豐鍋雞煲 (京瑞廣場1期)

營業中

休息中

石門尋找新美食；朋友聚會總離不開打邊爐、雞煲⋯⋯可以邊坐邊傾計，坐足一晚都無問題！最近新開一間雞煲火鍋店，食完雞煲後可以繼續打邊爐！雞煲可以選擇不同辣度，不能吃辣的朋友可以選擇BB辣，辣度可接受又夠香。重口味的朋友就建議選擇中辣或大辣，麻香味會更重。我揀左小辣已經有火熱熱的感覺，鐘意食辣既朋友更加岩！雞肉入味，細細件易入口。手工爆芝響鈴，建議大家加入清湯打邊爐前，先用響鈴沾一沾雞煲辣汁，十分惹味！🌟手工即炸魚皮，可以不用沾雞煲清湯味道已經一流。表面灑上鹽同七味粉口味，味道吸引！🌟頂級安格斯小排，肉味好濃郁，油脂分佈平均，以火鍋來說質素算高。手工四寶丸，粒粒鮮味，店內大部分用料手工製，食物質素大讚。好貼心的什菜籃，滿足食菜欲。出奇地在雞煲店飲到特色飲品（飲用前先攪勻），紫色係藍莓雪梨🍐（甜）、紅色係玫瑰🌹特飲（清新玫瑰味突出）。最後太貪心的關係，唔覺意叫多左！總結：每碟份量大，材料新鮮，質素高，推介度高🌟🌟🌟

石門係沙田新地方，馬鐵站一出有幾個商場好多食肆，今次發現哩間野係因為9:30有半價，試一試雞煲，暫時食過最好食雞煲係大埔既X妹，但哩間出奇地拍得住x妹，仲要有超妹services.平時內雞煲要自己搞下唔妹痴底又剩，哩間既侍應會幫你攪攪攪攪咗十分鐘先叫你開始食睇落已經好惹味，叫咗小辣，剛剛好唔算勁辣到食唔到，好多洋蔥配料好香口叫咗芝士紫菜響鈴，即叫即炸好正好脆牛肉值得再食既雞煲，2個人半價後$240，好抵！叫咗半隻雞，綜合菜，牛，響鈴，一杯大檸樂！晚餐黎講抵到爛！其實覺得最開心係d侍應態度好好唔會黑面，餐廳細但人手好多一叫即應👍🏻

今日同朋友去石門食飯，知道嗰度開咗好多間食肆，於是就搵咗呢間豐鍋打邊爐首先我哋點咗個椰子雞煲做湯底，一開始嘅時候佢哋即場開咗個椰青，倒咗啲椰青水落個㷛度，跟住冚蓋，水滾嘅時候再放埋半隻雞落去，6分鐘就食得，而且個湯底越煮越好味，而且好大鍋，印象中好似冇加個湯，所以好濃頂級安格斯牛小排，脂肪同肉嘅比例啱啱好，又無根，而且夠晒肉味手工四寶丸，分別有：鯪魚丸、蝦丸、墨魚丸同埋墨汁墨魚丸，每款丸都好彈牙，而且用料十足爆芝紫菜響鈴，呢款響鈴我都係第一次食，原來響鈴加咗芝士同埋紫菜會係咁匹配嘅，相當新穎嘅菜式雜菜籃，顧名思義即係款款菜都有啲，而且都幾新鮮最後點左兩杯特色飲品，一杯叫玫瑰特飲，另一杯叫藍蝶雪梨，兩杯都唔錯好清新

滋潤椰子雞煲有椰青水、椰子、竹笙、杞子、红棗、(湯底)此先湯感清甜滋潤，後再放雞，体貼服務員建議约(六分鐘)後，雞熟及嫩！窩心提示，雞是又滑及不老！點特配沙薑不咸鼓油，相得益彰！滿足！顶级安格斯牛好味，入口質感好，滑嫰！切功及賣相加分，食色皆上品即炸爆芝響鈴內有豐滿芝士，好的配撘，第一次初食！享受流出芝士的口感吃了小食泡椒雞腳，不太辣，雞腳爽爽及入味！不錯啊！叫了德國手工麥啤，及大大杯咸檸七！服務员也好，這晚火窩很滿足

