金樂軒雞煲魚鍋

營業中

休息中

今晚同朋友仔去左北角和富道金樂軒食雞煲+烤魚慶祝生日。老重慶奇味雞煲 - 醬汁味道香濃豐富， 老闆娘話係秘制雞湯醬汁， 用左好材料， 所以雞件非常入味。香辣烤魚 - 魚肉嫩滑， 湯底加入酸菜， 但比酸菜魚清少少， 配菜嘅豆卜吸收哂湯汁， 好好味。安格斯牛頸脊 - 肉質嫩滑， 油脂分布適中， 入口牛肉味香濃。特級黑豚肉 - 豚肉味濃， 輕輕滾一滾就可以入口， 黑豚肉重要超大塊， 份量又多， 抵食。白鱔片 - 新鮮嫩滑彈牙， 有鱔魚香味， 油份多。鮮蝦+菜肉雲吞 - 材料十足， 雲吞皮入面充滿材料， 真係真材實料。竹蔗茅根 - 喺個壺入面見到勁多紅蘿蔔， 馬蹄， 竹蔗茅根， 小店就有呢d真材實料， 味道清淡， 唔會太甜， 正。

金樂軒雞煲魚鍋 - 辣味十足嘅水煮桂花魚鍋同椒鹽九肚魚，加埋啫啫通菜煲今次嚟到金樂軒雞煲魚鍋試嘢，真係經歷咗一次辣味爆炸嘅美食之旅。首先，我嘗試咗佢哋嘅招牌菜水煮桂花魚鍋。一上枱，就聞到一陣辣椒同香料嘅香氣，令人垂涎欲滴。桂花魚煮得剛剛好，肉質鮮嫩，加上辣椒醬汁，味道更加突出。每一口都帶來一種麻辣又香醇嘅感覺，真係令人回味無窮。另一道令我驚艷嘅菜式係椒鹽九肚魚。九肚魚炸得香脆，外層酥脆內裡鮮嫩，加上椒鹽調味，帶出一種獨特嘅風味。每一口都帶來一陣鹹香，配上啤酒真係好正！最後，我試咗啫啫通菜煲，真係十分惹味。通菜煮得軟綿入味，湯汁濃郁，帶有一點點辣味，令人胃口大開。總括而言，金樂軒雞煲魚鍋係一個適合喜愛辣味嘅人嘅好去處。無論是水煮桂花魚鍋、椒鹽九肚魚，還是啫啫通菜煲，每一道菜都具有獨特的風味，令人回味無窮。如果你喜歡辣味，又想品嚐一些別具特色嘅菜式，金樂軒雞煲魚鍋絕對是一個不容錯過的地方。

港島北角傳統中菜餐館🔥呢到除左主打雞煲、魚鍋仲有唔少小菜任君選擇 😍竹蔗茅根水（一渣（小）$38）🍹清甜解渴～而且每渣都好足料✨老重慶奇味雞煲（小）（$188）😋雞煲配料十分豐富，雞肉鮮嫩而且份量夠晒兩個人食😍味道辣得嚟好惹味，而且醬汁唔會太鹹✨黃金蝦球 （$148）🍤蝦球大大隻😚而且好爽口彈牙✨每件蝦球都包滿鹹蛋黃 食落去酥香唔油膩～椒鹽鮮魷 （$98）🦑每件都大大嚿 ！啱啱炸起🔥熱辣辣好香口😋加左少少蔥同埋蒜頭做點綴～配搭酸酸地嘅醬汁 口感一流😎酸辣土豆絲 （$78）大大碟🤤份量超多 好抵食！土豆絲炒得爽口 而且唔會太辣～酸酸地好開胃😝上湯津白（$78）紹菜香甜配搭上湯濃而不膩～健康清淡之選👍🏻😚

我好少去北角區，因為探親關係，所以先過海搵食，親戚介紹下就嚟到金樂軒，餐牌多選擇，有雞煲同魚鍋，亦可選擇海鮮小菜添，種類多元化。店鋪面積唔大係間老店，裝修平實，有多張卡座，亦有兩張大圓檯，地方乾淨企理，坐落後聽到店員同長期食客吹水，聽得出當中人情味竹蔗茅根（細）| $38天氣熱又唔想飲汽水，叫左個自家製竹蔗茅根涼水，除咗竹蔗茅根外，仲加了紅蘿蔔、粟米、馬蹄和糖冬瓜等，好足料，味道清甜，解渴一流老重慶奇妙雞煲（小） | $188雞煲一嚟到已經香噴噴，有大量芫荽，超級惹味。雖然點咗個細雞煲，但雞嘅份量都唔少，而且煮得好入味，雞嘅肉質好嫩滑。最特別係有埋豆卜和冬菇，而豆卜吸收左湯嘅精華，超正黃金蝦球 | $148蝦球炸至金黃色，加埋鹹蛋黃蓉，完全包著每隻蝦，爽口彈牙，一口都係咸香味上湯津白 | $88傳統上海菜，放入蔥薑蒜頭爆香，湯味濃郁，食到津白嘅甜，又可以減低熱氣黑醋小排骨 | $98個人最欣賞呢個小排骨，黑醋味濃帶點甜，口感炸得脆口，又唔會好油膩，加埋菠蘿青瓜，送飯一流

