金碧酒樓

營業中

休息中

入到舊村, 試下D懷舊酒家~ 呢度又唔算係茶樓, 無點心食, 係食小菜/碟頭飯GE。叫左個叉雞飯。叉燒半肥瘦, 暖暖地,正呀! 如果再燒濃D, 再甜D就更正。雞係白切雞, 無叉燒咁出色, 比較弱, 肉亦不多, 不過都幾滑,雞味就無乜架喇, 蘸薑蔥食都唔錯。D 飯唔夠汁LAW, 要叫佢地加, D飯乾左少少, 我中意食濕D 啊。

這間酒家無論在裝修還是菜式也相當舊式及有特式。舊式牌匾，枱櫈，甚至連茶水部也是開始式的跟樓面相連在ㄧ起。杏汁豬肺燉湯這湯烹調功夫多，從媽媽口中得知洗豬肺是個非常艱辛的過程，而豬肺也不易買，有得選擇，當然在外品嘗，免得家中皇太后辛苦。杏汁加上豬肺燉，當然不會有豬肺味，杏汁味依然强勁。錦鹵雲吞這個超懷舊呀！兒時常吃，但已經很少酒家會做這種菜了。有三色椒，菠蘿等等，當然它的醬汁是重點之中的重點，酸酸味味的，口水流了！炸雲吞上台時已微暖，不太炸了，有點瑕疵。豆豉鯪魚油麥菜味道略鹹，份量都ok。京都骨這個好味!! 酸酸味味,夠開胃!! 肉夠腍，份量好多!! 總結: 食物份量多，有些餸好食，有些就ok， 有改善空間。 坐得算舒適。

問佢有冇外賣， 個唔憂做老闆娘， 話半個鐘後先至煮呀 ！！即係叫我走啦。。。 成間鋪頭根本就唔憂做，採你哋班人都傻。。。 好食都冇用啦，態度太差 令到客人冇食慾呀~ 唔會有下次，亦都唔會有第一次！！！

無論大時大節，親人生日，由於酒樓就在老人家的家樓下，金碧一直也是不二之選。最初與朋友談及此酒家，評語也是普通。但朋友的反應竟是：「金碧！我聽過！」卻讓我重新認識這間酒家。原來是朋友喜愛的網上食評家介紹過。我按那食評家吃過的菜色都大部分點了。杏汁豬肺湯，家人對它讚不絕口，杏汁味適中，而材料十足。炸蝦丸，青年人最愛，外皮不會過厚，新鮮熱辣。錦露雲吞，竟然是20多年人第一次吃，那過像咕嚕汁的醬汁加上多款配料，佐著炸雲吞皮吃，酸味十足，讓人食指大動。八寶鴨，我原以為是有飯類，但只有各程豆類，老人家十分喜愛。魚腸蒸蛋，薑未頗重，長輩們一邊嘆著現今難吃到這樣菜色，一邊搶著吃。紅燒白鱔，吃到這時肚子已撐得不得了，白鱔肥美，但吃一塊已很滯。鮮蝦蒸蛋白，可恨這樣菜色來得最遲，否則可佐兩大碗白飯吃。紹酒從鮮蝦滲出來，伴上滑滑的蛋白。我們當然還有點到過節必吃的燒肉和白切雞，只能說不叫的話可以多點其他人更好吃的菜色。這裡有一個傳統特色，熟客優先。老闆伙記對我的態度，以及對我家的老人家態度完全不一樣。看著老闆伙記對我家老人家的關懷備至的份上，我也說不得什麼。

