茜廊餐廳 (德福廣場1期)

營業中

休息中

今晚行下德福，見到有間餐廳之前食過，Ｅ家裝修好，好似幾HIGH咁，所以想試下。餐廳裝修完好光猛，空間感好夠。座位唔太迫。肥仔又要發功了，佢叫左好多野食。串燒沙嗲(雞)(6串)$68好香雞肉味，配上少少辣既沙嗲醬，香味十足。法國鵝肝多士$68鵝肝勁大夠，鵝肝味道十足，多士好脆，仲有少少鵝肝汁流岀黎。點左兩個餐，有湯同餐飲。揀左白湯。都幾濃既，但係可以多D料。餐包估唔到幾好食，好脆身，仲要係一個包一開２，成本高架都!炭烤美國西冷牛扒配薯菜$175五成熟的西冷好鬆軟，炭烤味唔會蓋過肉味。真係估唔到百幾蚊食到咁大塊牛! 推介之選!!!炭烤特級肉眼扒配薯菜$185五成熟的肉眼扒肉味好重，都幾有嚼勁，岩岩好外脆入面Ｄ肉唔實，其實烤得幾好！餐飲，甜左小小。兩個人食左差不多$500左右，都可以再試。

裝修後第一次黎。見到隔離枱個鐵板牛扒同埋龍蝦海鮮飯好吸引，就試試佢地啦餐湯有羅宋湯同忌廉湯，配蒜蓉法包法式焗田螺 $38好多薯蓉～ 唔太油，田螺唔使自己剝殼，啖啖肉炭烤特級肉眼牛扒配薯菜餐 $185鐵板上滋滋聲～ 要咗黑椒汁做到要求的5成熟，切開肉係紅潤食落都幾有牛味，推介要食～葡萄牙龍蝦海鮮飯 $338加$28 變餐，有湯、包同野飲有開邊龍蝦同其他海鮮～ 飯好濃番茄味，酸酸甜甜。好好好好好大份！ 2-3 人share 都唔誇張，超多飯，好適宜大飯量朋友食到飽飽，要飲杯野抖抖洛神花茶 + 檸水

茜廊SIDEWALK～真係細細個就聽過，年輕拍拖來食過！以前拍拖燭光晚餐，鋸牛扒，夠浪漫吧！現在風格改變了！走年輕路線，變得燈光充足，還掛上萬勝節裝飾品。而且打通隔離鋪位，發大來做。話說今天平日，剛好豆丁放假，全家在這邊晚餐，飯後順便到英國百貨店逛逛。豆丁看到餐廳內的萬勝節掛飾，十分高興。學校或同學間，應該有提及萬勝節，都是大人細路玩樂慶祝的節日。就座下單後，先帶豆丁到附近洗手間，回來後，餐湯和餐包早己呈上。粟米忌廉湯　豆丁喜歡奶白色的忌廉湯。雜菜湯　自己喜歡菜湯，感覺較健康。脆脆餐包表面有黑色籽。不過餐包近邊緣的位置比較硬，唯有浸在湯內，讓其軟化。葡式燒BB豬配沙律       豆丁之父發現有燒豬，想要來一份。其實是一份燒乳豬脾，但也没有讓人失望。豬脾早己分件，但每件仍需要再細分，才方便品嚐。看看橫切面，豬脾的皮下脂肪在烤焗之時已流失，變為又薄又脆的燒豬皮。下刀時，無需太大力度，就可以把肉和豬骨分開，就連關節位也不硬。燒豬的精髓，就是要同時嚐到燒豬皮和豬肉啦！皮脆肉滑，只有BB豬脾才能達到這效果。BB豬配拌碟的醋汁，十分醒胃。黑松露雞肉意大利特色飯　　　　本想來一份黑松露薄餅，可是今

九龍灣 Sidewalk Cafe 裝修了好一段時間，終於重新開張啦~ 梗係要入去試吓會唔會有咩分別先~一入餐廳內，感覺比從前更光猛和開揚，坐低都舒服咗~從職員手上接過餐牌，我們主要看看晚市套餐，價格都係同裝修前唔差得好多。先來餐湯和餐包，餐包比從前大塊和香葱味，配埋白湯很醒胃。套餐除咗配有餐湯和餐包，仲有餐飲。看看枱上的東西，原來正值做緊餐酒買一送一推廣，老公梗係唔會放過機會吧~有著紅酒的陪伴，食著 法式焗田螺，份外感受到芝士的香滑又帶點焦香，而且田螺焗得很香軟可口。炭烤美國極黑牛肉眼扒配薯菜塊扒真係好巨，於熱 PAN 上淋上肉汁，已經係香噴噴。食落口肉味香濃，容易咬開，仲係好 JUICY~香煎石斑拼紅蝦伴薯菜隻蝦食落很彈牙，很鮮味，而石斑煎得非常甘香，但又不會太燶和太乾，係外脆內軟的一種。

