金樂軒雞煲魚鍋

營業中

休息中

見網上好多好評所以專誠過黎試下 一坐低老闆已經好熱情過黎向我地介紹菜單聽老闆講好多以前既街坊因為掛住佢地既味道所以會專登會揸車過嚟食飯果然名不虛傳👍🏻✨-我地叫左個細既竹蔗茅根飲 好大渣！清涼解渴岩晒食住雞煲飲🍻老重慶奇味雞煲 一上枱已經熱辣辣可以即刻起筷🥘豆卜吸晒啲醬汁 又多雞同配料 好味又足料薑蔥生蠔煲 你唔好話 隻隻蠔都好鮮甜肥美脹卜卜🦪仲有6隻喺入面 完全唔怕唔夠食😋一咬落去咇晒啲汁出黎 連埋蔥段醬汁一齊食好惹味 必點！最後仲叫左碟蒜蓉蒸龍躉🐟龍躉蒸得岩岩好 魚皮夠厚又Q彈 魚肉鮮味十足-好味又足料 姐姐仲好好服務幫手炒雞煲 一定會再黎～

聽同事介紹，話佢屋企附近有間食左好多年嘅餐廳，有好多唔同嘅煲仔食。今晚佢就帶我過嚟試下。如果唔係佢帶我過嚟，其實都真係唔會留意，果然係低調嘅鋪頭，往往都會令人覺得有驚喜！餐廳就係和富中心對面，算係舊式嘅裝修。原來之前係柴灣開嘅，之後搬咗過嚟北角已經屹立左10年啦。。。薑蔥蠔煲一上枱，滋滋聲，好香。啲蠔全部都大大粒肥嘟嘟咖！十分之肥美。一啖入口爆汁，完全唔會有腥味。蠔炸過再煮真係好正。勁多薑蔥落去爆炒，連啲薑蔥都好好食。每一隻煮完都好大粒，超級肥美！奇味田雞煲呢一個田雞煲，，超大份入面仲有冬菇豆卜芹菜，再加上大量嘅芫荽喺面。加熱撈勻就食得，好大份入面材料好多。田雞煲煮得好入味話不過略嫌田雞切得太細舊，如果大嚿少少會更加正，送飯一流！啫啫通菜煲炒到好香，落左啲蝦乾去炒。通菜又唔老，爽脆好食唔會過咸。油鹽水浸花甲有冬菜又有粉絲喺底，花甲好大隻粒粒都好大粒肥美，仲要好鮮味添！好味到連粉絲都食哂。。。餐廳座位唔多，我地6點半去到就未算好多人，但7點左右已經不停有客人入座，到我地食定已經full哂，所以想食都係訂枱好啲。同埋啲員工好友善，仲以為啲uncle會好惡，點知又行嚟介紹啲出名菜，我地唔食太

朋友飯聚, 全部港島人, 於是去左北角嘅金樂軒雞煲魚鍋食雞煲同打邊爐店員熱情款待, 介紹佢地出名嘅老重慶奇味雞煲同酸菜鮮魚鍋老重慶奇味雞煲 - 雞件大, 雞肉嫩滑, 最精彩真係個醬汁, 好香濃, 雞肉入哂味.酸菜鮮魚鍋 – 魚肉真係超級嫩滑, 有質感, 魚肉香甜. 酸菜魚湯好搶口, 好好味, 真係飲左好多碗.安格斯牛頸脊 – 牛肉味濃, 入口鬆化, 油脂條紋分得幼細.鮮墨魚滑 – 超大份量墨魚滑, 爽口彈牙, 墨魚肉味香.鴨血 – 質地爽實, 有口感.鮮蝦雲吞, 菜肉雲吞 材料十足, 皮薄餡靚店員態度好, 有時重同我地吹下.

