蘇山雞飯

營業中

休息中

今日行過太子search下有乜嘢食，見到呢間雞粉咁出名咁就嚟試吓。一個套餐加$10可以轉湯做肉骨茶，性價比都唔錯。講吓味道，雞係冰鮮雞份量唔多，仲要搭多隻雞全翼有啲失望，起碼都幫我起骨呀…雞味就冇乜，偏淡，唔點醬完全冇味，但都叫做滑。講開個三色醬，真係好淡好淡， 甜醬油得個甜字，辣醬微酸好浠，薑蓉又係唔鹹嘅，失敗，油飯就不過不失。反而碗肉骨茶拉返唔少分數，雖然都係冇乜鹹味，但藥材味，蒜頭同胡椒味好出，幾似坡式嘅味道。嗰兩舊排骨就算啦，不過$10你想點。你話特登嚟食就真係唔需要啦，經過醫下肚都係一個選擇。

上星期為食貓吉蒂又同為食魚阿妹去找吃今次找到來太子途經藍馬之城以前曾經喺附近教過日文感覺特別親切😌見呢間名叫蘇山雞飯嘅餐廳入面咁多人決定入去試一試佢🙌🏻⁡一如以往我地兩姊妹因為太餓又叫到成枱都係野食🤣⁡～～～～～～～～～～～～～～～🐱鮮油咖吔多士 $30每次有鮮油奶多都必點嘅我見到佢緊係諗都唔洗諗就叫一份啦😁越邪惡嘅食物通常都越好食外層脆卜卜嘅薄多士入面係勁大塊牛油加上香濃嘅咖吔醬一口食落去牛油爆晒出黎真係食過返尋味呀😋⁡🐱醬油三寶飯套餐 $93（餐湯加$10轉配輕怡排骨茶）三寶即係醬油雞、滷豬手及滷水蛋滷水食物味道剛好，不會太鹹亦不會太甜醬油雞雞肉亦唔會鞋口，只係雞味不夠但點上調味料（薑蓉、泰式辣醬、甜醬油）一起吃便惹味起來🥰輕怡排骨茶一啲都唔輕怡勁大碗😳味道係少許胡椒味嘅新加坡肉骨茶⁡🐱鴛鴦叉燒飯套餐 $93（餐湯-雞雜冬瓜湯）鴛鴦即係海南雞及叉燒海南雞雞肉都算嫩口只係雞皮未夠爽身至於叉燒係厚切嘅偏瘦叉燒食落略嫌有少少乾身唔夠juicy如果係半肥瘦叉燒味道相信會更好🤣而意外地餐湯入面嘅雞雜竟然係精粹喎連平時唔太食內臟嘅阿妹都大讚👍🏻⁡套餐半價加配🐱參巴醬辣蝦醬通菜 $21（原價$4

招牌海南雞飯：油飯好香，但唔會太濃郁，配合雞肉食好夾。雞肉超級嫩滑，食落感覺新鮮，冇雪藏味；醬汁有三款選擇，隨個人喜歡；湯：有好重嘅胡椒，我喜歡胡椒所以我超鍾意，辣辣地，如果天寒地凍時候飲更加正。手撕雞魚丸湯粿條：粿條好滑溜；魚丸唔係講笑，真係超級彈牙，而且咬開之後入邊有魚湯汁咇出嚟。可惜略嫌湯底偏淡，愈食愈覺得寡。串燒：雞，牛質素高，好大串，肉厚檸檬薏米水：（熱）清新淡淡地，唔會好甜，十分養生。新鮮檸檬可以飲用前先加，亦可以自己控制酸度。玻璃魷魚通菜：魷魚爽脆，加上微麻辣醬汁，好惹味；通菜份量多。整體所有菜式份量都好大，而且很美味，吃到捧着肚子離開😆滿足

今日晏晝經過太子見到呢間有得食海南雞飯即刻衝左入去試吓🎈新加坡白胡椒排骨茶好香胡椒味 食完勁暖胃排骨都好入味 鍾意飲湯既可以一試🎈招牌海南雞飯就係俾佢個海南雞吸引咗入嚟份量啱啱好 啲雞好滑就算胸位都好滑身油飯值得一讚 好香 但唔會好膩我同朋友話唔想食咁多碳水都忍唔住食晒佢個海南雞飯有配埋雞雜冬瓜湯👍🏻🎈Susan雞翼(3隻）雞翼有切開唔怕食到好論盡外皮脆卜卜 好味 🎈鮮油咖吔多士牛油大大舊 配埋咖哋醬個包烘到好脆 入面啲牛油慢慢溶化 記得一定要趁熱食！香茅薄荷特飲由於真係對香茅野飲情有獨鍾所以都試埋杯香茅薄荷特飲薄荷味唔會話好勁 好fresh顏色仲好特別 用嚟打卡一流👍🏻

