影片
更多
2024-05-16
21 瀏覽
餐廳位置和富道，北角地鐵站行過去幾分鐘就到，老闆娘同店員服務態度都十分好，會推介店鋪既拿手菜式，都幾有親切感，不時都會同食客吹下水，所以見到幫襯大部分都係熟客。胡椒猪肚雞煲（小）（$208）雖然叫左細煲，但份量都唔小，雞肉一路煮都唔覺特別鞋，個胡椒豬肚湯清清甜甜，成個湯底都可以飲，豬肚味道唔錯。酸菜龍躉魚鍋（中）（$458）湯底辣度揀左小辣，連埋辣椒碎、香蒜等香料，一上枱已經聞到好香，龍躉魚肉質軟熟，連住魚皮位置魚油香味十弟濃郁，食落完全無骨，酸菜酸酸甜甜特別開胃。安格斯牛頸脊（$288）色澤相當粉嫩，油花都幾靚下，肥瘦分例剛剛好，肉質鮮嫩可口，食落牛味都幾濃郁，煮完牛頸脊都有一定粉紅色，證明都幾新鮮下。椒絲腐乳通菜（$88）通菜色澤翠綠通透，通菜厚實粗壯，食落相當有滿足感。金銀蛋時菜（$88）底下係時菜，上面鋪滿皮蛋、蛋黃蛋白，時菜口感軟熟。竹蔗茅根（$78）清甜可口，四個人飲每人都飲到2-3杯，打邊爐飲無咁燥熱。
餐廳位置和富道，北角地鐵站行過去幾分鐘就到，老闆娘同店員服務態度都十分好，會推介店鋪既拿手菜式，都幾有親切感，不時都會同食客吹下水，所以見到幫襯大部分都係熟客。
胡椒猪肚雞煲（小）（$208）雖然叫左細煲，但份量都唔小，雞肉一路煮都唔覺特別鞋，個胡椒豬肚湯清清甜甜，成個湯底都可以飲，豬肚味道唔錯。
酸菜龍躉魚鍋（中）（$458）湯底辣度揀左小辣，連埋辣椒碎、香蒜等香料，一上枱已經聞到好香，龍躉魚肉質軟熟，連住魚皮位置魚油香味十弟濃郁，食落完全無骨，酸菜酸酸甜甜特別開胃。
安格斯牛頸脊（$288）色澤相當粉嫩，油花都幾靚下，肥瘦分例剛剛好，肉質鮮嫩可口，食落牛味都幾濃郁，煮完牛頸脊都有一定粉紅色，證明都幾新鮮下。
椒絲腐乳通菜（$88）通菜色澤翠綠通透，通菜厚實粗壯，食落相當有滿足感。
金銀蛋時菜（$88）底下係時菜，上面鋪滿皮蛋、蛋黃蛋白，時菜口感軟熟。
竹蔗茅根（$78）清甜可口，四個人飲每人都飲到2-3杯，打邊爐飲無咁燥熱。
張貼