朋友壽辰宴，一眾上了年紀的小學雞，藉着慶生順道來個嘩鬼大聚會。朋友以往一直推介杏汁豬肺湯，說要提早致電訂才有，但一直未能抽空來試。今趟還是首次前來，酒家80年代的裝潢，無論餐牌上的菜式及招呼的夥計，面貌也懷舊十足 😂 生辰宴指定動作點八餸一湯，寓意九大簋～招牌杏汁豬肺湯專程為他而來、錦露雲吞酸甜醬汁與炸鬆化雲吞皮相當配襯、炸鱔用材新鮮啖啖肉、壽包熱辣辣軟綿綿 .... 豉油雞烹調醬汁非常惹味，但用急凍食材欠了雞的鮮味，有點美中不足。味道好吃是當然，發覺酒家的人情味比食物還要濃厚，連鄰座不相識的食客，如多年老街坊一樣，也一起伴唱生日歌起來小女不知羞恥，勢見酒家經理親切殷勤，所以借勢厚面皮要了酒家的懷舊雙喜膠碟子，作收藏留念。這餐不只是味嚐菜餚，還體嚐濃濃人情味懷舊格局👍🏻 食物味道👍🏻 服務態度👍🏻 人情味濃👍🏻 下個月跟大隊再度光顧，品嚐龍躉宴

話說今日下午同老公第一次去金碧酒家食晏，大鄉里以為有點心食，原來是沒有的，沒緊要，可以食碟飯，老公已經問二個碟頭飯可能多咗啲喎，但自問我都唔（細食）㗎，最多可能剩抵少少啫。於是同嗰女伙計亞姐叫咗二碟飯。亞姐就順勢問埋要唔要豬肺湯，仲話好好飲㗎，【我哋一心以為喺例湯，要另外俾錢先有得飲，我承認呢個喺我哋疏忽咗，亦無問嗰豬肺湯喺乜嘢價錢，因為怕俾人笑，飲碗例湯都要問咗價錢先決定要唔要😩】於是老公就要咗一個豬肺湯（好彩要一個咋😳），過咗一陣，第一碟飯到咗，但點解仲未俾湯我哋嘅?無環由咁耐㗎?再環顧周圍，冇人有湯飲嘅?莫非唔喺例湯咁簡單?心諗算喇，二個人嘅份量應該唔會太貴嘅。點知嗰豬肺湯原來喺杏汁豬肺湯一盅，份量應該有8～10個白飯嘅碗咁多（而且仲好多料㖭。）於是問亞姐點解咁大碗㗎，二個人點飲得晒呀，你估亞姐點答呀！佢話:你哋都無問，仲話頭先有個亞伯一個人都叫咗一個嚟飲㖭，我真喺唔識得俾反應佢呀！於是問吓幾多錢，同時要求取消未嚟嘅第二碟飯，亞姐話要睇單，轉頭就話嗰杏汁豬肺湯要$100（其實喺以佢嘅份量呢講真喺唔貴，問題喺二個人飲就真喺點飲得晒喎），然後話第二碟飯已經出咗，唔可以取消，呢個我明嘅

從openrice食評看到這間酒家，金碧是一間很舊式的老牌屋邨酒家。樓上的一層應該是廚房， 所以在酒家內會經常聽到傳菜電梯的到達提示聲，很有feel啊！金碧肯定不能給你感覺它是很清潔，但是卻肯定能給你感覺得到那種「獅子山下」屋村味道，他們不是主打懷舊中菜，而是家常鑊氣小炒。內有很「香港味」的開放式茶水間，從前工作關係在片場canteen見過，也曾聽幕後老行尊說電視台還未搬入TKO電視城之前，即還在清水灣的年代，他們經常到這裡、坪石或是彩雲的酒樓吃飯，他們說每一家都水準都比「過得去」為高。按openrice 的食評說，他們的水準已大不如前，滿心以為因便利就腳儘管試試，就算是不好吃便算，但是出乎意料之外，他們的食物是不錯啊！大概是我不曾吃過「從前超好吃年代」的菜餚吧了！特別推介的是杏汁白肺湯，個人很不喜歡有太濃烈的杏仁味的湯，但是他們的老火湯味道， 卻恰到好處，再者在秋意正濃的日子，這一口湯水正好是滋潤養生之選！另外，還叫了錦鹵雲吞、霸王雞及京都骨等小菜， 水準都不俗。 錦鹵雲吞那茄紅色的錦鹵汁，調校得味很美味， 雲吞皮亦炸得香脆而不油膩。貪嘴多吃幾個，也沒有膩口的感覺。霸王雞的雞肉，一肉

