萬發海鮮菜館

營業中

休息中

價錢💸：13個人去食，叫咗10幾個餸，10幾碗飯，5支啤酒，幾罐汽水，最後埋單每個人$16X，比起一般大排檔貴少少服務態度🙌：幾好，姨姨叔叔都好有人情味環境🔆：同一般大排檔差唔多，唔會期望好乾淨，但都唔係超級污糟好食推介😋：-薯仔牛柳粒🥔：叫咗碟大嘅，嚟到見到超大碟，招牌菜果然真係幾好食，薯仔外脆內軟，牛肉口感都唔差-蠔餅🫓：超脆卜卜，停唔到口係咁食-腐乳炒通菜🥬：唔鍾意食腐乳嘅人都唔會覺得好差，清完一碟之後再叫多咗碟-菠蘿金沙骨🍍：好好食，係最快俾人清晒嘅一碟餸-小炒王🍚：成碟餸都好入味-金沙鮮魷🥚：鹹蛋黃味好正，鍾意食鹹蛋黃嘅人必叫普通嘅（同出邊太排檔差唔多嘅味道）：-魚香茄子煲🍆-咕嚕肉🥓-炒蜆🍲-啫啫雞煲🐤（呢個唔太入味）千祈唔好叫-燒鴨🦆：職員話係招牌菜，但係勁油😖，啲皮又唔係脆，肉質又好一般總括嚟講❕都算幾滿意嘅一餐，但嘢食整體偏鹹，有機會再去但唔會經常去

黑椒薯仔牛柳粒$138薯仔多過牛柳粒薯仔外脆內綿🥔好似少左蜜糖味🍯無之前咁好食牛柳粒肉質軟淋🐮牛味欠奉🫣味道唔差既同之前比相對較為失色🙊咕嚕肉 $98味道偏酸少甜🍋開胃惹味🥰咕嚕肉大舊無骨啖啖肉菠蘿多汁🍍正🫶🏻萬發小炒王 $118偏鹹🧂唔算勁油🍾配料有蝦乾、魷魚乾等口感豐富🥗椒鹽豆腐 $88豆腐內裏嫩滑幾好👍🏻椒鹽九肚魚 $118九肚魚多肉🐟肉質軟淋外脆內軟👌🏻金牌燒雞 $128(半隻)肉質偏淋係冰鮮雞😹表皮炸得香脆面頭炸蒜惹味😋薑蔥撈爽魚皮 $78魚皮口感爽彈👍🏻薑蔥辛辣味突出魚腸焗蛋 $88焗蛋過熟🍳蛋既質地偏鞋口魚腸份量正常口感尚算嫩滑但某幾條有苦味😰酸辣爽青瓜 $48極酸🍋🍋似海南雞飯伴碟醃蘿蔔既味道唔爽脆😂整體而言，味道正常性價比高💰啱曬一大班朋友gathering👨‍👩‍👧‍👧

🇭🇰萬發海鮮菜館🇭🇰#foodxxe_大排檔#foodxxe_深水埗（疫情嚴重 希望大家減少外出 大家可以先Save低 之後再去支持❤️）由入大學 好多朋友仔就會提到萬發嘅薯仔牛柳粒🤣我會話比大家知 呢味菜真係世一🥰食完呢間大排檔之後 我仲愛上左大排檔🔥希希大家可以推介其他#大排檔 我試試🥳/🌟整體🌟✔️所有野都係#即叫即整 黎到#鑊氣 十足 好好食！✔️你仲可人叫餐牌上冇嘅野 廚師一樣整到🤤❌冇得預約 但早少少食飯嘅話 冇人同你爭🥔1. #薯仔蜜糖牛柳粒🐮✔️#薯仔 炸得好香 外脆內軟 口感味道一流✔️#牛肉 唔會好靭 夠曬入味✔️#蜜糖 真係錦上添花🤤焦香惹味評分：5/5🧜‍♀️2.#豉椒炒蜆 ⚫️✔️我好少係出面食蜆 因為次次都勁多沙！點知今次個蜆係冇沙的！🤤✔️醬汁調配得啱啱好 唔會太鹹 撈飯一流評分：4.6/5🥬3. #啫啫生菜 🥗✔️上到枱仲滋滋作響🔥#蝦醬 #肉碎 同#生菜 真係絕配🤤❌我略厭佢啲菜偏淋和油，但整體黎講係好食的😍評分：4.5/5🐟4.#魚香茄子煲 🍆✔️我冇食 但朋友讚不絕口✔️茄子香酥滑嫩配上入味嘅肉碎🤤無可挑剔❌還是比較油，但係大排檔食野，還算可接受評分：4.4/5🦑5.#椒鹽

