收工朗屏站落車去搵少少野食 經過間食烤魚既比佢啲香味吸引左 睇下個餐牌原來除左烤魚仲有米線同飯食！ -漁師兄米線 入面有生魚片、豆卜、魚蛋、魚片頭、魚皮餃、魚腐，揀左個麻辣魚湯底 ～超濃郁加上好香既麻辣味，豆卜吸晒啲湯真係幾好味。 -口水雞飯 口水雞辣度岩岩好，食得小辣既朋友都可以試， 雞都好滑身，佢比既部位都好靚 無話有啲好柴既位 野飲方面佢有特飲 分別叫左兩杯唔同口味既乳酸 白桃味and士多啤梨味👍🏻 甜度仲有得揀少甜 下次試埋佢啲烤魚先～👍🏻

收工喺屋企附近睇吓有咩食 成日都經過呢間見到有燒味食想試好耐 老火湯 好想飲湯 揀咗個老火湯試吓 老黄瓜赤小豆扁豆豬骨湯 料都幾多好好味 蜜汁叉燒王 呢個叉燒，真心推薦👍🏻 絕對係值得返頭食 叉燒半肥瘦醬汁好入味 信汁簡直係白飯小偷 好快就食晒 梅子脆燒鴨 鴨肉實得黎都好易咬 外皮燒得幾香幾好食 份量都幾多 絕對夠2個人食 京蔥金錢肚 呢個辣辣地好好送飯 京蔥切絲加上有咬口嘅金錢肚 用嚟做小食，或者主菜都可以👍🏻 夜晚都幾多人，要預返啲時間排隊🤪

大圍出名多好嘢食 今日經過呢間食泰國餐廳 嘅竟然有船麵即刻入去試下😍 下午茶都好多選擇 我哋叫咗一個牛肉船麵 同埋蛋炒咖喱蟹肉配飯 船麵湯底好濃郁 配美金邊粉就最好食 牛肉份量都好多 岩晒鍾意食肉既朋友 蛋粉咖喱蟹肉飯個咖喱好香 唔會好辣 用嚟撈飯一流 套餐加$18叫咗個炸魚餅 熱辣辣出到嚟辣辣地幾好食 野飲我哋叫咗泰式奶茶 味道正宗 仲有兩個特別菜式加$28 呢個係飛天通菜，一個係芒果糯米飯 飛天通菜炒得好惹味 推薦👍🏻 食完飯之後食返個甜品芒果糯米飯就啱啱好

今日約咗朋友喺銅鑼灣試吓呢一間 日泰式既放題料理 見到佢仲有得加錢升級凍海鮮拼盤都係任食！ 拼盤入面都好多 有長瞓蟹 鮑魚 螺 凍蝦 仲有就係出面好少見既魚子醬！ 除左凍海鮮之外當然唔少得刺身 三文魚夠肥 刺身都好新鮮 熟食方面 好多泰式料理選擇 有我最愛既冬蔭公湯 酸酸地勁開胃 沙律鳳爪都有好多選擇 除此之外串燒炒菜金邊粉咩都有 不得不讚呢到啲炒野都幾好食👍🏻 野飲出面自助式 有好多汽水同無糖飲料 仲有啤酒 黑啤選擇～ 環境唔錯位置都好多 一班朋友聚會都可以選擇呢到～

元朗出名多野食 收工去左呢間開到凌晨4點既多多雞大排檔 佢可以揀坐出面或者入面 見到好多枱都點左個燒雞~急不及待要落order -蜜椒薯仔靚牛柳粒 有驚喜 味道好食之餘估唔到薯仔超脆身 牛柳粒仲要重牛味 👍🏻👍🏻 -柴燒秘製脆皮燒雞 呢個雞真係必點！！！ 即叫即燒 雞樣脆卜卜燒得勁靚！ 雞肉充滿肉汁 4人食都夠食 ～送啤酒一流 -豉汁盤龍鱔（半條） 鱔都係即叫即整 要等耐少少 但豉汁蒸超入味 雖然話係半條 但份量一啲都唔細 鍾意食魚既朋友值得一試 -金銀蛋時菜 清清地叫返個金銀蛋菜 湯底仲有肉碎 令到個菜更惹味 位置都幾多 一班朋友夜晚搵地方坐底傾計食野可以試試～

