豐鍋雞煲 (京瑞廣場1期)

營業中

休息中

今日天氣轉涼，即刻同朋友食個雞煲先，咁岩佢話佢公司附近有間新開，幾好食架喎！試試佢！環境都幾舒服，乾乾淨淨，唔算好大間，所以去到八九點都仲係幾爆場，不過好彩等左一張枱就有位喇。主角出場！呢度既員工會幫你煮埋，每一兩分鐘就黎幫你兜一兜啲雞，煮夠五分鐘就食得啦！辣度我地揀左BB辣。佢有好多配料可以選擇，我地就揀左黃帝菜、頂級肥牛、手工四寶丸。BB辣味道岩晒啲貪得意想食辣，又唔食得辣既人！佢既甜味多過辣，但味道好適中唔會太濃而無晒雞味。雞件岩岩熟夠晒滑身，洋蔥分量都好多，滿意！配料既分量又大份又多。皇帝菜好新鮮。肥牛擺得靚靚仔仔，雪花分配都好平均。手工四寶丸大大粒。特別推介蝦丸同鯪魚丸！蝦丸的蝦味好出，唔算好彈牙但係夠juicy。鯪魚丸就相比下彈牙好多，食得出真材實料，唔係溝左好多粉果啲。要讚一讚呢枝手工麥酒意外地一啲都唔苦澀，仲有淡淡清香，非常容易入口，食雞煲真係襯到絕！

今晚入到沙田石門見客，完後同同事喺附近食飯，火鍋癮起想減減壓。估唔到石門漸漸變身成為美食地帶。 我地揀左豐鍋，地方寬敞可以慢慢嘆😍呢度主打雞煲，選擇幾多~花雕藥饍雞煲❤️花雕味濃郁，藥材味唔會太重，容易接受😋加埋雞肉提升鮮味，肉質嫩滑👍手工四寶丸❤️有蝦丸，墨魚丸，墨汁丸，鯪魚丸。整體彈牙足料，一d都唔粉。西班牙頂級黑腩豬梅肉❤️肥瘦差半，脂肪量低，食一夠唔會有邪惡感。 餃餃陣❤️包括有鮮蝦雲吞，魚皮餃，韮菜餃，麻辣雲吞。每一款都各有等色，餃皮夠薄，餡料豐富😋😋食完呢餐覺得好暖身，大滿足😏🙌🙌

機緣巧合在fb看見沙田石門近月開咗間叫豐鍋雞煲嘅住家小廚，還看見有好似好抵食嘅午市套餐餐牌相片，於是今日專程由香港仔過去試試看。因我在下午二時才到達(原來小廚2:30截單，3時落場)，今個禮拜套餐有7款選擇，價錢由$50-70免加一(我1:45後入場還有9折)等……嘩！點解樣樣我都鍾意㗎？！結果揀咗籠仔蟲草花蒸雞飯($65)送例湯、油菜、飲品……稍等數分鐘已上齊這足本套餐(見圖)，主角雞飯啲雞好嫩滑彈牙，還滲出淡淡荷葉和蟲草花香，加上清湯白菜和蓮藕燉湯，少油少鹽健康又好有住家feel，埋單只係$65+3(凍飲)9折=$61，真係夫復何求呢！值得一再推介！

同家姐撐枱腳，見最近賣到咁行京瑞開左間必試雞煲，襯唔食辣媽子出街即試！同日中午先訂枱，見啲黃金晩飯時間全部都俾人頂哂，最早都要8點15，咁巴閉，冇計都係唯有就範。我地準時到 都要等多5分鐘前一枱埋單先入得。有啲好奇見冇限進食時間，唔知佢點預訂枱既人呢？anyway 係門外等嗰陣揀定招牌麻辣雞煲半隻，頂級肥牛，黑松露墨丸，炸芝士紫菜響聆， 蜂巢豆腐，萵筍片。入座5分鐘左右上哂啲餸 過多陣就上雞煲。 由侍應好細心咁幫我哋炒咗陣， 雞煲叫咗小辣， 食落唔算太麻辣，但都夠哂香， 店主介紹話係用龍江雞， 雞斬得較細碎，唔算好肥美，勝在夠入味。雪花牛油脂分佈一般， 用嚟打邊爐， 口感會交煙韌， 但牛味不錯。 最推介黑松露墨魚丸， 黑松露味香， 墨魚丸打不得夠爽口 最期待嘅響鈴， 反而好早上咗枱所以覺得有啲林， 建議下次再食嘅時候可以食完雞煲先再叫。總括嚟講 想試嘅話一定要預先book位， 未試過想試的話可以一試， 有得揀嘅話可能會寧願出返市區食。

