金凱小廚 (已結業)

話說有一晚想落街食野，本身住係美林邨，近日發現冬菇亭轉左間新野，金凱小廚火鍋放題，值得推介比大家。當日去全場爆滿，有雞煲、串燒、火鍋，$198任食任飲，飲品有汽水啤酒，呢個價錢真係抵到爆，上菜形式，首先會上雞煲，雞煲味道濃郁！其間我地叫左d串燒食，串燒質素都好好，雞泡魚乾好好味😋燒生蠔🦪也不錯，還有雞翼和牛粒，食完雞煲後可以自選配料，如果想食靚靚黑毛和牛只需加$70就可以盡情享用喇！順帶一提員工服務態度非常好👍因這店之前係食小菜的，有好多街坊問員工問題，她都細心解釋給街坊，值得一讚👍

話說果日收工返緊屋企，就比個friend即興叫我去大圍食飯，就去左佢book既金凱小廚食雞煲放題。。。去到餐廳7點左右就坐滿晒，我兩個friend比我早到，但坐低左一段時間都冇人招呼我黎到先擺好個陣。門口個員工比左本好厚既書仔比我，原來係點餐紙，但睇下睇下唔係好對路，成本書咁厚嘅點餐紙其實得3款，即係得3頁紙係可以叫野食，我見到都心知不妙，一張係叫雞煲同肉類，第2張叫火煱料，第3張叫串燒。我地就簡單落左雞煲同串燒先，跟住就出去拎野飲。去到拎野飲又發現左另1個問題，就係個雪櫃係set係好近食客坐嘅位置令到拎野飲唔係好方便，同埋雪櫃裏面嘅啤酒得返幾罐係凍嘅呢樣嘢對我地幾個酒鬼黎講係好大打擊，嘢食款唔多都算，都至在同d friend見下飲酒吹下水，連咁簡單想飲罐凍嘅啤酒呢度都滿足唔到我地雞煲終於到左，雞都唔算差但調味鹹左d,食左一轉only...串燒嚴重漏單，都唔知係整緊定點，叫唔叫多次好？？火煱料食到蟹柳，朋友就彈左句金句出黎令到我笑左，佢話重來冇食過滾勁都滾唔爛嘅蟹柳仲有一枱得一碟菜，仲要話係送嘅，一枱得1碟，放題得一碟菜又係咩玩法希望店家提升食物質數，環境及服務，咁生意先可以長做長有。

今日天氣有點冷又唔想煮飯，家人就說不如去食雞煲。大圍冬菇亭有間做緊雞煲串燒火鍋放題，一次過滿足三個願望，唔係唔去呀！套餐 — 雞煲串燒火鍋放題，即炒麻辣雞煲、串燒四款、火鍋任食同任飲。即炒麻辣雞煲，雞件很入味肉質嫩滑多汁，配料豐富有紫洋蔥芫茜勤菜香蒜等，越食越惹味。飲品櫃有盒裝飲品、汽水啤酒等。串燒也很吸引，蒜蓉燒蠔、蒜蓉帶子、一口牛、羊架燒菠蘿。燒蠔同燒帶子很鮮甜美味，羊架唔韌肉味香濃，燒菠蘿非常清甜解油膩。干燒雞泡魚干燒得香脆有嚼勁到火鍋時間啦！個個都係牛摩皇，這裡有幾款牛肉選擇，安格斯肩胛牛肉、安格斯牛板腱、美國牛頸脊、西班牙豬梅肉片。每款牛肉都很嫩滑又有牛味，幾款肉質都油脂分布平均。帶子厚身鮮甜，生蠔大隻又肥美，其他牛栢葉牛丸陳皮魚蛋也不錯。