今日老細出trip可以準時放工, 甘開心緊係約埋同事一齊去啤啤佢啦, 飲啤酒第一時間就諗起雞煲簡直係絕配, 聽同事講佢之前係北角試過一間幾好食既雞煲叫金樂軒, 甘我地就決定去試下, 我地4個人去食坐一張圓檯坐得都舒服唔迫由於我地4個都鐘意食辣所以要左中辣雞煲, 店員仲介紹左另一個招牌菜酸菜鮮魚鍋中辣雞煲: 雞煲醬汁夠辣惹味, 薑 洋蔥 辣椒爆得夠香, 雞肉新鮮嫩滑, 雞煲里面仲有冬菇同豆卜, 個豆卜吸曬D醬汁好正, 雞煲個湯底濃郁 配菜我地就嗌左-牛白肉同安格斯牛頸脊肉質嫩滑重牛味, -田雞好滑 ,-墨魚滑滑嫩有彈性, -鴨血爽口-鮮蝦菜肉雲吞餡夠新鮮足料酸菜鮮魚鍋, 用左籠躉魚肉質鮮嫩又夠大塊, 湯底濃濃鮮魚味夠酸辣開胃, 鍋里仲有好多菜夠健康同事再嗌多個辣炒土豆絲, 土豆絲口感柔軟，入口即化辣辣地好味我地幾位同事都食完好飽好滿足。

平時好鍾意搵唔同嘅雞煲食，今日嚟到北角，見到佢寫住奇味雞煲同埋酸菜魚就入去試一試。兩個人叫咗一隻雞煲， $298 ，嚟到嘅時候好大煲，絕對有一隻雞既份量，黎到時佢已經可以即刻食得，唔需要等，不過如果大家唔鍾意食芫荽，就記得要叫佢走芫荽。味道方面，佢唔似出邊嗰啲麻辣雞煲味道，初頭食唔出咩味，覺得冇乜特別，但係食耐左之後，你又會覺得佢好好食，配菜入邊有豆卜，耐啲就會覺得好入味，平時我都唔係好食豆卜，但係我都食咗好多😂食到咁上下，就可以叫其他打邊爐嘅配菜，份量都幾大碟，兩個人食到好飽下次諗住過嚟食酸菜魚。服務好好，不停會過嚟幫你搞動吓個雞煲底。仲有佢嗰個竹蔗茅根水，自家製，一啲都唔甜，好好飲。大家可以試一試。整體味道指數：😋😋😋/5性價比：💰💰💰/5環境：❤️❤️❤️/5服務：✅✅✅✅/5

去咗搵住喺北角嘅朋友食飯，大家都好想食小菜，就隨便入咗一間🤣➖📌椒鹽鮮魷上網睇食評見好多人都推介，果然無推介錯😆👍🏻魷魚肉質鮮嫩彈牙，炸到外酥裡嫩➖📌蒜蓉粉絲蒸蟶子鍾意食海鮮嘅我哋見到有蟶子可以叫，即刻就order咗🥰蟶子好大份、仲好鮮甜，蒜蓉味道滲入蟶子之中，而蟶子嘅鮮味則被粉絲充分吸收➖📌香煎墨魚餅見店員推介就叫咗，同傳統嘅墨魚餅有啲唔同，份量好大份，而且食得出入邊有墨魚粒🦑➖📌香辣烤魚(小)因為我哋得兩個人，所以就叫咗小份烤魚，比起小菜烤魚水準就比較遜色，不過性價比高嘅，湯底濃郁，而且配料多🐟

金樂軒雞煲魚鍋北角和富道114號康華大廈地下C3號舖金樂軒好地道香港餐廳感覺，在北角住宅區，幫襯都是街坊多。有雞煲火鍋甚至廣東小炒都有呀！$208 胡椒豬肚雞煲，組合好特別我鐘意食豬肚同雞，有支竹，份量剛剛好。雞用上新鮮三黃雞，油流進湯中，淡淡胡椒香再點了滑牛肉只是$50 難以置信，墨魚滑同皇后菜作打邊爐食完濃味菜式，習慣會點上一碟清清清地的蔬菜來吃。$78 上湯津白$88黑醋小排骨，先炸再上汁，黑醋汁酸酸甜甜開胃之極，炸後排骨酥香口感的豐富度。