一般好食我先寫，都好耐未試過咁糾結應唔應該寫呢個食評…今次當係自己日記，提下自己食過乜野，不過…呢間應該冇下次。今次全部都唔加emoji 食物黑椒薯仔牛柳粒個個都話呢個係必嗌，梗係一定要嗌啦。都係嗰句，冇希望就冇失望。啲薯仔多過肉、仲有好多舊超黑薯仔勁似牛肉，我老豆食極都係黑薯，然後問:就究竟邊舊先係肉？啲薯仔外層好硬，入面係淋。成碟都比較甜唔記得乜鱔全晚最好食呢個！脆漿好薄，好脆。啲鱔都好滑椒鹽鮮魷唔知係咪唔記得落椒鹽，完全冇味。不過佢一樣脆漿夠薄、魷魚爽口但我自己會比較喜歡太子髀X個間。啫啫雞煲好少雞…啲雞冇乜肉食，好多都係骨位豬膶我媽咪話ok,好滑我都覺得佢個汁好食！6個人只係叫左2碗飯，撈飯食魚滑白菜仔我哋食到差唔多走，佢先上菜，足足等咗2鐘頭…叫cancel佢就岩岩入到黎…啲菜係幾甜幾好食!不過魚滑同自己想像中有岀入..so far都食唔晒環境去得大排檔就唔好預會好乾淨，但係入到去坐嘅位置都好乾淨。後巷嗰度有廁所，都可以接受。服務唔知係咪大排檔特色？樓面個姐姐態度麻麻哋，冇人知要排隊拎籌，行到埋去問佢攞飛，佢就話攞飛都要排隊㗎..排咗10分鐘有位，去對面街。結果同人哋撞枱，上

呢間嘅薯仔牛柳粒好出名食過就知真係抵佢出名，同埋點解得佢係出名-.-薯仔牛黑椒味有，蜜糖味有，薯仔嘅外表焦脆！第一次係情願佢比多啲薯仔我啊！唔要牛啊！！牛唔係唔好只不過薯仔突出好多！！由於得兩丁友吃，無理由叫一碟薯仔牛就算，咁就叫下啲菜吃啦，叫左個金銀蛋時菜？…….哇……真係難食到難以置信。啲皮蛋好似落咗好重魚膠粉嘅啫喱咁。真係一個未煮過送嘅人都冇可能煮得咁差 想請問呢道菜到底發生了什麼事？？？？？

之前一直聽講深水埗有間茶餐廳嘅嘢好好食，今日終於有機會去食下。果然真係無令我失望，我哋叫左燒鵝，啲肉質一啲都唔鞋而且燒鵝皮好脆，非常之好食，另外個薯仔牛柳粒都令我感到好滿意，個薯仔外層有蜜糖而且脆脆地非常之惹味。其他菜式都好好食，值得推介。

一行八人到這裡食晚飯。風沙雞1隻，皮好脆但肉質比較乾。豉椒炒蜆，冇乜肉，凍左之後個汁比較糊口。鹵水拼盤，有墨魚、紅腸、豆付、鵝肉、牛展、雞什、豬頭肉、熏蹄，份量大。咕嚕肉，個汁好浠，冇乜甜酸味，至於舊肉有啲奇怪，就系咬極都咬吾開。椒鹽鮮魷，個炸粉好厚，可以不試。啫啫芥蘭煲，有獲氣好香口，加左大量肉碎，好食。上湯豬潤菜芯，豬潤厚切但熟左少少，都吾錯。豉油皇炒麵，有大量芽菜和洋蔥，大大碟，幾好食。蜜糖薯仔牛柳粒，個汁甜甜地，薯仔炸到外面包左層蜜糖而且好脆口，牛柳粒反而系配角。加左2支朝日啤酒和3罐汽水，埋單$1267，抵食。

同同事食dinner，大家想食黑椒薯仔牛柳粒😂所以叫咗碟大嘅。不過真心覺得叫大碟一啲都唔抵食🥲薯仔仲多過啲牛柳粒，全碟野好似只係食薯仔，牛柳得個幾粒！望到其他人叫細或者中嘅，啲牛柳粒嘅分量同我地叫大碟嘅一樣😕分分鐘叫2碟細嘅仲好過叫碟大。不過佢係炒得好香好好食嘅~#萬發海鮮飯店 📍深水埗九江街150-152號地下

超過3個人聚餐！想要抵食好味一定係黎萬發🤩🤩黑椒薯仔must eat!!!!❤️‍🔥薯仔皮炸到脆 鐘搶手過牛肉椒鹽鮮魷好食!!!魷魚好新鮮人多可以同姐姐講要大份 勁大盆 超jeng

