台灣菜有好多種，今次呢間台灣菜都滿足左我哋好多對台灣菜既想法，不旦有台式火鍋、台式小食、蛋餅仲有肉燥飯台式麵！ 位置都容易搵既，附近都係一條食街，選擇都多，不過遇見花蓮相對裝修比較明亮，店舖也比較大點，坐得比較舒服。 餐點方面，我哋簡左台式香濃沙茶鍋，入面有娃娃菜、牛肉片、米血糕、牛丸、粟米、金菇……食材豐富新鮮，店員服務好好，當我哋煮煮下想熄細少少，但熄錯左個火，店員都好快好積極幫我們解決，讚！鍋底沙茶醬味香濃，加埋吸味既薯粉，滋味加倍！米血糕我比較少食到，浸落沙茶湯底吸左啲味道之餘又吾會散開，感覺吾錯！ 我哋仲簡左個薑蔥慢煮豬軟骨飯，薑蓉同蔥花比得毫不手軟，我鍾意呢種配搭，加埋啲咸菜一齊食，吾夠咸菜檯面仲有一樽可以加黎撈飯，相對黎講如果有多少少汁撈飯會更好味😋豬軟骨軟淋可口，帶點醬油既味道，味道適中，份量感人！ 花蓮小食拼盤，即使我未去過花蓮，今次都試到花蓮既口味了！花蓮口味相對比較辣口，小食拼盤比較適合食得辣既朋友仔！我覺得整體口味都吾錯，滷水大腸入味可口，鹽酥雞香脆大件，雞卷大件酒味香濃，牛肚滷味入味好入口，臭豆腐相對係比較香辣可口，黑色的臭豆腐更有特色，脆魚塊香脆，滷蛋味道超讚！溏心質地又滷得入曬味，吾錯！ 飲品方面我哋叫左芋泥芋香奶茶，夜市鳳梨水果茶，芋泥芋香奶茶就係飲開既芋香奶茶加上芋泥，芋味加倍！夜市鳳梨水果茶有新鮮水果茶既口味，吾會太甜太膩，飲落清爽！ 整體感覺，性價比都吾錯，食物質量都吾錯，服務態度好好，份量也不錯👍可以再黎試吓其他食物同飲品😋

第一次黎呢間餐廳，門口有少少難搵，係工業區搵到好食既西餐廳，都吾係一件容易既事，呢間餐廳真係有少少隱世feel，開係新蒲崗既既工廠大廈樓下，閒日夜晚都坐到7成滿可見係有返甘上下水準既！ 雞胸肉蜜糖沙律 雞胸肉食落吾算好乾身，份量十足，係健康既味道，沙律新鮮加埋醋一齊食，酸酸地又開胃，加埋少少杏仁片，食落風味更佳。 香甜士多啤梨法式吐司 法式吐司香脆可口，吐司表面塗上了蜜糖，香甜可口，士多啤梨稍微略酸甜，食落去係新鮮嘅味道，加埋雪糕同埋士多啤梨醬一齊食，士多啤梨風味更佳，吐司嘅味道更加豐富。 慢煮牛面肉迷你紅蘿蔔意大利飯 呢個賣相好好👍，食落同賣相成正比，值得推薦，味道好好味，個意大利飯都包裹著滿滿既奶油醬汁，食落咸淡適中，奶油味道香濃，份量感人。慢煮牛面肉肉質鮮嫩可口多汁，肉的份量都比得好足，性價比十足。 飲品方面，我哋揀咗抹茶鮮奶同埋檸檬茶，抹茶牛奶嘅抹茶味香濃，加埋上面嘅奶泡，味道唔錯，甜度適中。 整體感覺性價比都高，喺新蒲崗呢個地方，有唔少小店林立，的確係一個搵好嘢食嘅地方，有各種唔同種類嘅美食，隱世小店，打卡嘅地方。最緊要係賣相同埋味道係成正比，好味嘅餐點會令我在想嚟試吓其他食物，環境嘅幽靜，好適合嘆番杯咖啡，享受下時間！

