大班人gathering，揀咗駟馬拖車潮州菜做飯局聚餐地點，週三晚市六折discount 超抵食。傳統潮汕菜式，如滷水鵝、川椒龍鳳球、煎蠔餅、水瓜煮蝦、方魚肉碎粥、沙嗲牛肉炒芥蘭、糖醋面、反沙芋、綠豆爽，果仁芋泥，而味道仲要樣樣都ok唔錯。 食肆名字特別，好奇的我，當然會問問Google大神。「駟馬拖車」原來是潮汕民居的一種建築樣式，是一種多院落、多天井，規模宏大的大宅院。其結構形式與「百鳥朝凰（陽）」近似，只是兩側多兩排從厝和兩條火巷等。 見好多人話員工態度差， 啲員工面口係唔係幾好睇，亦見他們頗忙碌走來走去，當日坐得近茶水間，好多嘢如公筷、匙羹都係我哋自己人攞咗就算。 不過由於有咁deep 嘅discount 同幾好食，一定會再去～

因為近～airside試食報告Round 4 ，目標係日本同海外都有好多間分店，連關西機場都有分店嘅日本人氣綠茶cafe ～ nana's green tea。作為香港第一分店，裝修以「現代茶室」作為概念，空間感精緻。 他們主打是招牌宇治抹茶茶飲和甜品，材料選用的，都係香港人熟悉嘅京都品牌「山政小山園」。店內幫襯的通常都點選各式抹茶芭菲，而他們在開幕月，更有香港店限定的「抹茶金箔生朱古力芭菲」供應，每日十份。 收工幫襯，先吃他們的量製和風主食正餐再吃雪糕。二人用膳點選了唐揚雞咖喱飯和柚子胡椒豚肉烏冬。咖喱飯的咖喱汁是偏甜的甘口口味，炸雞炸得剛剛好，外脆內Juicy，必食推介！而豚肉烏冬，豚肉嫰滑，烏冬彈牙細滑，不過就完全感覺不到柚子胡椒味，但整體都是好評，兩個都是我杯茶，亦都試了冷泡抹茶，茶味香醇。 飯後來個，抹茶生朱古力nana’s soft serve，抹茶雪糕味甘香濃，是大人喜歡的抹茶雪糕口味！

無懼報道日日都話28/9 開幕的新mall 係people mountain people sea，為食中九龍人，試Airside 餐廳第一擊！ 1/10 公假晚上近七時到訪，好幾間餐廳早已停止取票。來到6樓的「五匠六釜」，見餐牌菜式多元化，也特別見到好想食的拔絲甜品，立即取票！要等50+個，但店員著我們在附近等，說道可能很快會有位，果然許多人係取票即走開或兼no show，十分鐘左右便能入座。 是次點叫了花膠鮑魚紅燒肉、蒜蓉娃娃菜、北京填鴨、上海菜肉雲吞同甜品。 菜肉雲吞和娃娃菜味道OK，不過不失，但是娃娃菜嘅賣相，真的有點好求其，可能放幾粒蔥或紅椒、或幾片甘荀會好看多。上海媽媽家常菜「紅燒肉」，加入花膠和鮑魚，上了紅燒肉糖色，味道OK不錯，－煲都是膠質滿滿，肉也軟嫩。 鄰座食客多點水煮魚和片皮鴨，片皮鴨端上來的香氣，都會慢慢飄過來，而且價錢$158好抵，所以決定後加半隻。一上枱賣相擺盤都很不錯，而且有惹味的烤香，可惜一落口肉質雖嫩，但是鴨全無肉味，有點頗失望。 拔絲甜品早已售罄，唯有選西米椰汁流心球，這個甜品有驚喜，外皮非常香脆，內裏椰汁西米流心餡，有濃濃椰香，也不過甜。 雖然餐廳內非常忙碌，但是眾店員嘅服務態度都非常好，呢個係完全值得一讚。不過airside未完全開齊，已有40+間食肆，我嘅五臟六腑話我聽，「五匠六釜」唔使食第二次住😆

