蘇山雞飯

營業中

休息中

去太子買完野順便搵野食見到好多人推介嘅蘇山雞飯 就入去試試喇用QR code落單 正餐可以優惠價加配小食飲品都幾抵黑白雞飯嚟到蘇山梗係要試試出名嘅雞飯啦選擇困難嘅我就一次過試晒海南雞+醬油雞海南雞又滑又香 醬油雞甜甜地我覺得唔洗點醬都已經好好食配油飯 仲有雞雜冬瓜湯送 抵呀白咖哩老鼠粉落單嘅時候冇留意係湯粉 咖哩味道唔算濃但幾香配料豐富 有叉燒魷魚等等 鍾意老鼠粉嘅可以試下沙嗲串燒燒完仲係好juicy又入味 半價加購真係超抵食最正係個沙嗲醬 勁香花生味超正呀雞雜怡保芽菜怡保芽菜圓轆轆 特別爽口好食仲有雞腎都係咁爽脆 推介鮮油咖央多士呢個真係一睇就知邪惡搽到滿滿嘅咖央 再夾超厚鮮油睇住佢慢慢溶化 一啖咬落去 明知肥都忍唔住食晒美祿恐龍&蜂蜜桔仔水美祿粉多到爆炸 插把遮仔有晒造型咁幾靚桔仔水就甜左啲 不過幾滋潤食咁多野埋單都係3百左右 抵呀

路經呢間餐廳見到有走地雞及我最鍾意食嘅海南雞，二話不說就梗係入去試下喇😋🥢獅城芽菜走地雞飯（跟油飯及冬瓜雞雜湯）＄95真正嘅走地雞，肌肉纖維結實爽彈，有口感，連雞皮都爽口，而且雞味濃；雞雜湯有冬瓜嘅清香，雞雜新鮮 無腥味；油飯香口，質地軟硬適中啱啱好🥢鴛鴦叉雞飯（跟油飯及冬瓜雞雜湯）＄93海南雞嫩滑juicy，有雞味；叉燒有口感，肥瘦適中，蜜味香濃跟餐冬瓜湯改為輕怡排骨茶＋＄10排骨茶味濃香，排骨仲有軟骨添加配小食或蔬菜半價，我哋加咗👇🥢咸魚茸怡保芽菜＄46 （半價＄23）勁香鹹魚味，配上肥短新鮮清淡爽口嘅牙菜，非常之夾🥢醬油拼盤（雞腳、豬手、蛋）＄78 （半價＄39）豬手唔會炆得好腍，有趙頭，豬手皮煙煙韌韌很有口感；雞腳唔會太腍係我哋鍾意嘅軟硬度；雞蛋質地Q彈，配合帶甜味嘅醬油好夾熱飲＋＄9🥤熱蜂蜜桔仔水除咗有桔仔之外仲有話梅， 桔仔清香加埋蜂蜜，夠哂潤喉🥤熱鮮檸檬薏米清新又唔甜，飲落都幾舒服

每次同友人食飯諗食咩都會諗到頭都大, 今次一於即興見到邊間餐廳在眼前就食邊間, 雖然有點賭博成份, 但唔食過又點知好唔好食呢！ 今次這間餐廳超近太子站D出口, 一出地面行唔駛一分鐘就到。  招牌相當搶眼,尤其旁邊的霓虹燈招牌吸引了我眼球所以跟友人二話不說就步入了餐廳。餐廳主打東南亞菜 即係海南雞飯、 肉骨茶、叻沙摻摻, 咖央多士個類, 今次都叫左幾款餐廳新菜式如下：（一於試下佢咩料子, 如果好食下次可以多間飯堂選擇。🤣）🍜龍蝦叻沙摻摻（豆卜、 魚片、龍蝦、 魚蛋、 芽菜、 通菜）大大隻龍蝦已佔了碗面大部份位置, 龍蝦好多蝦籽又厚肉好夠鮮味。 😋再飲一啖湯底有好濃郁的椰香味, 少少辣少少咸再配合埋油麵和米粉一齊食吸哂湯汁的精華真係好開胃, 魚蛋和魚片完全唔腥好爽口彈牙, 豆卜唔駛多講當然作用是吸湯汁, 所以食一舊等於飲一啖湯拌麵一流。🐟鹽魚茸怡保芽菜食開馬來西亞菜的朋友應該都會陌生, 仲每次食都一定會點的菜式, 馬拉盞配芽菜就食得多, 今次一於試下新野鹽魚茸配芽菜, 好足料的鹽魚味, 短身又肥肥的芽菜Size食落口感特別爽同多汁配白飯一齊食係一個唔錯的選擇。🇸🇬新加坡白胡椒排骨茶必點推介

