醉藥雞 (福榮街)

營業中

休息中

📌 醉藥雞 (福榮街) - 深水埗福榮街103號地舖🗓(25/6) 星期日 ⏰ 中午12點左右 💈特式：呢幾日熱到爆，出街都唔想食熱野，又已經食左幾日壽司，所以今日搵左間專食醉冷盤嘅醉藥雞試下，佢有深水埗及荃灣兩間店，今日就去左深水埗順便可以行下黃金。🥩🍔🌭🌮🥗🥯🥘🍲🍝🍣🥟🍤🍱食物：雖然佢個名叫醉藥雞，但佢地醉冷盤嘅款式一d都唔弱雞，有少見用來做最冷盤嘅牛舌/芥蘭/苦瓜，仲有矜貴嘅鮑魚/鵝肝/乳鴿，而家等我同大家講下🍺💊🐥味道先。砂鍋雞湯翅瀨粉 $68 - 呢個砂鍋湯一上枱我真係嚇一跳，個鍋大到成個火鍋咁大，雞份量就正常，翅就有幾塊細細塊的，不過就好多湯，啱晒我呢d鐘意飲湯嘅人，仲要只係$68蚊，份量都足夠兩個人分，所以算幾抵食。藥膳酒浸雞腳 $36 - 雞腳有6隻，價錢嚟講都ok，但不足嘅係煮嘅時間唔夠，雞腳入唔到味之外，隻雞腳仲要好硬好難咬，但個藥膳湯底係幾濃幾好味的。醉牛舌 $48 - 呢個醉牛舌係做得唔錯，份量多，而且牛舌夠入到花雕酒味，比較薄身嘅牛舌就夠淋滑，厚身少少個d就爽口，值得一讚。醉肝鮑 $75 - 醉鮑魚同鵝肝拼就會有埋一隻醉蛋，鮑魚就等一隻，鵝肝就有3片。鮑魚

之前在銅鑼灣也吃過類似的砂鍋熱罐湯麵, 這裡比銅鑼灣的更出色! 片中也看得出湯麵是非常熱騰騰, 看著鍋邊泡泡很治癒 ☺️這𥚃有米線, 米粉, 粉絲, 刀削麵, 銀針粉, 瀨粉, 白飯任君選擇, 款式蠻多。砂鍋醉藥雞刀削麵 $68藥饍湯當然少不了藥材, 例如紅棗, 淮山, 另外還有雲耳, 微微花雕味, 整個湯藥材味不算重, 反而甜甜的合我胃口。雞件很滑, 刀削麵不是昝很正中有咬口那種, 是我喜歡的口感 😊砂鍋胡椒豬肚雞米線 $68不好豬肚的我吃了一件, 正正常常吧, 胡椒煮到爛透, 胡椒味超濃! 食到中途會越飲越辣, 這才是應有的味道與感覺, 可是米線的量真的太少了 🙄整體味道很好, 如果冬天吃更合適, 會暖透心 🤗 要留意, 這𥚃限時用餐一小時, 未至於很趕, 但不是詳談聚會的地方。

今日女朋友突然間話想食砂鍋雲吞雞😍咁就上網搵吓睇吓邊間抵食最後揀咗試食🥳🥳呢一間！我哋平日七點幾去到都要等位！大概等咗15至20分鐘。入到去睇一睇餐牌。見到砂鍋雲吞雞同砂鍋雞湯翅一樣價錢😂所以就揀咗砂鍋雞湯翅啦。一上菜新鮮熱辣份量重好多！半隻雞都10分足料！入面啲翅真係一疏疏，唔係講笑🤣另外叫咗飯撈嚟食，真係好鮮甜😍😍另外，仲叫咗一個醉三鮮搭配米線醉三鮮包括 (三隻蝦五隻螺，同埋一隻鮑魚)其實都真係幾抵食！湯底我哋揀咗濃雞湯。清清淡淡，夾埋啲餸嘅酒味，真係好好食。另外見到加$10有一隻醉蛋。雖然初初覺得好似有啲貴，不過見到咁特別，就試吓啦！點知出乎我意料😍😍😍酒味好入味。夾埋一齊食麵真係一流。呢間嘢絕對可以encore，下次再試吓其他嘢。