由於近～為食中九龍人，來個airside試食報告Round 3！ Nam Nam 標榜正宗惹味的越南美食，他們的越式拼盤，有春卷、蒸粉包、濱海、蔗蝦、香茅雞翼，幾款都做得很不錯，個人覺得有水準！春卷同雞翼做得香脆；香茅雞翼嘅香茅味，亦都恰到好處，唔會死咸，皮脆肉嫩；蔗蝦的蝦膠亦不錯，叫得上美味爽口。比較過幾個站的大型商場德福的越南餐廳，Nam Nam的越式拼盤，無論份量、組合、味道等，都優勝很多。 不過，新mall要食好嘢，新店許多東西都需要時間磨合，食都真係要考耐性！冇耐性嘅…就真係遲啲先去試。 另外，點叫越式鷄𢇁金邊粉，正正常常，不過不失，亦正是起菜最快的選擇！以粉麵湯底比較，Nam Nam 又較鄰座另一商場Mikiki的越南餐廳遜色一點！

日文「馳走」（ちそう）一詞，是指用來招待賓客的豐盛料理，亦解作主人為了拜訪的客人，騎馬「四處奔走」搜集食材來款待的意思。 一向好少花時間劣評人家的我，今晚晚餐初試新店「馳走家」居酒屋，簡直「中伏」中之「大中伏」！！ 報稱2230 先關門的「馳走家」，甫入店眼見只有三枱人。我們2045左右入座， 2051落單，2132 已埋單離座。坐四人單邊枱，途中店員不斷打擾，收碗收碟，衣䄂不斷擦過枱上食具，看來店員好想早點收工唔要「遲」「走」！估計沒錯呀～ 稍後便聴到另一店員問，「見你咁積極收碗，你收夜呀？ 」未有問last order 在我們未埋單前，就見個廚同壽司師傅陸續收工離開。 食物賣相平平凡凡，本無心拍照寫食評，但繼續食，發現食物質素實在太差，最後決定分享，大家自行領悟！ 串燒點選了雞翼、牛肋肉及牛舌（$40-45不等）味道正常的，是普通BBQ材料，CP值低。另點omakase 壽司6件，味道同用料都好普通，明白$118/6件，魚貝材料不應有過多要求，但壽司出品賣相的樣子是好ok 的。 紙火鍋，本點唐辛子愽多風雞白湯，最後卻出錯了廣島蠔沙白蜆紙火鍋，由於自己醒唔起，已撩過紙火鍋，我們唯有照要，烏冬份量極少，蠔很細size，沙白蜆當然會是好普通，整體味道亦一般。 「伏中之伏」item在後頭，「泡沫鰹魚湯燒牛肉飯」，燒牛肉竟是冷冰冰普通做三文治那種「燒牛肉」，不是吧！唔好意思，可能我諗多左，人家沒有說是「炙燒牛肉」啊！牛肉賣相，照片跟實物極不符，泡沫鰹魚湯似只是裝飾般，接近沒有味道，而飯粒亦少少硬。由於燒牛肉沒有任何蘸汁，米飯味道靠的就是一隻生旦的旦汁。 三个字 「大中伏」，無下次，完。

😍偶遇上我的飯後的小確「杏」…. 正是芒椰木蓮凍 ！第一次食木蓮凍，這種在香港相對比較少見的甜品食材…

木蓮凍配以芒果爽冰和芒果粒，仲有四式迷你小芋圓同椰果！木蓮凍係愛玉同仙草啲friend，話說木蓮凍淡而無味，但口感清涼爽口，既潤燥生津，又降火解毒，更是延緩衰老的保健佳品。杏甜品的木蓮凍味帶微甘，是因為加入了仙草汁，令整個甜品味道更有層次！👍🏻✨

龍眼爽冰， 由大量龍眼肉製成，每碗都清、爽、潤，🈵️有自然水果的鮮甜味，簡直是夏日佳品！


🍧杏甜品 Almond Royal's Dessert 🍧
尖沙咀店 - 營業時間OH：2:00pm - 12:00am
📍 尖沙咀加拿分道40-46號香檳大廈地

大阪難波過江龍「Next Shikaku ネクストシカク」是鯛白湯「○de▽ 鯛白湯らーめん」的同集團姊妹店。主打三款牡蠣拉麵，分別是牡蠣清湯ikasu、牡蠣白湯koeru、牡蠣沾麵asobu。