第一次入大圍美林邨, 朋友特意介紹我過嚟呢度嘅熟食亭, 話呢度有間小廚內有乾坤, 晚上有超親民價嘅雞煲串燒火鍋食～ 吓, 呢個配搭聽落真係冇得輸喎, 即管試下平日六點鐘入座已經有幾檯客喺度開始食緊嘢啦, 第一樣要讚既係店員好有禮貌, 無論係介紹入座嗰位, 或是係落單上菜嗰位, 都超級友善我哋選擇咗 HK$198 雞煲串燒 • 火鍋放題～ 首先會上雞煲 (係一次性嘅, half chicken/2 person), 本無抱太大期望, 有驚喜, 啲雞又滑喎‼️麻辣醬料都幾惹味, 唔會太辣, 配上好多芫茜, 蒜頭, 洋蔥, 質素唔錯期間任何時間都可以落單叫串燒嘅我哋個套餐每人就包咗四吋-> 可以喺個list度揀, 我哋揀咗羊架, 燒蠔, 燒扇貝, 同埋麻辣雞翼～ 串燒又係有驚喜喎‼️熱辣辣上枱, 全部都燒得幾入味, 又唔會過火食完雞煲之後就會直情換走咗個煲, 上火鍋湯底, 我哋揀咗花膠雞煲～ 有幾嚿大大嘅花膠魚肚, 補充骨膠原啊😆 至於任食火鍋配料都係喺張list度填嘅, 選擇唔算係話特別多, 但以放題嚟講質素算係幾好蔬菜就冇喺個list裏面, 每一台入座嗰陣就已經有一盤蔬菜提供🥗價錢已

今日天氣突然變到好凍咁就係屋企附近搵咗一間打邊爐嚟食，呢間舖頭喺轉角位，都唔算太起眼，但係因為天氣凍就入咗去食。坐低之後我哋係叫牛肉放題雞煲任食套餐，鋪入面嘅夥計好熱情，即刻攞咗一煲雞煲俾我哋食住先😂之後仲可以每人叫四串 串燒！燒雞泡魚同埋腸仔係非常值得推薦！雞泡魚非常之入味，同埋雞翼都燒得好好仲拆埋骨！食完雞煲同串燒之後就係打邊爐，出奇地有花膠湯底，真係有2塊大花膠，驚喜!呢度嘅牛肉有四款，反而有驚喜，牛肉係用咗安格斯牛肉，有牛味之餘又爽滑，最推薦係牛頸脊！另外爽魚皮都係值得推薦，非常之脆。如果鍾意食牛嘅朋友一定可以回本😂呢度嘢飲飲啤酒都係咁飲，下次可以同朋友一齊嚟！

好耐無去過冬菇亭食嘢，今日老友帶我去佢樓下間金凱小廚打邊爐。冬菇亭食嘢，真係另有一番風味同回憶！夜晚無咗鑊氣小炒，轉咗做火鍋任食。雞煲 串燒 火鍋放題套餐 $198，八點後平多$20。數一數，29款配料。 串燒類每人可揀四款☺️點咗安格斯牛柳粒串、燒蜜糖雞中翼、醬燒雞腎、蒜蓉燒生蠔、蒜蓉牛油燒扇貝，燒扇貝同生蠔大大隻，燒完仲好鮮味水潤，唔錯喎。最好食係蒲燒雞泡魚乾，份量多，又滋味。 做小食配埋飲品，nice~先嚟係雞煲，辣度可以自己選，揀咗BB辣，辣度啱啱好。 食完雞就可以加湯打邊爐，開動了~ 牛當然係必食，安格斯肩胛牛肉、安格斯牛板腱、美國牛頸牛頸脊都比預期中好，仲要叫幾多有幾多，食得晒就得喇！廣島蠔、原隻扇貝絕對合格有餘。 個人推介鯇魚片，竟然可以切到咁大塊，鮮甜又健康。疫情之下可以同老友慢慢食慢慢傾，係開心嘅。

好耐無寫過食評，但今日食完，唔寫真係有小小對唔住自己。Book咗8點，遲10分鐘先入到座，勉勉強強都可以接受。當時仲諗緊食邊個餐，最尾揀咗個平餐去食($178@1，2小時)，落單後，等咗35分鐘終於有雞煲食，啲雞肉都嫩嫩哋嘅，本人都食得幾濃味，但個人都覺得好咸🤦🏻‍♂️🤦🏻‍♂️🤦🏻‍♂️🤦🏻‍♂️🤦🏻‍♂️肉類同火鍋配料，超級普通($178@1，應該唔好有咁多要求)，食到最尾，先發覺原來有肉食就應該要感恩，有去食過嘅應該會明我講咩。呢個餐包4款串燒，點嘅羊架，牛柳粒等等就無嚟過，無點嘅雞腎同雞軟骨送上嚟問你食唔食(隔離兩枱都係咁)。我食嗰兩串都熱嘅，但隔離枱就聽到話係凍嘅。最後，慶幸一開始無點貴嗰個串燒放題。仲有，現場好大煙。