睇咗OpenRice D評論，又見環境ok，就即管行入去試吓。點知由頭失望到落腳趾尾。大大隻字話明九點半所有火鍋配料半價！結果落完單先同你話牛肉冇半價，鱔片又冇半價⋯⋯基本上得D菜類丸類先半價！咁你就唔好話所有啦，學吓人地吞pot 啦。冇半價都算，D鱔片仲要腥到令人反胃！雞煲又十分普通，牛肉更是水準之下。個地板好似搽咗油，個人好似坐住張櫈溜冰咁。店員服務態度一般。廚房員工粗口更是此起彼落。真是甚有風味。

一心諗住去石門搵食，周圍都好多人，係商場樓下見到寫住雞煲。就決定想去一試～ 去到都竟然唔使等位，之後出面就大排長龍去到之後帶咗花膠雞煲估唔到原來係用湯嘅，但個湯底淡左少少。配料方邊，佢嘅丸好新鮮，我哋order 雜錦有五種唔同味，價錢方便$100內有10粒手打丸，好抵食。響鈴方面係即叫即炸。總括而言全部配料都好新鮮。下次一定要試佢嘅雞煲聞到隔離好香我仲見到佢寫九點半後配料半價。下次一定要九點半後試！ 服務方便我覺得店員可以主動一點。或者介紹食物

有朋友喺石門嗰邊返工成日都叫我過去食佢公司附近啲嘢食今日特登過去接佢收工順便食飯叫咗個滋補螺片花膠雞煲做湯底你望吓都成半隻雞咁多㗎要係大大隻㗎你望吓隻雞脾～煲到咁上緊佢仲會幫我地剪細啲隻雞材料十足真係有螺片同埋花膠㗎另外仲叫咗一個水蜜桃梳打同埋玫瑰有子梳打兩杯都好好味當果報雞煲仲喺度煲緊嘅時候我哋叫咗個小食食泡椒雞腳望落去好似平時食嘅白雲鳳爪咁但其實佢係用咗黃椒去醃所以有少少辣但味道好正！叫咗個西班牙頂級黑豚豬梅肉夠大碟 正必食推介非一般嘅響鈴中間係夾住咗紫菜食咗咁多肉都要均衡飲食嘅叫咗一盆菜

運動當中踏單車算是最愛啦，今日誤打誤撞踩到石門站，剛巧是下午，順道到京瑞廣場《豐鍋》吃飯了。 入座後，看看餐牌，欣賞餐廳考慮到客人的健康而推出了健康煮家菜 ！ 職員服務態度有善 就點了多菜的蒜茸通菜炒牛肉 HKD 64 呢到是即叫即製，於是耐心等候了一陣子。 這個價錢都不錯還有送 無味精湯、白飯、青菜、咖啡或茶～ 白飯口感軟綿綿的～ 菜翠綠又爽，而且好多徑部份😌 用蒜茸提升了味道，晤多油，很健康！ 牛肉有咬口，也沒有被拿得很強勁！

位於沙田石門京瑞廣場一期一樓137號舖的豐鍋，主打雞煲及火鍋。平時和朋友吃雞煲，主要都是去旺角。現在石門也有雞煲，味道也不錯，可以和住在附近的朋友吃。餐廳開張了約半年左右，環境光猛，到晚上八時多更要在門口等位，所以建議先致電訂位。🙆‍♀️點了豐鍋招牌麻辣雞煲，點了BB辣口味和半隻的份量。如果完全不能吃辣，也可點走辣口味。約十分鐘後，雞煲便來到了，雞件約五成熟，待煲子發出滋滋聲後，便可開始輕輕攪動雞件。醬汁味道濃郁，能吃到香濃的花椒和八角味，味道鹹香。雞肉質感嫩滑，連雞胸位置也不會太嚡。我們的爐子是後加的，煲的尺寸比爐較為大，所以攪拌時有少許不便，幸好店員也會來幫忙。🙆‍♀️另外，雞煲的份量不算少，觀察到有些客人只是點了雞煲作晚餐，餐廳也不會強迫客人打邊爐。但吃完雞件後，便可加湯吃火鍋。雞煲的醬汁和上湯混和，充滿香氣。等待火鍋滾起時，可以去拿醬油，個人頗喜愛香蔥和芫荽配大量蒜蓉。點了一款自創爆芝響鈴，響鈴卷內加了一塊車打芝士，配搭有驚喜。餃餃陣包括鮮蝦雲吞、魚皮餃、韭菜餃和麻辣雲吞。四款餃子的味道也不錯，個人最喜歡鮮蝦雲吞，鮮蝦的質感彈牙。頂級雪花肥牛的份量頗多，白色雪花位置不算十分多，肉質

