醉藥雞 (福榮街)

營業中

休息中

已經到訪過數次，醉乳鴿係每次必食同埋推介嘅項目，夠晒入味，而且切出嚟擺盤非常靚😍，同出邊高級中菜餐廳食有得揮。.🤫之但係要講下佢嘅主食 - 米線，米線開業初時藥膳味道濃郁，食米線一定飲埋湯，食完有種補身感覺😂。但近期食感覺冇咁足料，湯由以前比較濃稠，到現在跟坊間一般的雞湯差不多，藥材味亦清淡了，唔知道係因為客人口味而改變，定店舖成名後湯底配方有所不同。.坐低堂食服務態度差，店員喺沒有客人等位嘅情況下都十分趕急，明明我隻碗仲有有雞同埋米線，只要放低筷子，就會問你食完未係咪可以收走，完全理解唔到🤷🏻‍♀️🤷🏻‍♀️

️🔷 🐔 〰️ 💙成日話女人要補下身，所以有一日收工就我去食佢講咗好耐好耐好耐要帶我去嘅一間餐廳食。一post 上ig story就已經好多人爭住同我講呢間好好食，證明無介紹錯✌🏻〰️ 難得一日平日放假，咁啱佢地過咗繁忙時間，先難得可以舒舒服服，安安靜靜咁坐吓🫶🏻出面有好多唔同嘅舖頭，所以今日好多人行入嚟買外賣食，下午茶都幾抵食✌🏻🍽 🔹 砂鍋雞湯翅一隻非常足料，唔洗去澳門都食到雞湯翅😍😍，碗湯熱辣辣出曬煙，咁耐無去小旅行，總要食返d補品，補氣行氣活血，雖然係碎翅但都好多料雞肉雖然係湯入面浸住，食落口都好滑😍😍🔹 醉雞 胡椒豬肚雞湯米線醉雞細細份好入味，真係做到好滑身🤭胡椒豬肚湯好濃味。味道啱啱好無過火，冬天飲完成身一定暖笠笠🤣而家係夏天，所以飲完真係成個人熱血沸騰🤣🤣最後我地兩大碗湯都飲曬，一滴都冇剩，舔舔脷👅👅👅🔍 題外話之前都食過荃灣嗰間，但始終都係覺得呢一間本店比較好食🤭 📌 醉藥雞 (福榮街) 📍 深水埗福榮街103號地舖

呢間又係我好鍾意叫外賣食的餐廳醉雞，配濃雞湯同瀨粉個醉雞d酒味好香，而且雞好嫩滑，無冰鮮味好入味，而個濃雞湯都係好香濃雞湯味配瀨粉食真係好正！除左醉雞仲有好多選擇，口水雞食過又係好若味又夠辣！

未入到去都已經受气。忙都唔係咁樣掛！！！店員啲態度差到不得了！只係想問吓佢仲要等幾多張枱有位店員態度差到話:「唉，答你唔到！」。一個字，差！！我自己都係做飲食行業。態度有幾差得幾差嘅人都見過。哪位女侍應真心服左你！

朋友帶我去補身, 第一次去呢間醉藥雞,一睇餐牌覺得有D似樂湯雞咁,叫左兩個主食, 胡椒豬肚同雞湯翅；雞湯翅雖然淡了少少,但幾拾蚊算不錯了！醉豬手真不錯醉三宝不過不失！朋友不喝酒所以表示太重酒味；我反為覺得再濃少少更好！ 全程至愛醉鵝肝； 入口即溶甘香可口； 食芝士嘅感覺齒脥留香真係正; 好回味！ 十元食糖心蛋也不錯

係OpenRice search到依間餐廳評分幾高，所以去左試。去到唔洗等位就直入左，叫左好多人推介既<砂窩雞湯翅>，嚟到好熱辣辣，啲湯仲滾緊，喳喳聲，好香，食落幾鮮味同濃味，個湯底好好飲，一啖接一啖咁飲雞肉都好嫩，好有雞味，啖啖肉！啲魚翅份量都好多，絕對唔係得幾舊扮晒野咁！叫左一個小食<鹹水雞腎>，係熱食嚟，味道岩岩好，唔會太鹹。仲叫左佢地好出名既<醉雞>，啲雞肉同樣好嫩滑，唔會太老，酒味亦都岩岩好入味 ，唔會太濃，啲花生都好好食。最後，跟主食加左個醉蛋，小小溏心，好好味，蛋味都好出，同樣都係唔會太濃酒味。跟主食加$10就有，好值得試！埋單2個人$172，性價比真係好高，有機會會再食同試下其他野食

