醉藥雞 (福榮街)

營業中

休息中

一向都好鍾意食雞湯底嘅米線，同事之前介紹過深水埗福榮街有間叫醉藥雞好正，主打砂鍋雞米線🐔，有好多唔同款式，例如：雲吞雞、人蔘雞、胡椒豬肚雞等等。 平時去澳門我都好鍾意食砂鍋翅，疫情之下好耐無去澳門都食唔到，難得呢度有得食呀，即刻點啦，我點咗個砂鍋雞湯翅，個湯底係用新鮮雞熬製十幾個鐘而成，雞湯好鮮甜，有金華火腿香味，米線好爽滑，翅嘅份量都唔算少，價錢經濟實惠。米線套餐加$10有溏心醉蛋，蛋黃呈流心狀態，酒味濃郁。 小食醉三鮮有鮑魚、花螺、蝦，花雕酒味濃郁芬芳，鮑魚爽口帶嚼勁。蝦同花螺都新鮮。 皮蛋豆腐好滑身，切到一片一片，容易進食，皮蛋唔會有刺激喉嚨嘅感覺。 雞絲粉皮都好滑，煙煙韌韌，拌以青瓜、雞絲，開胃消暑。

今日嚟到深水埗搵食, 試咗一間我未食過嘅舖頭, 見到佢係食啲醉雞或者藥膳嘅米線, 兩樣都啱曬我口味所以就即管試一試。連舖頭名都改得 好有店舖本身賣嘅嘢特色。朋友叫咗個 砂鍋胡椒豬肚雞米線, 一上到枱見到鍋米線心諗得一嚿雞?? 原來係我誤會咗佢, 佢只係好多湯畀咗我哋所以啲湯遮住咗啫。 好香胡椒味啲雞翼都好嫩滑, 二哥胡椒味又唔會太辣, 正到不得了我就叫咗個砂鍋藥膳雞煲米線, 個湯如果唔係太飽我會飲曬成碗😂😂, 味道唔係太強烈 但係當食完成本嘅時候你就會覺得啱啱好醉鮑魚好有彈性又唔會硬, 酒嘅味道亦都啱啱好醉豬手, 豬手有爽又彈牙同時間又食到豐富嘅骨膠原, 味道又係啱啱好唔會太辣,正再嚟多個醉雞蛋呢個流心蛋真係不得了兩個人埋單三百幾蚊 然之後就喺深水埗周圍行下開心又一天

媽咪好中意飲同食足料藥膳湯，佢話好中意足料溫暖既味道～朋友介紹依間餐廳好好味～ 今次帶媽咪去食佢中意既野～ 等佢開心下～ 我地叫左6隻醉鮑魚，花膠鮑魚雞湯米線額外每人加一隻糖心蛋，人參雞湯配娃娃菜～ 好開心❤️咁樣叫有成8隻鮑魚～ 先講講醉鮑魚～ 超級足料大大隻彈牙又爽口，桂花酒配合鮑魚真係一流呀～ 花膠鮑魚雞湯米線真心好正～ 首先有2隻熱熱既鮑魚同厚厚既花膠先～ 配合埋個香甜既雞湯真係一流呀～ 足料既湯真係好好飲，一啖花膠一啖鮑魚加一啖暖湯同彈牙既米線，幸福感Up!! 媽咪大贊足料美味～ 不得不提個雞真係十分之滑！個糖心醉蛋都係實力之作！香口酒味同蛋非常之夾～ 糖心流黎既蛋漿真係好正～ 人參雞湯配娃娃菜個湯真係好好味呀～ 湯足料配埋娃娃菜健康之選～ 媽咪都食得好開心～ 暖暖既胃得到了滿足的感覺！