放工試下係灣仔夜繽紛一下，搵下晚餐有咩好食，呢間鋪係利東街隔離，隔離幾間都係食肆，得呢間係賣緊台灣菜。好耐未去過台灣所以同朋友一齊食返餐台灣菜先，價錢相宜又吸引，以為佢得一層座位，原來有二樓，座位數量都幾多下，吾洗排好耐都可以坐低點餐。 點餐方式係自己畫餐紙，餐紙上有好多款式都有圖片作參考，可以睇住圖諗下食咩。第一次黎要試下招牌菜，我就叫左個塔香鹽酥雞飯加15蚊轉手工滷肉飯。 放工試下係灣仔夜繽紛一下，搵下晚餐有咩好食，呢間鋪係利東街隔離，隔離幾間都係食肆，得呢間係賣緊台灣菜。好耐未去過台灣所以同朋友一齊食返餐台灣菜先，價錢相宜又吸引，以為佢得一層座位，原來有二樓，座位數量都幾多下，吾洗排好耐都可以坐低點餐。 點餐方式係自己畫餐紙，餐紙上有好多款式都有圖片作參考，可以睇住圖諗下食咩。第一次黎要試下招牌菜，我就叫左個塔香鹽酥雞飯加15蚊轉手工滷肉飯。 塔香鹽酥雞 加手工滷肉飯 上檯時雞件勁熱，睇黎就係即叫即炸即上檯，份量吾錯，炸得香脆可口，肉汁豐富，吾會乾柴，我食埋個炸九層塔，香得黎又帶啲油香味！手工滷肉飯的確睇得出係手工出品，滷肉感覺就係人手切的大大粒，吾會切到碎曬變左肉碎飯，滷香味香濃，配埋粒粒分明既飯一齊食，滋味更好！ 酒香花雕麻油雞麵 朋友叫左個酒香花雕麻油雞麵，上檯果下就聞到酒香味，食落花雕酒味道吾錯，雞件份量都吾錯，仲有啲紅棗蟲草花。食落養生又養心，麵質係幼身既，相對比較掛湯，食落整體感覺吾錯！ 黃金脆香雞卷 我哋仲叫多咗個小食一齊share，又係炸物類黃金脆香雞卷，上枱嘅時候脆卜卜，食落去香脆又有肉汁，睇得出係雞肉卷埋，唔係唔係雞肉碎捲埋一齊。味道唔錯，肉質紮實。 整體感覺晚餐，價錢相宜，份量十足，下次可以試埋佢哋嘅飲品，飲品跟餐減$8，的確都好吸引！$20左右就有一杯台式飲品！ 嘢食份量足，所以我哋食咗一個餐點同手小食都已經都好飽下☺️下次想試吓其他嘢仲有好多台式小食未食過！！

行開donki 就會去澳南呢邊食埋飯先，今次簡呢間係因為係出面睇個氛圍好好，感覺氣氛吾錯！菜品都係東南亞多國菜，價錢吾算好貴，店員都係外國人比較多，熱情既招待，感覺有種出咗去旅行既感覺！ 我哋今次叫既食物份量都比較多，滿足返我哋想食好嘢既心情☺️☺️ 泰式椰菜苗 佢係最快上我哋檯既菜式，色澤賣相都好油亮，吸引食慾，果然係招牌菜！椰菜苗相對爽口啲，食落味道好味，吾會太濃味，份量又好滿足，岩曬依家想食多啲菜既我哋。 泰式蟹肉炒飯 同樣係招牌之一既泰式蟹肉炒飯同樣出色，蟹肉份量多又大塊！滿足度120%！啖啖都係蟹肉，蟹肉味道又鮮味十足！讚！炒飯粒粒分明，鑊氣十足，同樣份量感人！加埋清爽味蕾既青瓜條，份量毫不手軟☺️☺️ 泰式蟹餅 泰式蟹餅同樣份量感人，吾好睇佢得四粒，佢係四大粒，粒粒都有拳頭👊甘大粒！（女仔既拳頭）啖啖都係蟹肉，炸的又香脆可口，一上檯就食得出佢既新鮮出爐既程度！熱辣辣又脆卜卜！讚！ 紅咖哩檳榔葉燒牛肉 圖片同實物一樣，燒牛肉份量多，牛肉件件都切的厚厚一片，味道吾錯，相對有咬口，份量依舊感人，咖哩味道吾錯，本來以為上面白色醬汁似芝士，食落係奶油，配埋奶油食感覺更不同。吾錯！ 酥油薄餅 我哋仲叫左個酥油薄餅配咖哩一齊食，油香味十足，餅既份量都好值，一層一層可以分開，皮薄香脆！ 飲品方面，我哋叫咗兩杯泰國特色嘅飲品，分別係泰式珍珠綠茶，同玫瑰椰奶，兩杯飲品賣相都好好，飲落味道都唔錯，味道偏甜少少，下次可以叫返少啲甜，應該風味會更好！