成日話圍爐取暖，係表面野既黎咖姐，真正既都係想搵個藉口，約埋班朋友見一見。你知啦，出黎社會做野，就唔能夠好似細個，話見就見，始終每個人都踏入唔同既人生階段，面對緊好多壓力、困難，朋友既價值變得更加渺小，所以身邊有好好既朋友，真係要珍惜！👇🏻📌招 牌 推 介 -▪️ 老 重 慶 奇 味 雞 煲 - $188▫️ 先黎個招牌「老重慶奇味雞煲」，我朋友唔係好食得辣，就就佢嗌左bb辣，兩條麻甩佬嗌個細煲岩岩好，雞肉肉質相當滑溜，完全唔乾身，而且料頭十足，大量洋蔥，鮮冬菇、豆卜、芫茜、蒜頭、每一啖都係相當惹味，食完雞煲鍾意既仲可以打埋邊爐，正！▪️ 燒 汁 什 菌 牛 頸 脊 - $148▫️ 第二道必食「燒汁什菌牛頸脊」，師傅炒得相當夠鑊氣，一上枱新鮮滾熱辣，而且牛頸脊肉質鬆軟綿滑，帶少少咬口，配上青紅椒，油香十足，送飯必備！▪️ 椒 鹽 九 肚 魚 - $118▫️ 食得小菜點可能唔嗌「椒鹽九肚魚」，即叫即炸，九肚魚份量夠多，炸到金黃香脆，外層相當鬆脆，食落裡面近乎入口即化，送酒真係一流。▪️ 啫 啫 通 菜 煲 - $98▫️ 呢個「啫啫通菜煲」用熱煲上枱，保證熱辣辣，通菜夠新鮮翠綠，加埋蝦乾，果種香味濃

收工約埋舊同事去左北角覓食，舊同事話好耐冇食雞煲，突然諗起家姐推介過金樂軒呢間隱世小店，就係咁我地2個就即刻出發去食好野！我地冇預約到枱，但可能仲未到黃金晚飯時間，所以店內仲未坐滿，可以即時有位。話明黎食雞煲，當然梗係第一時間點左‘’老重慶奇味雞煲‘’，餐廳好細心，雞煲有2種分量；可以選大同小煲。我同舊同事得2個女仔，當然就係點左個小煲，咁就唔會只係食到雞煲食唔到其他野喇！但正當你以為小煲分量唔多時，原來都係一大煲，有半隻雞既分量。還好我地先點左雞煲後再慢慢點其他既配菜，所以最後都冇餘下太多野食唔晒。金樂軒最出名就係雞煲，有重慶特色之餘，湯汁麻口配上嫩滑雞件，非常惹味。食完雞煲我地當然唔好浪費咁惹味既湯汁，我地再點左墨魚丸魚皮餃雙拼，鮮淮山，炸芋頭，篙笋做雞煲配菜。另外，我見餐廳牆上推介必食之選有麻辣魚皮，我自己超鐘意食魚皮。當然就唔會放過喇！魚皮真係超爽，再配上麻辣汁，好味到唔停得口。最尾我地仲點埋麻辣皮蛋。全晚都係重慶麻辣風味，正😋

餐廳位於北角和富道，從外觀上看與其他餐廳沒有太大分別。但當進入餐廳，你會發現內部佈置整齊，座位寬敞，提供舒適的用餐環境。他們的老重慶奇味雞煲可以選擇辣度的招牌菜怕辣朋友，都唔驚～蒜蓉粉絲蟶子蟶子肉質新鮮嫩口，配左蒜蓉同粉絲既組合，好味椒鹽九肚魚超級好味🤤特點炸蒜的用量十分多，好香口！魚外皮炸得外脆內軟，配上喼汁，使得整體味道更加突出。食到lamlam 利☺️通菜煲都唔錯～裡面加入了蝦米，幾鮮味，而且份量十分足夠。值得一提的是，金樂軒的服務一流員工態度友好且周到，能夠提供優質的服務體驗。好街坊feel~食到人情味～

北角不嬲都多嘢食，肥雞就同朋友試吓位於北角嘅金樂軒雞煲魚鍋，一睇名就知一係食雞煲，一係食烤魚，咁肥雞就選擇咗後者。肥雞揀咗一份細嘅烤魚微微辣。佢嘅烤魚係用沙巴魚，魚身炸得香脆，配埋香濃嘅蒜味湯汁，下邊仲有少少配菜，例如豆卜芽菜，佢嘅魚非常之香口，睇得出係用新鮮嘅沙巴魚去整，再嗌咗一啲打邊爐用嘅菜，例如唐生菜新鮮淮山，萵筍等，除此之外，仲嗌咗個涼拌海蜇小黃瓜，酸酸甜甜嘅海蜇，配埋清爽嘅黃瓜，十分之開胃。再試多個黑醋糖排骨，同我哋嘅糖醋排骨冇乜分別，但係用咗黑醋，肥雞鍾意食黑醋，所以覺得佢嘅酸但有一份香味。

