今次揀咗呢間餐廳，因為同行友人對於食物用料嘅要求好高🤫 La Base 只用全天然無激素肉，蔬菜大部份係有機，香草都係自家種植🔅 環境方面，除咗好spacious嘅室內dining area，仲有好大位置嘅戶外座位，如果host party，無論大朋友小朋友定係狗狗都可以有足夠嘅活動空間😂 ✨️Parma Ham & Melon 意大利巴馬火腿配哈蜜瓜 $238 ✨️Italian Roasted Local Free-Range Chikcken 意式燒走地雞半隻配有機時令菜 $328 ✨️Classic Carbonara 意大利煙肉配忌廉蛋汁意大利麵 $288 ✨️Drinks 好吸睛嘅特飲 Fruitology $78 Tangy Rough $78 Virgin Mojito $78 另一個加分位係呢度入座冇限時，可以慢慢坐，慢慢傾計，慢慢享受😌 Was raining so didn't get to enjoy the outdoor area this time... 😫

想貪心啲要兩款口味？食完雞煲可以半價換個湯底，我哋揀咗蕃茄野菌薯仔鍋，折後HK$44咋， 飲得出湯底唔係加茄膏，有好多新鮮蕃茄菇菇薯仔，可以一路滾湯一路食！！ 草蝦嘅處理手法幾細心，剪哂啲蘇蘇，方便煮食。鱔片亦份量足，切得厚肉。 新鮮肥鵝腸好彈牙，清理得乾淨。 石門呢度工廈area放工後大多比較清靜，但係估唔到呢間小店平日晚上都坐爆場。有客人嚟到冇位，店員會 mark低電話之後有位call返佢哋，都幾貼心呀🤗

海港城免費泊車優惠都算抵，惠顧200蚊就可以免費泊兩個鐘。 今次嚟呢度醫肚，搵到一個好地方食brunch，半自助午餐 (HK$288/位)，有無限量添加嘅自助前菜bar，一份主菜及茶／咖啡。 餐廳佔地8000呎，所以空間感好大，枱與枱之間唔會好近，坐得幾舒服～ ♧ 精選Salad/Seafood自助吧 ♧ 有幾個sections，除咗有西式自助沙律吧及cheese selections，仲有一系列調配好嘅亞洲特色沙律、及餐湯麵包～ 最最最吸引嘅係●無限供應嘅冰鎮海鮮🦐 有青口、翡翠螺、蝦蝦、小龍蝦及辣蜆肉。翡翠螺鮮甜彈牙，泰式 辣汁蜆肉好惹味。 ♧ 主菜 ♧ 有唔同嘅選擇，我哋就揀咗亞洲風嘅日式炸豬扒便當➕️中式蟲草花菇菇牛肉飯。

係返屋企嘅途中發現有啲肚餓，就決定搵下附近邊度有掃街好選擇喇‼️ 一向都鍾意食辣嘅我就畀呢間吸引咗，佢哋專做外賣，冇坐喺度堂食嘅位置，但係有啲企位可以俾客人企喺度即場食嘢嘅～ 店舖望落乾淨企理。 兩個人叫咗一碗酸辣粉（好惹味，食唔停口），一碗重慶麻辣燙（材料好似車仔麵咁任君選擇），辣度當然有得揀 。 中辣比起我想像中更辣（正🤤）。另外加咗兩款小食，一款係豬紅韭菜加豬腸，另一款係佢哋新推出嘅自家鴛鴦餃（有芫茜同埋韭菜餃兩款口味）～  店員建議我加入佢哋嘅微辣菜莆同餃子一齊食，任加㗎！

熟我嘅朋友都知道我有幾鍾意飲清酒😛 今次嚟到銅鑼灣耀華街呢度，畀呢間「九鬼」吸引咗，因為佢哋有專業唎酒師駐場，仲有六款清酒任飲plan‼️ 雖然六款唔算多，但勝在每款嘅特色都各有不同，有款同刺身夾啲，有款同串燒夾啲，一路食一路飲，不知不覺就試哂六款😂 食物方面，炸日本白蝦仔好好食，脆口又惹味，佐酒必點‼️ ✨️洋風刺身沙律 三文魚油甘魚刺身配上牛油果、青瓜、沙律菜，仲有用蕃茄砌成嘅玫瑰花 (巧靚!)，和風芝麻醬。 ✨️九鬼海龍王卷 豐富到極致，一嚿要分開兩啖食！上層係滿滿嘅海膽，再加上刺身蝦三文魚？ 同埋應該係醃製過嘅酸瓜，增加多重口感！ 飲酒當然少不了串燒🤭