最近從食評得知，這裏有間新開以雞湯為主打的食肆，今天下午便來做一試。砂鍋醉藥膳雞$68，藥膳湯底的味道香濃適中，沒有苦澀味，雞肉鮮嫩可口，可以配米線或者米粉，都一樣美味。砂鍋胡椒豬肚雞$68，胡椒味道香濃，喝完一口湯，胃部立刻感覺舒服，原來胡椒豬肚和雞肉都十分配合，怪不得坊間胡椒雞豬肚雞煲。醉乳鴿$98，花雕酒味香濃，內含一點話梅的香甜味道， 十分特別，乳鴿吸收了酒的香氣，非常有特色。廚師用刀工將鴨胸起肉，非常方便進食。醉苦瓜$28，沒有苦味，只有酒和話梅的香味。皮蛋豆腐$28，這個凍的小食，醬汁味道帶點甜，加上皮蛋和豆腐，是一道開胃的小食。

早幾日天氣又突然凍返少少，想成d暖既野食補補身，就黎到深水埗好多人幫襯既 醉藥雞。餐廳主打各款無味精雞肉砂鍋生滾麵，同好多款醉香小食同冷盤。砂窩人蔘雞刀削麵 68成個砂窩上，熱辣辣，個湯底金黃色，睇得出用左好多雞去熬製，人蔘味岩岩，唔會好苦。可以揀好少食到既刀削麵，掛湯一流。雞肉嫩滑足料。咁大既份量宜個價錢真係好抵食。醉鮑魚 118鮑魚大大隻，煮得好入味，酒香好濃，仲帶d鮑魚既鮮甜味，口感煙韌有咬口，仲有d蟲草花同杞子。口水雞 藥膳湯瀨粉 58藥膳湯既藥材味好濃郁，瀨粉爽口彈牙，吸收哂湯既精華。口水雞上面鋪滿哂辣醬，香辣得黎過癮又惹味。醉豬手 48部分去左骨，方便食用，有豐富既骨膠原，食落一d都唔膩，食落好爽口，仲好香酒味。。。醉藥雞 (福榮街)深水埗福榮街103號地舖。。

疫情嚴重，當然要進補一下身體來抵抗病毒。在深水埗買完電腦，在福榮街見到醉藥雞。很難得在深水埗見到有鮑魚花膠魚翅食，所以去進補一番。.砂窩雞鮑翅米線 - 十分有驚喜的米線，連砂窩上，剛來到的時候湯底還是翻騰滾熱的，見到帶有金黃色的奶白湯底，十分之滋潤，見到加入了金華火腿，所以湯底零舍有韻味。而且十分足料，一共有兩隻鮑魚、魚翅、及不少雞件。米線也很彈牙，很豐富矜貴的米線呢！而且不用$100，價錢合理平民。鮑魚雞湯翅（連湯料）- 如果只想飲湯，也可要單叫湯，同樣有鮑魚魚翅及雞件。醉三鮮（鮑魚、蝦、花螺）- 點名是醉藥雞，所以心思思點了一個醉物，海鮮浸得很入味，有甘香的酒味！麻辣蓮藕、皮蛋豆腐 - 其他小食也別具特色，做得很精緻，豆腐切成一片片，賣相有！

之前食過幾次，都覺得唔錯，不論是湯or其他，都好足料。但是對於今次，我接受唔到，買人參雞米線，外賣自取沒有折都唔緊要，都值呢個價，但係個雞，真系少得可憐，而且冇一塊係靚得，返到屋企打開，食欲已經冇左！！湯亦好鹹，希望之後有改善啦。68元，食唔飽有失水準（要200字先可以評論，不過我講完㗎喇）⋯⋯⋯⋯..............................

