金樂軒雞煲魚鍋

營業中

休息中

北角有好多穩世小店，最近發掘到一間雞煲小炒店，我哋今次叫左幾款小菜，款款都唔錯，下次試埋雞褒。❣️四川口水雞辣味夠，好開胃，芫荽蒜蓉好多好香，多肉皮滑又少肥膏。❣️薑蔥桶蠔煲D蠔好鮮甜又肥美，咬落爽脆多汁，一啖都咬唔曬好大隻，完全冇腥味，個芡汁啱啱好包住隻蠔，夠曬味，蔥又爆到好香。❣️椒鹽金錢鱔真正金錢鱔，全部都係中間位大大嚿肉，好新鮮全部肉都係脹卜卜，表面炸到金黃色，入面鱔肉好柔軟，又冇咩骨，好多脆蒜，真係好食到停唔到。❣️黃金蝦球蝦肉真係勁新鮮，蝦有甜味，肉質夾脆，重係好大隻，呢個價錢真係好抵食，品質仲好過酒樓，鹹蛋黃完全足夠，啱曬鍾意食鹹蛋黃醬嘅朋友。