四十年前常去的食檔。想去吓回味一返。但今天換成黑店。真有點兒不是味道，首先我們訂了豬肺湯。因有一朋友會遲來。只問一句後加一位湯要多少錢。回應是$100..我們說謝了。不用吧。那老闆的說話就出來了。一連說十幾句有骨的話比你聽。真氣人。到出魚腸蒸蛋。用的不是魚腸是雞腸。放一邊不吃也不說。因只是第二道菜。怕後上的是”加料“！菜。那道红燒班尾。我五十幾歲人。才食到真正的垃圾。八人餐冇蝦有蟹飲一啤酒每人$300

今時今日大部份人都為左工作而變成各個餐飲集團或大小餐廳既常客 可惜香港租金持續高企 所以我們外出用膳很難遇到食材及出品都同價格成正比 而且令人難忘的味道 今次想寫感受既酒樓 帶俾食客既正正係食材新鮮 製作見心思 味道一試難忘 而且夾雜濃濃人情味 這種懷舊而保留菜餚質素既酒家真係買少見少 唔怪之得好評如潮

適逢生日，一行六人到金碧食飯。上次去係上年12月，第一次光顧後對杏汁豬肺湯念念不忘，仲有足料嘅炸蝦丸同皮脆肉嫩嘅蒜香雞。經過上次經驗（所有炒菜都話賣哂), 我已經早一個月book定枱和菜式，唯去到，佢地留左一張大枱，但得四張靠背椅，我咁早訂左位六個人仲要兩個人坐圓木櫈仔？雖然我唔期望呢到有好服務，但其他枱嘅食客竟然可以一個又一個將自己手袋放係啲靠背椅到，真係有無搞錯。。。個侍應大嬸係咁e應酬下我搬左一張無人座嘅靠背椅俾我，我地唯有自己係老遠搬多張俾自己講返正題，首先上嘅係炸蝦丸, 例牌$180有十粒，因為我六個人，我另加兩粒，每粒$18。今次蝦丸炸得唔靚唔金黃，而且重點係好細粒！！我好懷疑佢係咪將例牌蝦膠嘅份量分多左兩粒。。。味道可以，但價錢完全唔可以，勁唔抵食囉！第二道菜係錦滷雲吞($80)，雲吞皮厚夠脆，個咕嚕汁有叉燒，尤魚，豬潤，菠蘿，青椒紅椒等，酸甜得宜，呢個價錢，我覺得還好啦。第三道係八寶鴨($380)。手工菜唔係道道食到，我呢啲九十後都想久唔久試下呢啲傳統菜式。個鴨賣相還好，圍著的是芥菜，佢鴨皮太爛，隻鴨好肥，雖然偏咸左少少，但個入面嘅料好味，個幾條芥菜都不錯的。食到呢到，

今晚同老爺奶奶阿哥阿嫂我老豆老公等人去食飯，同之前一樣，有d餸要提早訂先有，咁位就當然都要book 啦！7點到有枱直入，已經有不少人食緊。有幾張吉枱都寫左留位。上次好似都唔見呢對對聯齊人後上菜，等左幾分鐘上左個豬肺杏汁湯掛住食飲到一半先影相，豬肺好味，好香杏味，不過我覺得有少少咸。呢個湯要預訂的。呢個我無食，係蝦丸，屋企人話好彈好有蝦味！粟米班塊，同其他餐廳差不多，唔會難食，反正我好鍾意食呢個餸呢個唔知叫乜名。有冬菇，蔥，豬肉片，豆腐，豬潤等等。豬肉豬潤好爽好味唔會太咸。魚香茄子煲，呢個好味，唔覺漏，分量足。燒肉例牌，可能我唔識食燒肉，覺得同出面嘅差不多，無乜特別。金銀蛋油麥菜。葉夠林，莖夠爽，d皮旦細細粒平均分佈好入味！最後上嘅係八寶鴨。我未食過的。入面有鴨肉，蓮子，粟子，冬菇等材料。因為之前食得好飽，所以我食左一啖就無食。之前無食過，第一次食嘅感覺就係好味但有d漏，材料好林。因為唔係我俾錢，所以唔知幾多錢嘞！