雖然係有啲唔公平因為我啱啱先食完個好好食嘅藥膳雞米線所以冇辦法😂但係老公帶到就去試吓啦我當然係叫藥膳湯米線啦睇吓邊間好食D其實應該都係唔錯嘅話哂都係對女人有益眼見好多女人都叫呢個佢個味偏甜但冇我上次食果間個湯底咁膿郁不過呢個有淮山👍🏻雖然D雞係有骨，不過都好嫰其實係唔差，只係咁啱我啱啱食完個太好食有比較😂呢間我冇飲晒啲湯不過老公嘅胡椒豬肚湯米線好吃過我果個藥膳湯米線另外以為冷盤醉肝鮑麻麻地老公係都要叫咁我試咬一啖之後，又估唔到幾好食係D酒味差D

第五次幫襯，真係覺得值得推介比大家試下，幾個湯底都試過哂，我就比較中意雞湯翅，女朋友中意招牌醉藥雞！醉藥雞味道鮮甜，雞肉唔鞋口，有香濃藥膳味道！雞湯翅湯底香濃，不過係d翅就普通d，但唔影響味道！醉蛋就每次都係必食，實在太好味！之前食過醉肝鮑、醉三寶、醉鵝肝，鵝肝都係極力推介！不過今次見到隔離枱食個醉蝦好似好正，所以今日叫份嚟試下，蝦好新鮮爽口，如果可以再入味d就真係100分，但佢個醉汁真係好正，令人回味無窮！埋單$234真係絕對唔貴，一定會經常幫襯！

醉三鮮賴粉（胡椒豬肚雞湯）三鮮分別有蝦、花螺同鮑魚，肉質都幾彈牙雖然豬肚湯要另外加$8，但係物超所值，胡椒味超濃郁但又唔會太咸或者太辣，飲完feel到個胃暖暖地，一唔小心就飲晒成碗湯，而且仲有好多豬肚混左喺賴粉度，非常足料浸食材嘅酒似乎用左梅酒取代平時嘅紹興酒，無左平日嘅甘苦味道，取而代之嘅係梅酒嘅香甜，都幾特別麵底可㨂米線/米粉/粉絲/刀削麵/白飯/銀針粉、賴粉，好多選擇麻辣蓮藕都幾爽口，唔會太辣

今日凍冰冰，黎到深水埗搵食。呢間餐廳之前聽同事介紹過，話砂鍋雞好正又抵食，所以特登過黎試下😎今次我地叫左1️⃣砂鍋雞湯翅💰68本來想配刀削麵，但係賣曬，所以配左米線🍜，米線煮得軟身，配合好濃嘅花膠雞湯，好好味😋而且雞肉🐔份量好多，食雞肉都飽左幾成。魚翅份量適中，呢個價錢食到真心唔錯👍2️⃣砂鍋人參雞💰68人參雞湯有淡淡嘅人參味，主要都係雞湯味，同砂鍋雞湯翅一樣，湯濃郁但唔油膩，呢碗都係配米線，雞份量都係好多👍3️⃣醉三鮮💰75酒係甜甜地嘅藥酒，充滿桂花香味，三鮮包括鮑魚、蝦🦐同埋花螺，蝦非常入味、鮑魚彈牙、花螺爽口，呢個幾好食，如果份量可以多啲更好🫣消費價錢：2人💰211，人均💰105.5結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️餐廳名稱：醉藥雞 (福榮街) (深水埗)餐廳地址：深水埗福榮街103號地舖

自從政府放寬可以堂食,一到食lunch嘅時候.街上就會有好多人,想堂食就要等好耐,今次又要買外賣啦！但又唔知想食乜嘢,見到附近有間醉藥雞,以前堂食過一次,不過太多人等位,今次都係買返公司食.我叫左醉雞米線:醉雞份量不多,雞肉唔夠滑,有少少鞋,但有咬口,都可以接受的.醉雞湯個湯底好濃郁,有紅棗、龍眼肉和黑木耳,湯底鮮甜又好味.米線煮得啱啱好,唔會太淋.吸滿湯汁嘅米線入口滑溜,好好食.整體來說:堂食就好食得多,外賣始終無堂食咁熱辣辣的.