呢間海南雞飯最近好多人推介，今日黎到太子見到鋪面裝修好新派仲有霓虹燈裝飾幾打卡，主打星馬菜幾岩香港人口味👍🏻招牌海南雞飯 $85叫得招牌都係必叫之選，套餐包括咗油飯、海南雞、冬瓜湯，最有驚喜係佢個冬瓜湯，入面好足料仲有啲雞肝雞腎鐘意食內臟既朋友一定好鐘意，而海南雞都好滑秘製醬汁個人較喜歡個甜豉油濃味之選醬油三寶飯 $93貪心的人就係全部都想試晒，三寶飯一定可以滿足到你，入面有招牌菜之一的醬油雞同豬手，豬手非常入味同軟腍，半肥瘦嘅狀態滑嘟嘟滿滿骨膠原鮮油加央多士 $15（半價）如果叫咗套餐可以半價再加配小食真係為食鬼福音，最肥既食物通常都最好食，多士烘到熱辣辣脆卜卜夾住厚厚的牛油，中間仲搽咗層加央醬，非常滿足！巴東牛肉 $105牛肉係用咗牛腩位，醬汁香濃充滿香茅的味道，牛腩比夠瘦不過煮得夠淋都唔會太難咬麻辣玻璃魷魚通菜 $25（半價）食咗咁多濃味菜式要食返啲蔬菜中和一下，雖然菜名有麻辣之名但其實係屬於微辣，另外通菜同魷魚調味都比較清淡，岩晒想健康人士特色小食拼盤 $49 （半價）拼盤有多款唔同小食，雞翼、泰式魚餅、脆炸鳳尾蝦春卷、豬肉串，當中豬肉串非常juicy有驚喜，另外的炸物都唔會太

🔸海南豬扒叻沙摻摻 ($70)豬扒份量都幾多 肉質幾嫩 味道甜甜地有啲似香茅豬扒叻沙配料種類都幾多 有魚蛋、魚片、豆卜、通菜白魚蛋幾滑 魚片頭魚味頗濃 夠彈牙湯㡳幾香椰奶 唔辣 就咁飲可能會有少少鹹 但配埋麵就啱啱好佢地選用摻摻 一半油麵一半米粉 配上粗芽菜 口感更加豐富🍜🔸雪糕斑斕奶茶 (套餐+$18)頂層嘅雲呢拿雪糕插上傘仔⛱️ 外表幾吸精🍨不過就無得選擇甜度🔸小食拼盤(套餐+$49)- 順化豬肉串：甜甜地 一咬落去啲油脂 食落有啲似台灣腸🍖- 泰式魚餅：香茅味突出 都辣辣哋㗎- Susan雞翼/雞鎚：少有嘅全翼 外皮炸到金黃色 食到好香嘅南乳味🍗- 脆炸鳳尾蝦春卷：白色嘅米網紋外皮 食落特別酥脆 蝦肉彈牙厚肉🍤 幾好食😋好豐富 有4種小食 個人最鍾意蝦春卷 平日食蝦春卷都要點泰式辣醬 但呢一個唔點都夠晒味🔸參巴辣蝦醬通菜 ($42)通菜炒得爽脆 辣辣地幾惹味 唔食得辣嘅朋友唔使擔心 可以自由選擇辣度🔸招牌海南雞飯 ($85)海南雞配有三色醬 甜豉油、薑蓉、酸辣醬雞肉未算太滑 但做到少少啫喱質地油飯 有别於一般黃黃嘅雞油飯 上網見到介紹雞飯用左香茅 班蘭葉 南薑 紅葱頭 炸香再煲 食

