醉藥雞 (福榮街)

營業中

休息中

今次我地黎左深水埗區搵食，呢區既野食普遍都係比較平，餐廳都係平民化d，我地就揀左間醉雞米線餐黎食🐥呢間米線店平時都要排下隊先入到，我地早食就唔洗排，餐廳衛生程度都幾好，深水埗區普遍衛生差d，所以我感覺係唔錯，佢地有兩個碗仔專比客人放雞骨，咁就大家都食得乾淨d😄砂窩醉藥雞（$70）黎到梗係叫佢餐廳名既醉藥雞米線啦，呢度用砂窩上，保持到個熱度，材料都好足，個湯底好濃既藥材醉雞味，而d雞件都幾滑🐤半隻醉乳鴿米線餐（$80）配雞湯翅（+$10）呢個主食既米線餐就唔係砂鍋上，但係醉乳鴿我就未試過，都幾好味，隻乳鴿整得夠入味，而個雞湯翅湯底就係濃厚既雞湯，我覺得好正，成碗飲曬😆鮑魚（$1）凡係叫米線既都可以$1加隻鮑魚，佢地會放埋入碗米線，$1真係良心價，鮑魚size都唔細，呢個優惠唔知佢地點賺錢😂小醉三鮮（$10）呢個就係另一個特價優惠，有叫主菜或冷盤就可以叫，三鮮分別係鮑魚，鮮蝦，花螺，又係抵食得黎又好食🦐溏心醉蛋（$10）隻蛋比d酒汁浸得好入味🍳泡椒豬手（$50）泡椒豬手比我想像中辣度較輕微，而呢碟豬手係去左骨既，我自己就鐘意去骨，唔太鐘意吮骨，d豬手都好大隻，啖啖肉🐷麻辣雞腎（$38）麻辣

喺附近返工嘅朋友大力推薦我試雞湯米線，有日去開終於食到！果然冇介紹錯，係我鐘意食嘅嘢～招牌砂窩醉藥雞米線砂煲上枱時仍然滾到渣渣聲同出晒煙，雞件份量多，肉質有彈性，湯頭結合咗雞嘅精華，濃郁之餘仲有酒香，感覺好滋補養生。（除咗米線，亦可以揀米粉、粉絲、刀削麵、白飯、銀針粉或瀨粉)砂鍋雞湯翅（可揀半隻/全隻雞）$128半隻雞，$218全隻，性價比高。半隻雞嘅雞件大約15-20件，翅嘅比例都幾多下，湯嘅濃郁程度比藥膳湯更濃雞味，飲完啲湯唔會勁口渴。冷盤：醉三鮮（鮑魚、海蝦、花螺）酒釀海鮮都係招牌菜之一，一份Standard嘅醉三鮮有鮑魚、海蝦同花螺，未食已聞到香濃花雕酒味，3樣海鮮都爽口彈牙，酒味適中，甘甘甜甜好開胃，夏天食一流。

醉乳鴿跟粉絲 $80 = 乳鴿味道正常，粉絲份量少得可憐，似平時食唔晒淨低咁。砂窩醉藥雞跟白飯 $70 = 雞件少肉大部份係骨(而且有碎骨)，只有一舊有得咬下，而且係冇味嘅。眼見冇乜餸食就想話加$1一粒鮑魚，點知女店員話要落單時加，不可以後加，唔明點解要咁樣規定。另外湯係甜嘅，不是想像中的藥膳。6點入座，當時店內只有一位食客，店員要求我們不要放袋在隔離坐位，可能佢認為轉頭立即會坐滿客人。當然我同朋友都馬上聽話攞走自己嘅袋，以免被人鬧係奧客。呢間嘢試一次就夠了。