三文治包裝太討厭雖然要環保，但九龍灣舖裝修後食品價格上調已心中有數，以前用開膠袋包裝三文治，方便又快捷。現在用那個又硬又鋒利的紙袋裝三文治，仲要不將三文治一分為二，二大片方飽中間夾左厚厚嘅餡料，又要避開那個紙邊怕𠝹損咀，又怕啲餡跌出來，現在唯有不吃三文治，其實你們整即做三文治都想多人幫襯，但呢個包裝只有趕客，請你們檢討一下吧！

晚餐來了茜廊，地方夠大算舒適，而且座位夠多不需要等位。晚市套餐都有不少選擇，由百多元至二百多元不等。有一個點了dinner set，有正宗羅宇湯發蒜蓉多士。跟套飲品選了紅莓汁，甜中帶酸好開胃，而且紅莓對身體健康。朋友點了紅豆冰，粒粒大粒有嚼口的紅豆，整體味道不會太甜，不錯。葡式燒BB豬 $188有成6大件，外皮夠脆，肥瘦適中。星州炒米西餐廳還有中式炒粉麵，辣度適中，味道不錯，足料，如果再乾身點就更好。

以前喺九龍灣返工日日經過茜廊麵包，習慣買個芝士潛艇當早餐食，食晏方便又㨂佢，久而久之對嗰度有少少情意結。間餐廳之前裝修咗一段時間，最近完工就同男朋友去幫襯下，懷緬喺九龍灣打工嘅回憶😂回憶首選牛油蒜蓉包，每人一塊，雖然冇之前咁香脆，不過上碟仲有微溫，同以前一樣都係底面沾滿左蒜蓉牛油醬，西湯至佳拍檔。紅白湯各一個，忌廉湯飲落綿滑，不過不失。紅湯夠酸，菜蔬夠多，作為前菜提胃。清酒煮蜆做法幾有趣，湯底唔似用日本清酒反而似花雕酒，上邊配左青同紅椒粒，做法食中式多過日式。主菜㨂咗西班牙龍蝦燴飯，以前冇得點，應該係裝修後既新菜式。材料豐富有龍蝦、魷魚、青口，帶子同墨魚，配埋完隻開邊龍蝦，份量超大，具體形容有4-5碗飯咁大份，兩個人完全食唔哂！龍蝦幾貼心將殼破開，唔駛好盡量咁食，略嫌龍蝦肉上放太多芝士，搶咗少少蝦蝦味。有趣係當人有人慶生，侍應走勻全場唱生日歌，再送上蛋糕，其他食客都一齊歡呼，如果有朋友生日，呢間既生日驚喜都令人幾回味。

剛畢業時曾經在九龍灣區工作，在那些年，Sidewalk Cafe已經存在，但因為人工低，覺得Sidewalk是「高級餐廳」，不敢常常去吃。現在人長大了，收入增加了，再重遊這間「高級餐廳」，不再覺得貴，反而是因為新裝修而令她格調更高尚了。 Sidewalk現在採用了全落地玻璃，加上光亮的吊燈，感覺很warm、很舒適，餐廳亦特別在餐牌上訴說了自己的故事，以及裝修的設計概念。 黑松露醬薯條 ($38) 薯條是我喜歡的粗條型，剛炸起，上桌時熱呼呼的，好新鮮；沙律醬甜甜的，散發出淡淡的松露味，不錯。 經典凱撒沙律 + 燒牛柳 ($98) 凱撒沙律加$30的話，就會加上四片燒牛柳。我很喜歡這牛柳，薄薄的一塊，肉質鮮嫰，還加上了酸瓜粒，很開胃；底下的沙律菜也新鮮，脆卜卜的很好吃。 西班牙炸BB豬 ($178) 喜歡吃西班牙乳豬，這裡也做得不錯，豬皮薄薄的，脆得像薯片；中間是一層薄脂肪，不肥膩；再下面的豬肉亦十分嫰滑，是我最喜歡的部分，吃得滿足！