聽朋友講呢間米線好食，所以又要黎試一試究竟先！ 同朋友一齊share食兩個吾同味既米線，一次過食曬兩個滋味🤤🤤店員姐姐好好人比左兩個碗仔我哋share,讚！ 我地叫左招牌花膠雞米線同胡椒豬肚雞米線，上檯果下店員姐姐仲上埋個爐一齊滾下滾下黎食，冬天食就好暖心啦！夏天食都吾錯，熱辣辣上檯食物係會更好味！ 招牌花膠雞米線 我首先飲一飲佢個湯先，個湯係驚艷既，估唔到都好好飲，清得黎又好鮮味，夾埋米線一齊食，滋味加倍！雞件軟滑好入口，花膠都可以，鮮味既，一路滾滾下成個花膠雞米線真係好味得黎又香噴噴！ 胡椒豬肚雞米線 呢個湯底會比招牌款底多了一重胡椒味，比較貼心既係吾會食到成口都胡椒粒，食左暖身又暖胃，豬肚軟身好入口， 雞件同樣軟滑好入口，加埋爽口既木耳同蟲草花，滋味又吾同左！總之都係好好味，米線相對較軟滑好入口，掛湯程度吾錯！ 總而言之，米線份量好足料！人均60幾數價錢食到勁飽足！湯又好飲，雞件又足料！味道又唔錯👍店員服務態度好好，雖然佢哋都好忙，但係都會顧及到客人既需要！大讚！

今次呢間拉麵店係同事推薦既，同事一個人發掘左呢間都幾隱世既拉麵小店，佢推薦雞白湯拉麵，仲講到必試拉麵之一！講到甘好食，引起左我既興趣，於是我收工拉左個朋友陪我去試試。🤩🤩 店舖位置有少少難搵，係大街後面既小巷，店面充滿了日式風格，一睇就知道係日式餐廳。店員姐姐都係外國人，落單同溝通用簡單英文就ok了，店員姐姐仲好熱情介紹佢哋既招牌菜，仲推薦我哋食煎餃子同邊款雞白湯拉麵，我最後簡左最豪華既-特盛雞白湯拉麵，睇相覺得好靚好多材料，上到檯的確賣相靚得黎，香味都好吸引！炸蓮藕炸到好似薯片一樣甘香脆！如果佢出個炸蓮藕小食，應該會吸引人再encore ！麵底有兩款可以簡，我今次簡左個捲曲麵，捲曲麵有少少蛋味，有啲偏鹼水麵質，掛湯能力還可以。湯底白雪雪，飲啖覺得好好味，比起豚骨拉麵既油脂味會少一點，多一啲清爽，雞件超大件，份量毫不手軟，雞件吾柴口，食落有少少黑胡椒調味，淡口同時又帶一點刺激，軟滑雞件係保留左雞既肉質既口感。豪華版本的確食得幾過癮！ 煎餃子皮薄餡靚，煎得香脆又熱辣辣，吾錯吾錯！檯上有自助既檸檬水飲落清清地，可以減少口中既味道，食完拉麵飲返杯水都吾錯！講起拉麵店不得不提佢哋既辣芽菜，睇落佢哋既辣芽菜吾係好紅，仲以為吾係好辣，點知佢比想像中仲辣！鍾意食辣既朋友先好試！吾係可能會辣親🫣 總結黎講，的確吾錯，服務好好，店員姐姐又熱情，雖然位置不在大街旁邊，但係卻有在小巷餐廳既小店情懷，服務質素之好，真係值得大讚！加上拉麵做的好好，味道好，令人難以忘懷，我一定會再黎食過的！下次要同返推薦果位同事黎幫襯！