好耐無奢侈出街食餐好，小弟趁岩岩出糧，順道經過深水埗, 試一試呢間出名食雞ge食店。呢間醉藥雞，最最出名ge，系佢地ge「砂鍋系列」。而我呢次叫「砂鍋醉雞煲」（好似記錯）就系其中之一。事不宜遲，都系講講小弟ge食後感。各路高手成日話「色、香、味」要俱全先叫上乘。呢個醉雞鍋，完全符合呢Ｄ條件。「色」－侍應拎個砂鍋系我面前，完全呈現類似「生滾」狀態。如果系其他熱菜，以小弟十級怕熱的特性，早就避之則吉；但系雞煲本來就系趁熱先至有用，至少可以講，呢間雞煲絕對無欺場。但最吸引我注意ge，系個鍋面頭個浸類似「黃油」ge物體，原本誤會系雞油（真失禮），捻捻下間舖頭主打養生，「黃油」應該系煮食用黃酒先岩（如果小弟都系講錯，非常歡迎各位高手指正）成件事，「黃油」個種深黃，配上偏白ge砂鍋內湯底，深淺分明，印象分大大提升。「香」－砂鍋上抬，撲鼻而來ge酒味，唔駛甘多廢話，「相機」先享受，然後到小弟大快朵頤。「味」－講完個雞煲賣相同酒香點吸引，終於都要講主角－雞；但講雞之前，先講講配料。呢次叫個砂鍋，由於以藥湯做基底，所以除左微微黃酒味之外，湯底見到紅棗、淮山，另外加左疑似老姜（？）。不過，小弟完全唔覺得個

福榮街不嬲多野食，今日就揀左呢間做出名食 鈔鍋生滾麵做lunch ！ 價錢小貴 湯底係幾好味既，但雞肉份量都小 ，男士食未必飽，作為lunch 選擇都係合格既！鮑魚砂鍋雞翅米線$98湯底幾香,不過飽魚同雞翅就冇乜特別主打個醉藥雞湯出色啲！砂鍋醉藥雞米線$70醉雞湯底幾甜，藥材味都濃食完成個人暖哂，雞就真係唔多不過啲雞都滑既！

之前行過都想試，但係午膳時間lunch hour 真係超多人，今日係星期六，所以過嚟試一試。招牌砂鍋藥膳雞刀削麵見一攞出嚟煙霧瀰漫，已經知道 煮得好熱 ,staff 真係非常之小心.70蚊喺深水埗已經覺得係超抵嘅價錢，一大鍋，一定夠飽。味道好濃嘅藥膳咁啱講緊呢幾日嚟緊返風,真係好補身見menu仲有醉雞或者係最乳鴿等嘅餐,下次可以再試值得encore

Intro: 要數到深水埗其中一間多人食嘅餐廳就係醉藥雞，呢到係主打砂鍋雞湯，每份都係熱辣辣咁即煮，價錢都係70-100內，所以午請同晚市先吸引到咁多人食～___________________🍽 砂鍋雞湯翅 - 配粉絲💰 70 ⭐️8/10✍🏻 賣相就冇原圖咁靚，部份雞同翅好似浸左底咁，但上菜嘅時候都幾滾而冒煙，一唔小心就會辣到嘴；✍🏻 麵類叫粉絲就最好不過，因為粉絲會吸哂雞湯嘅精華，但又唔會太鹹，粉絲仲好爽口；✍🏻 部分嘅雞都好滑，雞嘅份量都幾多；✍🏻 仲有幾小塊嘅魚翅，無咩太特別，佢地主打嘅都係雞同湯。___________________🏠 醉藥雞📍 深水埗福榮街103號地舖⭐️ 8/10___________________

通常去深水埗都食劉x記, 今次食一直想試嘅醉藥雞, 見佢有好多酒醃小食, 醉鮑魚, 醉蝦醉花螺繁忙晚市時段只係等咗一個number就可以入座 (lucky), 叫左胡椒豬肚雞米線，醉3鮮, 麻辣口水雞撈麵，麻辣豬耳胡椒豬肚雞米線, 胡椒味啱啱好, 天氣轉凍, 食呢個一流, 胡椒又唔會太辣, 雞亦都好嫩滑, 有好多豬肚👍🏼👍🏼👍🏼👍🏼👍🏼3鮮有 醉鮑魚, 醉蝦醉花螺, 酒味好出, 一份有一隻鮑魚三隻蝦一堆花螺, 好食👍🏼麻辣口水雞撈麵, 個人覺得好辣 (利申 譚仔平時食麻辣五少), 麻辣豬耳, 2 款麻辣屬於正常水準, 辣比較重, 唔夠麻總括嚟講, 胡椒豬肚雞米線係世界級, 醉小食都好好食, 會為咗呢兩樣嘢再返嚟, 下次再試其他加埋一支樽裝豆漿, 兩個人都係$265, 抵食

