豐鍋雞煲 (京瑞廣場1期)

營業中

休息中

前幾日和朋友到大圍踩單車，之後決定喺附近食埋晚飯。做咗咁多運動，梗係食飽啲補充體力，雞煲是個唔錯嘅選擇😂——————————🔹招牌麻辣雞煲 (BB辣) $168這裏的雞煲看似平平無奇，但食落令人驚喜。朋友唔太食得辣，叫左BB辣，店員一開始會把雞件和芫茜不停攪勻，煮至熟透，才開始食。雞件煮得入味嫩滑，食落唔會好麻，好惹味，好快就食晒！後來因為越煮越辣，朋友提議換另一個煲打邊爐，用豬骨湯做湯底，味道濃郁，不錯👍🔸頂級安格斯牛 (小) $178安格斯牛色澤紅潤，油花分布平均，食落肉質滑嫩之餘，還充滿牛肉香氣，令人一啖接一啖！好好吃🔹手工四寶丸 $85四寶丸顧名思義有四種手打丸：蝦丸、鯪魚丸、黑墨丸和墨魚丸。人手製作，入口彈牙，名副其實真材實料！最喜歡黑墨丸，吃起來爽口彈牙，還有些墨魚鮮味👍🔸即炸爆芝響鈴 $66 (6件)這裏的響鈴卷即叫即炸，裏面還加入了芝士！放入熱辣辣的湯底，芝士呈現半溶狀態，一口咬落去即刻爆漿，口腔充滿芝士香氣和香脆的腐皮，好滿足～🔹手工即炸魚皮 $48平時打邊爐都會食炸魚皮～但這裏的魚皮是店家手工即製，每塊都好完整，不會碎濕濕；用上鹽和胡椒來調味，所以味道好濃。輕輕一焯

開心雞煲，唔開心都雞煲總之岩feel就雞煲👅👅今日經開沙田就心癢癢之前食過既豐鍋女朋友話要食，做男人既點都要陪啦！女友食得辣，所以我地點左個小辣黎食辣味唔算好犀利，味道偏咸多不過入口幾惹味！美中不足既為雞件比較少，如果可以多d雞就更好！另外，最好食既係牛肉！好香牛肉味，入口好軟滑，雪花紋好靚！第三推薦既係食芝士響鈴！好驚喜，入面有塊芝士！食得出食材既用心！最後，佢地揀既菜都好新鮮，好爽脆！正呀🤣

好耐之前已經黎過一次豐鍋食雞煲，今日決定再黎食一次，希望食物質素冇跌啦今次點左個半隻小辣雞煲，雞件比上次少，食落唔夠飽，不過好彩味道搭夠，夠哂惹味我地點左個響鈴🔔入面有芝士，味道好正！之後再點左個四寶丸，食得出好新鮮！不過講到最最最最好食.....一定係個牛肉！雪花紋好靚，而且食落仲好有牛味呀！推介呀！菜藍都好新鮮，食落好爽脆！員工服務態度都好好，會主動幫手處理雞煲，總括黎講食物質素屬中上！可以一試！

朋友介紹沙田有間食雞煲好好食嘅店鋪，今日專登搭車去食，其實都好方便，石門站一出行幾分鐘就到，唔難搵。去到門口已經有張雞煲poster,入面裝修都好新，有梳化卡位，坐得都好舒服。首先睇睇菜單，款式都唔少，仲有好多自家製嘅火鍋配料。去到緊係要點佢出名嘅雞煲啦，我地2個人叫咗半隻雞，加其他配料打邊爐。麻辣雞煲小辣-我地雖然點咗半隻雞，但份量都唔少，好足料，上枱時，店員即場喺我地面前再撈撈d雞，再煮一煮，d醬汁掛晒喺d雞果度，好惹味辣辣地食到停唔到口，朋友果然冇介紹錯。食雞煲緊係唔少得啤酒啦，佢地有德國手工啤，緊係要叫黎試試啦，飲落d麥味好重，果然同普通啤酒唔同。頂級安格斯小牛排-上枱果時真係比佢d雪花吸引住，雪花分佈均勻，肥瘦適中，煮10秒已經食得，食落好淋，一d都唔韌，好重牛味，可以講係入口即溶嘅感覺。炸魚皮-一定係佢自家製，係原條魚嘅皮炸，佢嘅長度仲長過條筷子，上枱時熱辣辣，炸得好鬆脆，呢個一定要叫，勁好食。自創爆芝響鈴-呢個真係幾特別，上枱時見到同平時果d響鈴好似差唔多，原來食落先入面原來滿佈芝士，食落好香芝士味，落火鍋浸一浸之後，d芝士溶溶地食落仲正，芝士控一定要試吓。什菜籃-份量都