冬天就係想食啲暖笠笠既野🤤今次黎到呢間主打雞湯米線既醉藥雞 ，鋪頭有幾款招牌砂鍋雞湯米線，熱辣辣上枱食完食個人都暖曬～仲有幾款唔同既藥浸小食，好啱天氣凍既時候食。 1️⃣砂鍋雞鮑翅（$98） 成個砂鍋咁上好正！上黎既時候仲滾滾地♨️雞湯味好濃，入面真係食到啲翅，仲有啲金華火腿，成個湯感覺好滋補好養生。入面有兩隻鮑魚。麵嗌左刀削麵，份量都幾多食完好飽。  2⃣️溏心醉蛋（+$10） 呢個我覺得一定要嗌！酒味好香，隻蛋完全滲滿酒味～  3⃣️砂鍋胡椒豬肚雞（$68） 又係暖身之選，感覺真係好足料咁煲出黎既湯～雞肉唔算特別嫩滑，不過都多肉既，一樣選配左刀削麵。  4⃣️口水鵪鶉蛋（$36） 鵪鶉蛋多到😳口水汁夠曬香辣惹味🔥不過唔食得辣既記得要叫小辣，因為佢都真係有啲辣。  5⃣️醉三寶（$52） 有牛舌、豬肚同埋薰蹄。冷盤黎既，浸滿酒味。好好味👍  

本身我個人幾鍾意中藥既食療或飲中藥，聽完朋友話自己會嫌貴加食善存果D維他命冇用，點解唔去一間叫醉藥雞既鋪頭食佢個招牌砂鍋雞68蚊果個呢?心諗我冇錢去咩，要係真材實料先滿足到我，趁呢日係附近做完野就走左去食。12點未到未開門係附近行左一個圈，然後開門只有三四個客，大把吉位，店員指派我同另一位男食客坐左係角落兩個單人位。未上檯已經聞到隔離食客既香味，心諗應該唔係伏掛，之後上左檯，先飲湯加食件雞同睇下有咩配料，有幾件雞大約6-8件既白切雞冇雞翼，多數都係雞胸大件骨冇咩細骨，唔會食食下要不停吐骨，一大口啖啖肉。佢個湯係用雞皮既油,雞湯似係超市十幾蚊一大盒果種湯，一大浸酒味同酸味，而且碗底有好多細糯米粒，即係超市買到既"酒釀"，類似X佳買到既"佬米酒"用玻璃瓶裝住既38蚊裡面有幾湯匙，加上廚用黃酒，與花雕酒類似，都係廉價黃酒，對於我自己有飲開啤酒，有時飲少少花雕酒既人來講，個酒味加酸味比較好味開胃。不過飲湯飲到一半，我就開始覺得冇咩特別，只係得浸酸味，而且愈來愈口乾<<<點解呢?我先聲明係飲唔出有味精，但係好明顯有落好多雞粉，因為我次次食完有落雞粉既野果種口乾竟然係呢個時

每次到深水埗食野，最後都會選擇去醉藥雞，那裡的雞湯底實在令人回味。今日食了砂鍋雲吞雞刀削麵，湯底鮮甜又夠熱，雲吞皮薄餡靚，雞的味道不錯，刀削麵煙韌彈牙。喜歡吃辣的，可以試下麻辣口水雞撈麵。醉三寶有牛舌、豬肚及薰蹄，冰冰涼涼，爽口又有酒香。

