋物套餐，包括海鮮盛宴鍋物套餐🦐、牛魔皇鍋物套餐🐮、無肉不歡鍋物套餐🐷、有營之選鍋物套餐🌽同田園菜鍋鍋物套餐🥬套餐包括12種醬料任添🤭特色醬汁包括麻辣醬、廖孖記腐乳、自家製沙嗲醬等💯 🌟 湯底係椰青花甲雞湯，湯底內含大量花甲、椰子仲有原隻雞，一打開蓋係滿滿既椰子香氣🥥飲左啖勁鮮甜！！勁正！🥰 🌟 套餐內容包括阿根廷紅蝦刺身、青衣魚柳、海中蝦、新鮮鮑魚仔、愛爾蘭蟶子皇、大西洋帶子、珊瑚蚌、桂花蚌、墨魚仔、美國手切牛小排、鹿兒島純種黑豚、蟹籽海皇餃、手打鮮蝦丸、陳皮鯪魚丸、稻庭烏冬同田園菜盤🤗愛好海鮮既人一定勁滿足！😍 🌟 大大隻既蟶子皇爽口彈牙👍！鮑魚仔夠鮮味🤭～青衣魚柳肉質結實，淥完都唔易散開、入口則十分細嫩😆墨魚仔一樣彈牙鮮美！蟹籽海皇餃內餡係蟹籽×蝦膠🦀好飽滿 💫 K另外仲點左啲火鍋配料，包括佢地招牌手工餃系列既澳洲M5和牛芝士餃同竹笙菠菜野菌餃😚竹笙菠菜野菌餃內含滿滿既野菌粒，味道勁香🤩美國牛頸脊牛味重而且肉質好細緻😋鍋巴先放係碗入面，再淋湯先食～😝索左湯後有齊雙重口感！ 💫 餐廳環境舒適，好適合同朋友聚會、邊聽住歌邊嘆高質火鍋👍

係太子一角有間以貓頭鷹做主題既餐廳☺周圍放滿貓頭鷹擺設，好可愛😝餐廳晚餐提供單點同套餐選擇，今次揀左Dinner Set，仲加左個小食添吖😛 Dinner Set會包括沙律、餐湯、主菜同飲品😗餐湯呢日係甘荀湯，好Creamy🥰沙律係青蘋果紅菜頭沙律，味道酸甜開胃，加埋黑醋汁好清爽～ 💫自家製辣蕃茄汁配青紅尖椒車里茄意大利飯 $168 意大利飯粒粒分明有咬口，完全比辣蕃茄汁🍅包裹住，味道香辣過癮😆而且配料都足料 💫 燒紐西蘭特級西冷扒8oz配自家製南瓜蓉 $228 西冷扒烤至外脆內嫩，而且幾Juicy🤭自家製南瓜蓉好綿密香甜，配牛扒同食可以減輕膩感😆 💫 黑啤酒漿脆炸洋蔥圈4件 $58 (主餐牌內小食減$12) 另外再加左個小食，即炸洋蔥圈都好香口呢～😛 💫 心太軟 餐廳仲同小店聯乘推出心太軟🍫，最愛切開果下啲朱古力漿湧出黎既感覺😝外脆內爆漿，好完滿😙

荃灣呢間泰式餐廳推出邊爐放題😝唔單止有各款泰式湯底可以揀，仲有泰式前菜、小食仲有特飲同甜品都可以任飲任食！😍質素仲唔錯添！ 💫 Set B - 雞煲＋牛板腱火鍋放題 90mins $238 120mins $278 入座時先自選湯底，各款泰式湯底包括冬陰功湯底、沙嗲湯底、椰汁雞湯底、泰式清湯底同芫荽皮蛋湯底🥘想試多款既可以揀鴛鴦鍋，都唔使額外加錢😛K就揀左椰汁雞湯×芫荽皮蛋湯😝椰汁雞湯帶淡淡椰香同香茅香味，唔使點醬都好味！ 肉類方面，一開始會上齊幾款肉，包括🐮精選牛板腱、澳洲250日榖飼卡樂Beef、🐷西班牙栗心豚肉片、牛胸爽同🐥酒嫩雞件～精選牛板腱肉質細緻；卡樂Beef脂肪同肉相間，牛味好重！牛胸爽就夠哂爽口彈牙～而酒嫩雞件就散發出陣陣酒香👍都幾好味！全部都可以再點～ 自助區有三款泰式沙律，包括青木瓜沙律、泰式鳳爪沙律同肉碎粉絲沙律，味道酸辣惹味🌶炸物包括炸雞翼、雞卷、春卷等；亦可以落單點熟食，必食沙嗲串燒！！仲有燒豬頸肉、泰式豬手、薄餅、炸魚餅、炸丸等！點完都好快就上枱。另外，邊爐配料包括各式丸類同蔬菜類都可以係出面自助區拎😉仲有少量配料，好似蝦滑同餃子之類先可以用QR code落單 甜品區有各款泰式甜品，味道仲幾有質素🤪！最愛綠色既椰汁千層糕，煙煙韌韌滿滿椰汁香味！仲有奶茶千層糕、茶味椰汁凍、椰汁西米糕、芝士蛋糕添吖～🥰另外仲有Melona雪條任食😄 特飲方面都有好多選擇，好似泰式奶茶、蜂蜜蘆薈綠茶、椰島雪香、乳酸梳打等，仲有盲盒！即係由水吧隨機沖調🤭好得意