西營盤出名多野食，咁岩去完社區綜合大樓打卡就入去附近一間cafe抖下，店舖細細，坐落幾chill, 入門就聞到咖啡香，就試試佢咖啡質素 咖啡叫咗2杯，Espresso 我比較著重成杯個平衡，Milk 比例可以再好啲，奶多左少少，搶左 espresso 個味，張力唔夠可以tune好少少，layer 好快沉晒底，少少浪費左 espresso 個口感。 另一杯點咗Hojicha Latte ，坊間好多Hojicha latte都會因為甜度或者奶太多遮蓋左本身焙茶既香味，搶走曬個醇厚既味道。杯latte拿過黎偏淡色(偏白), 擔心會唔會好多奶味蓋住左,但呢個焙茶同奶既比例意外岩岩好，飲落去好香茶味係口腔散發出黎。 Truffle Mushroom Panini外層烘烤過香口得黎而又唔會太乾或者硬到咬唔到，夾住d菇同少少黑松露香同溶左既mozzarella cheese, 雖然睇落唔係好厚身但食落去足料，食完都幾有飽足感。Cheese＋Mushroom lover一定要點呀 😍 Green tea cheese cake 入口夠綿滑，奶香夠重但同時又食到抺茶既甘香，廿幾蚊呢個質素驚喜！ Brownie又係今次既意外驚喜！啱啱焗起嘅Brownie外脆內軟，甚至接近流心，再加埋少少鹽巴調味，而上面既Gelato糯口，令整體味道同層次更為豐富! 冇唸過原本唸住飲咖啡，結果食物令我地留下更深印象👍🏻

老公仲係WFH，喺屋企困得太奈，日日食茶餐廳廣東菜冇新鮮感，帶佢去食最鍾意嘅北京填鴨 住港島唔想去太遠，向銅鑼灣夠就腳揾到呢間網上評價唔差價錢合理既京滬佳餚 內部裝橫新潮精緻，座位安排亦唔會太逼狹，平日7點入咗座半滿，8點已經full咗。肚仔餓散叫咗幾個餸，原本驚張枱放唔哂，上菜時發覺佢有細心考慮食物送上次序同時間，值得一讚 岩岩所講，第一道先上炭燒熏魚，原本期待佢會係西式嘅煮法會有煙薰味，但入口發現佢係普通嘅上海熏魚，口味偏甜。 原本諗住叫星斑魚頭木瓜湯，職員細心提示分量太大兩個人未必飲得晒。建議可以轉兩碗花膠黃魚羹，湯羹鮮美清潤，有薑絲為黃魚癖腥，推介。 跟隨送上新鮮蒸起嘅小籠包，皮薄有彈性包覆性一流，湯汁夠多略嫌唔夠鮮甜。 主角終於出場✨我哋叫咗半例北京填鴨附六款配料，職員建議先是鴨皮點砂糖，皮夠趣又走脂刀功一流，入口當真香酥美味！另外蒜蓉係新式食法可以用來配鴨腿進食，因為得一隻讓咗比老公，佢表示配搭相宜大滿足！ 回歸正統食法，用餅皮包住各種配菜連新穎既紫色日本蕃薯，口感平衡得岩岩好，若要挑剔就係鴨肉稍瘦唔夠豐腴肥美唔夠脂香感。不得不讚包皮相當細心，每塊用牛油紙隔開避免黏在一起。 津白又係食上海菜必選，湯汁夠結令菜可掛湯，店家只保留娃娃菜較嫩既部分，平衝岩岩食重口味罪惡感超重既片皮鴨 最尾以擔擔面作結，menu雖然提示佢係辣，但湯汁只係麻辣冇搶喉酸性稍出，我怕辣同喉嚨痛都食，仲食得到🤣簡直在玩命 埋單兩位連加一$860，服務質素好職員又有禮食物高質，抵食！