今天用Open rice book 抬，消夜時間2130 hrs , 部分食物半價，只有海鮮，靚牛肉，飮品欠奉來一支德國啤酒，啤一啤加一支忌廉來一個胡椒豬肚鍋，刺激一下先，此店的碗碟也很特別，用懷舊老雞，食也滋味啲野生竹笙爽口因為朋友不食肥牛，所以我只叫了一個小的頂級雪花肥牛，半價$49，抵抵抵我見此店招牌的自創爆芝紫菜響鈴，三件$21味道特別好食手工即炸魚皮一塊塊，好特別，雖然份量少，但都好食 半價也要48元，鴨血，滾一滾，也很漱口手工五寶丸，非常彈牙，我朋友滾了一粒小丸子，筷子夾住一粒小丸子正常放入口間，未咬一口已經彈左落地下了浪費了⋯⋯胡椒豬肚鍋略嫌不夠味$108

今晚收工同班朋友仔試食雞煲之前在facebook見到朋友post好正咁，約齊腳立即打電話訂枱，7:30pm到已經見到有客排隊中，好彩訂左枱咋不嬲喜歡重口味的我坐低立即order個麻辣雞煲食左先，非常夠味又夠滑，配料入哂味，一個字食完再加湯火鍋，叫左碟牛頸脊（大）排得滿滿一碟，肉質好淋入口有少少即溶，下次又是必叫之選之後再叫左生猛田雞，上枱時仲郁緊架雜菜藍又大又新鮮即炸魚皮有手掌咁大塊架今晚大家都食得好滿足，下次必定再幫襯

麻辣雞煲，打邊爐就食得多啦～就係未食過呢排好受歡迎嘅椰子雞煲🐔 朋友聽聞呢間「豐鍋」嘅椰子雞煲好好味，就特登推薦左比我🙆‍♀️.「豐鍋」位於沙田京瑞廣場，係石門站出行2~3分鐘就到，地點都幾方便又易搵👍.滋潤椰子雞煲。半隻（$188）首先，店員會即場將椰青水落入椰子湯底裡，待水滾後再放入雞件煮6分鐘，即成。椰子湯底原本已有椰子肉，紅棗同竹笙，加入椰青水後，湯頭越煮越鮮甜。💁‍♀️小妹建議，先飲咗碗好鮮甜嘅椰子雞湯，啖啖濃郁椰子香😍.雞件份量足，至少有20塊呢❗️以椰子湯煮成嘅雞件，椰子香滲入晒雞肉中，肉質嫩滑帶點微甜💕.餃餃陣 ($85)一碟共有八粒，包括兩種雲吞兩種餃，分別係鮮蝦雲吞，麻辣雲吞，韭菜餃同魚皮餃。其中最欣賞嘅係韭菜餃😍入口濃郁韭菜香，可見韭菜非常新鮮❗️而鮮蝦雲吞亦不錯，皮薄餡多，裏面有大大粒鮮蝦仁🍤仲有爽脆木耳絲添，口感豐富☺️而無辣不歡嘅我當然唔會放過呢款特別嘅麻辣雲吞啦😜.手工四寶丸 （$85）同樣都係一碟有8粒四款嘅手打丸，分別係蝦丸，墨魚丸，黑墨丸同鯪魚丸。以人手打成嘅四寶丸，入口彈牙，味道濃郁❗️最鍾意就係蝦丸，因為入邊有粒大蝦仁，真係名副其實嘅蝦丸呀😍.西班牙頂級黑豚

