金凱小廚 (已結業)

忙碌左成日終於收工，肚仔餓就決定食好啲放鬆一下。當時7:30pm，唔洗等位😜雞煲，串燒加火鍋放題先$198，果斷揀左呢個套餐! 雞煲真係好好食，雞肉鮮嫩，醬汁濃郁惹味，花椒八角味都幾濃夠灑野味，加左芫茜就更加香，讚!😋火鍋配料雖然不多，不過我覺得已經足夠，而且質素唔錯。原本呢個價錢，又雞煲，又串燒，又打邊爐放題，本身對食物都無乜要求，但係安格斯肩胛牛肉和美國極上牛頸脊鮮嫩彈牙，肥瘦適中較有咬口的，牛味濃，真係喜出望外!$198套餐每位可以揀4樣串燒，種類都算多。我揀左最愛既厚切牛舌，蒲燒雞泡魚乾，燒翠肉瓜和燒雞軟骨。味道十分唔錯，一路食一路飲一路吹水，一流!整黎講，我覺得金凱小廚係幾抵食，質素唔錯之餘，一次過滿足我雞煲，串燒，打邊爐既願望!

香港人近年都喜愛去些任飲任食的餐廳，可以隨意任叫，唔駛煩諗食什麼，今次就推介番間食得「蠔」放火鍋任食燒烤又有特色既比大家試下啦！佢就係位於大圍既金凱小厨啦！呢間餐廳其實都算方便，大圍站一出，行5一10分鐘就到美林邨入面小食亭，出面仲有巴士總站，約朋友都易d,勝在做街坊生意夠親民，約埋三五知己聚聚啤一啤實在很有趣味！D野食先至係重頭戲，一來先來個雞煲，份量都唔少，味道剛好，又滑又鮮，唔錯，再來又簡了個花膠雞湯底，諗注湯底無咩特別啦，點知原來有好多大大隻花膠送埋，真係個湯底都值回票價，大大隻夠滋補啊！之後呢間仲有每人送串燒，有燒蠔，扇貝，燒菠蘿等等好多樣野簡，唔駛淨係打邊爐咁單調，有多個選擇都幾好！邊爐d材料來了，除左有海鮮，蠔簡之外，仲有埋唔同款式既極上牛肉簡埋任食，真係街坊價，多重享受喎！相當新鮮，有紙仔剔任選，囉埋黎，唔駛擺哂係度咁，野飲都包哂，環境都衛生光孟，裝修有些時尚，坐得都舒適喎！咁既環境，真係約埋三五知己聚聚既好地方，街坊價錢啫都唔知去邊度搵！

環境: 0分衛生: 0分食物: 1分食物種類：很少服務員: 1分整體: 0.5分總結: 沙嗲牛肉湯底冇味，牛肉一啲都唔好食，麵底太林，完全唔知自己食緊咩。以後都唔會幫襯🤮🤮🤮

剛剛係火炭收工，頭痛緊食咩既時候，有個住大圍既同事就推介我入大圍食呢個串燒雞煲既放題。聽完心諗有雞煲仲要有串燒呢個配搭咁正，仲要價錢唔貴只係$198，咁就一於去大圍試試佢。除左有幾次入去踩單車之外，都無試過特登答入去大圍食嘢。收工後7點入座，已經開始多人，側邊d卡位已經坐滿。我地揀左個$198既餐有半隻一次性既雞，同埋每人有4串串燒可以揀，其他配料就可以任點。首先上枱既係串燒，牛柳粒燒得恰到好處. 咬落去仲仍然有汁. 羊架調味不錯，燒帶子亦味道十足。係食緊既途中，雞煲就黎啦。服務員好貼心會定時定候黎睇下個雞煲避免燶咗。雞煲味道唔錯。但未算好出眾。食完雞煲服務員上黎問要咩湯底打邊爐。同男友揀左個沙嗲湯底。十分有驚喜平常既沙嗲湯底都淡到不得了。但係呢度既沙嗲十分濃郁，除左湯底打邊爐既材料都好緊要。牛肉豚肉都十分新鮮。其他既選擇亦十分多。總括黎講。198 有3樣體驗係十分唔錯既選擇。