當日同屋企人經過深水埗想搵一些真正滋補嘅中菜藥膳補身。這間餐廳鄰近地鐵站位置適中，地鐵站走過嚟唔到兩分鐘。😄砂鍋人蔘雞用真正東北人蔘，加上半隻雞，以及其他中藥一齊，絕對滋補，而且養顏又可以強身健體。男女老少絕對適合不過。鮑魚砂鍋雞翅我自己覺得用料上乘而且名貴大方，無論請親朋戚友自己享用都係唔錯嘅選擇。值得留意係佢哋嘅鮑魚同埋雞翅真係唔錯。醉三寶即係用上牛舌，豬肚，絕對可以滋補，健康又有益。麻辣雞腎四川地道風味食過真係絕對難忘。very amazing for family😊😊

深水埗嘅醉藥雞好多朋友食過都讚好食👍😋，今日終於同妹妹嚟到品嚐，果然名不虛傳😍😍下晝嚟都幾多人，好受歡迎呀。🐔砂鍋醉藥雞（半隻）$ 128嚟到一定要試下招牌菜，湯底酒味濃郁，雞肉超嫩滑，好肥美，好補身，飲完暖笠笠❤️💯🥚醉鵪鶉蛋 $36酒香濃郁，鵪鶉蛋一口一粒，好好食。🦐醉蝦 $88蝦肉新鮮彈牙，又夠入味。🥢陳醋雲耳$24酸咪咪好開胃🥬油菜$18菜心淋甜👍👍見佢有粉麵餐牌，60蚊左右有湯飲有麵食，幾抵，下次再嚟。

位於深水埗嘅醉藥雞結合左2種傳統嘅煮雞方法藥膳 以及 醉雞今日同朋友黎到見到比其他附近小店嘅裝修都要乾淨衛生店員都好有禮貌價錢方面都係好街坊嘅價錢試左佢地比較高級嘅菜式藥膳三鮮米線好足料！鮑魚 蝦🦐 3隻同埋螺數隻好正！海鮮索晒有小小藥材嘅湯好好味又好補嘅感覺米線嘅湯都有中藥但唔算好重味無過火掂！另外要左個醉雞湯麵雞湯好清係醉雞嘅味道雞有小小油其他雞油落晒湯度好香好補仲有雞肉係好滑嘅唔係湯渣雞肉黎！正呀好滿足嘅一餐黎開附近一定要幫襯下嘅小店之一

唔知點解大個左愈來愈鍾意藥膳嘅嘢，今晚出去深水埗買外賣比呢間主打養生藥膳嘅小店吸引到，最後擇左餐牌大大隻字寫住「行氣活血」嘅「招牌砂鍋醉藥雞米線」🍜湯料基本上同圖片一樣，有薑、紅棗、木耳，飲落有微微酒味，味道幾濃，我覺得幾好飲！雞件係我最鍾意嘅髀位，口感嫰滑👍🏻米線煮得唔夠軟身。六點後外賣自取送小食，擇咗唯一一樣唔辣嘅麻醬粉皮，係細兜size 。

驚喜的醉藥雞一直想試，終於可以試到，我點了砂鍋雞湯翅，湯底還好，不是很濃雞湯味的那種，但雞非常嫩滑，有驚喜，本來想點粉絲，但驚吸晒啲湯，所以最後選擇了米線，不錯👍🏻另外朋友點了藥膳雞湯，藥膳味非常足料，酒味適中，不喝酒的朋友也不妨試一試。特別要推薦的是醉藥雞的小食，非常驚喜岀色，我們點了醉三鮮，材料很新鮮，所謂醉三鮮有蝦三隻，鮑魚一隻和花螺。濃濃的酒帶岀海鮮的鮮甜味。另外我原本不喜歡吃乳鴿，但因為知道朋友喜歡吃，所以陪佢點了，見佢食得咁滋味，我也來一片，嘩！很好食，醉及調味非常夾。吃完這餐，朋友的面也紅了雖然很飽，但是滿足的飽，有下次。

꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳發現新大陸😆 深水埗 #醉藥雞除咗藥膳之外我係唔會食唔辣嘅米線🙈꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳✧˖°⌖꙳⊰⊹═══════════⊹⊱༺ 𖤐 𖤐༻砂鍋醉藥雞🥘配米線𖤐༻▫️味道唔錯越食越濃藥膳味💓༺ 𖤐 砂鍋雞湯翅🥘配米線𖤐༻▫️似花膠雞湯🤣好好味💓▪️2碗嘅雞肉都超級滑🐓！⊰⊹═══════════⊹⊱另外我哋叫咗兩個小食一個係店員定老闆推薦༺ 𖤐醉·乳鴿𖤐༻༺ 𖤐 醉·三鮮𖤐༻勁好食😋乳鴿同三鮮都十分之正醉·系列，我聽到隔離枱嗰啲都有叫真係🙈好好味！⊰⊹═══════════⊹⊱講真如果唔係佢推薦我應該唔會試乳鴿不過試完之後下次會返去再叫小食好出色🙈好飽但我清哂🐖廢廢的我食到面紅心跳😂💓✐☡✐☡✐☡✐☡✐☡✐☡✐☡✐☡✐☡✐☡✐☡   

餐廳：醉藥雞 (深水埗)地址：深水埗福榮街103號地舖香港有唔少藥膳雞米線餐廳🍜，深水埗呢間開咗兩年幾嘅醉藥雞 ＠the_weakest_chicken 前排喺荃灣逆市開第二分店，低迷嘅環境都開到分店，佢哋一定有啲嘢喺特別引人入勝嘅，究竟喺咩呢😎？醉藥雞主打砂鍋系列嘅生滾麵，每日賣過百鍋，gimmick在於每日新鮮即叫即整，無論米線定湯底都喺即日熬製，唔會留過夜，所以粉麵都可以keep住爽同彈牙👍。每款生滾麵嘅湯底都唔加味精，而喺用超過三十斤嘅豬骨、雞同其他材料去熬超過一個鐘以上🔥，非常足料用心💕咁啱今次叫嘅兩個砂鍋雞都喺比正雞髀位，雞肉肉質嫩滑🐔，湯底充滿濃郁雞香，每鍋都有五六舊雞肉😋，食落一啲都唔霉✝️砂鍋雞湯翅刀削麵 $68除咗有魚翅之外仲有幾嚿大大嚿充滿膠質嘅花膠，刀削麵吸收晒湯底精華，食麵之餘真喺忍唔住飲埋啲湯🤤✝️砂鍋醉藥雞銀針粉 $68以紅棗、木耳、淮山、薑粒、煮雞酒釀製成呢個湯底🍶，夠晒養生，薑粒微辣，淮山夠腍，喺疫情底吓真喺好需要食返碗補補身💪✝️醉肝鮑 $75呢個冷盤有一隻爽彈鮑魚、五六片鵝肝、一隻酒釀糖心蛋🥚，仲有啲蟲草花同杞子，鵝肝一啲都唔膩，亦無腥臊味，粉得嚟同酒香

醉藥雞個名幾特別，望落正正經經，一讀出黎"最弱雞"，夠哂惹人注意。但呢度啲野食一啲都唔弱雞，有翅、鮑魚、海鮮、鵝肝食架。今日我就同朋友黎到深水埗“醉藥雞”食午餐，我叫左三個美食品嚐，有砂鍋雞湯翅、醉鵝肝同麻辣雞腎。雞湯翅，一大鍋，翅同雞件都唔少，個湯金黃色，一睇就知淆左好耐，好濃好有雞油香，裏面仲有金華火腿。雞件嫩，魚翅爽，成煲比我地飲得乾亁淨淨。醉鵝肝，本身都考慮緊叫唔叫呢個好，驚好漏同好膩，但都係想試下。鵝肝一啲都唔膩，個汁完全剛剛好，唔會太酒味，又唔會太甜👍麻辣雞腎，唔算太辣，有麻麻既感覺，雞腎爽口。一路食一路聽到隔離枱係咁讚，我心裏面都好鬼認同，真係正。