黎開石門搵食貪呢邊多選擇又少D人, 轉角位有一間小小的火鍋店, 岩曬屋企人口味~滋潤螺片花膠雞煲 - 半隻雞係入面, 好大隻好肥美呀!! 仲有好多花膠, 好大條的~ 螺片切成片狀的, 湯底好濃好香~ 2個人食完隻雞都飽左一半了!頂級安格斯牛 - 切成"雙飛"的, 油花好平均, 肉味濃, 滾10秒岩岩好, 油香充滿口腔!脆鯇魚腩 - 厚切, 夠脆, 份量算多!即炸爆芝響鈴 - 加了一片芝士再卷起炸, 再滾一下讓芝士軟左都OK好味~即炸魚皮 - 3大片炸魚皮, 每條都差不多一隻筷子長的, 不太咸, 十分之脆, 就甘食都好好味!龍鳳檸樂 - 咸檸+鮮檸, 飲品仲好大杯, 一人一杯岩岩好!店舖細細, 不過店員足夠, 會自動加水, 剪雞!

今日同朋友慶祝生日，佢揀咗哩間喺石門嘅「豐鍋」，因為佢話之前來食過味道很好，所以今日就嚟咗呢度食飯吹水。我哋首先叫咗個雞煲，揀咗「豐鍋招牌雞煲」哩個雞煲好好食，連大量洋蔥蒜頭及其他香料一齊炒，店員幫忙找的時候勁香勁惹味，聞到都流晒口水😅。雞肉肉質爽滑，食落味道香濃，超正！頂級安格斯牛肉（小）朋友係食肉獸，所以叫咗頂級安格斯牛肉黎打邊爐。有一上枱時牛肉顏色鮮嫩，脂肪比例平均，見到已經覺得好好食！ 放咗去都5秒鐘左右便可以食，果然係牛味濃郁，肉質鮮嫩，十分美味！沙爆魚肚呢個係我次次打邊爐都會要嘅餸，魚肚腍滑，用來打邊爐，膠質溶化出來，味道像花膠，而且魚肚含豐富蛋白質，對女仔來講滋補養顏，又好食又有益！之後我哋叫咗個雜菜藍，包含了四款菜分別是白菜仔，菜心，生菜， 唐Ho. 這些菜都很新鮮，色澤翠綠，用來打邊爐味道剛剛好！食咗好多嘢好飽好滿足，而且大家吹水吹得勁開心。此餐廳座位闊落，坐得舒適，又可以食雞煲，又可以打邊爐，是一個很不錯的食飯地方！

今日同媽媽嚟石門食飯， 揀咗「豐鍋」因為有我想食嘅雞煲同埋媽媽想要嘅打邊爐。首先叫咗「豐鍋招牌雞煲」走辣，半隻雞。上枱時個鍋熱辣辣，香氣撲鼻。店員會幫忙炒熟啲雞，大約5分鐘後就食得。我同媽媽邊食邊讚，雞肉嫩滑，醬汁香濃，雞肉斬得不會太大件，非常入味，很好吃！食完雞煲就加咗湯準備打邊爐。我哋叫咗「餃餃陣」，有鮮蝦雲吞，魚皮餃，韭菜餃，麻辣雲吞，各兩粒。我最喜歡就是鮮蝦雲吞，皮薄餡靚，有隻鮮蝦喺入面，爽口彈牙，幾好味！其他餃子亦不錯，索左湯的味道，很好吃！另外叫咗自家製響鈴，味道不錯，最主要是湯底味道很好，索左湯嘅味道很香好味道！我哋亦叫咗雜菜藍。有白菜仔，茼蒿，生菜，菜心。蔬菜新鮮，顏色翠綠，不錯！食完之後大大滿足，呢度食物和環境都唔錯，會再來的！

