蘇山雞飯

二訪位於太子嘅蘇山雞飯今次特登下午茶時間嚟encore海南雞飯🐓天氣太熱放棄咗椰子雞煲 冬天一定要再凱旋歸來先得😎🔸 招牌海南雞飯 上枱嘅時候已經覺得海南雞賣相出色雞肉無骨嫩滑 皮肉之間夾咗層啫喱配埋油飯 及 三款醬汁：辣汁、薑蓉同甜豉油令雞肉味道層次更高冬瓜湯加入雞雜更加鮮味 冇半點腥味入口充滿雞同冬瓜嘅自然鮮味🔸 扎肉手撕雞湯粿條 粿條偏粗身 質地軟滑 夾嘅時候好易滑走！一絲絲嘅手撕雞同扎肉 口感層次豐富湯底清甜有雞香 滿足！ 🔹 麻辣玻璃魷魚通菜 通菜面頭鋪上爽脆玻璃魷魚再拌上濃郁嘅麻辣汁 辣度適中 反而香氣突出🔸 夜市沙嗲(牛肉/雞肉)分別有2枝牛肉/雞肉串 兩款肉經醃製後燒至外層微微焦香沙嗲醬香濃惹味 有粒粒嘅花生 甜甜辣辣🔹 雪糕薄荷朱古力咖啡用一球薄荷雪糕作點綴濃郁嘅咖啡雪糕半溶落咖啡令咖啡苦中帶點甜 幾特別🔸 凍金裝柑桔蜜用上新鮮青柑桔 味道天然 清新解膩！🚩蘇山雞飯 太子彌敦道759-761號藍馬之城地下2-3號舖…查看更多

之前經過都有興趣, 都一直想試, 但始終未有機會, 今日難得放閒日, 又過去依頭, 就不如入去吃😅, QR code落單, 唔想食辣, 叫左應該最穩陣的海南🐔雞飯, 有冬瓜雞雜湯同熱飲, 可以揀走湯, 亦可以㨂少飯, 白飯😚, 我就照試下冬瓜雞雜湯, 要番油飯, 等左唔係好耐, 就送上下午茶餐, 大家唔好以為下午茶會好少, 又唔係喎, 同午餐我估份量都係差唔多, 用木盆送上, 賣相幾靚仔, d雞🐔都比得幾多😘, 食啖油飯🍚先, 食落口唔肥唔油, 感覺好香😋😀, 食舊雞🐔, 雖然雞🐔肉味唔係好濃, 不過就好滑, 食落唔老, 皮都好靚, 但唔食皮的我全部去晒出來🤣🤣, 一啖飯🍚一口雞🐔, 感覺好唔錯, 又飲下冬瓜湯😘😀唔係太油太咸, 食晒係好滿足😃d雞🐔又點下三款必備醬汁😗, 真係唔錯唔錯, 之後飲埋杯熱檸檬🍋薏米水😚非常好飲😊☺️到出去結帳時望下其他枱食d乜嘢, 真係大部份都係食海南雞飯🐔, 我估我第日想食海南雞飯🐔都會諗起依度😋🤭…查看更多

今日同同事食呢間喺太子都幾出名嘅海南雞飯！海南雞，雞皮鮮黃油亮，食落滑捋捋，雞肉嫩滑雞味濃，仲有肉汁，夠哂鮮味。油飯有少少乾蔥，所以非常香口，油飯粒粒分明又有咬口。仲有三色醬汁:記得先食薑蓉，保留原味。薑蓉帶住清新辛香，辟走少少油膩，昇華咗雞嘅肉香，；第二再食酸辣醬，非常鮮辣，酸酸哋好開胃，第三撈埋黑醬油，甜甜哋濃香醬油味平衡返酸味對味蕾嘅衝擊感，撈埋雞油飯食簡直停唔到口！最後收尾飲返個雞雜冬瓜湯，清淡鮮甜。凍奶茶！茶味夠濃又唔澀，奶泡好有口感，茶奶比例適中。上菜速度又快，一落單， 2分鐘就到，快過火箭！但係中午就好多人排隊，最少排10分鐘先有得食！…查看更多

朋友講話呢度嘅海南雞飯做得唔錯，今日經過順便可以去試吓。去到坐低剛好有下午茶時段，海南雞飯 $65(包湯，餐飲） ，我加咗$10將個冬瓜湯轉咗白胡椒排骨茶。 落單後話咁快份海南雞飯就送到面前，賣相相當唔錯，比好多地方出色。碟雞份量還算可以，雞做到皮香，雞肉嫩滑。另外油飯聞起來夠香， 米飯粒粒分明， 軟硬適中，食落夠味，亦唔會太油。食飽後， 飲埋碗白胡椒排骨茶，去走剛才雞飯嘅肥膩感，食得非常滿意嘅一個海南雞飯。另外餐牌上都有好幾款菜式好有興趣試吓， 下次約好朋友一定會再嚟試。…查看更多

-//位於太子·主打星馬菜式🇸🇬 真係食過返尋味太子同長沙灣都有分店，每次經過都排長龍架📍巴東巨霸牛肋骨配椰漿飯 $128新推出菜式 巨霸牛肋骨好有霸氣😎超級大條店員會現場喺前面切開，估唔到牛肉炆到咁淋以為好辣，原來唔辣架🌶️ 連小朋友都食得到斑斕椰漿飯 賣相特別💚香氣十足，提升風味📍鮮油咖央多士 +$19絕對係為咗咖央多士而來❤️真係超超超好食價錢只係$19蚊，就有2大件巨型牛油多士😭烘到脆卜卜，絕對值回票價，絕對唔馬虎😍…查看更多