食物質素比價錢差，人均消費要$70+仲唔包嘢飲。你想加錢飲杯檸茶都唔得，咁大間舖連水吧都冇，淨係得啲樽裝飲品。好心你收得呢個價錢就畀返好少少嘅嘢人食我地兩個人嗌左一份醉雞同一份胡椒豬肚雞湯麵，出到嚟個感覺好似加左好多水同雞肉份量少&多骨。胡椒豬肚仲食得出個味道，但個醉雞就冇味之外仲食得出係白切雞加醉雞湯包，真係建議搭多個站落旺角食第二間個湯除咗冇料之外仲好重味精，飲完口都乾埋成個用餐感覺都非常之唔好，不會幫襯第二次

砂鍋人蔘雞🫕（💰70）：湯底濃郁人蔘味較重，揀左米線去搭配，雞嘅份量非常之足料肉質嫩滑。☺️砂鍋雞湯翅🫕（💰70）：湯底比較淡，味道一般。👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻👊🏻上菜個下個砂鍋系仲滾緊😂味道黎講唔太出眾，下次去試埋個招牌醉藥雞先😋

同店鋪名一樣，店內主打以砂窩形式的雞和醉酒菜色，一試究竟先! 😎講下食飯當晚所見先，平日晚市時間唔算多人等位，多4人枱，留意到大部分食客都會叫一份麵再加小食share。而Menu方面，第一頁大大幅圖顯示5款推介的砂窩生滾麵，麵底可揀米線、白飯、刀削麵及比較少有嘅銀針粉。砂窩類主食，雞鮑翅、雞湯翅、雲吞雞、醉藥雞、人蔘雞、胡椒豬肚雞都可直接叫半隻或一隻、冷盤類小食，例如醉酒小食亦可以單叫或配粉麵。美中不足，飲品選擇好少及得凍嘅汽水、王老吉、枝裝茶、豆漿。主食上，每一款都好想試，最後和同行友人各叫了砂窩雞湯翅米線、砂窩醉藥雞刀削麵，小食就試試醉三寶(牛舌、豬肚、薰蹄)及白烚菜心。麵食上枱時熱辣辣，湯底有滾起。砂窩雞湯翅米線賣相一般，雞湯底咪濃，唔算清甜，雞肉及米線份量尚可，翅質素麻麻。砂窩醉藥雞刀削麵賣相唔錯，酒味濃、湯底飲得出酒的甜味，湯料明顯有紅棗、淮山、杞子、雲耳、薑等等，仲要唔止得幾粒，啱曬中意飲湯食湯渣嘅朋友。刀削麵都煙韌，下次食推介刀削麵!醉三寶(牛舌、豬肚、薰蹄)份量適中，略嫌唔夠入味及切得大舊。價錢上以深水埗區黎講偏貴，個人認為麵食會相對醉酒小食抵食啲。整體值得下次再試埋佢

食飯前，我哋一行人已經等咗幾耐喇，不過都係咁啦，睇在呢度嘅美食份量大又抵食嘅份上，真係值得等。落單嘅時候，我哋叫咗個醉牛舌同埋砂鍋胡椒豬肚雞，加埋啲雞酒就啱啱好。嚟到第一道菜嘅時候，個醉牛舌就真係令人驚艷。佢地係熱騰騰嘅砂煲度送上嚟，啲牛舌燒得啱啱好，啖啖都係咁嫩滑，而且啲醉酒嘅湯汁都滲透入去，增加咗牛舌嘅層次感。香辣嘅味道令我胃口大開，即刻就肚餓啦！講返個天氣，啊，真係啱啱好，就係適合嚟食啲熱辣辣嘅菜式。但係食完醉牛舌之後，我嘴巴有啲乾，幸好有啲蜜糖檸檬搭配，啲酸甜嘅口感令我舒服咗啲，又即刻補返啲水份。而家，就等待我哋嘅主角——砂鍋胡椒豬肚雞出場啦！砂煲打開，一陣香氣迎面撲來，啲胡椒同埋豬肚嘅香味真係令人垂涎三尺。豬肚煮得腍滑入味，加上啲雞肉同胡椒，真係味道好濃郁。特別係啲胡椒，我可以明顯感受到佢地嘅新鮮同埋辛辣，令呢道菜更加特出。不過，要留意啲胡椒嘅份量，唔啱食辣嘅人可能會受唔住呢個嘅。食飯嘅時候，我同啲朋友細細傾下，原來佢哋都係頭一次嚟呢度。我就即刻分享返我之前嚟呢度嘅經歷，睇佢哋啱唔啱嚟吖。不過，無論啲意見點睇，呢度嘅食物質素都係唔可以否認嘅。食完之後，我哋一行人都大讚呢度嘅醉