屹立十多年嘅日式居酒屋🎏 重新裝修 上星期入Creamfield之前搵個落腳點醫下肚，增加下體力🤭 呢度嘅串燒水準唔錯，見到師傅即叫即燒，火喉及味道及上菜速度都控制得幾好～ 餐廳又好貼心咁提供生椰菜，配上味噌醬，好似日式炸串餐廳咁～ 意式刺身多士 咬落有驚喜，上面有海膽、三文魚、吞拿魚、油甘魚🤩 一啖咬唔哂，估唔到塊多士仲係好脆好脆，口感極為豐富～ 西式嘅調味方式亦為魚片帶出咗refreshing嘅味道～ 店員話係期間限定㗎😉 日式炸雞 都幾特別，沾滿咗碎薯片，然後再炸，脆上脆🐔

唔係淨係好食咁簡單，一入口就食得出係誠意之作，串燒溫度均勻，精緻，調味亦十分到位～ 「火赤」位於尖沙咀寶勒巷樓上舖，一入餐廳門口就係串燒吧檯位置，即叫即燒即上枱，熱辣辣串燒入口，美味しい～ 餐廳主打雞串燒，有唔同嘅燒鳥部位及內臟。嘻嘻，我第一次食提燈，耶，口感好似食生蛋黃，一咬即爆汁～ 餐廳另外配上五款調味粉: 七味粉, 一味粉, 柚子鹽, 咖哩鹽, 山椒粉‼️ 🐔 燒鳥部位: HK$38-48@ 雞下心 | 雞頸肉 | 雞上髀 食道 | 雞肉軟骨棒 | 提燈 (限定) 仲有好多款，留番下次食🤭 🍡 當然唔只叫雞啦，仲食咗呢啲，一樣高質: 水牛芝士煙肉卷 $48@ 醬油燒飯糰 $38@ 燒鱈魚乾 $48@ 福岡安納芋 $58@ (甜品) 抹茶蕨餅 $38@

係開太子花墟附近行過，見到隱蔽巷仔入面掛住日式燈籠，八卦入去睇下，原來係一間新開嘅日式串燒店⛩️ Menu都幾吸引，入面面積唔大，只有幾個高枱位置，好有去咗日本小店嘅感覺😌 師傅對於食物嘅製作都幾執著，每樣串燒嘅調味都略有不同，逐串逐串即叫即燒即上👨🏻‍🍳 炸物都唔錯，叫咗日式炸雞及炸豆腐。 因為開業不久，當時酒水餐牌都仲未有，有720ml同埋300ml嘅清酒，仲有支裝手工啤酒～ 師傅話遲啲會有埋Highball～ 師傅話佢哋大老闆諗住打做呢個corner位做日式美食街😎 到時可能有齊日式甜品、火鍋、爐端燒 同埋串燒‼️

食日式燒肉通常價錢都唔平，但上次試過呢間喺荃灣分店之後，發現性價比都幾高， 唔使傷荷包都可以食得飽飽‼️今次同朋友喺尖沙咀搵食就決定再入嚟幫襯一下🤭 餐牌原來update咗，之前嘅某啲套餐就冇咗喇，而家新加入咗一啲items～ 今次 散叫咗幾樣唔同嘅食物，加配咗生菜，總覺得用生菜包住豬腩肉會特別好食，增加口感之餘，又可以減退油膩😉 上次好似食咗豬腸，今次新item有醃製咗嘅牛腸，喜歡食內臟嘅朋友一定要試下😃

濟濟一堂燒烤堂🍡 留喺香港消費嘅人應該都發現到，香港好多餐廳而家晚市都比較清淡🥲 係咪又嚟到汰弱留強嘅時間呢？計Covid之後又再一次大洗牌？ 點都好啦，如果預到自己喜歡嘅餐廳，就不妨多多支持下喇‼️ 燒烤堂都算打出名堂，而家同朋友講起大家都已經知道佢哋嘅存在😂 口碑都算幾好，勝在串燒小食款式好多，價錢定位適中，幾款生啤仲有買一送一添🍻 Sapporo HK$48 buy one get one free😎 燒烤自然好食，估唔到佢嘅鰻魚炒飯 個性價比咁高，HK$58超大碟又多鰻魚粒🍛🐟