豐鍋雞煲 (京瑞廣場1期)

營業中

休息中

同爸媽探完外婆，喺附近見到就喺石門站隔離個商場好多野食，其中雞煲打邊爐係我地至愛一於入內一試。可能6:30還算早，第二台入來還不太多人。環境不算很大，但每台之間有空間感，食得幾舒適。好快7點時已全場滿座，好彩我地早入黎半隻雞煲（小辣）半隻3人食剛好，份量唔細，仲有好多紫洋蔥、蒜子、少許薑、莞茜，整個鍋都好香，香中帶麻而唔係偏甜果種味道。啲配料都好好食！紫洋蔥加分！藍蝶花雪梨$38雖然$38，但勁大杯而且好解辣好清嘅雪梨味加上淡淡藍蝶花味，成餐嘅清泉另外叫了個豬骨鍋，湯頭帶微微胡椒香有自助配料區上：炸魚皮第一次見成條嘅炸魚皮好香好脆下：頂級安格斯牛小排份量都好多，足夠4人食，雪花好均勻，肉質好彈牙蔬菜籃/雜丸蔬菜好多，由頭食到尾雜丸有墨汁墨魚丸、蝦丸、墨魚丸、魚滑丸全部都係用新鮮海鮮滑整成所以我覺得好抵！一次食4隻滑。其中墨汁墨魚滑好香！必食。墨魚滑都勁鮮甜，推薦芝心響玲好新第一次見，又好夾喎！好香芝心味原來仲有9:30時段！下次黎試試半價時段先

雪花肥牛鞋過鞋底，其他不值一提。員工是有禮貌的，但食物質素真係唔得。起初個雞煲都過得去，但一加湯打邊爐，所有食材都冇黎味道。鮮蝦雲吞啲肉唔新鮮，雪花肥牛$98一碟我食咗兩件就冇食到，響鈴OK，水魷好硬，只有碟生菜好食。連碗白飯都又生又硬，唔識講總之難食。

平時好少嚟開呢頭 今日陪媽咪去沙田行街 知道你邊開咗商場 有好多新嘅食肆 所以特登過嚟試下 媽咪鐘意食雞煲 見到豐鍋幾多人食一刻試下！招牌雞煲 一上菜就聞到陣陣嘅醬料香！雞煲非常足料， 雞件多而且又大件， 雞肉多肉但雞皮又唔會好肥， 而且肉質幾嫩滑， 重吸收晒醬料嘅味道 ，非常惹味 ！我哋一行三日好迅速就ko曬成煲😂餃餃陣呢一碟裏面有鮮蝦雲吞、韭菜餃、魚皮餃同麻辣餛飩！啱曬我呢啲鍾意食餃但又怕叫得多又食唔曬嘅人🙊 平時食嘅韭菜餃往往都係韭菜多個肉 ，但呢款自家製嘅韭菜餃油脂香肉味，相當突出！最出色嘅係佢嘅餃全部都好足料且皮薄通透，食落仲相當滑嫩！😍即炸爆芝紫菜響鈴一見到個名已經忍唔住點，之前試過紫菜響鈴，但就從來未試過芝士紫菜響鈴 ！一咬開脆卜卜嘅外皮就爆曬香濃嘅芝士出嚟，加上裏面嘅紫菜，口感豐富而且味道非常夾，超好食👍🏻炸魚皮 魚皮新鮮，唔會淋曬！咬落口感鬆脆，浸埋落去啱啱食完雞煲嘅湯底度食味道更佳！👏🏻頂級安格斯牛非常有驚喜嘅安格斯牛肉！ 首先以呢個價錢係計分量都算幾足，而且肉質鮮美滑嫩、油花分布均勻，厚實飽滿唔會薄切切，鮮甜又有牛味，估唔到小店都食得呢啲質素👍🏻👍🏻

第一次試豐鍋，64元的小炒皇客飯。老火湯真材實料，白飯軟硬度飯香均好，小碟青菜亦可，連熱檸檬荼亦有水平，都有誠意...偏偏主菜出事；一向明白小炒皇的意義，點這個菜亦不過想試一下大鑊功架，但問題是材料實在不配客飯：蝦亁(不小的!)、小魚亁、韭菜(?)、腰果、辣椒等，相當亁硬，難以下飯；不知道定菜單和大鑊是否同一人？平情而論大鑊調味是出色的，下鑊有層次，火喉亦控制不錯，但以此等材料作客飯出菜，真箇神仙難救，除非大幅度改變材料，否則不要再排菜單了。只吃了一半就走了；看見其他人點了別的菜式，看來都很好吃...

