醉藥雞 (福榮街)

營業中

休息中

本身我個人幾鍾意中藥既食療或飲中藥，聽完朋友話自己會嫌貴加食善存果D維他命冇用，點解唔去一間叫醉藥雞既鋪頭食佢個招牌砂鍋雞68蚊果個呢?心諗我冇錢去咩，要係真材實料先滿足到我，趁呢日係附近做完野就走左去食。12點未到未開門係附近行左一個圈，然後開門只有三四個客，大把吉位，店員指派我同另一位男食客坐左係角落兩個單人位。未上檯已經聞到隔離食客既香味，心諗應該唔係伏掛，之後上左檯，先飲湯加食件雞同睇下有咩配料，有幾件雞大約6-8件既白切雞冇雞翼，多數都係雞胸大件骨冇咩細骨，唔會食食下要不停吐骨，一大口啖啖肉。佢個湯係用雞皮既油,雞湯似係超市十幾蚊一大盒果種湯，一大浸酒味同酸味，而且碗底有好多細糯米粒，即係超市買到既"酒釀"，類似X佳買到既"佬米酒"用玻璃瓶裝住既38蚊裡面有幾湯匙，加上廚用黃酒，與花雕酒類似，都係廉價黃酒，對於我自己有飲開啤酒，有時飲少少花雕酒既人來講，個酒味加酸味比較好味開胃。不過飲湯飲到一半，我就開始覺得冇咩特別，只係得浸酸味，而且愈來愈口乾<<<點解呢?我先聲明係飲唔出有味精，但係好明顯有落好多雞粉，因為我次次食完有落雞粉既野果種口乾竟然係呢個時

每次到深水埗食野，最後都會選擇去醉藥雞，那裡的雞湯底實在令人回味。今日食了砂鍋雲吞雞刀削麵，湯底鮮甜又夠熱，雲吞皮薄餡靚，雞的味道不錯，刀削麵煙韌彈牙。喜歡吃辣的，可以試下麻辣口水雞撈麵。醉三寶有牛舌、豬肚及薰蹄，冰冰涼涼，爽口又有酒香。

放工後要去深水埗交收，所以就在該區搵晚飯食吧！這次來到醉藥雞，才6:30pm的時間，店內就已滿座。早一步到達，剛好不用等位。入座後，店員見我們的物品比較多，主動取置物籃給我們放置物品。除了酒釀食品為招牌食品外，醉藥雞也供應麻辣小食。第一次光顧，就先試酒釀食品吧！點了兩碗米線，我點的米線選了足料濃雞湯，配醉三寶，有牛舌、豬肚及薰蹄。米線內沒任何其他配料，雞湯味道香甜，米線份量適中，口感稍稍偏軟。醉三寶，醉酒汁之中有些桂花，酒香之中帶點甜！不過，食材雪藏時間有點長，牛舌與薰蹄的質感不夠軟稔，豬肚稍為好一點。另一碗米線是藥膳湯底，有紅棗和木耳，帶微微薑的辛辣與淡淡酒香，味道香濃。配醉雞，雞件份量不多，剛好分到的是髀位，啖啖肉。醉雞都是同樣問題，雪藏得太久，有少許雪味，雞件不夠滑。另外點了一份醉肝鮑，有鵝肝、鮑魚及溏沁醉蛋，鮑魚入味又爽口，鵝肝質感未夠軟滑creamy。最好吃是溏沁醉蛋，外層有酒香，蛋黃流心有蛋香～～粉麵的湯底夠香甜，飲許多的湯也不覺口渴，可惜酒釀食材有些微雪味，最滿意的只有醉蛋！

之前都堂食食過好多次，堂食都ok, 但一旦改外賣就差到冇朋友，有次賣兩個雞米線，拎到屋企，打開個袋見到入面其中一盒雞得4嚿雞胸，另一盒就正常份量，跟住拎返一盒落去，問佢點解呢盒咁嘅，佢仲好似懷疑我地偷食完拎返去咁，因為店員當時一見到盒雞話：雞胸呀？好彩當時我地有打開袋時即時兩盒雞一齊影相，比埋相店員睇，佢先話：換比你啦，啲廚房可能比錯咗，咁如果唔啱比錯，入外賣袋時都應該睇到啩，佢地個外賣盒係透明。一係諗住人地拎到返屋企都費事落返去換，一係搏大霧，慳得一嚿得一嚿，慳慳埋埋下次多一盒，所以外賣最好拎時睇一睇好啲。