同一班fd放工去食晚飯，經朋友介紹萬發話好食，就決定去試一試，點知勁失望！先講下菜式，成餐飯只有黑椒薯仔牛柳粒係好食😋可怕牛柳粒唔多，一d大大粒，一d細細粒，唔均勻。椒鹽魷魚只是普普通通，做唔到大排檔野味效果。椒鹽豆腐最失望，成碟無味！豆腐還豆腐，脆蒜還脆蒜，煮出黎既效果只係將2樣分開處理完既食材上枱前撈埋一碟。2碟椒鹽都唔野味。滷水拼盤d材料樣樣都好似賣剩既頭頭尾尾咁，又無滷水味，得個咸字。小炒皇算正常。另外，職員服務態度差，講野晦晦氣氣無尾音。食萬發都要限時交枱架？入坐果陣唔講明？見枱面d菜食得7788就叫人埋單交枱，話門口有人等位，講完就即刻伸手去收碟。如果唔係想坐耐少少，唔駛咁急交枱，其實可以食其他餐廳啦。失望到癲，已決定唔會再去！

價錢合理，大夥先唔怕嘈想要風味野好岩去個雞好新鮮整起外脆內滑同juicy整得唔錯滷水拼盤入面我最鍾意食個墨魚，好夠味如果多啲就好啦粟米魚肚羹都算好多了同埋唔味精炒蜆就差啲因為好細碟因為我哋多人食呢個黑椒牛柳薯仔粒叫咗佢話要大份啲，黎到真係勁大份同食唔哂，真心好出色因為個薯仔做到外面好脆好似有蜜汁脆皮咁，入邊又熱辣辣好粉上碟個蟮頭伸起有點嚇人，不過味就正正常常啲蝦好大隻同好多，黃金好香又唔算好咸，好好送酒

真係無比較真係冇傷害，以前都覺深水埗萬發D野都可以，經常都會同朋友去吹水食飯，但自從去咗增輝大排檔，真係先知乜嘢叫做好味⋯前日行過諗住俾多次機會佢，點知十年如一日，一D都冇進步過，返而退步咗更加多，一去不復返，真係仲差過之前⋯黃金九肚魚，外皮一D都唔夠味，魚肉有D梅，一D都唔新鮮⋯炸百花小棠菜，D蝦膠死實，好難食⋯豉椒鵝腸，D鵝腸叫做脆口，但可惜好重雪味⋯今時今日咁點做落去，怪唔之得8點鈡一半客人都冇，再唔努力應該好快報銷⋯

2個人hea晚食，叫左3個餸，1個白飯，埋單$351蚊~6點開始就冇位，特別係得2個人食，好快就冇哂細枱。- 風沙雞，食到最後啲雞皮仲脆脆地，真係唔錯!- 螄蚶，略為細粒左啲，不過份量2個食都好夠- 啫啫通菜煲，正常唔錯

相信呢到係附近幾間U嘅同學仔reU必選之地。今次亦係同幾位大同grad後重聚之選，原因：實有大枱、食物有質素、緬懷舊時光🫡😋呢到所有大排檔嘢都好有鑊氣每次必食：九肚魚、芝士脆吊桶炸得好掂，九肚魚真係外脆，肉嫩。吊桶juicy爽口，呢兩味小品小食送酒係一流。薯仔牛柳粒：直頭係招牌菜，每枱都會叫。係薯仔好食過牛柳嘅，一上枱牛油味好香。薯仔好食於粉嫩，走油後上蜜汁炒過牛柳，但入口仍然香脆。仲要我地只係叫咗中size, 8個人食都嫌多！脆皮雞：食到個個真心讚出聲，皮脆肉嫩，皮下脂肪唔多，連皮食無罪惡感🤭食物無容置疑，係可能週日，人多，佢地方又大，好耐先有店員行過落單。不過上菜好有效率，同朋友傾下計好快一餐。🫶🏻飲埋嘢，每人埋單$121，抵到爛

成班男仔聚會唔係大排檔就打邊爐，萬發係其中一間成日會去，雖然環境唔算坐得舒服但晚晚都好虛坎，服務態度就見人見智～基本上每次都必點既就一定係黑椒薯仔牛柳粒、風沙雞,每一檯必點。黑椒薯仔牛柳粒🤌🏻薯仔牛柳比例接近7:3，當然牛柳多番啲會較好，但牛柳粒算大塊，肉質唔會過韌，其實薯仔粒先最精彩同亮點，外層微脆，中間粉粉薯肉吸了牛肉和黑椒香辛，表面仲有一層薄薄蜜糖😋，朋友伴酒一流😎風沙雞🤌🏻顧名思義，風沙即係表面有一層炸蒜粒，雞皮香口，做到片脆肉嫩，加上一個秘製豉油更加出味👍🏻👍🏻夏天盡量唔好室外，不過如果多人食真係幾好聚腳點👍🏻🚩 萬發海鮮飯店 (深水埗)深水埗九江街150-152號地下#addifoodie #addifoodie深水埗#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