第二次食❤️砂窩系列可以配米線/米粉/粉絲/刀削麵等等😋嚟到當然要食招牌醉藥雞😋湯底超香濃❤️雞好滑❤️砂窩keep到湯底溫度食到尾都仲好熱!飲左好多湯🙈今次叫咗刀削麵試😋刀削麵口感好好,都幾索味👍🏻份量亦都好多差啲食唔唒醉肝鮑有一隻糖心蛋、鮑魚同埋幾舊鵝肝😋第一次食凍鵝肝😂入口即溶好似食緊牛油咁,而且好甜好入味❤️成個汁除咗好香嘅藥材酒藥味仲有好清甜嘅桂花香味👍🏻鮑魚亦都好彈牙入味!正!

身為上海人嘅我對酒糟類嘅食物一定係我嘅最愛，「醉藥雞」有唔同種類嘅酒糟小食，雞湯麵，亦有麻辣嘅口味，睇完餐牌真係花多眼亂，樣樣都想試😆醉三鮮（鮑魚、蝦、花螺）酒糟味香濃，花螺彈牙有咬口，可惜鮑魚比較靭，蝦肉不夠新鮮醉鵝肝推介👍🏻鵝肝嘅份量亦唔少，入口即化，鵝肝配上酒糟嘅香味簡直一流醉鵪鶉蛋最鍾意食鵪鶉蛋，一啖一粒好過癮砂鍋雞鮑翅配刀削麵湯底鮮味，但對於重口味嘅我嚟講比較清淡，內裏嘅鮑魚比醉鮑魚更加好食，入口Q彈，雞肉方面我選擇咗雞胸，肉質依然保持嫩滑👍🏻砂鍋醉藥雞配米線湯底充滿藥材香味，加上木耳、薑粒、紅棗粒，一啖飲落去非常暖胃，成碗湯都比我飲晒😆📍醉藥雞 (福榮街) (深水埗)深水埗福榮街103號地舖人均消費：$150-200食物：⭐️⭐️⭐️⭐️環境：⭐️⭐️⭐️回頭率：⭐️⭐️⭐️⭐️

深水埗砂鍋雞🐔每次嚟到深水埗附近都會去食呢間醉藥雞🐔大大鍋仲要有得揀麵底🍜有米線、米粉、粉絲唔同麵，今日嗌咗個砂鍋雲吞雞$70同醉鵪鶉蛋🥚上菜速度算快，個砂鍋嚟仲滾緊起哂泡🫧不過食嘅時候真係要小心掂到個鍋，因為都好辣手，尤其是有小朋友更加唔好畀佢掂到👋🏻雞嘅份量正常，不過冇乜肉😕好彩入面有2粒雲吞🥟雲吞足料，真係有粒蝦喺入面🦐同埋麵底都算大份，粉絲好入味👍🏻醉鵪鶉蛋份量算多，2個人最後都食唔哂🫣始終食得多好滯飲品嗌咗枝裝豆漿，不過枝豆漿口啤得好實搣唔開，唯有搵職員幫手篤穿佢先插到飲管🥤最後兩個人埋單二百幾蚊，深水埗嚟講唔係平價餐廳，但質素算唔錯同埋唔係好洗等位，上菜又快😂