影片
更多
2021-10-16
822 瀏覽
以前一直都有聽過萬發，係頗有名嘅大排擋，尤其佢嘅薯仔牛柳粒更加係討論度超高，所以一直都好想嚟試下。咁啱假期約左班frd喺附近，就提議不如嚟依度食。因為無book位原先都驚會full，不過好彩嚟到唔洗等即刻可以入，原來佢都有幾個舖位，所以啲位都算多。依度嘅小菜選擇非常多，除左薯仔牛柳粒係必點之外，其他好多我都好想試，有選擇困難症嘅我揀左好耐最後點左四道小菜。不過唔知係咪因為多客，佢上菜嘅速度頗慢，等左好耐先有第一個餸嚟到。🔸️黑椒薯仔牛柳粒依道菜基本上可以話係每檯必點，亦係我最期待嘅菜。佢賣相非常吸引，而且大大碟睇落分量都唔少。佢啲牛柳煮得好軟熟，容易入口，不過我覺得調味都算幾重手。而相比起牛肉，薯仔更加吸引我。我本人超中意食薯仔，一食落已經覺得同出面食開嘅好唔同，原來佢啲薯仔係有炸過，所以食落感覺到外皮脆裡面係軟，粉粉地嘅口感啱哂我。我平時喺出面食開嗰啲薯仔都淨係煎過，所以一入口嘅時候覺得有啲驚喜，而且佢加左蜜糖甜甜地，我一舊接一舊食到停唔到手。不過同行嘅朋友以前嚟食過話覺得整法好似唔同左，而且今次薯仔外皮硬左少少，無以前咁出色。🔸️西檸雞唔知係咪少食依道菜，佢嘅賣相同我想像中有啲唔同，佢
咁啱假期約左班frd喺附近，就提議不如嚟依度食。因為無book位原先都驚會full，不過好彩嚟到唔洗等即刻可以入，原來佢都有幾個舖位，所以啲位都算多。
依度嘅小菜選擇非常多，除左薯仔牛柳粒係必點之外，其他好多我都好想試，有選擇困難症嘅我揀左好耐最後點左四道小菜。不過唔知係咪因為多客，佢上菜嘅速度頗慢，等左好耐先有第一個餸嚟到。
🔸️黑椒薯仔牛柳粒
依道菜基本上可以話係每檯必點，亦係我最期待嘅菜。佢賣相非常吸引，而且大大碟睇落分量都唔少。佢啲牛柳煮得好軟熟，容易入口，不過我覺得調味都算幾重手。而相比起牛肉，薯仔更加吸引我。我本人超中意食薯仔，一食落已經覺得同出面食開嘅好唔同，原來佢啲薯仔係有炸過，所以食落感覺到外皮脆裡面係軟，粉粉地嘅口感啱哂我。我平時喺出面食開嗰啲薯仔都淨係煎過，所以一入口嘅時候覺得有啲驚喜，而且佢加左蜜糖甜甜地，我一舊接一舊食到停唔到手。
不過同行嘅朋友以前嚟食過話覺得整法好似唔同左，而且今次薯仔外皮硬左少少，無以前咁出色。
🔸️西檸雞
唔知係咪少食依道菜，佢嘅賣相同我想像中有啲唔同，佢色澤炸得比較深，同埋加入左菠蘿。平時都係加檸檬，菠蘿真係第一次見(罐頭菠蘿)。
啲雞係幾脆，不過我覺得炸得有少少過左火，味道就普通啦，無咩太大記憶點，淨係食完覺得好熱氣。
🔸️椒鹽鮮魷
椒鹽鮮魷都係我經常會點嘅菜色，不過依間嘅鮮魷我下次真係唔會叫，唔知係咪廚師調味落得重手得濟，成道菜非常之鹹，連喼汁都可以唔洗再點。我平時飲食習慣算係較為重口味，但依道菜我都覺得真係鹹，食嘅時候不自覺飲左好多水。而且我覺得佢嘅炸粉漿厚左少少，魷魚鮮味唔夠出。只可以講之前食過其他大排檔更加好味。
🔸️啫啫通菜煲
啫啫通菜煲一向都係啲重口味嘅菜式，佢係煮得幾惹味嘅，不過都係鹹，一定要配飯食，齋食菜嘅話會有啲over，所以我地最後都無食哂，食完白飯就已經放棄左依道菜。
今次叫嘅菜雖然係比較惹味，但我地食完成餐飯之後都一致覺得啲菜色好鹹，真係好重口味。除左薯仔牛柳粒係必點之外，其他菜我就覺得一般般啦。一開始比較大期望，食完之後覺得無想像中出色，可能因為啲菜太鹹扣左分，加上上菜比較慢，環境亦都係一般(雖然都知大排檔唔可以expect太多)。
張貼