有人重點介紹左呢間比我話一定要去😋•砂鍋人蔘雞生滾麵🍲比佢吸引左相都唔記得影haha用砂鍋做碗 超級超級熱辣辣而我一直食野既要求一定要野食夠熱呢個完全完美合格個人蔘雞完全唔油膩 好清甜隻人蔘雞啲肉仲保持好滑 而且麵底仲可以自選 揀左刀削麵 好食 夠彈韌成碗都係唔錯🧡•皮蛋豆腐薄切豆腐 加埋皮蛋一齊食啲醬甜甜地 都唔錯呢

👩🏻‍❤️‍👨🏻試試大受好評嘅雞湯米線專門店。餐廳主打砂窩生滾麵，好味又養生。佢哋仲有好多款涼拌小食。🥢砂窩雲吞雞米線$68湯底濃郁鮮味，連雞胸都好嫩滑。雲吞唔算好大粒，但飽滿又鮮甜。🥢醉肝鮑$88醉鮑魚大隻彈牙，充滿酒香。鵝肝口感粉嫩，感覺好清爽。🥢麻醬雞絲粉皮$58粉皮煙煙韌韌而且條條分明，配上大量麻醬香氣十足。🥢時菜$18🥛豆漿 $15 x2📍醉藥雞 (福榮街) (深水埗)深水埗福榮街103號地舖

見到唔同嘅飲食雜誌都有介紹過呢間店舖，指當年尖沙咀已結業 — 川上龍係同一個老細，小編以前喺尖沙咀返工，經常都會食，自從佢結業左之後日日都好掛住佢啲醉雞，好想懷緬番。依加經過深水埗見到呢間店舖都會大排長龍，想試一試可唔可以重拾當年嘅味道。砂鍋醉藥雞，米線（🌟66.24/100）💲68見到隔離枱好大碗，好怕一個人食唔晒，於是我同朋友仔share，一嚟到熱到卜卜咁跳（⚠️小心熱親），而且藥材味撲鼻而來，但望個樣有點兒失望🙃可能係太多湯？米線偏碎，但都爽口嘅😊雞件只有四件，但好鞋口😅湯底偏淡口，只有微微嘅雞酒味。唔好俾佢個大砂鍋嚇親，一個人都會食得晒😝醉三寶（🌟68.52/100）💲52有牛舌、豬肚、薰蹄，底下滿滿嘅桂花，豬肚洗得好乾淨👍🏻三寶都好爽口，但吾夠入味🙃，試咗一啖酒，極重酒香，愛酒味的人是必點，如果入味更好。建議可以將醉汁倒啲落砂鍋醉藥雞米，味道啱啱好，適合喜愛濃酒味人士☺️

落深水埗買完野，第一時間諗已醉藥雞，岩岩開時食過一次，個醉鵝肝食到我好有印象，今次再回頭!醉鵝肝份量多，口感綿密入口即溶，保留左鵝肝既肥美香，沒有煎鵝肝既油膩感，再加上花雕香，百吃不厭。醉三鮮第一次食醉三鮮，蝦肉彈牙鮮味，東風螺既肉都入左花雕味，仲有隻鮑魚同樣鮮味，口感彈牙一d都唔韌，好正!口水雞飯配藥膳湯雞件大件多肉，口水雞既醬料辛辣香口，有蒜香味，夾埋好惹味。藥膳湯味道濃郁，藥材味突出甘甜，不難撈到藥材，落足料👍🏻醉豬手米粉配濃雞湯雞湯超正，鮮甜濃郁，岩岩放低熱辣辣個陣已經忍唔住係咁飲，配米粉更加係一流，d米粉索滿湯汁，正! 醉豬手用心製作，骨都折埋，入口啖啖肉，骨膠原感重，配花雕一樣咁夾!依度既湯同冷盤全部都真係做得好好食，今次食完都無失望👍🏻

一向都好鍾意食雞湯底嘅米線，同事之前介紹過深水埗福榮街有間叫醉藥雞好正，主打砂鍋雞米線🐔，有好多唔同款式，例如：雲吞雞、人蔘雞、胡椒豬肚雞等等。 平時去澳門我都好鍾意食砂鍋翅，疫情之下好耐無去澳門都食唔到，難得呢度有得食呀，即刻點啦，我點咗個砂鍋雞湯翅，個湯底係用新鮮雞熬製十幾個鐘而成，雞湯好鮮甜，有金華火腿香味，米線好爽滑，翅嘅份量都唔算少，價錢經濟實惠。米線套餐加$10有溏心醉蛋，蛋黃呈流心狀態，酒味濃郁。 小食醉三鮮有鮑魚、花螺、蝦，花雕酒味濃郁芬芳，鮑魚爽口帶嚼勁。蝦同花螺都新鮮。 皮蛋豆腐好滑身，切到一片一片，容易進食，皮蛋唔會有刺激喉嚨嘅感覺。 雞絲粉皮都好滑，煙煙韌韌，拌以青瓜、雞絲，開胃消暑。