石門依家真係好多野食，今日黎左食雞煲，6:30去到先有位，過左7點差不多滿曬座。餐牌好多選擇，好多野想試，但係得兩個人食唔到好多。餐廳午市好似做小菜，5:30 之後就可以食雞...煲。叫左半隻BB辣， 唔會太辣， 好香， 好多芫茜，啲雞都多肉，唔會得骨， 仲好細舊， 唔會外面熟，入面生咁， 幾好。頂級安格斯牛小排， 雪花好靚，都幾厚，雙飛咁切， 好特別。牛味都香，濃。雜菜藍， 好多種菜。自創芝士響鈴，第一次試， 好正， 紫菜響鈴已經好正，仲要加埋芝士，好heavy，但超正。仲可以點半份， 3舊，岩曬少人食。魚皮又勁正， 超長，但係好薄好直，好方便咬，好味。長到打橫放唔曬落個鍋。龍鳳檸樂， 好大杯， 打邊爐夠曬飲。咸檸七，可以下下火。

店細細，但座位算寬敞，食物新鮮，尤其炸魚皮，居然是即炸，十分美味。湯底亦濃厚，蔬菜都俾足份量，價錢公道，不過海鲜類別較小選擇，會再次到訪的！貴價牛肉下次試下，雪花肥牛就好普通，一份$一份貨吧！

自從有一次朋友帶我黎石門食野之後，每次喺沙田附近做完野，都會過黎呢邊食野。因為石門呢度原來有好多餐廳，各式各樣都應有盡有，儼如一個超大food court!今次就揀左呢間叫豐鍋既餐廳，環境都幾舒適，又唔會太嘈。餐廳主打雞煲，咁我當然都要食雞煲啦！朋友唔食得辣，我都迫佢同我食bb 辣，然後再叫啲配料同小食。呢度個雞煲好香，就算bb 辣都夠麻！正！另外朋友唔食牛，所以我地就點左份豬肉。手打丸都好似係呢度既招牌菜，我地就叫左份四寶丸必食推介：芝士紫菜響鈴！！響鈴應該係即炸，食既時候微暖，而且仲係脆脆地，芝士半溶狀態，加埋雞煲既汁真係超正

2019年2月28日 星期四黎到二月嘅最後一日，夜晚同女朋友約咗同事一齊食飯，因為同事嘅老婆想去打邊爐，於是上網搵左呢間餐廳，就專程揸車嚟到餐廳唔算太難搵，因為我哋大約六點左右到，客人唔算太多打開個餐牌，見到都有唔少嘢食，完全唔知揀咩好，好彩有店員細心建議我哋四個人大約應該食啲咩同餐廳有咩推介打邊爐之前先來一個雞煲，因為女朋友唔太食得辣，所以淨係叫咗BB辣。雞煲裏面有好多配料，而其中當然唔少得嘅就係雞，雞件之後好多舊，我諗成個煲應該有多過半隻雞，啲雞好入味而且一啲都唔老，唔似係冰鮮雞，因為食得出好有雞味食完雞煲店員就換過另一個煲打邊爐，我哋要咗豬骨煲做湯底，個煲黎嘅時候已經見到有幾舊大豬骨放咗喺煲裏面，睇得出真係落足料自製韭菜餃，每一粒都包到好大隻，咬落去啖啖韭菜味，好明顯韭菜仲多過豬肉，對於鍾意食韭菜嘅我係最好不過呢個係店員介紹嘅鴨血，淥熟咗之後食落口其實同豬紅差唔多，口感好特別，比豆腐硬身好多，但係一啲都唔腥。聽人講食得多仲會好補血添！芝士響鈴，黎到嘅時候完全睇唔到芝士喺邊度，原本有少少失望，點知淥完食落口嘅時候我就知道事實完全唔係咁。啲芝士釀左入響鈴裏面，一咬落去啲芝士就標晒出嚟

