萬發海鮮菜館

營業中

休息中

以前一直都有聽過萬發，係頗有名嘅大排擋，尤其佢嘅薯仔牛柳粒更加係討論度超高，所以一直都好想嚟試下。咁啱假期約左班frd喺附近，就提議不如嚟依度食。因為無book位原先都驚會full，不過好彩嚟到唔洗等即刻可以入，原來佢都有幾個舖位，所以啲位都算多。依度嘅小菜選擇非常多，除左薯仔牛柳粒係必點之外，其他好多我都好想試，有選擇困難症嘅我揀左好耐最後點左四道小菜。不過唔知係咪因為多客，佢上菜嘅速度頗慢，等左好耐先有第一個餸嚟到。🔸️黑椒薯仔牛柳粒依道菜基本上可以話係每檯必點，亦係我最期待嘅菜。佢賣相非常吸引，而且大大碟睇落分量都唔少。佢啲牛柳煮得好軟熟，容易入口，不過我覺得調味都算幾重手。而相比起牛肉，薯仔更加吸引我。我本人超中意食薯仔，一食落已經覺得同出面食開嘅好唔同，原來佢啲薯仔係有炸過，所以食落感覺到外皮脆裡面係軟，粉粉地嘅口感啱哂我。我平時喺出面食開嗰啲薯仔都淨係煎過，所以一入口嘅時候覺得有啲驚喜，而且佢加左蜜糖甜甜地，我一舊接一舊食到停唔到手。不過同行嘅朋友以前嚟食過話覺得整法好似唔同左，而且今次薯仔外皮硬左少少，無以前咁出色。🔸️西檸雞唔知係咪少食依道菜，佢嘅賣相同我想像中有啲唔同，佢

同事食飯可以坐多幾位，尼間可以坐6人一枱 C 區舖👍有得 Beer 下，又有風味，不錯選擇就係食小炒，做得到好多地方都有，但做得好就唔會好多間。薯仔牛肉粒，食材好普通，但佢嘅化學作用太利害，根本就食唔停口，牛肉粒香口肉夠林身，但唔會乾身。一定一定要食就係薯仔，食落去似薯片味，帶少少甜，食完一粒又一粒，根本停唔到口😅簡直減肥克星咸蛋黃蝦碌，咸旦黃本身點整都唔會輸，加上鮮甜大蝦，簡直太過份😅椒鹽白飯魚，雖然好似食陣風，但陣風好鬆趣，超正，仲要食左半碟先記得影相🤣🤣🤣

想舒服啲有冷氣慢慢食，決定外賣幾個小菜番屋企☺️幾年前食過蜜椒薯仔牛柳粒覺得好好食專登過黎再試🤫星期六既夜晚一定爆場，啲廚師都做唔切既感覺！🤛🏻蜜椒薯仔牛柳粒，評分:3/10成碟餸都偏咸🤮🤮估計系落多左次🧂而薯仔系整到好燶應該過左火，牛柳粒少少少韌。唯一份量算多抵讚既！好失望希望下次堂食會有改善😵‍💫🤛🏻小炒王，評分: 6.5/10外賣關係腰果偏淋身🤛🏻咕嚕肉，評分: 7/10🤛🏻風沙雞，評分: 7.5/10肉質幾嫩多肉大件，皮都keep到少脆👌🏼入味唔需要再沾其他醬汁!🤛🏻金銀蛋莧菜，評分:7.5/10菜幾新鮮煮到岩岩好唔會過淋👍🏻

原本諗住好耐無食小菜 海鮮 今日去萬發都係人頭湧湧 都係好旺場 諗住應該仲有幾年前水準啦 🤤好 先唔講坐低無招呼 都諗住呢啲排檔係地踎啲 同埋都踢晒腳 嗰嗰樓面都忙到癲 算啦~😄好啦 一上黎 豉椒炒蜆 幾好喎 有鑊氣 好香喎食落，哇！ 咁多沙既 🙄🙄食食下 呢隻無開 呢隻又無開 🤪🤪🤪搞到我以為唔開係正常 不過算啦 應該個別事件 再黎避風塘炒蟹 好野 得一隻 三個麻甩佬 唔知想點🤣🤣同埋係咪正常起晒啲肉 不過算啦 應該個別事件最好諗住 佢招牌菜無死啦 犀利 得8舊牛肉 應該喺攞意頭🤣眼見好多後生嚟食 睇嚟下次真係可以唔再嚟啦~