是晚點選白湯拉麵，用蠔、豚、雞三種食材做湯底，突出蠔味鮮味，湯底又濃厚，配以清酒煮鮮蠔、洋蔥粒、花椒芽、紫蘇花和扁麵條，層次好豐富啊！

另點慢煮叉燒，話說是以法式鹽漬技術醃製三天再焗而成，但個人覺得平平無奇，可以免試！

一眾食評都說道貴～貴～貴，唔襯你思鄉病發時「貴」，等幾時？


🌱by 達人未🈵️的 香港散䇿+餓底logbook😋

舊店位於中環斜巷，現在搬到九龍灣MCL 內，由一對港日夫婦經營，主打日法fusion，食品由日本太太主理。 法式焗洋蔥湯很有驚喜，內有乾坤，居然有一條日本腸！有別於平常見到的酥皮湯，他們用上竹炭法包加拉絲芝士，口感和味道都讓人有新體驗。第二次幫襯，是晚有的是時間，table for 4，點選了他們的5-course set dinner，$298 的打卡八五折special price，絕對是性價比高。 見舊店OpenRice 都是好評，但九龍灣店卻幾篇都是劣評，都覺得幾奇怪。烤日本大雞腿做得香、嫩、滑，有不同既sauce 選擇，熱騰騰鍋上，配菜和擺盤都絕對能登大雅之堂。平日有自煮的我，覺得材料樣子似是九州薩摩老鷄腿，但肉質口感卻大有不同，下次幫襯會試下問問有沒有估錯。上一次幫襯趕入場睇slam dunk，都是揀選了日本大雞腿，選配清新檸檬拉麵，味道簡直是我杯茶。同枱點了烤西班牙黑毛豬架，同樣肉質好而嫩滑，但個人略嫌味道咸了點。 每道菜的都有心思擺盤，材料組合和洋風crossover沙律新鮮兼特別，很不錯。甜品cream buree做得不過不失，但賣相滿分！外藉鬼佬waiter 伯伯好nice ，招呼好周到，慢慢serve 一絲不苟，建議趕時間趕入場睇戲的，要揚聲，他能介紹能快出菜的食品。 除了香港丈夫老闆外，其他staff都是外藉人士，溝通點菜都用英文/日文，是晚見他們都應是有遠道而來西裝畢挺的日本熟客，主廚太太和其他日本staff，也有過來打招呼和感謝他們專程來幫襯。日文聲此起彼落之際，哈日的我，recall自己遊日時在橫街小巷幫襯和洋風小店的情境，思「鄉」病又發啊！

HK Disneyland 的大街餐廳，菜式加入獨特Coca-Cola®特色元素，沒有港式可口可樂菜式經典的可樂雞翼和可樂骨，但有烤西冷配可樂乾蔥白菌燒汁、海鮮頭盤配雪碧青檸汁同甜品配Spirit Lemon Curd， 樂園餐飲價錢算得上合理。 點選的西冷，烤得粉嫩，肉質軟腍；慢煮豬肉卷，肉質軟嫩不膩口，肉汁多，香草又入味；南瓜湯配蟹鉗香濃滑，Duffy Chocolate Duet 都好rich，賣相吸引，味道亦好，打破「好睇唔好食」宿命，性價比高。 他們下午茶也有供應鹹點及甜品套餐，加入了迪士尼Duffy元素，話算見其他食家說說味道一般，即又是「相機啱食」既打卡之選！ 環境佈置以維多利亞式風格為主，陳列一系列經典Coca-Cola的仿製珍藏，用餐環境舒適，建議入園後先要攞定飛。

想去好幾次的Tram View Cafe，不是過了營業時間，便是碰巧不定休，休息不開門營業，今日終於可以如願啦！ 玻璃窗外雖然不再是緩緩經過的赤紅色英倫風纜車，但是即將投入服務的第六代復古墨綠色全景玻璃窗纜車Model，絕對能滿足我的打卡需要。 由於山頂纜車現正進行翻新工程，再加上疫情，遊人少了、遊客沒了、食客不多，反而多添一份隱世靜謐的感覺。 Cafe座落於於中半山纜車徑2號的一座圓形住宅大廈的地下，是幢1953年落成的大廈，建築樸實簡潔，卻很有氣派，户外位置有小花園座位，食物飲品都正正常常，也見得是用心製作，店員好nice，店內一直播著宮崎駿動畫的鋼琴音樂，超治癒～