喺東區住咗咁耐，唔少中菜餐廳都食過。一諗起雞煲或者酸菜魚，通常都會揀北角金樂軒雞煲魚鍋，食到連老闆都認得我地🤣🤣今次我地就叫咗酸菜桂花魚鍋（小, $278），有好多塊魚片，食得出係新鮮既味道🐟🐟入面仲有娃娃菜、椰菜花同埋最特別係有檸檬片🍋🍋食落比起平時既酸菜魚更加清爽！老公知我鍾意食田雞，提議叫碟椒鹽田雞($148)～一上菜已經聞到勁香的炸蒜味😋佢係田雞粒，炸得好香口，好容易一粒食完又一粒，平時唔好田雞的老公都食唔停🤣🤣老公話想試吓佢既涼拌菜，於是叫咗個皮蛋豆腐($58)，皮蛋係碎上而佢個豆腐係超！級！滑！望落咁簡單的菜式都好有巧思！👍之後我見到有個福建鹵麵($108)，平時好少見，所以就叫黎試吓😆呢個真係好驚喜！大大份！超足料！超入味！佢個麵條既生熟度剛剛好，調味又唔會太重手，佢既蔥油超香，完全吊起鮮魷既鮮味，完全大推！😋野飲方面，老公就叫咗支藍妹，我就叫咗一渣細既竹蔗茅根($38)，兩個人都夠哂飲，好清甜足料，解膩一流🤭🤭

呢間餐廳我係同屋企人嚟食 因為佢哋都幾鍾意食中菜 火鍋 呢間餐廳主打就係食雞煲 魚煲 所以決定帶佢哋嚟試吓 屋企人又真係成餐飯都喺度讚喎我哋三個人叫咗兩個煲 一個係胡椒豬肚雞 另一個係招牌酸菜桂花魚 (因為嗰日龍躉已經賣晒，如果唔係我哋嘗試吓酸菜龍躉煲！肯定係因為太受歡迎啦)我哋都一致大讚嗰度嘅酸菜魚 湯汁真係烹調得好好食好惹味呀😍 我本人用嗰個汁撈咗一大碗飯食 屋企人甚至要求打包淨底嘅湯底 返屋企煮麵食😂😂 可見 我哋有幾鍾意食嗰個酸菜魚煲 另外胡椒豬肚雞煲入面嘅雞，比起平時嘅冰鮮雞有雞味 而且嫩滑多汁 嫩度啱啱好😋 都好好食 食完靜咗嘅湯底可以拎嚟打邊爐，我哋仲嗌埋烏冬 大滿足!!

知道北角有一間出名雞煲同魚鍋嘅金樂軒，去開附近，順道拜會一下呢間食店店內牆上貼滿招牌菜式， 方便"以貌取餸"嘅朋友。除咗雞煲，魚鍋外， 墨魚餅同炸大腸等小菜都在推薦之列鮮味香煎墨魚餅老闆娘話佢平時都有食開， 一聽佢咁講，即刻落order. 墨魚餅香口Q彈， 間中食到有墨魚粒粒， 配上酸辣醬， 係非常出色嘅下酒菜老重慶奇味雞煲有唔同辣度選，我哋要咗微辣，味道剛剛好。雞件嫩滑，同醬汁完美地融合， 一邊加熱，醬汁慢慢收乾， 令雞件更入味。 食完雞件， 仲可以繼續加餸打邊爐干鍋田雞平時較少見嘅田雞， 竟然會有。 醬汁味道香濃， 依然食到田雞微微的甜味。 田雞肉爽滑， 每一件都好多肉呢燒汁什菌牛頸脊牛頸脊嫩滑有牛味份量足，唔似坊間醃得過火的牛肉。 燒汁味道不俗，係一款下飯嘅菜式竹蔗茅根(小) 老闆娘話係自家煲，飲得出煲得有火喉，唔會太甜， 清新解膩！老闆娘很親切，會主動推薦菜式同問我哋辣度口味啱唔啱，留意客人有乜需要，很不錯的小店