新年來了，寒冬的氣息又濃了些，天一冷，特別期望吃一些暖暖的食物，這個晚上，也不例外。已光顧了醉藥雞好幾遍，這天晚上過來，還是跟平常一樣熱鬧，需要排隊，而且來的人絡繹不絕。一口溫熱的湯汁將溫暖從口腔傳到體內，所有空洞都被填滿，那種滿足感是別的食物無法比擬的。我點的是招牌砂窩醉藥雞刀削面，朋友則點了砂窩雞湯翅刀削面，和冷盤小食 - 醉豬手。📌醉豬手豬手燘煮入味，嚼勁彈牙，膠原蛋白滿滿，是每次光顧時必點的小吃。📌招牌醉藥雞刀削面幾種食材，在大火的炖煮下，一會兒，一碗斬獲舌尖味蕾的砂鍋面便上來了。咕嚕咕嚕冒著泡的湯底，飄出熱氣，帶出鮮香，鑽進心裡。熱氣騰騰的砂窩，滿滿的全是配菜，紅棗、黑木耳、准山、薑粒、嫩雞，各種滋補食材，在砂鍋裡融會貫通，在湯底中盡情釋放鮮美。一碗食材豐富的砂鍋面，隨著熱氣升騰，雖成色清淡卻透著蠱惑人心的力量。等不及冷一下，拿好筷子和勺子，準備開吃。沾過湯汁的雞肉肉質鮮嫩，有嚼勁又不柴，很是入味。相比米線，我更喜歡刀削面，吸滿湯汁的刀削面入口滑溜，面葉邊緣輕薄，再喝一口濃郁的藥材湯，簡直是冬天最好的暖胃品。很多人吃到連湯都喝光，足以證明它的優秀！熱乎乎的食物，一頓酣暢淋漓後

食過大約十至廿次，近呢兩個月D鷄肉少左，骨多左。今日去時無加單，無追加，無叫野飲，比錢時個肥仔話我加左野飲，唔係枱面上個張單嘅價。佢放左係個收銀機上，無交比我，我問佢點解唔同價錢，點解貴左，佢唔出聲。我自己睇完，原來入左我飲品錢，我話無飲過，佢唔出聲。我估係佢收少左其他枱錢，要我幫佢買單。唔誠實。以前好鐘意食，因為鐘意中藥味，宜家都好鐘意d味，但好大可能唔會再去呢間。中肯講句，d小食係好食，要幫襯的話大家小心啦。

醉三鮮(鮑魚，蝦，花螺)酒就甜藥材酒黎😉香，真係有醉意吳係得個味鮑魚就爽口蝦入味👍🏻彈牙醉蛋溫泉蛋咁😉同甜藥材酒幾夾👍🏻醉雞配 人蔘雞湯醉雞肉就有少少梅但都有咬口可以接受都有透明膠質🤨人蔘雞湯清清地少少雞味整體覺得像節瓜雞湯咁🤣不過ok既😉結: 個人覺得係甜酒出色👍🏻推薦 醉蛋👍🏻#醉三鮮#醉蛋#醉雞配人蔘雞湯#醉藥雞

最近天氣漸涼就同朋友去試下醉藥雞補下身😂我地朋友一齊點左醉肝鮑，醉乳鴿同招牌醉雞米線.首先上左醉肝鮑，最深刻記憶就係鵝肝口感超似牛油十分cream 而且都入味，鮑魚同流心蛋就普通都入味既～醉乳鴿本人覺得熱食脆乳鴿好食啲.啲味同醉肝鮑差唔多.跟住就上醉雞米線，唔知係咪因為前面兩碟係冷盤，再食熱米線即刻舒服曬。飲一啖湯，醉湯比冷盤醉汁更甜，可能因為加左紅棗.米線同雞就普通無咩特別.總結就試一次就可以😌

之前食過兩次都知份量少，食第二次時聽到隔離枱落單原來有得叫多米線；今次落單就叫醉雞多米線，點知黎到都係少米線，得一陀仔，問佢會唔會補答我會，食晒果陀仔米線問佢幾時補到，答我煮緊等多陣，卒之食埋 d 醉雞，再等多陣到走果時都未煮到比我，頭尾半個鐘；其實唔想補不如你一開始話無得補我都無咁嬲，米線又唔係 d 咩矜貴野，醉雞米線收六七十，好心就咪咁小家，下次去深水埗都係食第二樣算，唔算平得黎又食唔飽，食完仲要諗食乜補倉，真係搵笨。

今日放工唔知食咩，就專登去深水埗最多嘢食個條街 搵嘢食，因為呢度咩種類都會有 唔知食咩走過來行一定有一間啱食🤭結果我哋睇中咗呢間專門食藥膳同埋酒浸野食既餐廳，我哋一個叫咗醉乳鴿配雞湯麵，令一個叫咗醉牛舌豬肚分蹄配藥膳湯麵，另外加咗一個小食 一邊有醉鮑魚，糖心蛋 同埋鴨肝☺️☺️☺️☺️☺️野食黎左之後成個枱面都好豐富，放滿晒嘢食🫶🏻🫶🏻藥膳湯同雞湯都好味，將啲酒汁 到埋落個湯度一齊食仲好味🤪🤪 而且食物浸泡嘅時間都足夠 入味！價錢唔算好貴，可以再食👍🏻