放工後要去深水埗交收，所以就在該區搵晚飯食吧！這次來到醉藥雞，才6:30pm的時間，店內就已滿座。早一步到達，剛好不用等位。入座後，店員見我們的物品比較多，主動取置物籃給我們放置物品。除了酒釀食品為招牌食品外，醉藥雞也供應麻辣小食。第一次光顧，就先試酒釀食品吧！點了兩碗米線，我點的米線選了足料濃雞湯，配醉三寶，有牛舌、豬肚及薰蹄。米線內沒任何其他配料，雞湯味道香甜，米線份量適中，口感稍稍偏軟。醉三寶，醉酒汁之中有些桂花，酒香之中帶點甜！不過，食材雪藏時間有點長，牛舌與薰蹄的質感不夠軟稔，豬肚稍為好一點。另一碗米線是藥膳湯底，有紅棗和木耳，帶微微薑的辛辣與淡淡酒香，味道香濃。配醉雞，雞件份量不多，剛好分到的是髀位，啖啖肉。醉雞都是同樣問題，雪藏得太久，有少許雪味，雞件不夠滑。另外點了一份醉肝鮑，有鵝肝、鮑魚及溏沁醉蛋，鮑魚入味又爽口，鵝肝質感未夠軟滑creamy。最好吃是溏沁醉蛋，外層有酒香，蛋黃流心有蛋香～～粉麵的湯底夠香甜，飲許多的湯也不覺口渴，可惜酒釀食材有些微雪味，最滿意的只有醉蛋！

之前都堂食食過好多次，堂食都ok, 但一旦改外賣就差到冇朋友，有次賣兩個雞米線，拎到屋企，打開個袋見到入面其中一盒雞得4嚿雞胸，另一盒就正常份量，跟住拎返一盒落去，問佢點解呢盒咁嘅，佢仲好似懷疑我地偷食完拎返去咁，因為店員當時一見到盒雞話：雞胸呀？好彩當時我地有打開袋時即時兩盒雞一齊影相，比埋相店員睇，佢先話：換比你啦，啲廚房可能比錯咗，咁如果唔啱比錯，入外賣袋時都應該睇到啩，佢地個外賣盒係透明。一係諗住人地拎到返屋企都費事落返去換，一係搏大霧，慳得一嚿得一嚿，慳慳埋埋下次多一盒，所以外賣最好拎時睇一睇好啲。

新年來了，寒冬的氣息又濃了些，天一冷，特別期望吃一些暖暖的食物，這個晚上，也不例外。已光顧了醉藥雞好幾遍，這天晚上過來，還是跟平常一樣熱鬧，需要排隊，而且來的人絡繹不絕。一口溫熱的湯汁將溫暖從口腔傳到體內，所有空洞都被填滿，那種滿足感是別的食物無法比擬的。我點的是招牌砂窩醉藥雞刀削面，朋友則點了砂窩雞湯翅刀削面，和冷盤小食 - 醉豬手。📌醉豬手豬手燘煮入味，嚼勁彈牙，膠原蛋白滿滿，是每次光顧時必點的小吃。📌招牌醉藥雞刀削面幾種食材，在大火的炖煮下，一會兒，一碗斬獲舌尖味蕾的砂鍋面便上來了。咕嚕咕嚕冒著泡的湯底，飄出熱氣，帶出鮮香，鑽進心裡。熱氣騰騰的砂窩，滿滿的全是配菜，紅棗、黑木耳、准山、薑粒、嫩雞，各種滋補食材，在砂鍋裡融會貫通，在湯底中盡情釋放鮮美。一碗食材豐富的砂鍋面，隨著熱氣升騰，雖成色清淡卻透著蠱惑人心的力量。等不及冷一下，拿好筷子和勺子，準備開吃。沾過湯汁的雞肉肉質鮮嫩，有嚼勁又不柴，很是入味。相比米線，我更喜歡刀削面，吸滿湯汁的刀削面入口滑溜，面葉邊緣輕薄，再喝一口濃郁的藥材湯，簡直是冬天最好的暖胃品。很多人吃到連湯都喝光，足以證明它的優秀！熱乎乎的食物，一頓酣暢淋漓後

食過大約十至廿次，近呢兩個月D鷄肉少左，骨多左。今日去時無加單，無追加，無叫野飲，比錢時個肥仔話我加左野飲，唔係枱面上個張單嘅價。佢放左係個收銀機上，無交比我，我問佢點解唔同價錢，點解貴左，佢唔出聲。我自己睇完，原來入左我飲品錢，我話無飲過，佢唔出聲。我估係佢收少左其他枱錢，要我幫佢買單。唔誠實。以前好鐘意食，因為鐘意中藥味，宜家都好鐘意d味，但好大可能唔會再去呢間。中肯講句，d小食係好食，要幫襯的話大家小心啦。