金樂軒雞煲魚鍋

營業中

休息中

日前約左朋友去北角行下街， 行行下肚餓， 就是但搵間野食。雖然時間尚早，見到間野都幾多人係入面食緊雞煲。。就入左去試試佢得兩個人 唔敢嗌太多野， 先嗌個細雞煲，再嗌d 小菜咁， 再睇情況睇下打唔打埋邊爐見佢個炸墨魚餅係人氣之選， 就試試佢。 墨魚餅外脆， 內彈牙，有一粒粒墨魚， 愈趙愈香口， 正!之後就黎左個雞煲， 原來奇味雞煲係香辣味。。又真係幾香喎， 入面除左雞， 仲有蒜，豆卜，洋蔥之類。 配菜吸哂d 味， 勁香濃， 勁好味!雖然係細雞煲，但都有好多肉， 是滿足的。啫啫通菜 好有鍋氣 好大條蝦乾！ 由於驚太辣， 所以嗌左渣竹蔗水(細) 兩個人share, 清下熱氣，甜甜地， 解下辣， 都幾爽。最後見有福建滷麵， 係福建人地頭， 就試試佢。麵有蛋香，入面有d 海鮮，有蠔仔， 所以食落有啖啖鮮味。 一大窩爭d食唔哂。

食下家常便飯都唔錯，我去咗屋企附近食呢間【金樂軒雞煲魚鍋】係北角和富，出地鐵站行5分鐘，主要是福建菜及雞煲魚煲🔸老重慶奇味雞煲 $188雞煲叫咗半隻，但佢一煲都好似好大煲，入面除咗有雞，仲有豆卜、冬菇等等，吸晒雞煲醬嘅味道👅叫咗小辣，都有點辣😅雞件都算嫩滑🔸水煮牛頸脊 $148可能水煮關係，所以叫咗小辣都好好辣😅不過牛肉份量都好多，入面仲有薯粉，呢個價錢十分抵食🔸福建炸醋肉 $99福建名菜就要試試啦～果然係推介，豬肉炸到外脆內軟，配上甜酸醬好開胃🤤份量都好多，十分抵食！🔸椒絲腐乳通菜 $88有雞有牛有豬，當然都要有菜，腐乳醬好多，一啲都不吝嗇，炒通菜係絕配！🔸涼拌皮蛋 $48唔食得辣可以叫呢道涼拌皮蛋，好多蒜蓉碎同蔥，有啲似譚仔個皮蛋，如果喜歡辣的人可以叫麻辣皮蛋！🔸椒鹽金磚豆腐 $68皮薄又脆，但裡面是好軟滑，同平時食開的都一樣，配上香醋，為豆腐帶上一點酸，好開胃😌另外有酸菜魚可以選擇，下次去可以試試！看到有好多家庭及熟客到來，可見該店好有人情味！

雞煲以雞肉和各種配料為主要材料，在砂鍋中慢慢燉煮而成，具有濃郁的湯汁和豐富的味道，因為燉煮的過程使得雞肉更加嫩滑，並且能夠充分釋放出各種配料的風味。雞煲的配料包括雞肉、蔬菜、香料以及各種調味。這些配料共同燉煮出濃郁的湯汁，使得雞肉入味並且帶有獨特的風味。

去北角探好友當然要跟地膽食好西😎他帶我去一間四川菜食酸菜魚，點了酸菜魚之後，發現他們有很多現在比較少見到的中菜可以叫，我馬上點了薑蔥生蠔煲，試一試火喉😎酸菜桂花魚鍋(小)-$278老闆娘叫我們先喝一口湯，好好喝的！喝一口便發現湯底的奧妙之處✨湯底用大量魚骨熬成，煮成奶白魚湯，鮮香不膩，魚味十足！桂花魚肉質鮮嫩，酸菜和辣味結合，酸中帶辣，口感鮮美，清爽開胃👍🏻鍋中還有很多款配料，增添口感的豐富度✨薑蔥生蠔煲-$198生蠔的鮮味與薑蔥的香氣相互融合，不僅能展現生蠔的鮮甜風味，還能體驗到薑蔥的爽口和香氣，生蠔/小菜愛好者必試！粉絲-$40上枱時已經輕輕煮過，一放進湯很快可以食👍🏻粉絲吸收周圍的湯汁，使其充滿濃郁的味道，輕盈軟滑質地和吸湯性質，令我每次食火鍋都會點✨原來朋友遷就我才叫了酸菜魚，他平常喜歡吃原汁原味的魚湯，我覺得湯底太好喝，到時候可能喝湯都喝飽了🤣