收工同朋友好想打邊爐 見到呢間裝修好吸引既香香宮煮 即刻上嚟試一下 門口已經有打卡位 仲有衫俾你著黎影相 勁得意 湯底我哋揀咗個清清地嘅 -昭陽公主椰子雞湯鍋 湯頭好甜絕對適合飲用 返到屋企仲要冇口渴 值得一試 雞嘅份量都好多 足夠3-4人食 -艾莎公主牛肉寳盒 寶盒好大個啱晒鍾意打卡既我😝 肉質都幾靚 油花都好平均 寶盒入面既牛有唔同部位 -手打蟹子鮮蝦丸 爽口彈牙仲有啖啖蝦肉 佢仲有得俾你揀一份四粒 我同朋友兩個人食，都唔使驚食唔晒 -伊比利亞橡果豬 豚肉片比較薄身 好快就熟 份量都唔少擺盤好靚，啱晒影相😍 -香香宮煮響鈴拼盤 響鈴拼盤有兩種味道 有原味同埋我最鍾意嘅黃金響鈴 啱啱炸出嚟勁香鹹蛋香 一放落去湯度就可以即刻拎返上嚟食得 -美濃水蓮 香港好少地方有得食嘅水蓮 一見到就要即刻嗌 水蓮好新鮮翠綠色 推薦推薦👍🏻👍🏻👍🏻 -自家製足料竹蔗茅根 嘢飲方面就叫咗竹蔗茅根下下火 怕打邊爐熱氣😝😝 餐廳門口仲有大量宮廷服飾 可以俾你喺門口打卡位着住慢慢影👍🏻

今日同朋友去咗尖沙咀一間懷舊裝修嘅餐廳打邊爐 入面都好多特色雞煲 秘製鹹蛋黃醬雞煲- 超級惹味 店員幫忙處理 唔洗驚煮燶 醬汁非常之濃郁 龍鳳星祥牛肉拼盤- 兩個人食細份量都好夠 分別有牛舌片、手切牛肉、牛胸尖、牛金錢展、牛肉粒同雪花肥牛 手打海量芫茜墨魚丸- 芫茜控必試🫶🏻 爽口彈牙墨魚丸 芫荽份量都好多 啱晒鍾意食芫荽嘅我 即制回味五香肉丁餃- 香港特色五香肉丁餃，同國外朋友黎食必定要推介試試👍🏻 龍鳳呈祥雜菜拼盤- 蔬菜拼盤都超有心機 🫶🏻款式夠多 生啤都有優惠 同朋友慶祝生日聚舊都唔錯🥳

鍾意飲酒嘅可以試吓呢間日式串燒 店內裝修都好有氣氛 晚餐時間都幾多人 餐牌上面都有好多稀有部位 稀有部位嚟講價錢都合理 $30-40就有一串 頭盤叫咗個溫泉玉子沙律開下胃🥗 稀有部位方面，我哋叫咗一串提燈同埋雞腳筋 提燈唔係好多地方有得食 一定要試下 雞腳筋好有咬口 用嚟配啤酒就最好不過 印象最深刻就係呢串北海道米豚腩 表層燒得好香口 但腩肉一啲都唔乾 好食👍🏻 厚切牛舌都係我最鍾意既其中之一 我揀咗鹽燒 牛舌好juicy 必點之一 驚唔夠食既關係，我地仲order左免治雞肉棒、明太子玉子燒、酥炸雞軟骨。 推介明太子玉子燒 🍳 玉子燒入面半熟流心 朋友都話呢個好好食👍🏻 酥炸雞軟骨都好特別 佢同一般雞軟骨唔同唔會淨係得返舊黃油軟骨，而佢真係將雞軟骨附近位置嘅骨頭都炸到好鬆脆可食用👍🏻👍🏻👍🏻 餐廳氛圍唔錯都幾好坐 收工約埋三五知己飲酒食下串燒都係一個唔錯嘅選擇。

收工約左朋友係朗屏站附近一間任食雞煲烤魚火鍋食飯 西鐵站行落黎5-8分鐘 都好方便 呢間餐廳CP值超高 首先比你揀雞煲或者烤魚 食完就打邊爐 今次我地揀左香辣烤魚 超超超大條 肉身又厚 啖啖肉 最特別係魚外皮炸到脆卜卜 好好味 出面配料任食 選擇都幾多 有我最鍾意食既鵝腸同豬紅🥰 肉類有最基本既豬肉牛肉 海鮮方面有蝦有蜆 仲有鯪魚球 野飲除左有冷泡茶同紙包飲品 最吸引既就係啤酒都係任飲～ 老闆超好人 有咩需求都好快到 得閒約埋朋友仔黎食晚飯都係一個好選擇👍🏻

係屯門做完嘢 見到一間新開嘅放題燒肉仲有得打邊爐 即刻同朋友入去試吓 地方都闊落好多卡位私隱度高 我哋揀咗個$368 90分鐘美國SRF金標牛肉半自助燒肉放題 食物種類都算有雞牛豬海鮮蔬菜 仲有熟食比你揀 坐低肚餓可以叫咗熟食先 再慢慢燒 牛有唔同嘅部位 仲有唔同嘅醬汁 岩晒鍾意食牛嘅朋友 就算唔食牛，其他肉類都好多選 例如梅花豬肉，豬頸肉雞翼等等 呢個套餐仲可以揀湯底打邊爐 有肥牛片同埋好多蔬菜俾你選擇 嘢飲方面飲茶同埋汽水 仲可以加錢任飲啤酒添 最後當然唔少得雪糕甜品🍰🍦 呢個價錢嚟講CP值都好高 一班朋友坐低傾計聚會都係一個唔錯嘅選擇