平日好少會過來北角這邊吃飯，這次是朋友介紹的，他說這家餐廳是家庭式經營，老闆和店員們都很有人情味，有空的時候還會跟你閒聊幾句。到店裡，果不其然，老闆真的很健談，問到什麼菜品好吃的時候，老闆強推脆皮炸大腸和重慶雞煲，說是他們這裡的招牌，別的地方吃不了這樣的味道。上菜速度很快，脆皮炸大腸一口咬下去脆脆的，沒有一點油膩的感覺，而且，份量很大很大，搭配著甜辣醬吃，簡直是味蕾的享受。對的喔，它沒有騷味，我最怕吃到內臟有騷騷的味道。比平常在街上小食店的好吃太多了。重慶麻辣雞煲是用鑄鐵鍋裝的，一上來就用電磁爐繼續加熱，雞很嫩口，味道是重慶風味的，不是港式口味那種，我們點的是小辣，吃到嘴裡麻麻辣辣的，很惹味。對了，一定要搭配竹蔗茅根一起喝，很解辣，而且很清涼，味道也不會過甜。另外還點了兩個海鮮黃金海蝦顧名思義就是裹著一層鹹蛋黃在蝦的表面，鹹蛋黃搭配蝦本來的鮮味，好吃！蒜蓉粉絲蒸聖子，聖子好大的一隻，一口吃下去好滿足！！重點是沒有沙！！

🏮蘇拉打到嚟🌪 - 金樂軒雞煲魚鍋🏮〰️〰️〰️📆 探店行動：31/8/2023 | 星期四 | 18：30 | 人數 3️⃣〰️〰️〰️"蘇拉"🌪打到嚟嘅前夕大家喺到做緊咩？幫玻璃貼膠紙？去街市搶$45斤嘅菜心？定喺超市排緊條無盡頭嘅隊？我哋呢邊三個港島人嘅自救plan就喺咩都唔做，去"金樂軒"食雞煲酸菜魚。18：30嚟到唔駛等位，完美！3️⃣個人嗌左：〰️〰️〰️🍲 酸菜龍躉魚鍋 (小鍋，中辣) $307▪️龍躉片夠哂厚，肉感緊致鮮甜，無骨啖啖肉，加埋滿滿膠質嘅魚皮，喺新鮮嘅味道 ✅️。▪️湯底酸度辣度香度都到位，入面片檸檬有畫龍點睛嘅效果，賦予味蕾一點小清新，令魚片鮮上鮮。▪️無薯粉墊底嫁，但可以加碼牛頸脊桶蠔嗰啲打邊爐。🥘 老重慶奇味雞煲 (小鍋) $188▪️雞肉唔老，唔係碎濕濕甘上 ✅️。▪️味道上似升級版嘅港式雞煲，更濃郁。想惹味啲嘅建議上枱煮到個汁收咗水先食，俾啲耐性OK？懂食嘅你唔好錯過豆卜同炸蒜粒，吸滿咗醬汁嘅，喺少少嘅白飯神偷。⚠️辣度上喺BB"實少肋" (辛人類嘅味覺)，辣可以隨時加，加到菊花殘滿意為止。🦑 香煎墨魚餅 $138▪️墨魚嘅海鮮味✅️，彈牙✅️。跟機連泰甜辣醬上，喺呢個墨魚餅味道上嘅靈魂伴侶。如

日前約左朋友去北角行下街， 行行下肚餓， 就是但搵間野食。雖然時間尚早，見到間野都幾多人係入面食緊雞煲。。就入左去試試佢得兩個人 唔敢嗌太多野， 先嗌個細雞煲，再嗌d 小菜咁， 再睇情況睇下打唔打埋邊爐見佢個炸墨魚餅係人氣之選， 就試試佢。 墨魚餅外脆， 內彈牙，有一粒粒墨魚， 愈趙愈香口， 正!之後就黎左個雞煲， 原來奇味雞煲係香辣味。。又真係幾香喎， 入面除左雞， 仲有蒜，豆卜，洋蔥之類。 配菜吸哂d 味， 勁香濃， 勁好味!雖然係細雞煲，但都有好多肉， 是滿足的。啫啫通菜 好有鍋氣 好大條蝦乾！ 由於驚太辣， 所以嗌左渣竹蔗水(細) 兩個人share, 清下熱氣，甜甜地， 解下辣， 都幾爽。最後見有福建滷麵， 係福建人地頭， 就試試佢。麵有蛋香，入面有d 海鮮，有蠔仔， 所以食落有啖啖鮮味。 一大窩爭d食唔哂。