西方情人節，通常會到西餐廳或意大利餐廳去浪漫一番。但老公怕人多，於是就在他今天放工的地方逛逛，看到他的至愛的雞煲，所以我就過去找他。這個商場很少去，但發現這裡開始越來越多新開的餐廳，而這間應該都是新開的。店內環境乾淨整潔，餐廳不是太大，但空間感大，坐位寛敞，坐得很舒服。燈光柔和卻光猛，感覺不錯。這裡主要是吃雞煲，然後再選擇配菜。麻辣雞煲是招牌菜，但因為近來新年吃得太熱氣，所以還是選一個花雕藥膳雞煲比較好。配菜分別點了頂級安格斯小牛排，餃餃陣，自創爆芝紫菜響鈴，什菜籃及炸魚皮。飲品分別點了玫瑰特飲及藍碟雪梨。雞煲賣相不錯，未食已經嗅到淡淡酒香。雞很滑，湯底有淡淡藥材味道。頂級安格斯小牛排賣相非常吸引，我喜歡吃不多脂肪的小牛排，厚薄大小適中，肉比較厚但一點也不韌，比普通牛肉的味道重，好好食。餃餃陣有韮菜餃，鮮蝦雲吞，魚皮餃及麻辣雲吞。每粒餃煮完都漲卜卜，配料很足及新鮮，口感豐滿。最特別的是麻辣雲吞，從未在外面食過，有點像紅油抄手，有一點點辣，好味道。這個自創爆芝紫菜響鈴，芝士煮熱了很流心，芝士味濃，是芝士迷的至愛，真係好好味，勁愛。炸魚皮真的很大塊，在外未見過，成塊炸，不太厚，所以入口覺得

真心令人講不出聲嘅一餐，只因有苦自己知。我相信開一間餐廳是為了行更長嘅路，並唔係斷自米路，可惜。。。我竟然食咗餐又貴又難食嘅晚餐。 先講牛頸脊，三百幾蚊，但係油脂唔靚，肉質又鞋又硬。而丸類就未溶雪，雲吞成十蚊一粒，仲要起霜。溶霜時，雲吞又黏又易爛。講起鱔片真係一太氣，完全冇魚味，根本就唔新鮮。餘下仲有好腥嘅珊瑚蚌，好鞋口嘅雞煲。好彩嘅，仲有較好食嘅炸魚皮，但係都只有3塊，真係到喉唔到肺。食物唔得，都希望嚮服務到拎返啲滿足感，點知。。。我真係太天真啦！傳單寫5點半開晚市，但事實上6點先開。早少少入坐，啲厨房員工仲講哂粗口話咁早放人入嚟。6點入坐，7點半就要人交枱，大佬，打邊2爐喎！唔係去食刺身呀，真係要時間整熟架。叫碟撈魚皮半個鐘都未上菜，追幾次都話厨房太忙，現成嘢睇單齋執出嚟都咁，真係令人摸不著頭腦。最搞笑嘅係筷子部份，並唔係木/不銹鋼筷子類型，最後有隻筷子仲彎埋。老實講，都係睇咗openrice啲評語先去食，但係竟伏到我都服呀！冇第二次呀！

今日同舊同事食飯，佢話今次地方佢選啵。今次間雞煲就係沙田石門的京端廣場一期，離馬鐵石門站不遠，舊同事帶路下，不用十分鐘就到。原本約左9pm 但師奶朋友見到9:30半就配料半價，咁就等一等，食平D啦。間餐廳唔算大，大約十零張枱，地方都好乾淨。入座立刻叫野飲先，一個咸檸七$32，一個水蜜桃梳打$32，舊同事話梳打唔算太甜，又大大杯，都值回票價。到點菜時間，佢話要滋補一下，所以叫花雕藥膳雞煲$158黎到聞到個湯底好香藥材味，湯內有不少龍眼肉，杞子，而花雕味都好濃。首先當然要等湯滾再放雞啦！兩個女人叫半隻雞剛剛好。雞件好多肉，一見淥到熟就食，超滑！打邊爐當然要叫菜，樣樣都想食，得兩個人又叫唔到太多，咁叫雜菜籃$68啦。有幾款菜，啱哂。雖然夜，但都好新鮮下。見到隔離枱的手工丸好似幾好食，大大粒。即刻叫碟食。手工四寶丸$85，有四款丸，每款兩粒。有墨魚丸、蝦丸、鯪魚丸、黑墨丸。四款都好食加彈牙，鯪魚丸最好味，加上藥膳湯底竟然好夾，因為其實一向覺得鯪魚丸最普通，今次改觀哂。我再叫多碟順德撈魚皮$58。舊同事最初唔敢食，驚啵。我就叫得當然唔會唔食啦，一放低即刻再撈一撈佢，熟的魚皮沾滿碟底麻油香料，加埋