雞煲辣得好好味, 火鍋材料好新鮮, 侍應服務態度又好, 地方乾乾淨淨, 所以大家都食得好高興和舒服。下次一定會再來幫襯。今晚大滿足，豐煱你係得嘅👍🏻👍🏻👍🏻

今日嚟石門探朋友先知道京瑞廣場係有咁多嘢食 。我哋六點左右去到一期嘅豐鍋食雞煲 🍗。因為時間尚早，所以都有空位，但係到咗七點左右都差唔多爆滿，睇黎想食都係book位穩陣啲😉。 佢有唔少卡位應該都坐得幾舒服。因為我哋得兩個人所以就叫咗半隻雞煲，要咗bb辣。 仲叫定兩杯嘢飲🍹。我要咗一杯鹹檸七，朋友就要玫瑰柚子特飲。兩杯嘢飲都超大杯，朋友杯玫瑰柚子仲玫瑰味十足。個雞煲上到嚟侍應仲幫我哋即場炒咗一陣，因為有好多紫洋蔥同配料，炒起上嚟好香😍。啲雞食落嫩滑，個汁有少少辣得嚟又有啲甜味,都幾惹味! 我哋加咗個沙爆魚肚,侍應教我哋食雞食到咁上下可以加埋落去一齊煮，會好食啲。我哋照做果然係好入味👍🏼。之後就可以加湯打邊爐。我哋要咗黑豚豬梅肉，肥瘦適中，煮完都唔會韌。即炸爆芝響鈴，就係響鈴入面夾咗芝士😮，淥一秒就食得芝士味好香。即炸魚皮， 塊塊都長過隻筷子，食一塊都已經超滿足。嫩鴨血係雞煲比較少見嘅食物，都算嫩滑有口感。最後要食得健康，加左個蔬菜籃，呢個真係超多唔同菜，兩個人都食唔晒。要讚下呢到啲侍應都係好好笑容，下次一定會再幫襯😁!

今日同小 b去了石門吃雞煲火鍋，每次我想吃雞煲，小b成日都會話我，可以選1種嗎？ 雞煲 & 火鍋一齊吃，不覺得好邪惡嘅食物咩～我們到餐廳時，大約18:15啦，餐廳只有我們1枱客人，所以可以坐到卡位。職員問我們，喜歡吃辣嗎?我們說，都可以吃辣的，但要小辣便可😝。我們 order 豐鍋招牌麻辣雞煲半隻，菜籃，頂級安格斯牛小排，炸魚皮，爆芝紫菜響鈴。飲品方面，我們 order 了龍鳳檸樂，大話七😄。招牌雞煲，好好味，又野味。😋👍🏽👍🏽 雞肉又嫰又滑，職員還會幫你炒，這樣就不用擔心，會炒得唔夠透。😅半隻雞真的可以夠2個人吃的，唔駛擔心。雞煲之後，當然要加湯，開始邊爐的精髓，雞煲加湯後，又濃郁，又香噴噴。😊😋😋 第一味，當然要吃炸魚皮，又可以生吃，淥一淥又得，又香又脆口。豐鍋整的魚皮，加了椒鹽味去塊超長的魚皮，令到佢味道超香，想快 d 再吃。爆芝紫菜響鈴 (3件)，又香又脆，芝士味又濃郁。不過這個響鈴就要淥耐一點時間！ 但原來加了芝士去響鈴，好得意😎！頂級安格斯牛小排 (小), 牛小排又嫰滑，牛味又香！細碟的份量，都唔算細碟，份量都好足夠！喜歡吃牛的朋友，記得要 order 這個牛小排！菜籃🧺其