🌟太子分店🌟港鐵太子站D出口1分鐘路程🌟#大大份 #新派星馬菜@susan_chicken_rice蘇山雞飯 呢排好出名 點都要黎試下。同朋友夾埋4個人黎食 可以食多幾款菜式🙈🙈❣️所有套餐：-都可以以半價加一份小食 /蔬菜-配飲品 （+$18 特飲）🌼牛車水醬油雞飯 ＄85-雞件好滑 冇雪味 就算係醬油醃製都唔會好鹹-配 雞雜冬瓜湯（雞肝 雞腎） 好清好味呀🌼小食拼盤（跟餐+$49）-五香雞翼-小辣泰式魚餅-脆炸鳳尾蝦春卷- 豬肉串🌼龍蝦叻沙摻摻 ＄178（二人份）-上枱果陣 個份量多到嚇親我-1隻龍蝦開邊 好多龍蝦膏-摻摻有好多唔同配料 通菜 芽菜 魚蛋 魚片 豆卜🌼夜市沙嗲（跟餐+＄39)-有雞肉串牛肉串-加咗沙嗲汁 都好好味 😆🌼怡保扎肉手撕雞粿條 ＄60-粿條份量好多呀🌼脆炸鳳尾蝦春卷（跟餐+$20）-每舊春卷都有原隻鳳尾蝦蝦肉🍤🌼鮮油咖吔多士 ＄30-咖吔加牛油簡直係絕配🍹桔仔菠蘿梳打水🍹雪糕薄荷咖啡🍹雪糕斑蘭奶茶🍹恐龍美祿❣️好滿足呀🤰🏻❣️多人食嘅好處 就係咩都可以試吓 可以叫到成枱都係😆😆#香港美食 #hkfood #太子美食 #princeedwardfood#hkfoo

🌟去到太子E出口，只要步行1分鐘就會到咗呢間蘇山雞飯🌟🌟餐廳入面裝修光明時尚，坐得好舒服👍🏻🍜怡保扎肉手撕雞湯粿條 ($60)😋嚟到份量相當大碗😋雖然係清湯底，不過雞湯味濃😋扎肉同埋手撕雞份量偏多，一d都唔孤寒😋粿條口感特別，好似偏彈性嘅腸粉感覺🍜龍蝦喇沙參參 （$178）（二人分）😋份量又係大得驚人😋有原隻龍蝦，打卡一流😋龍蝦肉爽彈有蝦膏😋喇沙湯底出色，味道濃厚，椰奶味重😋配料豐富，有豆卜魚片魚蛋芽菜通菜😋還原當地味道，係出色嘅喇沙🍗牛車水醬油雞飯（$85）😋招牌雞飯之選😋醬油雞肉滑嫩，冇雪藏味😋醬油醃制啱啱好，香濃，唔會話過鹹😋配埋雞雜冬瓜湯，同雞油飯😋冬瓜湯入面有雞腎，雞潤，內臟處理得好好，冇腥味🌟重點🌟凡購買主菜就可以半價架購小食，或者蔬菜，CP值超高👍🏻👍🏻🍤脆炸鳳尾蝦春卷 （+$20）（4件）😋米紙包住原隻鳳尾蝦😋炸到酥脆香口🥩夜市串燒 （+$39）（四枝）😋炭烤味濃😋揀咗兩支牛兩支豬😋烤出來既肉，啱啱好唔會話過柴😋配埋沙嗲醬，真係有種返返去馬來西亞🇲🇾夜市嘅感覺🫔小食拼盤 （+$49）😋最啱一齊share食😋有雞翼，泰式魚餅，脆炸鳳尾蝦卷春卷，豬肉串🥪鮮油咖吔多士😋大片鮮