朋友準備離開香港，臨走先想吃這家口袋名單，今天終於去了。我們點了4道菜，分別是：老重慶奇味雞煲🥘很惹味，雞肉很嫩，配料很多，有冬菇、豆腐卜、洋蔥、芫茜，飯桶人可以與白飯配著吃。鮮味香煎墨魚餅🦑很香口，吃到墨魚粒，肉質很彈牙，旁邊配有蝦片，很香脆。脆皮炸大腸真的做到脆皮👍🏻，清理的很乾淨，沒有怪味，大腸中間夾有京蔥，很清新。燒汁什菌牛頸脊🥩牛頸脊給的不少，肥瘦適中，配有三色椒、洋蔥、菇，調味重，但不會鹹，這道也是適合配白飯吃。竹庶茅根看到有粟米、竹庶、馬蹄，料很足，喝下去很清甜，很涼快。我們都吃的超飽，每道菜的份量都挺多的，有點意外，飯後再去附近的商場走走，很完滿的一天。

北角風味雞煲， 鋪頭內好有人氣， 很多人在聚會， 都是在吃雞煲、 酸菜魚！ 我就是在門外看見很多人被吸引入去吃的， 我叫了人氣版小鍋雞煲小辣， 份量剛剛好， 足夠2人吃呢！ 雞淡淡肉， 雞件大小斬得剛剛好！ 雞已經先炒過的， 有一些焦香味， 很惹味！ 而且香料十足， 成個煲都好香！ 然後還是想吃小菜， 叫了炸鮮魷， 魷魚真的是新鮮的。 不是在吃冰鮮的， 很彈牙！ 我還叫了醬汁炒鱔， 這個非常好味！ 鱔非常入味， 鱔淡淡肉， 彈牙都黎又好淋， 好易咬開！ 而且用鐵煲裝，炒得好有鍋氣而且有保溫功能！ 最後仲有個墨魚餅， 係有新鮮墨魚黎去炸嫁， 彈牙又好有墨魚味， 但食落又不會太油！ 滿足的一餐！

📍 金樂軒雞煲魚鍋（北角）山長水遠入到嚟北角，見到出邊大排長龍，人來人往，一定好好食😋我同大佬當然唔會錯過啦，一於入去食個雞煲再返屯門👍果然出乎意料，有驚喜😍🔸 上湯津白金華火腿炒一炒，爆香蒜頭，特別有味道，再加忌廉或淡奶。傳統上海做法，食岀上海風味😊🔸 啫嗜通菜煲通菜新鮮，一啲都唔老，冇渣。熱辣辣上枱，聞到都好吸引😊🔸 老重慶奇味雞煲（全隻）每次臨時起意想吃雞煲就會想起這間，雞件醃得夠味亦夠肉食，不會得骨位，叫中辣個汁愈食愈惹味，仲有好多配料，冬菇，洋蔥，蒜頭，豆卜，芫荽，芹菜，八角等～好豐富😍🔸蒜蓉粉絲蒸聖子鮮甜既海鮮聖子，粉絲吸晒海鮮既精華，蒸既時間岩岩好，唔會痴肉。豐富嘅蒜蓉，食到成口都係臭味，味道好正💕

聽人講北角好多福建人居住，就好似九龍城多潮洲人住咁，平時好少行北角，因為印象中冇乜大型商場，多數小店為主，而今晚朋友就約在北角食飯，只因朋友是福建人也是住在北角區，所以對呢一區的食店也十分熟悉，雖然大家都好似講熱門嘅北角打卡小店，但亦都有一啲實而不華的小館。金樂軒就在北角區，距離北角地鐵站有10鐘路程，小館面積不大，裝修亦普通，不過朋友話佢哋嘅食物有保證。豉汁蒸白鱔：豆豉調教嘅醬汁十分惹味，蒸嘅時間亦控制得幾好，令到啲魚肉唔會「鞋｣，可以食幾碗白飯都得，加埋面上嘅蔥花，就更加香。胡椒豬肚雞煲：我地要一個小煲，不過份量就幾多，本身豬肚同雞都熟，一滾起就食得，本身雞煲有胡椒在內，辣辣地地香口。香煎墨魚餅：是小館招牌菜，外看金黃，食落的確幾煙韌，即是墨魚比例十足，先有這樣嘅口感效果。竹蔗茅根夠曬解渴。上湯津白整體這餐飯風味十足，介紹朋友的冇錯，相信之後朋友再約食飯都會再揀呢一間。

