醉藥雞 (福榮街)

營業中

休息中

天氣凍凍地，瞓醒諗住起身搵啲嘢食咁就見到有新餐廳，咪諗住嘗試囉因為暫時除咗鳳鳴居，我都仲未搵到一間好食嘅醉雞米線。點知淨係客家黃酒雞我已經覺得麻麻哋，完全黃酒味都唔濃。雖然啲雞份量唔係話好多但起碼六舊裏面得兩嚿冇乜肉啫。不過不失！雞肉都算滑唔係鞋。另外嗌咗醉肝鮑同醉牛舌，嚟到就發現佢哋係啲汁水同啲食物分開。所以起初食落去嘅時候醉嘅味道唔多，要浸耐少少先真係似平時食餐廳嗰啲所以我唔明OpenRice咁多食評係讚嘅時候我完全認同唔到，有啲人話好食過太子同葵廣我唔知太子佢係講緊黐膠雞同花膠雞呢兩間定點？但我覺得上述兩間都口味上真係似一般嘅黃酒煮雞不過中間發生一個小插曲，我希望店家可以改善呢個問題。