影片
更多
2023-03-09
44 瀏覽
每次同友人食飯諗食咩都會諗到頭都大, 今次一於即興見到邊間餐廳在眼前就食邊間, 雖然有點賭博成份, 但唔食過又點知好唔好食呢！ 今次這間餐廳超近太子站D出口, 一出地面行唔駛一分鐘就到。 招牌相當搶眼,尤其旁邊的霓虹燈招牌吸引了我眼球所以跟友人二話不說就步入了餐廳。餐廳主打東南亞菜 即係海南雞飯、 肉骨茶、叻沙摻摻, 咖央多士個類, 今次都叫左幾款餐廳新菜式如下：（一於試下佢咩料子, 如果好食下次可以多間飯堂選擇。🤣）🍜龍蝦叻沙摻摻（豆卜、 魚片、龍蝦、 魚蛋、 芽菜、 通菜）大大隻龍蝦已佔了碗面大部份位置, 龍蝦好多蝦籽又厚肉好夠鮮味。 😋再飲一啖湯底有好濃郁的椰香味, 少少辣少少咸再配合埋油麵和米粉一齊食吸哂湯汁的精華真係好開胃, 魚蛋和魚片完全唔腥好爽口彈牙, 豆卜唔駛多講當然作用是吸湯汁, 所以食一舊等於飲一啖湯拌麵一流。🐟鹽魚茸怡保芽菜食開馬來西亞菜的朋友應該都會陌生, 仲每次食都一定會點的菜式, 馬拉盞配芽菜就食得多, 今次一於試下新野鹽魚茸配芽菜, 好足料的鹽魚味, 短身又肥肥的芽菜Size食落口感特別爽同多汁配白飯一齊食係一個唔錯的選擇。🇸🇬新加坡白胡椒排骨茶必點推介
餐廳主打東南亞菜 即係海南雞飯、 肉骨茶、叻沙摻摻, 咖央多士個類, 今次都叫左幾款餐廳新菜式如下：（一於試下佢咩料子, 如果好食下次可以多間飯堂選擇。🤣）
🍜龍蝦叻沙摻摻
（豆卜、 魚片、龍蝦、 魚蛋、 芽菜、 通菜）
大大隻龍蝦已佔了碗面大部份位置, 龍蝦好多蝦籽又厚肉好夠鮮味。 😋再飲一啖湯底有好濃郁的椰香味, 少少辣少少咸再配合埋油麵和米粉一齊食吸哂湯汁的精華真係好開胃, 魚蛋和魚片完全唔腥好爽口彈牙, 豆卜唔駛多講當然作用是吸湯汁, 所以食一舊等於飲一啖湯拌麵一流。
🐟鹽魚茸怡保芽菜
食開馬來西亞菜的朋友應該都會陌生, 仲每次食都一定會點的菜式, 馬拉盞配芽菜就食得多, 今次一於試下新野鹽魚茸配芽菜, 好足料的鹽魚味, 短身又肥肥的芽菜Size食落口感特別爽同多汁配白飯一齊食係一個唔錯的選擇。
🇸🇬新加坡白胡椒排骨茶
必點推介肉骨茶👍🏻 份量足不在話下,最重要係湯底正, 因為肉骨菜湯底有兩種, 一種是藥材味偏濃的, 有花椒八角這種。 第二種是白胡椒味道夠重湯底較清驅寒的這種, 而我會偏愛後者, 正是今次點這種, 因為胡辣會令人開胃, 加上排骨肉質適中唔柴口唔黐牙,吸入湯汁一齊食或沾上醬汁一齊食同樣口味道可口😋。
🍞鮮油咖央多士
同樣必點推介食物👍🏻餐廳好細心點餐時可選擇切四份, 進食時食客可以細細啖食不失儀態。 外層烘到脆卜卜的多士, 內層塗上咖央醬再夾上一塊😈邪惡的牛油, 咬落兩種味道瞬間混為一體, 味道相當夾食落唔會膩仲唔甜相當好食😬。
🍍桔仔菠蘿梳打水
食完一餐豐富的晚餐當然要飲番杯甜甜酸酸的梳打水為肚皮消除負荷啦😗！ 味道好清新唔算好甜, 仲可以解膩👍🏻。
🍦雪糕班蘭奶茶
估唔到斑蘭奶茶加雪糕味道甘特別, 雙重奶味（牛奶雪糕加本身奶茶）令整杯奶茶味道更有層次, 最估唔到係以為飲甘重奶味會好飽, 但飲完又唔太覺,友人好快就飲哂成杯🤣。
張貼