在沙田跟朋友找東西吃，得知石門附近有一間火鍋提供椰子雞煲湯底，因此前去一試。椰子雞煲湯底非常足料，湯底的椰青水是用原隻椰青，加上竹笙，杞子，椰子肉等，令到湯底十分清甜。原隻雞加上店員悉心提醒的時間後，出來的感覺非常鮮嫩。這裏的炸響鈴亦是值得一試，即叫即炸的。安格斯牛小排，份量非常足，牛肉味香濃，令人吃到停不下來。這裏還有雞煲可供選擇，看見其他人的雞煲亦非常好味。這裏的交通還算便利，下次必定再來一試。

住沙田既朋友應該都知道而家石門開左好多餐廳，如果大家想打邊爐或者食雞煲，豐鍋可以一試👍🏼。今次我地一行四個👫👫，侍應安排我地坐卡位，張枱夠大又唔迫，正😬。我地叫左雞煲，手打四寶丸，手切牛頸脊，芝士響鈴，即炸魚皮，午餐肉，豬皮，蘿蔔，豆腐，雜菜🥗。雞煲小辣 (一隻): 味道唔錯，份量算大，唔係得d骨。其他配料: 都好食😋，特別推介即炸魚皮，手打四寶丸👍🏼。至於響鈴，我地都係比較鍾意原味多d😜。提提大家，因為舖位唔係特別大關係，如果唔係即興，建議先訂位😊。

聽朋友說豐鍋啲辣嘅好食， 所以搵埋好朋友由將軍澳出發來試吓，啲侍應生個個都好有禮貌,食完雞煲之後可以食火鍋，啲雞好滑好野味,火鍋料好新鮮，尤其是啲牛脊肉好鬼正，喺鋪頭內又可以飲酒，真係冇得頂，餐廳整體清潔，所以比我愛乾淨的人是一個好去處，在鋪頭內亦都擺放左BearBricks,令到我哋啲愛嗜者有得食就得睇,交通都算方將軍澳嚟都只是過幾鐘，諗番啲野食都覺得值得。你問我下次會唔會再來？當然會仲要介紹俾啲朋友。豐煱係得👍🏻👍🏻👍🏻

店面門口雖然吾算好易找… 但其實一上電梯已經嗅到很香的雞煲香味… 即刻肚餓感急升!!! 同友人好快就決定點 豐鍋招牌麻辣雞煲 半隻(BB辣)- $168，一上枱就已經嗅到有濃郁的麻辣香味… 店員細心地處理好哂…我同友人只需要乖乖坐住等吃即可!!!雞件大細適中.. 入口剛好…雞味香濃又辣得過癮…件件雞件都滑一滑又入味…wow..正呀!!!!! 食完雞煲當然仲有重頭戲.. 打邊爐啦!!!! 首先友人點左手工即炸魚皮 - $48…只得3塊…本來我是有點卻步的… 但一上枱見到個3塊炸魚皮…就完全沒有失望!!!!每塊魚皮差吾多有筷子甘長…厚薄平均…啖啖香脆…. 同出面街一大袋既炸魚皮完全2個層次… 加上小小雞煲汁一齊食.. yummy! 打邊爐又點會小得有肥牛呢… 頂級安格斯牛 (小) - $178 !! 200 蚊有找… 所以友人一口斷定如此價錢..相信餐廳會係份量上缩水wo ~~ 結果!!! 友人錯啦!!大大碟高質肥牛…牛味香濃又好咬口… 食完一塊又一塊.. 好食到停吾到手呀… 最後用個雜菜籃 - $48有白菜仔..糖生菜同菜心..款款青綠又新鮮…如此去總結我地是日的晚餐…完美!玫瑰柚子 $

