金凱小廚 (已結業)

今日天氣有點冷又唔想煮飯，家人就說不如去食雞煲。大圍冬菇亭有間做緊雞煲串燒火鍋放題，一次過滿足三個願望，唔係唔去呀！套餐 — 雞煲串燒火鍋放題，即炒麻辣雞煲、串燒四款、火鍋任食同任飲。即炒麻辣雞煲，雞件很入味肉質嫩滑多汁，配料豐富有紫洋蔥芫茜勤菜香蒜等，越食越惹味。飲品櫃有盒裝飲品、汽水啤酒等。串燒也很吸引，蒜蓉燒蠔、蒜蓉帶子、一口牛、羊架燒菠蘿。燒蠔同燒帶子很鮮甜美味，羊架唔韌肉味香濃，燒菠蘿非常清甜解油膩。干燒雞泡魚干燒得香脆有嚼勁到火鍋時間啦！個個都係牛摩皇，這裡有幾款牛肉選擇，安格斯肩胛牛肉、安格斯牛板腱、美國牛頸脊、西班牙豬梅肉片。每款牛肉都很嫩滑又有牛味，幾款肉質都油脂分布平均。帶子厚身鮮甜，生蠔大隻又肥美，其他牛栢葉牛丸陳皮魚蛋也不錯。