一向支持平民小店，發掘到就好似執到寶咁，今次要講下金凱小廚。啲侍應好friendly😎，間唔中同客人有講有笑；先上雞煲再俾火鍋，聽到都開心~ 首先雞煲雖然叫麻辣，好傾得嘅話事人話因應附近街坊口味調整過，而家小小麻而有甜甜的辣，反而幾惹味😋 會細心提你啲雞初時只有五六成熟，客人可以把握啱啱熟嘅最嫩程度去品嚐，好有心👏！之後直頭換一個煲但係可以真正試到火鍋嘅湯底，唔會溝咗雞煲嘅味👍我揀咗花膠濃湯同$198 set，湯底有四塊大花膠~~ 飲左一啖試味都覺得調配得幾好，的確有香濃雞味呢！主菜相信好多人都同我一樣，雖然每樣✔️曬，但係上到枱邊碟打邊碟都唔肯定，啲牛肉ok呀，不過我更鍾意食豬，金凱小廚嘅豬肉片唔錯，友人就鍾愛食蠔，讚啲蠔夠creamy，小店黎講可以任食蠔係好抵！不得不提一提，火鍋醬料裏面有一兜大家都誤會咗係豉油的，原來係燒汁，哈哈，相信係俾串燒食物用，同埋佢哋嘅沙爹醬係坊間少見的好食！呢間嘅另一個特點就係，仲可以食埋串燒🥰，係一次過滿足三個願望，哈哈，可惜肚皮有限食唔到好多，我見隔離枱係咁叫牛油燒扇貝，唔知係咪好好食呢，後悔冇跟風叫兩隻試下！！

今日去左大圍探朋友，臨走已經天黑到晚市時間，就一齊落樓下嘅街坊餐廳食飯，見到有個$198嘅雞煲任食，就決定係佢啦。串燒自選: 每位可以揀4款串燒，種類都好多架。有肉類、丸類、海鮮類同野菜類。肉類有比較少見嘅香草羊架、安格斯牛肉串、特上牛脊肉，海鮮都有蒜蓉燒生蠔 、蒜蓉牛油燒扇貝、鹽燒多春魚等，比足貨！個安格斯牛肉串比想像中大粒，唔會燒到好老，啱啱好熟入面仲有小小血色，第一次食燒牛脊肉，燒到有小小燶好香口，入口油脂好香但唔膩。雞煲雞煲上台嘅時候未熟，要炒多一分鐘先食得。一上台已經好香嘅麻辣味。雞肉分量唔算多，但勝在夠多汁同嫩滑，入口唔會剩係得醬汁嘅辣，仲食到雞嘅鮮味。個汁唔止辣，仲好夠麻！啱晒鍾意食麻辣嘅我。兩個人食份量啱啱好，仲有位打埋邊爐。湯底: 食完雞煲就轉湯底打邊爐！湯底有花膠雞湯、胡椒豬肚雞、沙嗲同麻辣，店員推薦花膠雞最多人揀。湯底有紅棗、杞子、蟲草花仲有幾條娃娃菜，雞味唔突出。配料:火鍋配料紙有3張，都係分肉類、鍋物同海鮮。肉類牛肉有三款，仲有雞件同豬肉，就算唔食牛朋友都可以食揀西班牙豬肉。鍋物方面就叫左鴨血同鮮栢葉，個鴨血好嫩冇怪味，鮮柏葉好爽口，可以一試。海鮮就有廣島蠔、

小時候住沙田咁耐，都未去過美林冬菇亭食野，呢排清假沙田友推介左好耐既餐廳，今日終於有時間去食了！ 原來呢間小廚價錢幾親民，街坊生意幾抵食，我地揀左雞煲串燒+火鍋$198 。串燒都幾多選擇，我地點左燒蠔+扇貝。唔算話好大隻不過味道不錯，很野味蒜蓉味濃！微辣雞煲雞煲揀左小辣，雞肉鈔至轉金黃色就食得，雞肉幾嫩同腍身，花椒八角味都幾濃夠灑野味，加左芫茜就再香d!KO 完雞煲都有半飽，再食火鍋！湯底點算了藥膳醉雞湯，滋補d！都幾足料，有紅棗、龍眼肉同杞子同埋主角醉雞！味道不錯岩灑女生可以補下！牛粉當然必選火鍋牛類，我地就揀左三款，安格斯牛肩胛、牛板腱及牛頸脊！ 肥瘦適中較有咬口的，牛味濃d ! 牛肉薄切淥1分鍾到就食得，肉幾嫩簡單點下辣椒豉油最好食😋疏菜盤+响鈴除了肉類，要食番d 疏菜平衡下。粟米、金菇、响鈴及芋絲都索灑湯既精華，正！其他丸類都幾多選擇，有陳皮魚旦、龍蝦丸、芝士丸等。