每逢冬季總離不開打邊爐、雞煲，前幾晚放工後就近近地在沙田石門京瑞廣場的豐鍋，來個雞煲邊爐一條龍。小店面積不大，座位不多，想不到原來平日晚上十分旺場，這晚等了20分鐘才有位。餐牌選擇繁多，配料種類夠多元化。豐鍋招牌麻辣雞煲 $168因為我本身吃不了太辣，所以就選了走辣，一上枱已是熱氣騰騰，香氣撲鼻。店員亦會代勞即席加熱後再快炒，炒大約幾分鐘就完成。醬汁濃郁，相當惹味，吃完之後頓感抗寒又暖身，亦不會感到特別口渴。雞件切得稍為過碎，但肉質嫩滑，吸收了雞煲湯底的精華，十分入味。KO 完一整個雞煲就可加湯開始打邊爐，湯底依然濃郁，不會淡而無味。頂級安格斯牛 (小) $178牛肉色澤嫩紅，切得大小均一，脂肪比例平均，肥瘦勻稱。平時我都不算特別喜歡吃牛肉，但難得今次的安格斯牛算是高質，肉味濃郁，肉質細嫩富油香。就算不小心放在鍋內過久，也不會令牛肉變得過韌。即炸魚皮 $38炸起來鬆化酥脆，不會過於乾硬，令人吃到停不了口。大話七 $32大話七即是一大杯七喜加話梅，味道酸酸甜甜，可口清爽。龍鳳檸樂 $32除了鹹檸檬平衡汽水甜味，還加入新鮮檸檬增添清新香味。藍蝶雪梨 $38浪漫的紫藍漸變色極盡夢幻瑰麗，混合

店鋪位於一樓，上扶手電梯之後轉左再轉左就會見到，其實位置唔係咁顯眼，店舖唔太大，但勝在四四正正，我地喺平日夜晚7點鐘到，已經幾乎坐滿，好彩仲有一張二人檯俾我地，真係剛剛好，因為過一陣已經有好多人排隊。本身我對佢既招牌麻辣雞煲好有興趣，可惜呢幾日皮膚又差左，所以決定叫花雕藥膳雞煲補補佢，估唔到，好有驚喜，配料方面我地叫左頂級雪花肥牛、即炸紫菜響鈴同皇帝菜，另外叫多杯玫瑰特飲同大話七。花雕藥膳雞煲(半隻)，黎到既時候湯同雞分開上，等湯滾起就可以放雞，大約十分鐘就食得，雞肉都嫩滑，熟度剛剛好，店員都會過黎提醒我地，如果太熟既話啲雞肉會鞋口，另外個花雕藥膳湯都幾足料，有好多藥材，食到最後個湯先係精華，非常濃郁，真係好正!!頂級雪花肥牛(小)望上去啲雪花都幾均勻，食落口仲好重牛味，淥幾下就食得，我無落任何調味料都好好食。即炸紫菜響鈴我通常食響鈴都係普通響鈴，第一次食包住紫菜既響鈴，又幾好食喎，而且佢即炸，好脆身，相比同平時就咁食既響鈴，包住紫菜既響鈴係好味啲。皇帝菜都幾新鮮，啲菜放落湯度淥一陣就已經吸左好多湯汁，連埋一齊食好好味。玫瑰特飲、大話七玫瑰特飲係有玫瑰同柚子，飲落幾清新幾好飲; 大話七