自從開通後，街道熱鬧咗起來，但就好似集中係油尖旺一帶，相對其他區就似乎唔係太多人，就好似今天晚上約了朋友在北角呢間飯館食飯，雖然係八點左右的時間，但街上的人似乎唔多，所以就有噉嘅諗法。小館裝修普普通通，不過又坐得幾滿座，見到樓面的幾個人，睇落去似係家庭式經營，莫名有種親切感。脆皮炸大腸冇得輸嘅脆皮大腸脆卜卜，點一些甜醬汁係酸酸甜甜，不錯。椒鹽金磚豆腐份量略嫌唔多，不過味道香口。家鄉蠔仔煎有別於蠔餅的煮法，平時食蠔餅係一嚿嚿一塊塊的脆脆地，不過今次食嘅比較特別，淋淋地口感，粒粒蠔再加蔥花雖然不脆口但亦幾好味。尖椒炒腰潤香辣惹味的尖椒，其辣味滲深入了腰同潤，令到這道菜幾回味。這餐中菜都幾唔錯，見到家庭式經營有一份親切感，值得支持。

本身自己住喺北角，已經覺得北角好多野食，但仍然會成日喺同一區搵番野食，金樂軒雞煲魚鍋位於和富道，一帶系住宅🏠亦不乏熟客幫襯。✿ 鮮味香煎墨魚餅 $138煎墨魚餅招牌菜之一🦑墨魚餅食到一粒粒墨魚頗爽口，沾上酸甜醬更美味。✿ 酸菜桂花魚鍋 $278呢度嘅酸菜魚真系好鬼好食😍員工問我地想要咩程度辣，我地要bb辣，符合bb辣辣度🔥酸味非常明顯😁桂花魚塊好多又大件，魚肉新鮮滑溜，加埋酸菜湯食一流💚✿ 老重慶奇味雞煲 $188雞煲真系食極吾厭啊！奇味雞煲奇味醬好濃郁啊🤎啖啖雞都食到奇味醬味🐔雞肉嫩滑程度就ok啦。雞煲有分大同小size，兩個人食細嘅好飽，仲爭啲食吾曬🫣✿ 竹蔗茅根 $33見好多人飲我又叫黎飲，比起一般火鍋店冇咁甜，清新解膩。

金樂軒雞煲魚鍋（北角）：香辣美味的饗宴位於北角和富道114號康華大廈地下C3號舖的金樂軒雞煲魚鍋是一家值得一試的餐廳。最近和大學兄弟久別重逢，我們約在這裡享用了一頓美味的雞煲。首先，我們點了招牌菜香辣奇味雞煲（$188）。這道菜的配料包括冬菇、豆卜和半隻雞，香辣的味道恰到好處，平衡度很好。我們兩個人點了小鍋份量，份量剛剛好，非常滿足。接著，我們嘗試了蒜香椒鹽豬手（$138）。這道豬手外皮金黃酥脆，搭配澳門厚厚的炸生蒜，散發出誘人的香氣。侍應將這道菜端上桌時，已經讓人垂涎欲滴。我們還點了咸肉韭菜花（$88）。這道菜以鹹香的咸肉作為調味，為韭菜花增添了獨特的風味，味道恰到好處，非常美味。作為人氣菜色，我們也品嚐了鮮味煎墨魚餅（$128）。這道菜的份量十分豐富，墨魚餅厚實多肉，煎得香口。底部還搭配了幾塊蝦片，添增了口感的豐富度。蘸上甜酸醬後，味道更加出色，令人難以忘懷。最後，我們還點了支大清島（$28）兩兄弟啤酒，來與這頓美食相伴。啤酒的清爽口感與辣味菜餚相得益彰，為整餐饗宴劃上完美的句號。