冬風起,自己會諗下同家人食一些有鑊氣嘅晚餐。鄰近地鐵站,走過嚟大概10分鐘。最令我同屋企人懷念嘅係, 超級惹味雞煲。首先他們選用的非常新鮮, 配上豉汁, 豆豉, 時間及火候啱啱好。主要係肉鮮嫩無比, 好難起外邊食得到。誒咁凍用嚟撈飯最好。😊其次係佢哋嘅,炒豆苗炒得好好食。出名好食就係佢哋嘅火鍋。舅父點了雞仔淮山冬菇生菜，我自己點咗魚肉魚皮鯪魚球。鮮嫩唔再講,配上蒜蓉一齊, 竟然可以做到色香味俱全。除咗位置地段非常好之外,侍應生的服務態度一流。令客人覺得有賓至如歸嘅感覺。當日同家人食得好開心。誠意推薦。😘😘😊

2019年2月28日星期四之前上網見到有人介紹呢一間喺新界嘅雞煲火鍋店，約埋朋友佢老婆一行四人揸車去到石門試下環境唔錯枱面張紙已經好吸引。仲聞到周圍打邊爐嘅味道幾香。未食已經流口水餐牌嘅選擇都唔少，雞煲嘅價錢都幾抵我哋首先叫咗一個雞煲同豬骨湯底火鍋叫咗個BB辣嘅雞煲，非常足料香味十足。四個人叫咗全隻雞。份量都幾啱本身以為佢會將火鍋湯底加入雞煲。原來佢會比一個新嘅煲過來肥牛非常正！頂級安格斯牛（少）手切厚切！非常香牛肉味！雙飛牛肉有10舊，份量足夠手工四寶丸（蝦，墨魚，黑墨，鯪魚）蝦丸最正！強烈推薦自制韭菜餃。唔錯感覺係自己包！足料非一般響鈴有芝士係裏面！第一次食！正鴨血。唔錯白鱔片！新鮮水蜜桃梳打玫瑰柚子。本身係凍飲！老婆想要熱嘅。特登為佢沖

沙田唔多無咩邊爐店好食，多數都係酒樓劣食放題。但估唔到石門有間咁高質的火鍋店。惹味雞煲係必點推介，滑一滑的的雞肉，加埋大量紫洋蔥勁夾。而佢地的火鍋配料先叫我最有驚喜，芝士紫菜響鈴值得比十粒星星♥️芝士控必點，濃厚芝士加埋紫菜，令到無咁溜之餘，口感更有層次同豐富。安格斯肥牛睇相都知道好食，同埋高級貨，食落有牛味，非一般雪藏貨可比，價錢公道，如果係旺區食，分分鐘要雙倍價錢。朋友更愛食佢既特長脆魚皮，鬆脆得黎又香口，個個都爭住食。食物整體質素高，會帶朋友再黎食。

沙田終於有間似樣啲嘅雞煲火鍋， 之前食過呢個商場嘅某幾間都唔係好掂，今日一試呢間真係覺得可以推介點餐紙有雞煲，有普通邊爐，嚟到當然要試下個雞煲，然後先再打邊爐啦因為我唔食得太辣，所以雞煲叫咗bb辣雞煲 一嚟到即刻充滿好香嘅香料未及麻辣味， 店員話大概炒五分鐘左右就可以食。炒到辣味好香，啲雞本身都非常惹味打邊爐當然唔少得食牛牛頸脊牛味超濃，肥瘦均勻，厚得嚟又夠淋。 食得出係靚牛芝士炸響鈴，入面有紫菜同芝士，最緊要係新鮮炸起，有心思 即食又得，放湯浸一浸食又得我最推介係炸魚皮 ，呢個魚皮真係超級好味🤩同平時食嘅唔同，又係新鮮炸起，厚得嚟又夠脆，仲有魚皮香😋 餃子拼盤有四款味道:韭菜、鮮蝦、魚皮餃及麻辣雲吞， 款款都皮薄餡靚，一流。 最愛韭菜餃叫咗咁多肉，當然要叫番個菜，咩菜都有就叫咗個什菜籃:有油麥菜、生菜、菜心及白菜仔飲品都有好多嘢揀，我叫咗鹹檸七同埋玫瑰柑桔蜜大大杯，一定夠飲另外順帶一提，坐收銀嘅員工服務非常好 佢傳菜快、服務好、收嘢又快，而且仲非常有善，真係好難得有咁敬業樂業嘅員工石門呢間高質邊爐，真係可以再去。