請原諒我，因為我最近短時間食左以馬鞍山為中心的雞煲，所以感受好深，當中包括大埔八妹、馬鞍山煌極。石門租金幾多我真的不知道，所以我說不出合理不合理，但呢個價錢選擇真的很多，而且邊個諗用會凹入去ge櫈？大邊爐係不停向前夾野，個個坐半邊，包括我，點會舒服，這是最失敗地方。當然我係因為Facebook 廣告見到爆芝響鈴受吸引，再加上沙田區係少雞煲，所以決定一試。入鋪前是有期待，可惜⋯ 首先，第一次去，一如以往，就算只係2人，價錢不是考慮，但會首選點單紙餐廳推介，而且會選最貴的。當中包括 ： 半隻麻辣雞煲 、餃餃陣、極上牛花𦟌、爆芝紫菜響鈴、生根、鴨血、牛柏葉。以下評論係沒有加入價錢考慮雞煲 OK . 合理選擇，但比八妹更口渴、更麻，所以我飲左大檸樂+可樂+雪碧，而且食完雞之後基本上之後食都無特別，去到尾我只係覺得比煌極好少少。到左最期待的爆芝響鈴，哈哈，食完之後完全明白新餐廳係需要gimmick ，但爆芝就⋯可能我太有期望，最後只是接近淋的響鈴+未溶的芝士+濕左紫菜一起放入口，再配埋雞煲汁，係可以接受，但只食響鈴會更好，因為響鈴係幾好，比其餘2間好，不過，如果係吸客，真係一次。其餘的只是基本野

本身專登黎石門食陳X記，點知點多人排隊！唔緊要，京瑞商場一同二期都有好多其他野食，離遠見到呢間豐鍋係食雞煲，禁岩天氣又涼返，勾起左我想食雞煲既意慾😆所以就決定試一試！ 店鋪位置雖不顯眼，空間不大，大概只有三十個座位左右，但係人氣依然好旺，上到去門口已經有幾個人等緊位，幸好我地都係等左十五分鐘左右就可以入座😄 我地嗌左一個招牌雞煲（半隻） $168因為病緊所以只能走辣😕但係唔辣既雞煲依然好惹味！值得一讚係雞件好多都係雞脾位，舊舊都好多肉，唔會食到好大舊脂肪👍🏻雞肉好入味，但又唔會覺得好咸，肉質尚算嫩滑，食完雞煲之後無口乾，調味控制得好👍🏻，不錯☺️食完雞煲之後就加湯打邊爐。嗌左炸魚皮、頂級安格斯牛（小）、即炸爆芝紫菜響鈴同埋娃娃菜。炸魚皮係自家制，同出面一般嘅火鍋店唔同，係一大片既魚皮，好特別😧烚幾秒食脆卜卜，好似食緊厚身既薯片咁，口感不錯，好味👍🏻安格斯牛油脂分布平均，脂肪相對較少，食落唔會感到肥膩，口感好軟稔嫩滑🤤👍🏻食完好想再encore！呢個響鈴真係勁吸引😍紫菜同芝士都係好滋味既野🥰，配埋落響鈴度真係第一次見，食完後好驚喜，估唔到味道都幾夾😆，不過就可能因爲淋左既紫菜會

我未搬屋時沙田第一城附近餐廳選擇奇少，又唔好食，即使石門站開左好幾年一樣唔見有喜色。點知我一搬走，呢度就不停開新餐廳🙄！聽人講有好幾間都唔錯添噃。今晚我同媽咪趁返嚟辦年貨，就專登嚟石門試新野。呢間雞煲打邊爐都係新開嘅，地方唔算大，但乾淨企理，我地點左個麻辣雞煲 (半隻) ，店員不停推介我地食辣啲， 但我因為病左幾日， 所以忍痛要少辣。然後就點左幾樣招牌野就算。果然，佢地嘅雞煲夠哂香辣但唔會好鹹😍😋。雞肉都幾多同厚，乾葱多所以個汁好香甜。食到咁上下加番少少水，媽咪好欣賞個西班牙黑豚豬腩片，係辣汁度煮完之後都仲好爽脆，但一啲都唔覺油膩喎。佢地個手工五寶丸真材實料又大粒，賣相好得體，必點👍。另外要贊嘅係杯龍鳳檸樂，大杯得嚟龍鳳檸又夠味，食多多辣野都唔怕！🤭呀，差啲唔記得個順德撈魚皮添，爽滑彈牙，連最初唔敢食嘅媽咪，最後都食到冇停手😏。反而最後我地覺得有少少對唔住個菜藍， 佢明明好翠綠好新鮮， 但因為我地到尾聲已經好飽， 所以只能KO半藍囉😅。最近因為年近歲晚， 所以幫趁滿額仲有利是封送添， 個樣都幾靚架😁。