金樂軒係傳統既菜館，舖頭都幾旺，坐滿客人。老闆好nice，亦會主動推介食物俾我地。老重慶奇味雞煲 (小) ($188)小煲一啲都唔小，我地叫左小辣，帶小許麻辣，辣度恰到好處。雞肉鮮嫩，除左雞件，仲有芫茜、洋蔥、冬菇、豆卜等等一大窩材料，吸滿雞煲啲醬汁，香濃又惹味。黃金蝦球 ($148)賣相好吸引，蝦球炸到金光閃閃，外酥內嫩仲夠晒juicy，每一啖都食倒爽口彈牙既蝦肉同外皮酥香既咸蛋黃。花雕醉雞 (例)($88)俾左雞脾部位俾我地，雞肉嫩滑入味，好有花雕香味，鮮甜但又唔會覺咸，一食就停唔倒口。皮蛋拌豆腐 ($58)依個價錢有咁多舊豆腐同皮蛋真心抵，豆腐非常嫩滑，流心皮蛋Q弹，口感好好。再加埋自家調製醬料，香辣開胃、蒜香十足，夏天食特別過癮。椒絲腐乳通菜 ($88)很滋味既家常炒菜，通菜好嫩，炒得好有鑊氣，腐乳味道剛剛好唔會太鹹。竹蔗茅根 (細札)($38)味道好清甜得黎飲得出係真材實料，滋潤又唔會太甜，用黎解辣同解渴一流。整體黎講餐廳菜式豐富，價格實惠，唔怪之得咁多街坊支持，絕對值得一試。

傳統中式飯店格局，除主打雞煲同魚鍋，仲有唔少小菜▫️老重慶奇味雞煲 $188要了小辣但非常惹味，仲有豆卜好入味，份量足▫️黃金蝦球 $88滿滿嘅鹹蛋黃，沾滿蝦肉嘅每一吋，簡直係賣飛佛😍真心唔錯▫️椒絲腐乳通菜 $88熱辣辣炒起，好有大排檔feel，夠鑊氣▫️花雕醉雞 $88雞肉唔鞋唔梅，滑得嚟重花雕味▫️皮蛋拌豆腐 $58醬汁幾特別，皮蛋連埋勁滑嘅豆腐一齊食，幾得意本身好鍾意食咸蛋黃黃金蝦球真係加曬分 好得會因為呢道菜而想再去食多啲😋😋

久違了嘅金樂軒雞煲魚鍋，covid前我成日黎食鷄煲，因為抵食又好味。今日約朋友去開北角，我提議要幫襯下，但因為最近天氣太熱，所以今次食小菜。一如以往，大大碟抵食，我哋樣樣都想食，叫咗好多，三四個人食都食到好飽。必食推介：佢地嘅墨魚餅，真係唔知點解咁香口，令你食唔停！！脆皮炸大腸，同椒盬鮮魷又係好好味。因為我哋太鍾意食香口野，所以一定要叫一大樽竹蔗茅根水，自家製，潤口解喝，佢哋有呢個option俾大家order真係好醒同貼心周到，因為你食雞煲實配埋竹蔗茅根水。之後仲叫咗什菌牛頸脊，牛肉都多，好入味；仲有翡翠苗，好爽口，唔知點解自己屋企整唔到咁爽口。全餐都好滿足，等天氣涼d再嚟食雞煲同火鍋。

今日約咗朋友喺北角見面食飯，佢介紹去依間地道小館，平日唔算多人，坐卡位幾舒服，傾偈又方便。叫咗個竹蔗水，阿姐話自己煲，真材實料，我都覺得好好飲。叫咗個招牌細走辣奇味雞煲，火爐一路慶住，熱辣辣，味道唔錯，啲雞又好食。再叫咗個美極中蝦，啲蝦新鮮，大細適中。又叫咗個人氣煎墨魚餅，好爽仲有墨魚粒，呢個好食，唔怪得知叫做人氣之選。最後叫咗個啫啫通菜煲，都可以。兩個人叫咗四碟餸，真係有啲多，因為份量幾足，食到好飽咁離開。