是日到了九龍灣德福購物，發覺茜廊經過大裝修後，成間餐廳風格大變，非常有某A字頭餐廳一樣的優雅風格，於是和柑太幫襯。我們點了一個葡式BB豬的晚餐，再加了一份意大利龍蝦炒飯。首先上埸的是羅宋湯，湯味很濃，湯內的牛展肉煮得很軟，令湯味有很重的層次，而蒜蓉包用了芝麻包，香味非常強烈，可惜是不夠熱葡式BB豬($188)外皮極之脆口，入口Pop pop聲，而內層的肉燒得非常多汁，而且很嫩滑，醬汁帶點甜甜酸酸，沾上肉後，令肉質的味道更為鮮明，而且更滑更有味道。意大利龍蝦炒飯($338)，初初點菜時，侍應說這個飯的分量如果是胃口小的兩人，應該會剛剛好，但上菜後發覺其實分量之外，正常胃口的人亦不易吃光。飯上的龍蝦非常大，而且蝦內充滿蝦膏，用來撈飯絕對是首選，將龍蝦的蝦膏挑出來，再混和炒飯來吃實在是人間美食，而且飯煮得乾身不油膩，醬汁香而不膩，加上檸檬汁後，大大醒胃提升食欲，帶子雖然細粒但非常鮮甜，而魷魚既香且有咬口，青口和蝦亦非常之新鮮。最後餐飲點了一杯Mocka，入口有香濃的朱古力味，之後咖啡味道隨後充斥口內，雖然頗甜，但不失為一杯出色的飲品。

為好朋友慶祝生日， 梗係要食好啲啦 ，所以任得佢揀餐廳，結果佢話之前食過呢間餐廳唔錯，决定encore ，再來吃生日飯。餐廳位於九龍灣德福花園平台噴水池側，環境唔錯，入內也感覺頗清靜，不會太喧嘩，可以靜靜地談吓心。朋友生日，任得壽星女點菜，結果佢叫咗三個頭盤，兩個套餐，嘩……食唔食得哂㗎頭盤先到，係法式焗田螺、串燒沙嗲和香煎鵝肝蘋果配紅酒汁。焗田螺配上香滑薯蓉，加上少少牛油香，非常滋味。燒得香口的串燒雞肉，沾上香濃沙嗲醬，非常惹味，加上有沙律伴菜，無咁熱氣。鵝肝雖然得小小兩片，但非常甘香，配上蘋果蓉紅酒汁，味道確是一絕，如果小多士可以更香脆一點就更好了。套餐包括餐湯、餐包、主菜、咖啡或茶。羅宋湯做得頗香濃，配烘得香脆的蒜蓉多士，澳洲特級牛柳配大蝦牛柳有兩大件，冧滑有肉味，不愧為特級牛柳。大蝦大隻兼爽口，難得。配菜用蕃薯代替薯仔，葡式燒BB豬BB豬燒得皮脆肉嫩，而且肥肉不多，加上有沙律菜平衡一下，一點也不覺得油膩。呢一個勁豐富晚餐，居然可以食到清哂碟，真係奇蹟。除咗係厨師既功力之外，果兩杯餐後檸檬茶，亦佔有一定功勞嘅！

記得好細個時食過茜廊，今日行完德福，比佢個新裝修吸引左眼球，感覺同以前好唔同，變得煥然一新餐廳主打西式， 因為新開業所以暫時得set dinner，不過款式都好多選擇～我同老公二人叫左一個飯同魚，就咁睇menu已經好期待因為我哋去嘅時間都有啲夜，已經賣晒忌廉湯但我又飲唔到羅宋湯，所以膽粗粗咁問個經理有冇中湯，點知佢好窩心咁係隔離美心幫我order咗個，服務值得一讚 帶子意大利特式飯：帶子煎到8成熟，不過都幾軟滑；而個意大利飯軟硬度都算適中，整個味道屬於偏淡香煎石斑拼紅蝦伴薯菜：一上菜就比紅蝦吸引著，紅蝦真係好大隻；石班魚幾嫩滑又煎到金黃，整體來講都唔錯。甜品令我哋有意外驚喜，雖然望落分量好似好細，但味道好不錯，芝士味濃