又係我呀我又食雞煲喇 今次黎到大圍美林邨既「金凱小廚」（朋友揀既 佢住附近） 估唔到屋邨內卧虎藏龍 佢地既雞煲都真係幾高質價錢唔貴 我地揀左$198雞煲串燒火鍋放題套餐雞煲係一次性既 雞煲既份量係跟人頭計 我地2個人就有半隻雞 如果3至4人的話就會有成隻雞雞煲好惹味 雞既肉質亦嫩滑 個雞煲好快就俾我地清晒喇$198既套餐每人可帶叫4款串燒 我地揀左鹽燒多春魚、香草羊架、蒜蓉牛油燒扇貝同埋蒜蓉燒生蠔扇貝同生蠔上面舖滿滿滿既蒜蓉 好吸引 食落又惹味又Juicy羊架都唔錯 調味做我幾好 多春魚都唔錯食完雞煲就換過煲湯打邊爐喇 出面好多餐廳都係食完雞件就直接加湯落個雞煲度打邊爐 結果個湯就搞到油淋淋 呢度就好細心 係成個煲換呀！湯底有五款選擇 包括有：花膠雞濃湯、胡椒豬肚雞煲、懷舊醉雞煲、四川麻辣湯同埋特濃沙嗲濃湯向來養生既我地我地揀左花膠雞濃湯 湯底好足料 裡面真係有花膠嫁 牛肉唔錯 冇雪味 肉質亦唔錯 食落亦有牛味 而且一d都唔孤寒 次次落完單轉個頭就上幾款牛肉既油花分佈都幾平均 唔錯唔錯！其他火鍋配料亦唔錯 最推介係鯇魚片 睇顏色都知好新鮮 食落真係有魚鮮味 我地叫左好多轉另外扇貝同鴨

上星期去左大圍搵舊同學一聚，系附近去左－金凱小廚，任飲任食打邊爐，第一次幫襯吾知味道岩吾岩我口味呢？眼見人流刀幾full，相信好抵食！雞煲：首先先黎一個雞煲，初初擔心自己食吾到太辣既雞煲，所以order時叫小辣；但原來餐廳為合街坊口味，辣味吾會太辣的。雞煲滾下就食的，雞肉幾嫩口之餘，又夠香口，辣味可接受啊！令人愈食愈惹味。花膠雞濃湯湯底：食完雞煲而等緊串燒之制，我地就order埋湯底準備去打邊爐！花膠雞濃湯的確包有兩大片既花膠，好足料；食落仲好彈牙！雞濃湯幾香口，味道吾會濃過蓋左食物本身既味道呢！＄１９８肉類：安格斯肩胛牛肉，安格斯牛板鍵，美國極上牛頸脊，西班牙豬梅肉片等。所有既牛類牛脂吾會太多，吾怕好易食到漏，口感不太鞋口，滲出牛香味。而西班牙豬梅肉片口感會比較鞋口一點，但也很JUICY！任食火鍋配料：牛柏葉幾爽口，個人建議吾好焯得太耐，否則會縮得好細。豆腐幾滑口，而另外仲有丸類，蟹柳等等。。再點左個出前一丁食。串燒不是任食的，但我地幾左幾串過下口癮呢！香草羊架：羊架燒得岩岩好，吾會令整件羊架燒到又黑又硬。羊架口感剛好，肉質彈牙，沒有羊羶味，反而仲帶少少香草味呢！雞軟骨：個人覺得口感

比youtuber 呃左，以為好抵食，點知已經6:00去到當時已經冇咩人係到，服務態度差到冇人有，串燒漏單情況嚴重，追完叫再落單情況一樣。今次食雞煲串燒火鍋放題，串燒每人限4串。4人食落左16串，嚟左12串左右，唯一好味係燒🍍。雞煲上枱時d 雞係未熟，但抽風唔夠，一路煮一路比d 🌶整到咳。食完雞煲換湯底居然比待應話唔使收拾雞煲住，等埋打邊爐湯底先一齊收走喎，但將枱已經唔夠位比佢放野，佢得一對手，湯鍋都唔輕，佢點樣可以先後放低湯鍋再收走雞煲呢？另一問題係食物款式少，居然菜單係冇得點蔬菜。總之結論就係伏。老闆好，服務生態度差掛住吹水，完全唔理客人。絕對冇下次。

要訂位！平日夜晚大約6:30去到，啲位置已經坐得7788 。好彩有訂定位，可以同妹妹兩個人坐卡位。呢度嘅侍應動作好快手，我哋坐低冇幾耐就上咗炒雞煲，同埋一啲點左嘅串燒，等咗唔係好耐就已經好快有得食，唔使捱肚餓雞煲嘅味道適中，唔會太辣或者太鹹。半隻夠我哋兩個人食啱啱好。啲串燒都來得好快，我哋點左燒羊假燒牛柳粒，扇貝同埋一啲燒蔬菜。上得快夠熱辣辣我妹妹就最喜歡嗰個炸雞軟骨，佢一個人食咗四支😂牛嘅質素冇令人失望，點左三款牛，每款都好食，最讚嘅的確係美國黑毛和牛肉眼。另外我點咗蠔同埋扇貝，呢兩樣質素都高，特別喜歡蠔！飲品方面主要係汽水同埋菊花茶檸檬茶，同埋主要喺雪櫃拎。我同妹妹唔係好想飲凍嘢，所以拎完就放喺個火鍋煲隔離😂個侍應姐姐見到，即刻拎啲室溫嘅檸檬茶俾我哋，10分貼心💕美中不足嘅地方係，呢度嘅點餐只主要係四張，款式唔算好多，主要係我哋想叫菜啊金菇嗰啲都冇。不過我哋問侍應姐姐，佢又好好咁拎咗碟菜同金菇俾我哋，服務質素抵消番