來到人氣星馬菜餐廳的太子分店，質素更高😚 店舖環境乾淨企理，座位寬敞舒適，裝潢時尚新潮，好適合拍照☺️適合朋友或家庭聚會🥂食物選擇豐富，主打招牌海南雞飯，價格偏低至中等，食物質素高，份量偏多，飽肚又抵食👍🏻 人流好多，需要排隊稍候🙆🏻‍♀️晚市二人消費：$300 🫧不設加一服務費🫧═ ═ ═ ═ ═ ═ ═ ═💖💖💖食評💖💖💖𝑴𝒂𝒊𝒏 𝑪𝒐𝒖𝒓𝒔𝒆🐥鴛鴦叉雞飯 (叉燒+海南雞) 配雞雜冬瓜湯 ($93)✨ 味道正宗👍🏻 雞肉份量多 有齊雞胸、雞槌、雞翼、雞翼尖，皮滑肉嫩🤩 叉燒大件又厚身，配上醬汁及雞油飯，飽肚又美味🤤 冬瓜湯有驚喜，清甜滋潤，湯料有雞腎及冬瓜粒🥘娘惹咖哩牛筋腩干撈老鼠粉 ($68)✨ 薯仔、牛筋、牛腩、桔仔 喜歡吃銀針粉的必點！牛筋牛腩份量多，件件軟腍煙韌，咖哩汁香濃惹味🤤 配料亦好豐富，好飽肚 抵食！𝑺𝒏𝒂𝒄𝒌🥖煉奶炸饅頭 ($36/4件)✨ 推薦！😋 香脆饅頭配上煉奶一流🦑麻辣玻璃魷魚通菜 (+$25)✨鹹香惹味，通菜好新鮮，炒完仍保持爽口質感，配搭的玻璃魷魚十分爽口彈牙，食落好滋味😋🧈鮮油咖央多士 (+$15/2件)✨推薦，有驚喜！酥脆又香甜，厚厚的牛油 好邪惡🤤𝑫

一直都好鐘意食新加坡菜，泰國菜，今日去開太子見到呢間好似好吸引就入咗去試。呢一間距離太子站1分鐘既蘇山雞飯，門面有啲懷舊，有卡位亦有普通既4人枱，而4人枱前後都有欄set梗左，位置無得郁，有少許迫呢度既招牌有海南雞，咖央多士，肉骨茶。。。真係想試哂佢哋呀呢度有半隻海南雞飯餐，包湯包油飯，飲品小食半價，海南雞好滑好有雞味，半隻份量好足，2個人食都絕對足夠串燒可以揀4串或6串，只有雞同牛，個人覺得雞比牛好食，雞用左蜜糖燒，鹹鹹地甜甜地，好滑通菜就略嫌無乜蝦醬味，有啲油黑豉油叉燒，驚艷到我，半肥瘦厚切叉燒，加上啲豉油既鹹，一舊接一舊好正另外仲嗌左嗰咖央鮮油多士，落單時可以揀開四，唔洗自己切，一嚟到見到厚牛油就知實好食，加埋咖央，邪惡之選醬油拼盤有蛋，豬手同雞腳，一般般，唔難食，而mvp一定係點豬手既辣醬，好辣但好惹味好香

總店位於長沙灣既蘇山雞飯，主打海南雞飯，太子分店都開左一段時間，今日終於有時間過黎試下太子分店鄰近地鐵站，非常易搵，餐廳地方都唔細，座位都多，地方光猛乾淨美綠恐龍食星馬菜點可以唔叫美綠恐龍，美綠味非常濃郁，仲加左大量既美綠粉，一d都唔吝嗇，又邪惡又好飲椰青椰青都幾大個，椰青水一d都唔少，清甜解渴龍蝦叻沙摻摻見到大大隻開邊龍蝦都已經流晒口水，仲有魚旦、魚片、豆腐卜、怡保芽菜等等既配料，好豐富呀，湯底味道都幾濃郁，辣度相信係為左迎合香港人而改良過，基本上唔辣仲帶有微微既椰香，摻摻麵=油麵+米粉，兩溝既食法真係好特別，整碗味道不錯招牌海南雞飯雞件肉質滑得黎都幾結實，雞味重，除左個雞，個3款醬料甜豉油、酸辣醬、薑蓉都係海南雞既靈魂所在，更能帶出雞既香味，而配白飯我覺得更能清楚食到雞本身既油香，仲有雞雜冬瓜湯附送，好有誠意又好味咖央多士多士烘至脆身，再搽上咖央醬，濃濃既椰香味，甜度適中，好滿足食物同飲品都好有水準，用QR code落單亦都好方便同避免落漏單既情況發生，價錢亦都好親民，唔掛得成日都見咁多人係門口排隊啦🤭