大排檔小菜相信係香港人同一班親朋好友聚餐嘅選擇依間萬發大排檔係我同朋友既飯堂，平靚正，抵食又大碟今次一行三人都叫左4個餸：炸子雞外皮炸到好香脆，金黃色，但都唔會過左火，D雞肉都好有肉汁好嫩 配埋准鹽同喼汁。鹵水拼盤入面有大墨魚，牛𦟌，豬頭肉，燻腣，紅腸，鵝腸，豬腩肉同豆腐。食肉獸之選，鹵水全部都好入味，可以配埋醋同辣椒油食蜜椒薯仔牛柳粒鎮店之保！黎萬發一點要叫依個菜，薯仔炸過之後加埋蜜糖和椒鹽同牛柳粒一齊炒，薯仔外脆內軟，仲要比蜜糖包住，真係必食推介豉汁蒸鱔豉汁夠香，配埋新鮮既鱔，真係可以送幾碗飯

咕嚕肉🍍份量很多 肉很有厚度 不會過於薄身 🍖 外脆 內裡彈牙爽口 配料如青椒、紅椒、洋蔥、菠蘿爽脆鮮甜 小菜即叫即炒 鑊氣十足🥘 咕嚕肉酸酸甜甜很是開胃 作為第一道上的菜式是最適合不過🥰椒鹽九肚魚👅這是其中一道我最喜愛的菜式！份量也是挺足的 略嫌裹粉太厚 吃得到粉漿的味道 不過這也是個人口味不同 有些人喜歡厚脆的外皮吧 裏面的魚肉滑嫩鮮甜 配上喼汁也是一道開胃的菜！風沙雞🐔外脆內嫩 風沙雞的椒鹽很加分 店家烤得雞皮十分香脆又不會有雞皮的油膩感 很好吃！每次來到必點💓蜜汁牛柳粒配薯仔🥔這是必點必點必點的菜式！老實說 薯仔可能才是這道菜的主角 薯仔軟綿綿 外皮香脆 配上蜜糖甜甜的 讓人欲罷不能！牛柳粒就是一般茶餐廳的貨色 沒什麼特別👅-店內空調大開 下一炎炎進去便剛好 一改常人對大排檔的認知 不再是熱辣辣的餐廳🍴 店內環境衛生尚算可以 店員的服務態度殷切 🥰價錢合理 食物味道屬上品💓

如果香港真係有樣嘢係世界第一嘅話，咁其中一樣一定會係萬發嘅薯仔牛柳粒！😌😌🔥🔥我從來無食過好食過呢到嘅薯仔牛柳粒，有蜂蜜嘅甜，牛油嘅香，薯仔外膽內軟，質地係粉粉地，代表內裏嘅澱粉質得到充分嘅加熱，先會有呢個咁完美嘅口感。美中不足嘅係，牛肉稍嫌都係冇乜味，口感都唔係太好，不過食佢個薯仔牛柳粒，主力都係食佢啲薯仔，所以瑕不掩瑜。鍾意食嘅朋友，可以同夥計講，要大份，佢會將兩碟嘅份量，變為一碟！🔥

朋友生日，一行多人去左萬發食飯😃每樣都大大碟，又好味，經濟又實惠😊1️⃣黑椒薯仔牛柳粒必點菜！d薯仔撈埋焦糖一齊炒好好味！2️⃣椒鹽九肚魚稍微遜色，因為冇椒鹽果種feel，同埋九肚魚食到枝大骨😵‍💫3️⃣風沙雞皮脆肉嫩！好味😋4️⃣豉椒炒蜆好惹味😋5️⃣燒鵝好味😋6️⃣京都骨7️⃣椒鹽豆腐稍微遜色，冇椒鹽既feel8️⃣芝士龍蝦伊麵芝士好濃，龍蝦🦞新鮮，肉質彈牙，好味😋9️⃣金銀蛋莧菜

放工後同朋友到荔枝角上瑜伽堂，上堂前無食嘢加上做完運動真係有啲肚餓，朋友提意到長沙灣萬發食小菜，諗下已經有好多年無嚟過。我哋三個女仔叫咗五個小菜，仲飲咗一枝啤酒添，傾下講下，好開心。豉汁蒸白鱔，大個咗後愛上白鱔，肉質新鮮，唔瘦，幾好。蟹肉扒豆苗，菜好鮮嫩，無渣。啫啫雞煲，整得幾香，仲有豬膶，豬膶唔會太老。豉椒炒蜆，幾大碟，蜆肉新鮮無沙。黑椒薯仔牛柳粒，次次嚟都必點，炸過嘅薯仔好香口，牛柳粒唔韌，黑椒唔太多唔會辣。唔飲酒就飲可樂啦。

