金凱小廚 (已結業)

同家姐去屋企附近食晚餐，呢間原來好受歡迎。6點15分去到滿左三分一，但5分鐘後全場滿左，幾好彩。2個人食原本諗住食小菜，去到見到人地食好似好正咁，叫左1個烤魚，口痕嘅我哋仲想叫多一樣野食，家姐話不如食椒鹽九肚魚，咁就揀好餸了。落單果陣仲比叔叔講笑串:兩樣都係魚呀～因為我唔食得辣叫左微辣，但都覺得好辣，家姐話有譚仔嘅小辣。我平時食譚仔食清湯嫁咋。雖然辣，但係都好食。魚炸過，入面啲肉唔會過老。個鍋入面仲有芽菜，芫荽，豆卜，雲耳，枝竹。2個人其實一個餸都夠九肚魚夠厚身，上枱熱辣辣，如果個皮再脆多小小就更好

下午茶叫左雞翼薯條三隻雞中翼＋薯條，都係$33超抵食，即叫即炸雞翼無咩炸粉，亦醃過，好夠味11-5點都供應下次可以早啲黎幫襯希望呢間做得住而家好難搵到茶餐廳又平又真係好食

今晚因為夜左返屋企，煮唔到飯第一時間就諗起試下新野， 八點幾都冇咩人， 但係冷氣開到凍死人， 如果真係去記得帶件外套呀~🤧 兩個人叫咗三個餸， 滷水大腸拼豬肚，蠔餅同鹽焗雞湯河粉~先到嘅係蠔餅~外形好睇得👍食落都唔油，有少少蛋香，的確唔錯~到滷水大腸拼豬肚~可惜沒有滷水味，味道很淡~等得最耐係鹽焗雞湯河粉，食曬兩碟餸佢先至上枱🤷‍♀️ 但係鹽焗雞一點味都無…河粉係粗河粉，一夾就爛了…不過好欣賞係蘿蔔湯底，又甜又好味~😛整體覺得餐飯淡茂茂~新開張仲有好多改善空間👍我下次會再去架~😎因為美林真係好小呢d舖頭喇…