今日經過大圍，是一間新嘅茶餐廳！叫做金凱小廚！因為好耐冇食過雞煲，咁啱呢間茶餐廳有。雞煲串燒套餐加放題就198，因為我哋見到嘢食種類都幾多，同埋都幾多人食，所以就叫咗呢個餐。咁佢首先就會上咗個雞煲先，味道好濃郁，有啲馬鄉味，你亦都可以叫佢小辣，我就覺得個辣到啱啱好。而且啲雞都好鮮嫩多汁。食完雞煲，我哋就開始叫串燒，同埋其他火鍋配料。串燒方面，佢種類有好多，有牛肉羊肉，娃娃菜，菠蘿等等。我哋叫咗扇貝，佢肉汁好多，味道好濃郁。而佢啲羊扒都好大塊，膻味好濃，啱晒啲鍾意食羊肉嘅朋友。我哋仲叫咗燒墨魚丸，龍蝦丸，番薯，仲有秋葵同冬菇等等。全部都好香，佢應該係加咗一啲調味料，笑得好香，好易入口。而火鍋方面，我哋都係叫做安格斯肩胛牛肉，西班牙梅頭豬，牛板腱。全部肉汁都好多，雖然切到有少少薄，但味道都唔錯！特別想講吓佢啲丸，我認為墨魚丸同公園係必叫，肉汁超多，我哋叫咗好多次🤣！例如芝士丸，芝士味都好濃，真係會爆汁。總括來講，佢哋啲火鍋配料同埋串燒種類其實都OK多，味道亦尚算可以。如果住喺沙田大圍或者馬鞍山嘅朋友有機會就可以去試吓，因為都見到幾多人去食！

今日約咗客喺大圍傾嘢, 完咗之後join frd食飯, 咁我就梗係趁機會睇吓周圍有啲咩好食啦, 始終平時少入嚟呢頭. 行行吓見到有間茶記寫住< 雞煲串燒火鍋放題套餐 >, 八點前入座都只係198, 仲要喺fb/ig打卡減$20加任食燒蠔👍🏻見佢又近巴士總站可以食完即刻返屋企, 我哋就入咗去試吓😶其實睇張點菜紙都已經飽飽地, 因為都真係有幾多嘢食揀😀198呢個set可以每人揀四款串燒, 火鍋配料就任嗌嘅, 嘢飲都係任飲, 有汽水啤酒同紙包飲品👍🏻一入到去坐低, 老細即刻安排上咗個麻辣雞煲先, 因為始終等啲雞熟都要時間同一時間就梗係嗌串燒啦🤷🏻‍♂️我哋睇咗唔夠十秒就揀咗香草羊架安格斯牛粒串, 麻辣雞中翼, 蜜糖雞中翼, 蒜蓉燒生蠔, 蒜蓉牛油扇貝, 蒲燒雞泡魚乾同燒菠蘿😛 等嘅期間店員會有時幫我哋撈下個雞煲👍🏻喺啲雞差唔多熟嘅時候啲串燒都嚟喇👏🏻蒜蓉燒生蠔同蒜蓉牛油扇貝好重牛油味好香, 牛柳粒串燒得啱啱好, 羊架都幾腍, 而我最欣賞係個麻辣雞中翼, 因為真係燒得好入味😋 雞泡魚乾都幾特別, 甜甜哋易入口, 同個蛋黃醬幾match👍🏻 燒菠蘿就有啲啲甜, 不過食完條脷唔會麻,