食下家常便飯都唔錯，我去咗屋企附近食呢間【金樂軒雞煲魚鍋】係北角和富，出地鐵站行5分鐘，主要是福建菜及雞煲魚煲🔸老重慶奇味雞煲 $188雞煲叫咗半隻，但佢一煲都好似好大煲，入面除咗有雞，仲有豆卜、冬菇等等，吸晒雞煲醬嘅味道👅叫咗小辣，都有點辣😅雞件都算嫩滑🔸水煮牛頸脊 $148可能水煮關係，所以叫咗小辣都好好辣😅不過牛肉份量都好多，入面仲有薯粉，呢個價錢十分抵食🔸福建炸醋肉 $99福建名菜就要試試啦～果然係推介，豬肉炸到外脆內軟，配上甜酸醬好開胃🤤份量都好多，十分抵食！🔸椒絲腐乳通菜 $88有雞有牛有豬，當然都要有菜，腐乳醬好多，一啲都不吝嗇，炒通菜係絕配！🔸涼拌皮蛋 $48唔食得辣可以叫呢道涼拌皮蛋，好多蒜蓉碎同蔥，有啲似譚仔個皮蛋，如果喜歡辣的人可以叫麻辣皮蛋！🔸椒鹽金磚豆腐 $68皮薄又脆，但裡面是好軟滑，同平時食開的都一樣，配上香醋，為豆腐帶上一點酸，好開胃😌另外有酸菜魚可以選擇，下次去可以試試！看到有好多家庭及熟客到來，可見該店好有人情味！

雞煲以雞肉和各種配料為主要材料，在砂鍋中慢慢燉煮而成，具有濃郁的湯汁和豐富的味道，因為燉煮的過程使得雞肉更加嫩滑，並且能夠充分釋放出各種配料的風味。雞煲的配料包括雞肉、蔬菜、香料以及各種調味。這些配料共同燉煮出濃郁的湯汁，使得雞肉入味並且帶有獨特的風味。

去北角探好友當然要跟地膽食好西😎他帶我去一間四川菜食酸菜魚，點了酸菜魚之後，發現他們有很多現在比較少見到的中菜可以叫，我馬上點了薑蔥生蠔煲，試一試火喉😎酸菜桂花魚鍋(小)-$278老闆娘叫我們先喝一口湯，好好喝的！喝一口便發現湯底的奧妙之處✨湯底用大量魚骨熬成，煮成奶白魚湯，鮮香不膩，魚味十足！桂花魚肉質鮮嫩，酸菜和辣味結合，酸中帶辣，口感鮮美，清爽開胃👍🏻鍋中還有很多款配料，增添口感的豐富度✨薑蔥生蠔煲-$198生蠔的鮮味與薑蔥的香氣相互融合，不僅能展現生蠔的鮮甜風味，還能體驗到薑蔥的爽口和香氣，生蠔/小菜愛好者必試！粉絲-$40上枱時已經輕輕煮過，一放進湯很快可以食👍🏻粉絲吸收周圍的湯汁，使其充滿濃郁的味道，輕盈軟滑質地和吸湯性質，令我每次食火鍋都會點✨原來朋友遷就我才叫了酸菜魚，他平常喜歡吃原汁原味的魚湯，我覺得湯底太好喝，到時候可能喝湯都喝飽了🤣

朋友準備離開香港，臨走先想吃這家口袋名單，今天終於去了。我們點了4道菜，分別是：老重慶奇味雞煲🥘很惹味，雞肉很嫩，配料很多，有冬菇、豆腐卜、洋蔥、芫茜，飯桶人可以與白飯配著吃。鮮味香煎墨魚餅🦑很香口，吃到墨魚粒，肉質很彈牙，旁邊配有蝦片，很香脆。脆皮炸大腸真的做到脆皮👍🏻，清理的很乾淨，沒有怪味，大腸中間夾有京蔥，很清新。燒汁什菌牛頸脊🥩牛頸脊給的不少，肥瘦適中，配有三色椒、洋蔥、菇，調味重，但不會鹹，這道也是適合配白飯吃。竹庶茅根看到有粟米、竹庶、馬蹄，料很足，喝下去很清甜，很涼快。我們都吃的超飽，每道菜的份量都挺多的，有點意外，飯後再去附近的商場走走，很完滿的一天。

北角風味雞煲， 鋪頭內好有人氣， 很多人在聚會， 都是在吃雞煲、 酸菜魚！ 我就是在門外看見很多人被吸引入去吃的， 我叫了人氣版小鍋雞煲小辣， 份量剛剛好， 足夠2人吃呢！ 雞淡淡肉， 雞件大小斬得剛剛好！ 雞已經先炒過的， 有一些焦香味， 很惹味！ 而且香料十足， 成個煲都好香！ 然後還是想吃小菜， 叫了炸鮮魷， 魷魚真的是新鮮的。 不是在吃冰鮮的， 很彈牙！ 我還叫了醬汁炒鱔， 這個非常好味！ 鱔非常入味， 鱔淡淡肉， 彈牙都黎又好淋， 好易咬開！ 而且用鐵煲裝，炒得好有鍋氣而且有保溫功能！ 最後仲有個墨魚餅， 係有新鮮墨魚黎去炸嫁， 彈牙又好有墨魚味， 但食落又不會太油！ 滿足的一餐！