好難得仲見到一間獨立存在既餐廳，環境我覺得還好，充滿舊時茶記既感覺，但又跟上時代既步伐，推出左雞煲串燒餐。今次同朋友特登黎試佢既雞煲串燒，老實講價錢都幾實惠。雞煲係放題，可以自己畫紙仔。冇諗過呢啲屋村茶記都有用心設計過餐牌。我地食既係$198既餐，仲有啲貴既揀，會包埋串燒放題，但$198餐其實都包左指定數量既串燒，我地覺得夠食了～個雞煲睇落都幾足料，合格！啲雞肉都算嫩，唔會太鞋，夠入味。呢個價錢居然仲有燒蠔，大家一致好評。叫左幾份串燒，等雞煲前用黎醫肚就最岩。後加用黎打邊爐既材料都上得好快好齊，最怕啲餐廳成日甩單。用餐時間老闆都有黎同我地傾下計，問我地啲野食O唔OK，都睇得出佢有心做好呢間餐廳呢。

去開大圍想食番個雞煲，同時又想食串燒，竟然俾我搵到呢間餐廳啱我口味，咁就要入去食番夠本啦。一份雞煲嘅份量都幾多，我哋叫咗個唔辣嘅雞煲，咬落去啲雞係好嫩滑，一啲都唔韌，而佢嘅味道鹹鹹地，食完一件就想食第二件。👍🏼另外，我哋兩個人食咗八串串燒，安格斯牛柳粒，麻辣雞中翼，雞軟骨，蒜蓉燒生蠔，蒜蓉燒扇貝，蒲燒雞泡魚乾，燒冬菇。整體燒物味道都唔錯，特別啲嘅做咗牛柳粒佢係比我想像中鬆軟。生蠔同扁貝係比想像中大同新鮮，一啲都唔腥。食完雞煲之後，店員就會問你打邊爐嘅湯底係乜嘢，我哋揀咗花膠雞濃湯湯底，個湯底俾我好大嘅驚喜，佢嘅花膠係非常之大，想食花膠嘅人真係要試吓呢度，同埋佢嘅雞濃湯真係好有味、好濃郁。打邊爐係任食嘅，佢包左唔同常見嘅配料。不過眼見冇菜類同埋麵類覺得好奇怪，咁就問吓個店員點解會冇，原來係餐廳未印得切新嘅點餐紙，所以平時係火鍋店想食嘅配料都會食到。講返個重點，套餐包嘅任四款肉類，安格斯肩胛、牛板腱、牛頸脊同埋豬梅肉片。我比較鍾意嘅係牛頸脊，因為佢嘅牛味同油脂分布得好，而另外兩款兩款牛就啱啲鍾意食爽身牛肉或有咬口嘅人。

平日星期一去食，但估唔到竟然咁多人等位，未到八點門口既侍應已經話無book位既就唔好等啦，已經full晒一開始食雞煲先，好濃味，調味調得好，兩個人食一隻雞已經開始飽然後有串燒食，每人可以揀四串～驚喜既係連燒蠔燒扇貝呢啲海鮮都有跟住開始打邊爐任食，叫到成枱都係！牛都有三種可以揀；雖然已經食左雞煲，但都一定要食呢個酒釀雞件，又滑又入味；牛柏葉會剪到細細塊，所以食起上嚟個口感好爽，唔會un 而且仲要啤酒汽水任飲，真係物超所值餐牌～

預訂了晚上7點，但餐廳沒有留位，需要等到7點半有其他食客主動離開才能入坐，最後陸續等到8點才開始有野食落肚。餐廳的碗碟懷疑是沒有洗過的，店員拿來時很多油，甚至少部分有污漬，像極了某間連鎖日式西餐光顧了晚市的火鍋任食優惠，沙嗲湯非常的濃及咸，蓋過了所有食物的味道貴價火鍋套餐的「高級牛肉」都是非常考師傅刀功，薄得可看見碟底火鍋料上菜的份量奇怪，寫一份鯇魚片只會給你一片魚肉，其他丸類上菜時亦是逐粒計。串燒及雞煲的質素尚可。奉獻各位便宜莫貪。