今次一行兩人黎到深水埗鬧市試下呢間雞湯翅佢地仲有雞鮑翅，雲吞雞，人參雞，胡椒豬肚雞等等==========🔹砂鍋雞湯翅（半隻）$128擔心中伏緣故，所以係試左個大湯碗雞湯翅先🤣呢個雞湯翅係勁足料，翅同雞既份量十足，再加上金華火腿去淆製，個湯係非常鮮甜，超有雞味🤤🤤翅係一疏疏，唔係散哂，最少都有十舊雞既肉質好實淨，但唔敢講係咪新鮮雞咁大鍋兩個人都食得哂飲得哂，真係餐廳王牌出品飲完唔覺口渴，味精應該唔重呢個係滋補養顏之選👍🏻推介指數：9/10==========🔹鹽水雞腎 $36份量好多，鹽水味好夠，而且雞腎浸係鹽水既時間好夠，好入味，真係連d 汁都想飲埋，不過擔心太高納😅腎唔會浸到淋哂冇口感，仲係好爽口既👏🏻推介指數：9/10==========🔹醉鵝肝 $98黎到時比我想像中份量少好多，得十片內上面鋪左d 蟲草花鵝肝係好滑帶點甘香，不過花雕味唔重，整體感覺係幾普通，唔係太值呢個價🥸🥸推介指數：3/10==========🔹醉溏心蛋 $12如果叫麵餐加 $10就可以食到同鵝肝情況一樣，花雕味唔夠，蛋都唔算做到好溏心，煮既時間有少少過左龍😟推介指數：4/10==========🔹雞湯翅（大

本人三位晚市去到排隊等位，在我之前有五張枱等緊，全都是兩位。等咗半個鐘，等前面五個號碼入晒，下張應該到我（54號），跟住職員叫我之後果個號碼入（55號），因為係二人枱。我覺得係ok嘅，等咗震，又叫二人枱（56號）。未有四人枱，冇辦法。之後佢叫（57號）同（58號）兩張二人飛，我望入去見到係一齊坐喺四人枱。我就問職員點解唔係我先？佢答話太多人等，要盡量入多d人先。咁我話咁有四人枱唔俾我，咁我係咪要等我之後d二人枱入晒先有枱？佢我不如依家分開兩張二人飛等啦～佢話可以，之後下兩張飛我地就入咗去，我一個人一坐底，我隔離枱就結賬，我問職員我另外兩位朋友都未叫野食可否調過黎？職員竟然黑面話唔得喎，如果你要四人枱，一係起身出去攞飛排過！我問點解唔得？佢答唔得就唔得。跟住我話要見佢老闆，佢話冇老闆！我全程冇大聲過，冇駡過任何人，更加冇粗言穢語，竟然換黎咁嘅服務態度！

由開張食到依家，食過藥膳雞呀，花膠雞等等，係我食堂之一感覺初頭雞好滑好好食熱辣辣，但近來大退步，雞變鞋了，湯無咁熱，服務差了，漏哂單，加上無野飲送。怪不得就算九折，都唔洗點排隊就可以入座。希望佢會改善吓啦！唔係遲早執得！

黎到深水埗一試濃湯雞料理🐔本身想叫藥饍湯底，但員工主動提醒有咗未必啱食，夠體貼最後叫咗一個雞翅湯飯，希望養顏又補身🤣其實仲有好多麵底揀，不過想試下配飯湯底濃郁唔油膩，絕對適合飲用！亦有好多雞同翅，性價比非常高😂再叫咗個沙薑雞腳小食有6大隻🤩再配沙薑醬，隻醬令成個小食再上咗一個層次🔺雞翅湯飯配沙薑雞腳食物質素同價錢都值得再回頭下次會試下藥饍雞湯或者人蔘雞湯鐘意食沙薑雞嘅都一定要叫黎試下😂

🔅🔅🔅🔅🔅🔅🔅🔅總分: 3/5 (有啲普通( •̥ ᴗ •̥ ))推薦俾:鍾意食酒香冷盤小食嘅人🍲🍲🍲🍲🍲🍲🍲🍲🔅醉肝鮑 刀削麵 ($88)有醉鵝肝 醉鮑魚 同一粒糖心蛋有驚喜！平時我唔鍾意食酒味 但佢完全無苦味 有桂花嘅甜味 鵝肝滑 鮑魚爽口刀削麵湯底揀咗足料濃雞湯 後悔咗 湯底有啲普通同埋偏淡刀削麵夠滑 但應該係啲包裝刀削麵🔅麻辣口水雞撈麵 ($58)伏咗 (ᯅ̈ )超爆咸 超辣 雞大部分都係雞胸來的 好普通