今晚在太子完成工作已9點多🥹發現原來蘇珊雞飯 在太子有分店！！ 馬上進去吃個快飯，慰藉一下心靈！ 今日和大家分享招牌菜海南雞飯！ 豐盛海南雞飯套餐 配冬瓜雞雜湯 $138由於大愛海南雞，所以點了半隻份量(≧∇≦)雞肉滑嫩無骨，啖啖肉！雞皮又爽又滑，忍不住誘惑，吃多了兩塊🤭雞胸肉位置也是鮮嫩的，雞肉一點也不乾身柴口，正！ 配有薑蓉、辣醬、甜醬油，任君選擇。油飯香口，但絕不油膩，客人可以根據自己的喜好來選擇多飯或者少飯，我們點的雖是正常份量，但大大碗，吃不完🤣冬瓜雞雜湯味道清甜，內有冬瓜粒、雞腎，非常好飲。配參巴醬辣蝦醬通菜 $21 即叫即炒，非常有鑊氣。參巴醬惹味，但是不會太辣(⁎⁍̴̛ᴗ⁍̴̛⁎)新加坡自胡椒排骨 $88無論看多少次，也不會膩的肉骨茶💕胡椒味道很香濃，但是很容易入口，我個人認為味道已很足夠，佢有辣椒粒和蒜蓉，男朋友向來比較重口味，所以他加了很多辣椒粒才喝🤣有幾條豬肋骨，又腍又入味，被秒清，重點是必須要用油炸鬼蘸湯吃(*ˉ︶ˉ*)另配鮮油咖央多士$15 鮮油咖央多士烘到金黃色，夾住一片厚度十足的鮮牛油，加上椰香、甜滑的咖央醬，一定要襯熱吃先得(⁎⁍̴̛ᴗ⁍̴̛⁎)是我每次都必點的！ 大推

呢度既海南雞飯套餐真係好抵食，套餐已經包左一碗油飯同一碗大大既冬瓜雞雜湯（可加$10轉肉骨茶/加$15轉迷你叻沙），額外再想加點小食/蔬菜一款仲可以有半價優惠，加多$9-$18再有埋熱/凍飲/特飲一杯，如果一個人黎食大約百幾蚊就可以乜都試到d。❥醬油三寶飯 HKD $93三寶包含醬油雞、滷水豬手及滷水蛋，滷水食物整得好入味，豬手啖啖肉，肥瘦度適中，醬油雞雞肉滑溜而嫩口，配有三種醬作調味（薑蓉、泰式辣醬、甜醬油），用上後更惹味。❥鴛鴦叉燒飯 HKD $93鴛鴦飯有海南雞、叉燒，海南雞比醬油雞更能吃出本身雞的鮮味，沒有被醬油味蓋過能帶出雞的清香，主要都係用雞髀肉、雞胸肉。叉燒都唔輸蝕，件件都厚切上枱，不過當日冇點選半肥瘦叉燒，所以件件都冇肥肉，有小小肥肉味道應該會更佳。❥套餐餐湯 - 冬瓜雞雜湯 喝上去清清甜甜，湯內既雞雜係湯既重頭戲，超好味😋- 加$10餐湯轉配既輕怡排骨茶有兩條大大既排骨同豆卜做配料，湯有好香既胡椒味，唔會好藥材味既感覺。❥套餐半價加配小食/蔬菜-參巴醬辣蝦醬通菜 HKD $21雖然係用辣蝦醬，但實際唔會太過辣，參巴醬很有特色，通菜夠鮮嫩。-SUSAN雞翼 HKD $2

超級滿足山型大雞脾🐔⛰️蘇山雞飯太子分店，交通方便，港鐵站E出口約步行三分鐘就到！餐廳主打新馬菜，環境舒適又光猛，用QR code落單，上菜極速。👉🏽娘惹咖哩炸雞配椰漿飯💰85HKD驚喜好味，山型大雞脾誇張size，咬落啖啖肉，外皮金黃香脆，肉質嫩滑，熟度岩岩好。充滿椰香味嘅咖哩汁帶有馬拉特色，配有小魚乾同炒花生米，令口感有層次，套餐加配小食蒜菜計半價，套餐加少少錢有埋野飲，超級抵食！小食：脆炸鳳尾蝦春卷一份有4件，賣相不錯，外層香脆，蝦肉肉質實夠彈點埋酸辣醬同食更滋味，👉🏽 檳城黑豉油叉燒油飯配魚丸湯💰85HKD叉燒上色較好，尤其喜歡佢一d都唔肥，檳城黑豉油調料系關鍵，鮮中帶甜，夠冧且入味，跟餐有油飯，食落好香口，配埋魚丸湯就大滿足啦！甜品系斑斕汁千層糕配雪糕，斑斕味都算幾重，食落同平時食開果d千層糕唔同，佢顏色實色且不會太甜，值得一試.