間唔中都會去食下拉麵，係香港食日式拉麵雖然貴啲但係都可以解下拉麵癮😆😆一虎拉麵真係第一次幫襯，鋪頭吾算好大，但坐位ok寬敞，夜晚7點多到達都要排下隊先入到去，人流動都算快，所以吾洗等好耐都入到去了。 款式方面我覺得都算幾多，因為通常都係幾款，一虎有豪華版既拉麵選擇，我覺得呢個選項吾錯，岩曬想食多啲既人，又吾洗逐樣單品加上去！ 我今次比佢哋個海老虎吸引左，上到檯既賣相同張相吾一樣喎！😂勁多櫻花蝦囉！第一次見實物仲靚過張相既拉麵😂😂叉燒肉肥瘦適中，食落有油香又吾柴。海老虎本身無溏心蛋，$10加左一隻試吓。溏心蛋都整得吾錯，咸淡適中,蛋既溏心感覺好正😊海老虎湯底濃郁好味，麵底麵軟硬適中，鍾意軟一點的可以簡，鍾意硬麵既又可以簡。 朋友既黑虎湯底麵濃郁，但係相對油脂感覺重一點，賣相好好👍我發現我果個麵係曲麵，朋友果個麵係直身！我覺得我既曲麵麵質彈牙可口，下次試下朋友果種既豚骨湯底拉麵，睇下直身麵同曲身麵兩者有咩分別先！ 我哋仲叫多左個煎餃子🥟應該係椰菜豬肉煎餃子，食落香脆多汁，整得好好👍 總結黎講，我覺得一虎係幾好味，性價比相當高！係有要排隊入去食既理由！不得不提既係佢哋既醃菜加埋落個拉麵到食更好味！推薦辣芽菜，我哋加完又加，增加辣味之餘又豐富口感！

之前都食過一次呢類型既串燒自助放題，今次呢間第一次黎食，食物種類都幾多，有豬有牛有雞，又有吾同既蔬菜款式，價錢方面也相對可以，基本上係得一種套餐，吾同時段價錢吾一樣。 講下食物先，我比較推薦肉方面牛舌同m6和牛牛柳，呢兩種肉係我係甘encore的選單之一，肉質好好牛味之餘又好入口，我比較想食到食物原味，所以基本上都係點下鹽就食了，所以係只沾上鹽黎講係的確吾錯，係新鮮既味道，無雪櫃既味道，所以質素真係唔錯👍 蔬菜方面我鍾意翠玉瓜同日本甜薯，翠玉瓜燒起上黎味道清甜多汁，表面乾淨，應該係落單先切出黎比客人，日本甜薯係細細粒果種，燒完一口一個，甜甜地又吾會好飽，食落好好味！ 仲有一樣係必食既係菠蘿！燒菠蘿好好味😋多汁又多左燒既味道！ 佢哋呢到有幾樣比較特別的食材，例如係雞皮同豬大腸，雞皮我覺得要燒得耐啲，燒到佢啲油係甘滴出嚟，燒到表面有啲金黃金黃色，會比較好食，豬大腸都要燒得耐一啲，確定佢熟左先可以食，相對黎講豬大腸我覺得要沾一下醬油膏黎食，先比較好味😋鍾意重口味既朋友都可以好似我甘試吓呢兩種食材！ 總結黎講，呢個串燒自助方便又省力，只要放岩位置，串燒就會轉動，我哋只需要等待美味熟成就好了！