人氣老字號雪山冰廳開的副線蘇山雞飯，最出名嘅招牌海南雞，仲獲海南雞關注組推介，當然要試試！餐廳裝修雅致，用色設計都落過心思，感覺就好似係新加坡餐廳，完全唔似茶餐廳或冰廳，旁邊座位略窄，四人卡位會更加舒服。餐牌超級多選擇，款式亦多，咩都想試。➤豐盛海南雞飯（半隻) (晚餐另跟油飯 湯品)無骨海南雞啖啖肉，肉質鮮嫩有彈性，油份重，媲美貴餐廳出品。配上海南雞必備嘅三種醬料，唔會過鹹味道適中。油飯以香茅、南薑及斑蘭葉炒香，顏色同其他舖頭唔同，飯粒粒分明，食多兩啖致肥之選。另加錢轉咗白胡椒排骨茶，新加坡嘅風格，好重胡椒味，反而藥材味唔濃。➤檳城黑豉油叉燒食新加坡嘢，泰國嘢，一般好少會嗌叉燒。見到餐廳特別推介，好奇心之下決定試吓。絕對有驚喜！一試就知餐廳用靚豬，肥瘦適中，肉質好爽口，味道同中式叉燒唔同，少咗一浸蜜糖香，不過就多咗一層豉油嘅味道，相對味濃，值得一試。➤醬油小食拼盤有雞蛋，豬手同埋雞腳，份量一啲都唔細，都夠四個女仔share。豬手皮彈牙，雞腳雞蛋普普通通比下去，一樣用上黑豉油汁。最值得一讚一定要是黃椒辣醬，超級辣不過好惹味！➤森巴辣蝦醬通菜嗌得太多肉都想食一個菜，點燒得炒通菜。除咗蝦醬

🌸朋友介紹位於太子既人氣星馬餐廳🤤非常近太子地鐵站，好就腳。另外餐廳設計有好多打卡位，食物都食過返尋味🫢👍🏻-𝐅𝐨𝐨𝐝 𝐑𝐞𝐯𝐢𝐞𝐰 食評 🐤黑白雞飯（海南雞+醬油雞) $𝟗𝟑小編見到佢地𝐦𝐞𝐧𝐮既招牌雞飯，咩口味都想試下🤤好彩佢有得一個價錢食曬兩款👍🏻兩款雞都好好味，調味岩岩好，雞肉無𝐨𝐯𝐞𝐫𝐜𝐨𝐨𝐤𝐞𝐝，嫩滑無雪味🫢醬油雞甜甜地，食得出佢既滷水有落足香料。雞飯粒粒分明，勁香雞油味，咀嚼之間仲滲出少少斑蘭味👍🏻-🥪鮮油咖吔多士 $𝟑𝟎朋友極力推薦，小編食完都即刻想再食多份🫢鮮牛油超香，多士炕得好香脆，加埋咖吔醬真係無得彈🥲-特色小食拼盤 $𝟗𝟖 🌼雞翼、泰式魚餅、脆炸鳳尾蝦春卷、豬肉串泰式魚餅香茅味好重，帶少少辣👍🏻 蝦春卷好脆，連蝦尾都可以完全食曬🫶🏻豬肉串都好𝐣𝐮𝐢𝐜𝐲。呢個拼盤同朋友一齊𝐬𝐡𝐚𝐫𝐞岩岩好🥳-🍤脆炸鳳尾蝦春卷 $𝟒𝟎好食到要叫多一份😂-🌶️口水雞翼尖 $𝟐𝟖口水汁好香幾過癮，雞翼尖好肥美，食唔到辣既朋友應該都食到🤤-🍍桔仔菠蘿梳打水 $𝟏𝟖第一次飲呢個組合既飲料，意外地好夾好𝐟𝐫𝐞𝐬𝐡，柑桔味好濃，同埋有菠蘿食👍🏻-估唔到朋友真係無介紹錯，小編最中意食佢份鮮油咖吔同

我見過喺長沙灣開分店開到嚟呢度太子，咁應該係好食先可以開分店，點知原來係差囉😡。個飯同個湯係唔錯👍，但係以雞做招牌的海南雞飯居然整得咁差👎。仲有更差嘅就係個乜Q通菜⋯#參巴醬通菜，我覺得叫油菜啱啲👎👎👎：唔熱👎，冇味👎，勁多油👎。最後，個#鮮油咖央多士⋯係唔錯👍，但最主要係因為好多牛油放喺裏面所以先至叫好食，冇其他技術原因，亦都唔係因為佢煮得好食。到最後，個廚房咁差我唔會推介俾大家。

