金碧酒樓

營業中

休息中

與老人家重訪舊居探舊友,七個人叫了三個點心,三個炒粉麵,點心是雞扎,牛肉和鳳爪,三個點心味道和質素都一般,但三個炒粉麵就非常有驚喜:班腩炒河$35 - 河粉軟滑,芡汁適中,火候又好,食落美味非常,干燒伊麵$40 - 配料只是草菇和幾條韮王,由於伊麵完全汲取了蠔油和老抽的香,好味!排骨炒麵$35 - 麵炒得乾身,夠脆,不油,不濃底,正!加上七位茶$28,埋單$163,抵食!p.s.據聞乾炒牛河好正,下次定要試試!

因為我的同學成日都光顧這間酒家,我也嘗試訂一剖外賣.......一打去..那個服務員對我態度十分惡劣,弄得有點想掛線的感覺..最後,他連''再見''或''拜拜''都沒說聲就掛了線...我下次訂外賣一定唔會光顧他....! ! !

小弟最喜愛其中一位女歌手-Bjork下月出碟了,趁出碟前,聽回上隻大碟Medulla來個溫故知新..在神音之下睡著了,搭車搭過籠,一醒,已是彩虹,將錯就錯,不如飲早茶.照路線去推斷,大約會去牛池灣,在路經彩虹村,看見有間門面殘舊的街坊酒家"金碧",個款夠懷舊,合我口味.入到門口,仍然見到阿姐推著車仔大叫,最盡頭的大紅絨布下,滿是七十代的氣味.場內的茶客,又是我最年輕.早市尾段,點心已不多,見燒味檔師傅忙個不停,不如來碗燒肉飯,放肆一下?有人稱之為麥提沙燒肉,原因為何不得而知,燒肉皮並不是芝麻皮,但吃落也香脆,下面肥肉同瘦肉五十五十,肥膏位甘香,瘦肉位鬆化.連豉油同份量不少的白飯,大大啖入口,吃得豪邁,正宗庶民味道.雞扎的雞肉夠大件,火腿同芋頭亦不輸蝕,與手指一樣粗.如果腐皮再略略炸過的話,那就肥到死,我亦愛到死.多謝冰島女神引領小弟到此.無言感激,唯有下月買最新大碟,以示一點心意.

小菜wok 氣夠又好味，燒腩都好正，不過好快賣晒！不過好味先咁快賣晒姐！遲D又要搵藉口約埋D Friend 再去食過先！

D 小菜真係幾正，地方都ok，充滿懷舊氣息！

這間舊式酒家，我自己就去過都幾多次，首先講講環境。這是一家有幾十年老字號酒家，裝修舊式，應該都係原有的舊式裝修，我就覺得好有懷舊味道，好似有D時光倒流的感覺。乾淨程度就唔好咁高要求，始終是老式酒家，都還可以接受。都係講番重點....食品！佢地燒肉真係幾正，皮脆肉嫩，燒味飯大大碟；碟頭炒粉面飯都好有鍋氣，最正就要數乾炒牛河、什會炒河、蝦醬牛肉炒河，我就會叫佢兜亂，熱辣辣夠鍋氣，仲好大碟下，一個人隨時食唔晒，仲有鴨腿湯飯、扣肉飯、梅菜蒸鯇魚飯都好好好味，即叫即蒸，而家都唔係週圍可以食到D真正地道懷舊飯食，仲有用料食得出好新鮮，而且價錢就同茶餐廳咁上下，值得推介！我試過午飯同晚飯去都見到好多地盤工友、巴士的士司機都係度開餐。如果有三幾個friend 去食就一定要試下佢地D小菜啦，鑊氣夠又好味，佢地D生炒骨，小炒皇都好正！佢地有好多款小菜，真係要食多幾次先試得晒！仲有粟米魚肚羹都好正，佢地有D小菜套餐，百零蚊真係幾抵食! 真正懷舊風味買少見少，飲食男女都介紹過佢地。想食好味又正宗懷舊地道野，我就會推介呢度啦！

想食鴨腿湯飯,就到呢處.濃普洱可口,湯唔夠陳皮香,鴨腿太淋.環境懷舊,食物唔夠舊風味邊度有美味鴨腿湯飯推介?

價錢與現時巿況脫節, 早巿點心外賣要成十蚊一籠, 一都唔值. 亦唔係好食. 係咪租貴貨都要貴? 老媽早茶寧願跛下跛下走去牛池灣食都無咁嬲.入面40年如一日, 舊裝修無問題, 但今時今日生唔可能同舊日一樣...咁dirty...點去?內獨巿, 唯我獨尊, 過去價殺民, 現在佢敵不過嚴重通縮, 焗住要學生免茶, 亦推出特價午飯. 享受promo 當然不能期望太高.

野都ok既~不過到重要就係地方實在好ｄｉｒｔｙ～<br />

舊屋村茶居一間, 有乜名堂既燒肉好正囉, 雖然無太子間老字號咁好, 但係比一般酒樓, 仲有D碟頭炒粉麵飯都好夠鑊氣, 價錢同出名既茶餐廳差唔多, 但份量同味道贏晒!唔介意豆泥D同埋耆英風味話, 響度一盅兩件整碟燒腩飯都幾過癮!