🔻🌕 𝓡𝓮𝓽𝓪𝓲𝓵 𝓐𝔂𝓮𝓻 𝓢𝓸𝔂 𝓢𝓪𝓾𝓬𝓮 𝓒𝓱𝓲𝓬𝓴𝓮𝓷 𝓡𝓲𝓬𝓮 牛車水醬油雞飯💲85🌟醬油雞入味得黎嫩滑，想食雞又覺得海南雞食得太多呢個就岩曬喇😋油飯夠晒香，乾身而且唔會膩，值得一讚👍🏻加$10轉左個肉骨茶，有兩大條排骨，湯重胡椒味，有淡淡藥材甘香☺️，暖身又易入口😋🌕 𝓛𝓪𝓴𝓼𝓪 𝓣𝓼𝓪𝓪𝓶 𝓣𝓼𝓪𝓪𝓶 星洲叻沙掺掺💲73🌟叻沙湯底香濃，有少少辣味但辣度温和，十分惹味😋摻摻係油麵加米粉，相信食開星馬菜式嘅都唔會陌生，一啖食落去兩種口感，岩曬貪心既食家!配菜十分豐富，有魚片，魚蛋，烚蛋，青口，蝦，最重要係炸豆腐，吸曬叻沙湯既油豆腐，正😋🌕 𝓢𝓹𝓮𝓬𝓲𝓪𝓵 𝓐𝓹𝓹𝓮𝓽𝓲𝓼𝓮𝓻 𝓒𝓸𝓶𝓫𝓸 小食拼盤💲49(跟餐價）🌟［雞翼、泰式魚餅、脆炸鳳尾蝦春卷🍤、豬肉卷🫔］咩都想試下就一定要叫小食拼盤🙂拼盤用高身嘅餐碟上台，令成件事突然間更有特色😋個人最鍾意食泰式魚餅同埋鳳尾蝦春卷👍🏻🌕 𝓣𝓸𝓼𝓪𝓽 𝔀𝓲𝓽𝓱 𝓚𝓪𝔂𝓪 & 𝓑𝓾𝓽𝓽𝓮𝓻 鮮油咖央多士💲15(跟餐價）🌟鮮油咖央多士烘到金黃色，夾住一片份量十足鮮牛油，熱力令牛油半溶，加上椰香的咖央醬，嚟到一定要食，必食推介‼️仲一定要襯熱食先得🤤

主打海南雞飯同白胡椒排骨茶, 夜晚7點去到已經要排隊, 食物款式選擇多, 價錢合理~👍🏻推介 - 砂煲新加坡白胡椒排骨茶排骨份量好多, 一碗入面都有4-5條, 排骨茶有淡淡藥材味, 混合埋白胡椒, 少少辣, 飲完好暖胃, 不過個人覺得胡椒味可以再濃多少少。另外仲會配有油炸鬼, 新鮮即炸脆卜卜！🥬惹味雞雜怡保芽菜芽菜爽口, 雞雜份量都算多, 雞腎同雞潤已經輕輕調味, 加埋炸蒜, 味道頗惹味的！🥚滷蛋 滷得入味, 口感Ｑ彈, 蛋味濃🍋鮮檸檬薏米水有去濕清熱功效！薏米水唔會太甜, 薏米口感腍身

好耐冇食星馬菜😝間唔中都會好掛住邪惡嘅鮮油咖吔多同叻沙😈呢排見到好多人都慕名而去食呢間位於太子同長沙灣嘅星馬餐廳～因為佢有個超巨型嘅龍蝦叻沙摻摻😍呢晚即刻同朋友去試下🥳🌟星洲龍蝦叻沙摻摻🦞 $110 (4/5)上枱見到有咁大隻龍蝦已經嚇咗一嚇😳🤣會唔會太正！聞落已經好香椰汁味✨龍蝦肉輕易就刮到出嚟🥰啖啖肉，仲要好多蝦膏🤓食落肉質彈牙，質素真心唔差😎餐廳仲俾埋較剪俾你剝蟹鉗～貼心！叻沙湯超香濃😍味道好濃郁，惹味又唔會過鹹😋麵底有油麵+米粉，油麵彈牙，米粉爽口得嚟又吸哂所有嘅叻沙湯💕每一啖都好濃嘅叻沙味🥰佢仲配有芽菜同魚蛋，口感豐富，超鍾意呀😈🌟獅城芽菜走地雞飯 $95 (3.75/5)平時海南雞就食得多，走地雞就真係好少食😳走地雞份量好多，而且無骨啖啖肉好正🤓肉質比較結實，但唔會鞋口，除咗三色醬之外，雞上面仲有好多炸蒜，連埋底下嘅芽菜一齊食好惹味🥰配合埋用雞油同班蘭葉煮嘅雞油飯，每啖都好滿足！🌟冬瓜雞雜湯 跟餐送 (3.5/5)第一次飲雞雜湯😳鹹鹹地好有鮮味，仲有大大舊冬瓜同兩舊雞雜，絕對唔hea😏🌟鮮油咖吔多士🧈 跟餐+$15 (3.8/5)呢個係我的最愛🤤😈😈多士烘得好脆，厚厚嘅冰牛