朋友帶我地落樓食金凱小廚，新型冬菇亭！即炒麻辣雞煲因有芹菜、紅洋蔥、芫荽加配，所以麻香味好重，只係小辣。之後加上湯先火鍋！雞肉幾嫩口，唔會太辣口！安格斯肩胛牛肉同安格斯牛板腱都凍肉切，但無雪味，佢又好野喎！薄薄好快熟！美國牛頸脊就比較重牛味，食左好多碟！西班牙豬梅肉就比較大大塊，無豬蘇味！麻香辣豬肉比牛肉更有鬆肉口感。件午餐肉超大件！廚師腸仔到！廣島蠔、扇貝、鯇魚片都好新鮮！特別蠔係完全無沙石，好少見。扇貝都幾彈牙！鯇魚片都食左兩碟，煮耐d都無散哂，軟中帶點實！芝士丸、墨魚丸、貢丸必食墨魚丸、貢丸！超大粒超彈牙，足料！蜂巢豆腐、枝竹、響鈴、炸魚皮以上四項唔好煮太耐，會對食小辣既人辣過頭！炸魚皮都炸得幾白淨脆口！白菜鮮肉餃子鍋貼形式，第一次咁用嚟食火鍋！比平時湯餃子少d風險散開，新今法！火鍋配料無菜類，要靠串燒食d菜同水果，哈哈！燒秋葵、燒翠玉瓜、燒冬菇、燒一口薯食齊哂！一口牛、麻辣雞翼要熱先好食。燒蒜蓉扇貝同燒羊架超正，特別係前煮！多牛油！多蒜蔥！又爽口！羊架要愛羊蘇既人愛！燒墨魚丸一開二咁燒，孜然粉滿滿！啤酒汽水都係任飲！

啱啱轉左晚市有火鍋放題，去試咗一次都幾好，拍得住九龍區嘅火鍋任食。沙嗲牛湯底好濃味，百幾蚊好抵玩仲有串燒同燒蠔，大圍區應該得佢一間做到呢個性價比汽水同啤酒任飲隔離枱食花膠雞湯底，塊花膠都好大塊下次再試，好似幾濃佢嗰個牛肉好多款都係任食，和牛同安格斯牛頸脊有九龍城質素，夠軟熟，重牛味，同沙嗲牛肉湯底勁夾，個湯底用嚟煮公仔麵就係茶記迷精選，有方榮記嘅感覺但係冇方榮記咁貴😌重點係牛肉款有男人鍾意食嘅重牛味有嚼口，都有女人鍾意嘅軟綿綿和牛口感，呢個位做得幾好。

雞煲·經常都食，以前大圍來來，荃灣一品都食到熟晒。美林冬菇亭有間金凱小廚搞雞煲，仲要任砌，一於去辣下更先😜跟住就只有正，正，正，正，同食，食，食，食，食，食😋

今日午飯去左美林冬菇亭食金凱，話說我咁岩冇帶紙巾，想要張餐紙，問個職員竟然話冇，一係就俾$3買包，仲要態度唔太友善，咁我都算俾$3買左，但我覺得開茶餐廳連張餐紙都唔俾，有需要夾硬要人哋買紙巾，我唔介意俾$3包紙巾，但如果係要用呢種手法賺錢，感覺很差。

平日早餐時段可以，但星期六、日好嚴重！由於食客多，我一坐下，枱都未叫人執，已經落order叫早餐。等了很久，先有單返來，落單時間同入機時間已經相隔了6分鐘。好！繼續等！杯茶10分鐘後到！到有第一碟食物到時，已經是入機時間後25分鐘。如果由我落order開始，都要半小時才有野食！茶記來說，已經算離譜了吧！(不是漏單的情況)最後趕時間，唯有將食物倒入口，然後速速離開！不是説員工作不好，而是否要安排更多的人手呢？

中伏，中咗大伏。 晚飯叫咗支竹魚柳煲同埋雞煲。 支竹魚柳煲好咸， 大部分魚柳冇咩魚， 得啲麵粉； 雞煲得咸味，冇辣味，個湯底好稀。 唯一服務態度幾好，如果對食冇咩要求，附近又冇其他選擇， 都可以試下。 本身美林美田晚飯時段附近都冇乜嘢揀， 見呢一間餐廳新開冇耐畀下面。 食物質素有待改善。 其他餸菜我唔敢寫包單好唔好食， 但我叫嗰兩樣咁啱都係麻麻地。 服務質素算係幾好，啲員工老闆都起碼有個笑容。 希望下次去嘅時候，啲餸菜有改善。