日頭熱晚上又涼涼地，聽聞聽日又轉涼添，心郁郁想食酸菜魚，今日經開北角見到呢間餐廳，7點入座客已滿9成，相信有番咁上下質素，我都係第一次黎食架咋。酸菜籠躉魚鍋$308龍躉肉厚彈牙又嫩滑，仲有份煙韌，而魚骨較粗唔驚嗑親，湯底調味屬重口味同偏辣，可以揀大、中、小或走辣。仲叫左讚歧烏冬$22食，浸落湯底好開胃呀。福建炸醋肉 $98福建特色嘅閩南小吃，用大量的醋醃製，炸完食都不油膩，而且酸酸甜甜解膩又開胃！我推薦大家一定要試。四川辣子雞 $128紅紅火火，辣得過瘾又香噴噴，雞越嚼越香唔會嚡，而且份量超級大碟，一定要配飯食先正。四川乾四季豆 $88特色川菜菜系，將四季豆、豬肉碎一齊炒，送飯一流，我真係覺得好食好好下飯👍🏻。

琴晚去咗北角食雞煲，個雞煲好惹味幾值得試，餐廳係屋苑附近嘅內街，岩岩離開晒地鐵附近啲高級商場，去返民生啲嘅區域，估唔到平日都好好生意，長期有8-9成滿🤭🤭食物❤️❤️❤️❤️：鹹肉韭菜花 $98雞絲粉皮 $68薑蔥炆龍躉頭腩 $228老重慶奇味雞煲 小 $188竹蔗茅根一渣 小 $38另加一食物全部都夠熱，正常發揮，味道ok，但最好食最想翻食嘅都係個雞煲，加埋竹蔗茅根一流👍🏼其實枱枱都係雞煲打邊爐，但菜單其他嘢望落都好吸引就冇再用雞煲打邊爐🤣份量❤️❤️❤️❤️：以上加埋大概2-3人份量～夠捧住個肚走，份量好夠環境❤️❤️❤️：店舖唔算好新，似開咗幾年嘅街坊小店但全部都係梳化櫈，都坐得幾舒服服務❤️❤️❤️❤️❤️：職員唔多，樓面好似得2-3個，全部都好有善，會問你啲嘢好唔好食🤣上菜都幾快，食到咁上下職員會幫你換過啲碟，幾好🤭價錢❤️❤️❤️❤️：價錢合理，如果係雞煲打邊爐應該幾抵食，我就雞煲加小菜，冇叫飯淨係食餸都飽飽，加埋一人均300左右

金樂軒雞煲魚鍋主營川菜和滬菜，菜品種類很豐富，每道菜都有各自的特點；餐廳內部座位很寬敞，愛吃川菜的選擇這裡絕不會踩雷。老闆娘和職員都好好人，介紹推介餐廳的主打食物。炸大腸：炸大腸外酥裡嫩，一口下去滿滿的香氣。每一口都是酥脆與細膩的完美結合，大腸處理的很乾淨，一點異味都沒有；椒鹽鮮魷：魷魚肉質鮮嫩彈牙，椒鹽的香味使整道菜更加開胃，香辣的口感很下飯；胡椒豬肚雞煲：超級超級多料，絕對有誠意，食不完的豬肚和腐竹，豬肚的爽脆和雞肉的鮮嫩相得益彰，胡椒的溫熱使這道菜暖胃又提神，我連湯都飲埋；乾鍋椰菜：乾鍋椰菜保持了椰菜的清脆，乾鍋的烹飪方法使椰菜邊緣略帶焦香，增加了菜品的風味層次；竹枝蔗茅根水：自家製真材料，竹枝和蔗茅根的結合不僅口味獨特，還有助於消火解膩，味道很清甜。

剛好在北角活動，散場後順道晚餐。憶起金樂軒的性價比甚高，一於再次光顧。環境依舊親切舒適，座位尚算闊落。街坊小廚，價廉物美，川式小菜選擇甚多，酸菜魚及雞煲尤其吸引😍😍。最後點了酸菜龍躉魚鍋 $308走辣的酸菜魚鍋，嚐到湯底濃濃的魚鮮味，魚片是龍躉片，鮮甜嫩滑無骨，好食😋鹹肉韭菜花 $98，鹹肉惹味，韭菜花嫩口無渣，很喜歡的一道菜色。椒鹽金磚豆腐 $68，外層香脆，豆腐嫩滑，燙嘴夠熱，川菜中較清淡的一員。燒什菌牛頸脊 $158牛頸脊熟透零韌度，燒汁惹味，雜菌增添口感，層次更豐富。街坊小廚，深得民心，老闆親切，彷似回家吃飯一樣，舒服自在。