話說男朋友同屋企成日去呢度食飯搞到我次次都想食 黑椒薯仔牛柳粒😩😩今晚提早慶祝父親節👨🏻終於俾我恨到啦 就係食萬發🤩🤩呢間萬發都算做得成功兩條街 左右馬路都有兩間👍🏻係威水嘅😹😹言歸正傳食萬發 我當然唔會錯過呢個機會第一個菜就點左黑椒薯仔牛柳粒 🥔要嚟配酒食🤣上菜速度都算快 一上到嚟 仲係熱辣辣架 熱到食唔到🥔啲薯仔係外脆內軟 應該係炸過 啲牛仔粒 淋而入味 而佢又唔似係用發粉醃到咁淋 之後我哋點左風沙雞 🍗隻雞就算炸過都唔會好乾好鞋 啲肉仲好滑⋯不過就原本以為熱辣辣嘅 但發覺 啲皮係熱 但啲雞肉仲有啲凍⋯下次應該要整熱啲會更好⋯仲有點左燒鵝半隻 肥美 男朋友屋企人次次都點🤣椒鹽黃金蝦 佢地新嘗試⋯味道唔錯 香脆 肉爽兼且大隻⋯金銀蛋莧菜 但冇影相 都唔錯😃😃

星期二來到萬發，諗住會人少少，估唔到都仲要等一等位，今次與前同事放工後聚一聚，啤啤佢。聽講話呢度晚黑椒薯仔牛柳粒好好味，今次係必試既，加多個椒鹽鮮尤，再黎2支嘉士伯順滑啤酒。黑椒薯仔牛柳粒先上，牛柳粒一入口果然係精彩，好林好入味，食牛當然係有牛味，薯仔就係炸過，佔上類似蜜糖汁，係外皮有部分比較硬，算可以接受的。椒鹽鮮魷，入口食得出都係新鮮材料黎，輕炸，脆粉夠薄，炸蒜蓉細細粒又香口，入面唔會太乾，魷魚仲有汁，有功夫。

今日去萬發海鮮飯店買咗兩份小菜加餸。一份係滷味拼盤，一盒有好多種食物包括紅腸、魷魚、牛展，底層仲有豆腐，吸哂啲滷水汁，真係好正。而我最鍾意既係薯仔牛柳粒，份量唔少，啲薯仔明顯炸過黎，咬落脆口，而且啲牛肉都好重蜜糖味，真係食唔停口。

深水埗坐街邊，食小炒，係風味鋪頭內有位，係比較少黎萬發，必叫就黑椒牛仔薯粒鹹甜鹹甜幾好味，瘋狂食薯仔粒燒鵝一般般，唔脆皮，肉有D鞋椒鹽鮮魷正常，略厚粉滷水併盤，墨魚ok，其他一般

呢到嘅薯仔牛柳粒 真系好jeng 次次一大班人 都會叫大大碟 最好味唔係啲牛柳粒係啲薯仔 外脆內軟 真系好好味 仲有啲蜜糖醬係出面 簡直係一流 係第二道都食唔到啲感好味嘅菜色 值得一試

星期日好想食燒鵝，所以book左萬發，因為唔book未必有位，雖然佢有咁多間，但係成日都full架。我地4個人，早到所以即刻有位可坐低，即刻就叫左個好多野食啦，仲好快到添，每碟份量都好大，仲係熱辣辣既胡椒豬肚湯 $108好香胡椒味，好多料，夠味可下火，每人飲到兩碗左右半隻燒鵝 $228 (超抵食) 🤤🤤🤤一見到就流口水啦，燒鵝皮燒到啱啱好，顏色好靚，好薄好脆，一咬肉汁流晒出黎，好好食，超鐘意呀😍😍😍要推介呀鹵水乳鴿 $136/2隻又係熱辣辣，離遠已經聞到果陣鹵水味，乳鴿size都幾大隻，咬落勁juicy, 肉質好嫩滑👍yummy炸筒蠔 $158 但呢度個炸蠔，真係外脆內軟👍表面好鬆脆，蠔好滑，好鮮甜(本身我唔係好鐘意食炸蠔，因為好多地方都炸得唔好食，一係就係d炸粉太厚)薯仔牛柳粒 $108見差唔多每枱都有叫，原來呢個係皇牌👑一上枱我就好好奇，點解薯仔同牛柳粒嘅比例差咁遠嘅，勁多薯仔，後來發現薯仔先係重點🤤薯仔嘅表面係炸脆咗嘅蜜糖，好鬼正😍牛柳味道都唔錯，但我實在太鐘意食個薯仔啦薑汁介蘭 $68個介蘭炒得好靚，薑味唔太濃，介蘭唔會有根，唔錯蝦子柚皮 $98首先我唔鍾意食柚皮，加上黎到試左