呢間灣仔新開嘅冰室喺繁忙嘅莊士敦道上，裝修光猛，整潔明亮，天黑咗嘅街道上發出簡潔發光嘅招牌，的確好容易吸引到人行入去試一試！ 餐廳係用QR code落單，只要有手機就可以落到單，方便我哋可以慢慢揀，餐餐單款式真係特別多，除咗晚餐之外，仲有其他茶餐廳常見或者唔常見嘅餐點餐飲都有😄😄 焗豬扒意粉（鮮茄） 味道唔錯，係鮮茄嘅味道，味道新鮮，蕃茄原味，味道淡一啲，相對來講都唔錯，豬扒係原件，口感紮實，厚度都可以，總結而來，味道都唔錯。 星洲炒米 星洲炒米嘅鑊氣好夠，係意料之外嘅味道，我同朋友都特別讚賞呢個炒米粉！咖喱粉嘅味道都幾出，加埋啲蝦仁同埋叉燒一齊食，的確係唔錯！ 鮮油菠蘿包 呢個係茶餐廳必點嘅麵包，係傳統茶餐廳都會有嘅，所以一定要試吓好唔好食！呢個菠蘿包都可以，如果可以再熱一啲，味道應該會更好，值得讚賞嘅係菠蘿皮唔算好易碎晒，食嘅時候都保持到菠蘿皮嘅完整性，加埋原塊牛油，食落去滋味加倍！ 炸雞髀 炸雞髀係我朋友鍾意食，所以叫咗一份，上枱嘅時候賣相好吸引！色澤好好香味都唔錯，切開嚟嘅時候感覺到佢炸雞髀香脆嘅質感，炸好好！值得一讚！味道都唔錯，雞髀仲好嫩滑，香脆嘅外皮同埋軟滑嘅肉質對比感覺都好好！相信如果自私食一隻，滋味會更好更開心😂😂😂😂😂 飲品方面，我朋友叫咗柚子蜜，味道都唔錯。我就叫咗個我未飲過嘅荷蘭谷古！呢個的確係其他茶餐廳比較少見，其實佢係朱古力嘅一種？飲落去係特濃朱古力嘅口味相對味道會有一啲啲苦澀嘅味道。唔會全杯都係甜加甜味，的確好特別令人耳目一新！唔係間間冰室都有提供呢樣飲品！ 總結嚟講，我覺得呢間冰室味道都唔錯，價錢都可以，呢個價位喺灣仔度食到餐晚餐咁豐富仲有咁多選擇，啱晒選擇困難症嘅我哋，可以慢慢揀，場內嘅裝修又夠曬光猛，又會播廣東話歌，別有一番風味！不得不提嘅係佢哋飲品嘅數量真係好多，係我喺平時嘅茶餐廳或者冰室都好少見到有咁多飲品可以揀擇！可以嘅話我都想全部試一次！

第一次黎呢間餐廳，餐廳位置被室內設計公司包圍住，第一眼見餐廳環境好大，見到有客人直接行通過餐廳出去門外先知有室外用餐地方，適合一家大細黎用餐，場內仲有不少寵物的照片，也適合帶著寵物一齊黎用餐同玩耍。可惜我沒有寵物，吾係我都想帶埋牠們一齊黎試下。 晚餐有兩個種類的菜單，一個係偏向輕食類，適合晚餐吾想食甘飽既女士，一個係主食類的餐點。 輕食類我地叫左凱撒沙律配芒果沙沙配蟹肉沙律 意大利包。凱撒沙律菜好新鮮，脆卜卜係清新既味道，配埋凱撒沙律醬同脆卜卜既麵包粒一齊食，好好味😋！芒果沙沙配蟹肉沙律意大利包都好好味，芒果既清甜，加埋咸咸地既蟹肉沙律一齊食，味道吾錯！ 明太子蟹籽忌廉意大利粉既蟹籽份量好多，同明太子忌廉意大利粉混合之後味道更佳，份量也感人，咸咸的明太子混合忌廉濃厚既味道，加埋少少菇類中和，味道好match。意大利粉既軟硬適中，掛醬汁一流！ 前菜有蘋果沙律有黑芝麻包仲有周打蜆湯，湯既味道濃厚得黎又帶有海鮮既味道，黑芝麻包食落真係吾錯，即使吾塗牛油，就甘空口食同沾上湯一齊食都好好味！ 是日甜品係士多啤梨系列，士多啤梨慕絲蛋糕，士多啤梨慕絲杯，士多啤梨慕絲蛋糕好絲滑好smooth食落唔係好甜，質感好好👍餅底係消化餅，相對硬身一點。 整體而言成間餐廳比我嘅感覺都好好，店員嘅態度好好仲好貼心，會好關注我哋需要啲乜嘢，性價比高，加上服務態度好好👍唔錯唔錯！