今日嚟到深水埗搵食, 試咗一間我未食過嘅舖頭, 見到佢係食啲醉雞或者藥膳嘅米線, 兩樣都啱曬我口味所以就即管試一試。連舖頭名都改得 好有店舖本身賣嘅嘢特色。朋友叫咗個 砂鍋胡椒豬肚雞米線, 一上到枱見到鍋米線心諗得一嚿雞?? 原來係我誤會咗佢, 佢只係好多湯畀咗我哋所以啲湯遮住咗啫。 好香胡椒味啲雞翼都好嫩滑, 二哥胡椒味又唔會太辣, 正到不得了我就叫咗個砂鍋藥膳雞煲米線, 個湯如果唔係太飽我會飲曬成碗😂😂, 味道唔係太強烈 但係當食完成本嘅時候你就會覺得啱啱好醉鮑魚好有彈性又唔會硬, 酒嘅味道亦都啱啱好醉豬手, 豬手有爽又彈牙同時間又食到豐富嘅骨膠原, 味道又係啱啱好唔會太辣,正再嚟多個醉雞蛋呢個流心蛋真係不得了兩個人埋單三百幾蚊 然之後就喺深水埗周圍行下開心又一天

媽咪好中意飲同食足料藥膳湯，佢話好中意足料溫暖既味道～朋友介紹依間餐廳好好味～ 今次帶媽咪去食佢中意既野～ 等佢開心下～ 我地叫左6隻醉鮑魚，花膠鮑魚雞湯米線額外每人加一隻糖心蛋，人參雞湯配娃娃菜～ 好開心❤️咁樣叫有成8隻鮑魚～ 先講講醉鮑魚～ 超級足料大大隻彈牙又爽口，桂花酒配合鮑魚真係一流呀～ 花膠鮑魚雞湯米線真心好正～ 首先有2隻熱熱既鮑魚同厚厚既花膠先～ 配合埋個香甜既雞湯真係一流呀～ 足料既湯真係好好飲，一啖花膠一啖鮑魚加一啖暖湯同彈牙既米線，幸福感Up!! 媽咪大贊足料美味～ 不得不提個雞真係十分之滑！個糖心醉蛋都係實力之作！香口酒味同蛋非常之夾～ 糖心流黎既蛋漿真係好正～ 人參雞湯配娃娃菜個湯真係好好味呀～ 湯足料配埋娃娃菜健康之選～ 媽咪都食得好開心～ 暖暖既胃得到了滿足的感覺！

最近從食評得知，這裏有間新開以雞湯為主打的食肆，今天下午便來做一試。砂鍋醉藥膳雞$68，藥膳湯底的味道香濃適中，沒有苦澀味，雞肉鮮嫩可口，可以配米線或者米粉，都一樣美味。砂鍋胡椒豬肚雞$68，胡椒味道香濃，喝完一口湯，胃部立刻感覺舒服，原來胡椒豬肚和雞肉都十分配合，怪不得坊間胡椒雞豬肚雞煲。醉乳鴿$98，花雕酒味香濃，內含一點話梅的香甜味道， 十分特別，乳鴿吸收了酒的香氣，非常有特色。廚師用刀工將鴨胸起肉，非常方便進食。醉苦瓜$28，沒有苦味，只有酒和話梅的香味。皮蛋豆腐$28，這個凍的小食，醬汁味道帶點甜，加上皮蛋和豆腐，是一道開胃的小食。

早幾日天氣又突然凍返少少，想成d暖既野食補補身，就黎到深水埗好多人幫襯既 醉藥雞。餐廳主打各款無味精雞肉砂鍋生滾麵，同好多款醉香小食同冷盤。砂窩人蔘雞刀削麵 68成個砂窩上，熱辣辣，個湯底金黃色，睇得出用左好多雞去熬製，人蔘味岩岩，唔會好苦。可以揀好少食到既刀削麵，掛湯一流。雞肉嫩滑足料。咁大既份量宜個價錢真係好抵食。醉鮑魚 118鮑魚大大隻，煮得好入味，酒香好濃，仲帶d鮑魚既鮮甜味，口感煙韌有咬口，仲有d蟲草花同杞子。口水雞 藥膳湯瀨粉 58藥膳湯既藥材味好濃郁，瀨粉爽口彈牙，吸收哂湯既精華。口水雞上面鋪滿哂辣醬，香辣得黎過癮又惹味。醉豬手 48部分去左骨，方便食用，有豐富既骨膠原，食落一d都唔膩，食落好爽口，仲好香酒味。。。醉藥雞 (福榮街)深水埗福榮街103號地舖。。