朋友住石門，話我知有間街坊雞煲好出名。今日終於相約去試試餐牌都好多選擇，而最吸引我地當然是雞煲！先來半隻雞煲嘗嘗雖然是半隻，份量卻不少，還有好多配料如紫洋蔥、蒜粒、莞茜等。個煲香到不得了，食落仲帶麻辣香！愈食愈惹味👍🏻食完雞煲仲未夠喉，追加了一鍋豬骨湯打邊爐。湯底帶點胡椒味，大大件豬骨，仲有蘿蔔在內非常清甜。魚皮必點！一整條的魚皮已很少見，炸得香口而不油膩。爆芝響玲好特別！是芝心的，我是芝士控所以十分欣賞👏🏻安格斯牛小排份量很多，夠幾個人食，肉質十分嫩！必點！手工四寶丸用料新鮮，全是用魚滑、蝦滑、墨魚滑做！十分彈牙，而且仲好大粒。其中最欣賞黑蚊蚊那個黑墨丸！好鮮甜👍🏻

涼就想食鍋物，今日要轉車經過依到又食埋飯先走啦。望到外面草地咁幾開揚，朋友話雞煲啦，好啦。豐鍋招牌雞煲 半隻 $168走辣定bb辣好呢？未病好就走辣啦，相信有辣麻麻地係正點！芫茜、紫洋蔥、芹菜、大量蒜薑依類，好香口！有辣當然好，但無都好濃郁入味。雞件多又嫩滑，雞皮都好好味。忍唔住食左幾塊呀！雞煲有種特別係有帶甜既醬，紫洋蔥入哂味無洋蔥辣味。雜菜籃 $68白菜、菜芯、生菜、油麥菜四款都有，勁好一次過食哂咁多種！$68係火鍋嚟講都ok，中餐廳炒一種菜都貴少少多。雞煲加左上湯食另一風味，比平時濃但又中和下。即炸爆芝響鈴 $38上枱熱辣辣，金黃色不錯喔！炸既好大好處係豆香出哂，又可以吸哂湯濃縮哂係響鈴之中。最特別係有芝士係中心，乜事咁得意！哈哈！半溶芝士咁，幾好。即炸魚皮 $38嗅落去有少少似臭豆腐嘅味道，香粉料多又多。食落非常酥脆，微咸，魚香重。頂級安格斯牛 $178色澤不錯，肉質都夠味道，份量重手。西班牙頂級黑豚豬梅肉 $105肉爽口嫩嫩地，少少肥肉。咸檸七 $32一睇就知係我喉嚨唔太好既人飲，諗都無諗就叫。鹹鹹酸酸養喉大話七 $32咸檸內有話梅，依個第一次見。酸中再梅既鹹鹹甜咁，都幾好，

這幾天天氣轉涼,最啱食雞煲暖身，屋企附近一間新開幾個月嘅雞煲！地點方便，在石門站旁商場。餐廳環境舒適簡約，當日去到九點半，仲有火鍋半價優惠，好抵食！適合三五知己聚腳點！ 雞肉滑嫩香口，配上濃郁醬汁兩個人食半隻雞份量啱啱好精粹係乾蔥及蒜頭非常入味！大話七 / 龍鳳檸樂職員介紹係餐廳 最受歡迎嘅飲品！一杯加入柑桔梅子，另一杯又鹹柑桔檸檬! 夠晒解渴！ 餐廳招牌魚皮及芝士響鈴 ！魚皮香酥鬆脆最大驚喜是芝士響鈴內裏有一大片半溶芝士，誠意之作！整體餐廳食物服務也很好住喺附近嘅夜貓子宵夜晚飯好選擇！