自從屋村商場一律被私有化之後，昔日果D標榜「人情味」的街坊小店幾乎全部都被大集團連鎖式食肆取代。位於彩虹村既「金碧酒樓」可以話係香港碩果僅存的屋村式酒樓 – 泛光既燈泡、六七十年代常見的磁磚、以至時至今日居然重有人用既「手寫單」貼晒喺門口既收銀機上面等等，一切就好似時光倒流四十年咁！酒樓地方唔大，裏面放左大約十張坐得落十幾人既大圓檯。由於地方淺窄，有心黎既朋友記住一早訂位呀，否則唔駛致意可以walk-in呀！另外，如想食D特別野一早要喺book枱時講明，重要早幾日過黎俾deposit或者去銀行入數，真係夠晒有性格！脆皮燒肉︰雖然肉質都算爽口，但可能因為已經係晚市，（應該係）一早整定既燒肉放左大半日之後個皮無想像中咁鬆脆可口，如果一心想試燒味既朋友最好喺午市主打燒味飯既時候再黎過！油雞︰呢度既一隻雞真係有一隻雞咁大，絕對唔會好似坊間既食肆咁「消失」左其中一兩舊欺騙觀眾，份量方面絕對童叟無欺。只可惜既係味道只係一般，只可以叫做不過不失，都係果句，想試燒味最好晏晝既時候黎！杏汁豬肺湯︰絕對係必叫之選。呢煲湯火喉十足唔在講，材料方面更加係足到加零一，濃濃既杏仁味完完全全滲晒入豬肺裏面，我地一行

好味道要ENCORE！！！上次同朋友食完，岩岩好兩星期，又心思思走去食多次，今次D餸基本上同上次差唔多，相同就唔重覆介紹（杏汁豬肺湯，必點！八寶鴨，錦鹵雲吞，香芋扣肉，鴛鴦飯），今次試左個蒜香炸子雞，勁好味！同埋發現金碧做街坊生意，D菜零舍鮮甜！今次15人，11餸1湯送糖水，埋單每人153，好味又抵食！

朋友介紹, 一行14人(其中一個小童)走左去彩虹村金碧酒樓食飯.一入去問我地有無訂位, 原來無訂位已經無位, 好在朋友醒目, 訂位兼留餸.這間屋村酒樓已有52年歷史, 經過廚房, 入面d師傳個個白頭髮, 睇樣都知功力十足...侍應好好, 朋友整鬼佢, 話"阿姐, 唔該比個阿妹我丫", 阿姐呆左, 朋友補返句"藍妹呀~", 阿姐笑笑口咁拎啤酒埋黎~~臨走, 老闆娘係咁叫我地食多幾碗糖水, 話如果唔夠就叫侍應拎一大盅出黎, 我好乖咁食左3碗, 比朋友笑囉... !!!係屋村酒樓先食到ed人情味, 好回味, 有下次. 朋友叫左幾個經典菜: 以下係即點菜式:

依一餐係女友大人既媽媽生日飯局, 經過對上一次冇訂位同埋冇訂餸下幫襯佢地, 今次老早就訂左檯同埋預定左餸, 大家有口福了!  食完真係飽到飛起 . . 唔多講, 大家睇相 !