今日搭馬鐵 ，路經石門， 順便參觀下呢個久違嘅地方 。呢度有別具特色嘅商場，裏面有好多特色食肆 ，其中一間就係今晚食嘅雞煲。店舖面積唔算大，但麻雀雖小五臟俱全。雞煲有幾款選擇 ，除了基本嘅麻辣雞煲外仲有藥膳雞煲和椰子雞煲選擇。是次選擇了椰子雞煲， 店員倒了個新鮮椰青落湯底， 以示真材實料。 實測試味湯底真係好清甜， 飲得出沒有味精。❤️雞件足夠有半隻份量， 根據店員講解大概況湯五分鐘 ，就可以食。 果然雞非常嫩滑 ，而且帶有椰子清香味😜之後點了這裏的即炸芝士響鈴卷 ，上碟仍能夠嗅到剛炸好的油香， 放湯勺一兩秒後再食 ，加上響鈴卷中心的芝士味 ，簡直完美。😋之後點了安格斯牛肉 ，無論賣相和味道俱非常優質👍這裏的自家製炸魚皮非常特別， 基本上是炸好原塊上！從食材方面看 ，店家非常有誠意 ，誠意推介。

Finally satisfied my hotpot craving after a extremely long day! My friend and I thought we’d find somewhere close to where we live and so we ended up at this place, took us less than 15 mins driving but I would presume that the location would also be convenient for others as well because the plaza is just located next to the MTR station. Needless to say, the restaurant was spacious, nice and clean. We arrived early so there were not a lot of customers around. And they have this super cozy sofa a

去完第一城朋友嘅新居 之後就去石門食個飯朋友話試過有間雞煲 即刻叫佢陪我去試坐底先叫杯大話七同水蜜桃梳打 消暑解渴兩個人食半隻雞 揀唔辣 想試佢個原味 雞煲面鋪滿芫茜 芫茜控表示興奮上爐後 店員姐姐會幫我地炒同埋攪勻 炒嘅過程香氣逼湧出黎 大約5分鐘就可以食 雞件滑溜多肉 有雞胸 雞脾 雞翼位置而且醬汁滲晒入雞件 全部都甜香惹味 連爆香咗嘅紅蔥頭同大蔥都比我地清晒 食晒雞煲店員姐姐幫我地加湯打邊爐 先烚頂級安格斯牛小排 無雪藏味均勻雪花分佈 肉質鮮嫩唔韌 咬落口一半油香一半肉香 建議烚10秒就食得手工四寶丸都好吸引 自家製成滑再搓丸蝦丸有口感 食到粒粒蝦肉 真材實料墨魚丸爽口彈牙 粉漿份量適中 黑墨丸用墨汁而成 加上蟹籽點綴 夠晒搶眼鯪魚丸 潮洲口味 鮮甜鯪魚帶細骨 夾雜香茜味個人推介打邊爐必點嘅即炸爆芝響鈴 浸淋即食 咬到中間係濃厚嘅芝士 好驚喜 口感有層次得黎又唔會太膩我地仲叫個雜菜籃 有齊生菜 白菜 油麥菜 菜芯全部新鮮爽甜 可以平衡番多肉少菜嘅情況 好羨慕第一城嘅朋友可以成日食咁正嘅雞煲 為咗佢我都好想搬過黎

今次帶媽媽去食雞煲，係因為貪在呢間有得食又有得打邊爐呀！雖然係有點貴，但聽到隔離枱話石門邨街坊介紹啊... 咁把炮!?試真d 先！因為我地人少少，就叫左半隻雞，再加BB辣(唔太食得好辣!)半隻雞都好足料，唔係食幾舊就無曬。雞煲配料都幾足料，起馬有大大粒薑(未見過有餐廳用咁大粒)同洋蔥(我至愛!)。雞肉好有肉地，而且係大大粒，口感唔太鞋口，而醬汁底好正，咸咸地又有少少辣，係引起胃口既！食左差唔多半個鐘，就食完個雞煲，就請店員加湯水變成打邊爐(雖然佢有得揀，但都係平平地，第一次食試下先)因為食到飽飽地，就叫左啲時令蔬菜，媽媽話蔬菜好新鮮，口感鮮爽，脆甜！最誇張就係佢地既魚皮呀，炸到大大塊，仲長過塊面，第一次見！非常脆口，表面佈滿胡椒，吃下不覺腥味，但有少許咸！另外，安格斯牛肉就好香牛肉味，雪花紋見到都想即食，不過脂肪比例就較高，所以入口即溶！