金凱小廚 (已結業)

剛剛係火炭收工，頭痛緊食咩既時候，有個住大圍既同事就推介我入大圍食呢個串燒雞煲既放題。聽完心諗有雞煲仲要有串燒呢個配搭咁正，仲要價錢唔貴只係$198，咁就一於去大圍試試佢。除左有幾次入去踩單車之外，都無試過特登答入去大圍食嘢。收工後7點入座，已經開始多人，側邊d卡位已經坐滿。我地揀左個$198既餐有半隻一次性既雞，同埋每人有4串串燒可以揀，其他配料就可以任點。首先上枱既係串燒，牛柳粒燒得恰到好處. 咬落去仲仍然有汁. 羊架調味不錯，燒帶子亦味道十足。係食緊既途中，雞煲就黎啦。服務員好貼心會定時定候黎睇下個雞煲避免燶咗。雞煲味道唔錯。但未算好出眾。食完雞煲服務員上黎問要咩湯底打邊爐。同男友揀左個沙嗲湯底。十分有驚喜平常既沙嗲湯底都淡到不得了。但係呢度既沙嗲十分濃郁，除左湯底打邊爐既材料都好緊要。牛肉豚肉都十分新鮮。其他既選擇亦十分多。總括黎講。198 有3樣體驗係十分唔錯既選擇。