收工同朋友喺太子附近買完嘢，行過見到呢間食新加坡菜，見到個Menu好多款式揀好吸引，一於入去試試🤩🍚鴛鴦叉雞油飯（叉燒+海南雞）$93叫左半肥瘦叉燒食落有淡淡嘅酒香wor👍🏻 加埋海南雞好滑，係走地雞肉質鮮嫩夠滑😆🍚醬油三寶油飯（醬油雞+豬手+滷蛋）$93醬油雞啖啖肉再配埋三款醬汁，醬油膏/酸辣汁/薑蓉夠豐富惹味😜另加玻璃魷魚通菜 $25玻璃魷魚新鮮爽口，炒出星加坡嘅風味😋冬瓜雞雜湯，飲得清淡又唔油膩🍲白胡椒肉骨茶，好有驚喜，白胡椒味好突出夠暖胃😋我哋揀咗兩款特色飲品  - 凍檸檬薏米水同新鮮椰青，解渴清甜!!最最值得推介嘅係甜品🥪鮮油咖吔多士 $15當熱辣辣烘出嚟嘅多士配冰凍嘅鮮牛油，加埋流心咖吔，冰火交融簡直一絕！食唔停口哈😄呢間位置好方便，太子站一出行1分鐘就到！環境舒適寬敞有Cafe嘅感覺，I’ll be back😉

今日來到太子花墟買花，經過見到蘇山雞飯😍之前一直好想試長沙灣嗰間，原來而家太子都開咗👍今日下晝兩點幾來到，估唔到過左lunch time 繁忙時間都咁多人😮 餐廳裝修係行馬拉風格，雖然環境唔算大但係都坐得舒服，而餐廳以QR code落單，非常方便👍🥢招牌海南雞飯配輕怡肉骨茶海南雞飯份量好多，雞肉肉質好滑，雞飯好香雞油同斑蘭味。肉骨茶較重胡椒香，但飲落唔辣易入口👍仲有幾舊T字骨煮至淋身，好味到連肉都食埋😋🥢獅城芽菜走地雞飯配雞雜冬瓜湯走地雞係皇牌必食，走地雞味濃，肉質實淨，雞肉又唔肥，雞嘅份量仲好多，配上有少少辣辣地嘅調味油更加惹味😋而冬瓜湯配了少少雞雜，提升了冬瓜湯的鮮味👍🥢麻辣玻璃魷魚通菜通菜鮮嫩，魷魚煮得夠淋身，配上麻辣醬汁，唔會太辣，但又好惹味😍🥢Susan雞翼雞翼份量好多，而且大大隻🤩而雞翼炸得好香脆，而雞肉亦都好Juicy，熱辣辣好好味🤤🥥椰青椰青大大個，非常清甜，食完辣野飲一流👍

食到好食嘅海南雞飯同埋豬手飯，真係會食上癮，今晚就嚟到超人氣嘅海南雞飯飯堂<蘇山雞飯>，食佢哋好出名嘅海南雞飯，仲有豬手飯。平日嘅夜晚，都坐滿人，不過好好彩，唔使兩分鐘就能夠安排入座。餐廳供應嘅招牌雞飯，都有好多唔同嘅款式，同埋配搭套餐，仲可以以半價再加其他小食，真係經濟又抵食。<招牌海南雞飯套餐 配冬瓜雞雜湯>呢個海南雞飯套餐，只係需要八十幾蚊，碟雞份量勁多，單係睇份量就已經贏曬，用料十足。雞肉用上最滑嘅雞髀肉同埋雞胸肉，而且仲要係一早去灑骨，入口絕對係啖啖肉，另外值得一讚嘅係，雞肉咬落去感覺又嫩又滑。餐廳做得非常細心，客人可以根據自己的喜好來選擇多飯或者少飯，今次我哋就叫咗多飯，所以呢個套餐配搭嘅雞油飯非常之大碗。另外仲配有冬瓜湯，入口味道清甜，非常好飲。呢度嘅另一個招牌菜，就係<Susan豬手飯>，豬手肉份量勁多，用上秘製醬汁來烹調，入口醬油味道突出，肉質又腍又嫩滑，而且仲配有鹵水蛋同埋花生等配菜，非常好食。充滿骨膠原嘅豬手肉，食完真係能量爆燈。另外仲叫咗一份串燒小食，分別有豬肉同埋雞肉，配有非常濃郁嘅沙爹花生醬，惹味好食。小食拼盤