海南雞飯係香港唔難搵，但真正用心研究用料、烹調方法既未必間間做到。或者呢個係《蘇山雞飯》冒起得咁快既原因之一。叫左兩個套餐，主菜之外，加錢可配湯、小食同飲品，真係幾抵食。✨✨招牌海南雞飯套餐🫧招牌海南雞飯（$85）雞件既份量都唔少。用上三黃雞，雞肉滑、雞皮香。中間夾著油脂但不會太多，肥瘦適中。配有三色醬可以點，包括酸甜醬、薑蓉、黑醬。油飯好香超級好味🫶🏻仲帶有微微焦香。🫧星洲迷你喇沙 （+$15）本身可免費配冬瓜雞雜湯，但加錢配左喇沙。份量一啲都唔迷你😂湯底微辣，椰汁味好香濃但唔會過重。麵底係摻摻，即加「兩溝」油麵加米粉。配料有蝦、魚蛋、豆卜。好豐富。🫧麻辣玻璃魷魚通菜（+半價$25）玻璃魷魚好爽脆，整體微辣但惹味。🫧熱金裝金橘蜜（+$18）✨✨獅城芽菜走地雞飯套餐🫧獅城芽菜走地雞飯（$95）用上走地雞，雞肉雖然唔及三黃雞咁嫩滑但雞味濃郁。加上炸乾葱，更惹味。連配碟既芽菜都非常美味。🫧輕怡排骨茶（+$10）排骨煲到好淋好入味，湯底味道微甘帶有胡椒味，飲完暖笠笠。🫧口水雞翼尖（+半價$14）口水汁微辣，食得幾過癮。🫧乳酸蝶豆花梳打（$18）從來好喜歡乳酸味飲品，呢杯酸甜道我鐘意🙌🏻

次次經過都大排長龍，搞到好想試下咩料，有日同朋友經過見到小小人排隊，即刻襯呢個機會試下🐣豐盛海南雞飯 $138配雞雜冬瓜湯個湯都幾清甜，海南雞半隻有脾有翼份量幾足，雞味都幾香濃，仲配埋必備三款醬汁，好味💪🏻🥪煉奶炸饅頭$36擺盤幾特別，有把紙扇插係上面，好似去左夏威夷咁，饅頭炸到金黃色，外脆內軟，有埋煉奶，即刻掉啲饅頭去「游水」✨🧈鮮油咖央多士+$15片牛酒超級厚身，好邪惡呀😈不過我鐘意，咖央味唔算好出，牛油味較突出🤤🥥超冰凍椰青+$35椰青大大個，食口雞飯飲一口椰青好解渴🥥

📌 蘇山雞飯 ▶️🦞龍蝦叻沙摻摻 叫左個一人份量真係好足料👍🏻有半隻龍蝦，店家好細心蟹鉗除咗幫你卜碎，並附上龍蝦鉗方便你整個蟹鉗肉出嚟😄龍蝦肉鮮甜彈牙👏🏻湯底極之濃郁💕豆腐卜吸晒湯汁 當中仲有魚片魚蛋菜等配菜🥬呢個摻摻賣相吸引，食完真係大滿足🍜 ▶️招牌海南雞飯🐔配左排骨茶 已經去咗骨既海南雞肉質勁滑💕油飯軟熟🍚佢個排骨茶非常足料一碗細細碗已經有四舊排骨👍🏻▶️脆炸鳳尾蝦春卷🦐 嚟到熱辣辣超鬆脆 點埋佢自家製嘅泰式酸辣汁，中和左熱氣油膩感覺▶️鮮油咖吔多士🍞超級超級邪惡🧈好大塊牛油麵包烤到鬆軟香脆，就算係邪惡都忍唔住食晒😋▶️乳酸蝶豆花梳打🍹飲品方面點做個開胃嘅乳酸飲品好特別，酸酸地好開胃蝶豆花顏色望落去好靚💜

💛好味指數:4.5/5💛💜回頭指數:4.1/5💜呢度嘅海南雞飯同肉骨茶都係非常出色，次次都好多人排隊，見條龍唔算好長即刻去食🐥✅獅城芽菜走地雞飯$95配雞雜冬瓜湯雖然呢度嘅肉骨茶好正，但係我更加中意呢個雞雜冬瓜湯，好少有雞雜食，中意嘅朋友唔好錯過！走地雞雞味濃，配怡保芽菜正😋✅煉奶炸饅頭$36炸饅頭擺盤幾精緻，仲有把紙扇插係上面，即刻勾起兒時回憶☂️饅頭外脆內軟，最中意點勁多煉奶😍🤭✅鮮油咖央多士+$15加咗個咖央多士，如果可以多咖央就更加好🤤啖啖牛油好邪惡😈✅超冰凍椰青+$35椰青大大件，相當解渴🥥📍 蘇山雞飯 (太子)太子彌敦道759-761號藍馬之城地下2-3號舖