今日和太太往九龍灣茜廊餐廳食晚餐, 我們點了葡式烤BB朱餐(包忌廉湯和蒜蓉包), 忌廉汁挪威三文魚菠菜煙斗粉、凍泡沫咖啡、清酒煮蜆和意大利芝士餅。忌廉湯熱辣辣,忌廉好香滑, 煙肉粒好香, 磨菇好彈牙；蒜蓉包咬落好爽脆, 而且包不會烘得太乾太焦, 美味；葡式烤BB朱除了主角BB朱外, 還有炒飯和 沙律菜, 炒飯炒得乾身, 好香炒蛋飯香, 蔥花帶出飯的香味, 火腿粒食落惹味, 最驚喜莫過於炒飯有蝦仁, 蝦仁好大隻食落彈牙惹味；沙律菜食落爽口, 配上千島海鮮醬食落好開胃；主角葡式烤BB朱燒得香脆乾身, 食落卜卜脆,乳朱味濃有油花, 咬落香脆不油膩,配上燒烤醬食, 十分惹味醒胃, 好美味, 好足料, 份量十足的葡式烤BB朱餐；忌廉汁挪威三文魚菠菜煙斗粉煙三文魚味道惹味, 煙斗粉熱辣辣好, 而且煙斗粉吸收了香濃忌廉汁和菠菜, 食落口感十足, 有啖啖忌廉菠菜汁味, 口感豐富；凍泡沫咖啡味道香濃, 泡沫好香好滑；清酒煮蜆上桌時清酒味香醇, 蜆食落尚算鮮甜, 個人建議如果蜆烹煮耐一點會好些, 因部分蜆未開蓋, 這是改善的地方；最後意大利芝士餅芝士味香濃, 而且食落好滑, 餅底好脆, 芝士餅配上士多啤梨

因為8號風球，有開嘅餐廳都大排長龍，為左醫肚求其揀一間食就算，見茜廊無人排隊就諗都無諗就入去星期日下午茶時段款式都幾多，連鋸扒都有得食，價錢唔貴，不過咁早鋸扒有啲怪，就叫左一份焗肉醬意粉等左大約10分鐘就有，下午茶黎講佢嘅份量都算大碟，醬汁嘅味道普通偏油，意粉質地太淋，食左半碟都已經頂唔順另外，我地點左份三文治，賣相看似唔錯，份量都幾大，餡料豐富，味道不過不失，配上沙律菜，一個人食真係有點太多食物味道都ok，不過野飲就真係好差，呢杯凍啡好難飲，無擺過飲第一啖都已經變酸環境偏嘈，枱與枱之間好貼，坐對面都好難傾到計，如果唔係無乜選擇真係唔會食

今晚陪朋友去九龍灣行街, 行到咁上下肚餓要食飯~ 佢話好耐冇食過扒, 於是我地揀左茜廊餐廳食~每人點左一個SET, SET 包蒜蓉包、紅湯/白湯、餐茶~ 我地2個都揀紅湯 - 羅宋湯.小食朋友話要鵝肝多士, 唔好講笑, 鵝肝脂香豐腴, 質感軟滑；而多士就吸收哂其油份，食落好香口!2個MAIN 有香煎羊架配意大利什菜、炭烤特級牛柳拼大蝦. 香煎羊架配意大利什菜 - 平時既羊肉都會有膻味，其實膻味主要來自脂肪!今次個羊架完全冇膻味, 而且份量極多, 朋友話好抵食!炭烤特級牛柳拼大蝦 - 牛柳要左七成熟，肉質稔而不韌，肥瘦均勻，非常滋味!而蝦肉亦非常彈牙, NICE! 最後2個餐飲我地揀左紅莓茶, 酸酸甜甜都幾OK!

今晚同朋友去左德福睇戲, 睇完就去食飯~ 估唔到9點幾都仲咁多人!一開始點左2個餐, 套餐跟一個湯同麵包 ~ 小食叫左個黑松露薯條, 粗薯條配上黑松露醬, 真係好好食, 食完一條又一條~2個主食分別有：萄式烤BB豬 、炭烤美國極黑牛肉眼扒配薯菜~萄式烤BB豬皮極肥, 咬落啖啖肉, 正~而炭烤美國極黑牛肉眼扒7成熟, 牛肉鮮嫩, 黑椒汁又香, 食完好滿足 =]整體服務、環境、味道都唔錯, 係貴左少少~ 不過下次都會再黎, 因為朋友都好中意間餐廳!