星期六在京瑞廣場1樓按摩完都已經7pm，行下附近有乜好食先，見到有間火鍋雞煲門口好多人等緊位，心諗咁多人等位咁巴閉就試下你先後來等左大約20分鐘左右就有位，又唔算好耐都ok既，後來見到原來OpenRice 都可以訂枱，下次都係訂位先坐低立即叫左個雞煲小辣半隻，上枱時店員幫我拌左一陣，叫我醬汁滾起就食得，一路煮D香味四溢，攪到我流哂口水D雞好滑唔鞋口，最欣賞係個汁夠哂野味食完隻雞侍應問我地想加湯打火鍋定係𨍭湯底（可半價轉）因爲我太愛個醬汁所以加湯繼續火鍋叫左個鴨血、本地牛頸脊、即炸魚皮，炸魚皮有成隻手掌咁長，拎住來食又幾得意好卜卜脆👍🏻配料都好新鮮出色，食得出呢間小店的確用心經營，下次來按摩後都一定再來幫襯

首選午餐飯堂京瑞廣場已經食過十幾間餐廳，都係偏愛豐鍋 點解?因為有媽咪嘅味道🤣平時早餐到宵夜，好多時都喺外面食，所以都會揀小菜為主嘅餐廳（我係食肉獸×飯桶），但當然都會食其他野啦！ 今次點解要讚豐鍋，因為佢近排嘅餐單出色咗（可能係全部我都鍾意食嘅餸） 之前剛開業，好多時都會食肉餅同雞（真係好好食）但始終食多會有少少厭，但近期豐鍋個餐單又番生，多咗好多魚，又龍躉，又蒸魚，仲有粟米魚（my飛佛）龍躉蒸飯我覺得最好食（見到有，我連食咗4日，必食）見到豐鍋有龍躉，我就知嗰星期嘅米飯班主係豐鍋喇😘龍躉真好爽滑彈勁 ，好好食，又新鮮，龍躉啖啖肉皮又厚，我試過係酒樓食，啲龍躉又腥又重雪味，肉又鞋好似食緊豬肉今日就叫咗花膠雞湯烏冬同蒸盲鰽嘩花膠雞湯正到暈，最緊要係抵食，$76隻雞脾大嚿到呢平時配飯我冇試，但今次配稻亭烏冬，絕配，湯夠熱，雞夠滑，花膠夠淋!蒸魚時間啱啱好，蒸魚豉油我估應該係自己煮的，唔咸唔太甜，啱啱好啱哂鐘意食屋企飯嘅朋友

這間位於石門的的豐窩，晚市供應火鍋、雞煲為主，但午市時段則供應健康住家菜。午市套餐有七款選擇，隨餐附送無味精老火湯、白飯、青菜、咖啡或茶。價錢由$62-$76， 沒有加一服務費，如果在12:45pm 前結賬或1:45pm 後入座，更有九折優惠。豉汁蒸盲鰽 （$62）👍👍👍👍盲鰽魚用豉汁蒸，用了原粒的豆豉配以葱花，魚肉嫩滑，可以吃得出蒸煮時間掌握到剛剛好。惹味的豉汁配白飯就最適合，再加上一碟青菜，簡單得來又健康，這樣就正正是家常菜的模樣。瑤柱花膠雞湯配稻庭烏冬 （$76）👍👍👍👍這款瑤柱花膠雞湯除了可以選配烏冬外，亦可跟白飯。這碗湯烏冬有花膠、雞腿和瑤柱，還加入了青菜。湯底有濃濃的雞味，花膠的骨膠原則是女仕至愛，雞腿上還有瑤柱絲，吃完後感覺皮膚都滋潤飽滿一些。老火湯👍👍👍👍每個午巿套餐都包括是日老火湯，當天是蓮藕豬骨湯，無味精的老火湯，足料又好味，真是可以喝到家的味道。咖啡/檸茶👍👍👍👍套餐還包括咖啡或茶。門面內在環境