我不是薯條 （5分脆）✨大推
佢有好多隻味道揀，而我就貪得意揀左限定草莓味，上面撒左d草莓味粉，跟草莓醬，居民然意外地夾 甜帶少少草莓酸 食落更加清新 外脆內Q(有d咬口）鍾意脆口d既可以叫7分脆，食到魚肉 芋見紫薯吐司 如果係芋頭紫薯控絕對必點，爆多餡 出面坊間有d有額外人造甜或者甜到膩，呢個絕對唔會，如果d朋友鍾意食甜既話呢個就未必岩你 香芋海鮮蝦餅 一咬落去食到綿綿芋頭粒，唔似平時食開既蝦餅， 抹茶紅豆小芋圓 紅豆同小芋圓料好多，有成1/3杯😂😂，好香抹茶味 紅茶可可珍珠奶茶（少冰） 稍甜，我自己出面飲珍珠奶茶都鍾意少甜 今次就淨係少冰，茶底幾香都唔會過甜 2位下午茶輕輕鬆鬆冇負擔，每位唔洗$100

灣仔修頓球場附近新開咗間餐廳，啱啱同朋友打完波，又唔想食five guys咁heavy，要揾地方醫肚就試試佢，每人百零蚊落樓又唔差喎 秋風起想食蟹叫咗個蟹黃拌麵，蟹黃醬油、醋同麵分開上，可以自己調校口味，可能唔係即場拆蟹，所以食落有少少腥，但係落啲醋可以中和下，可 以一試 燥燥地滋潤下叫盅燉雞湯，足料味道主次分別冇味精幾好飲 上湯娃娃菜味道清淡，比較似白灼娃娃菜 食北方野例牌叫份餃子，韭菜餃做得唔錯，皮薄餡靚 嘢飲就不過不失，呢杯陳年龍鳳檸蜜我估真材實料，舊醃檸檬味道層次豐富 兩人埋單$252，可以一試

最近轉咗去大坑住，唸住試下呢間評分唔錯既餐廳，點知激到成肚火🔥老闆（？）/店員態度極差！12點間店一個人都冇，我同男朋友2個入去比人黑哂面，想2個人打橫坐比人罵要轉翻打對面咁坐，但重點宜家一個人都冇。明白可能1點係放飯高峰期要做定準備，但唔洗罵人咁既態度⋯到落單時唔明menu 問下十問九唔應，就算覆都語氣極差，都好似同佢有仇咁，大佬成間店得我地2個跟本冇野忙。個態度咁唔休做，冇唸過價錢成百幾蚊一個餐，想食齋行出天后大把選揀，真係永遠冇下次。

同朋友2個去尖沙咀就腳輕鬆下，但又唔想勁嘈又同人逼，就發掘下樓上舖，揾到呢間barbeland 聽個名同logo你以為好girly，其實man到估你唔到 一入到去已經見到bar corner放咗林林總總既酒 四圍又佈滿party room既設備又有唱K，督波同board game，今次純傾下計冇玩到 Menu選擇多元化，有自家signature cocktail ~$100@合理價格 野食唔算多，好明顯飲酒先係主打🤣 叫咗passion maze 同 blue explorer，店員有邀請我一齊玩調酒不過我懶唔想郁🙈2杯既味道有層次但口味偏重，再淡少少會更岩胃口 口啖啖叫份和牛漢堡細細份幾好食，薯條岩岩炸起夠脆卜卜 炸魚柳就燶咗乾身咗少少，沙律菜不過不失 最重要係少人唔嘈，岩哂慢慢傾計chill下。

呢間新開張嘅拉麵鋪，係來自日本既過江龍，據聞日本tabelog有成3.4至3.6，簡直令我呢個拉麵迷心郁郁。 可能因為新開張所以冇乜人，完全唔使排隊，起碼唔洗等食等到忟🤣 拉麵都剩係得果幾款，唔想唸直接叫店員推薦，叫咗一碗白湯蜆松露鹽味拉麵，一碗特製鹽味湯沾面。 飲品選擇就好有趣，生果梳打一律$28一支 唔想叫飲品出面有個自助水吧 點餐後一個字內，沾面已經呈上，配料豐盛，稍嫌沾麵用既湯頭較細碗。拉麵同沾麵最緊要湯底，一啖湯頭入口口腔立即溢滿雞骨既味道，好飲，雖然係鹽味但你唔會飲到渴喉！雞味確實濃郁，只係上枱嗰陣都唔夠熱同杰去浸透麵底同掛湯。記住要搞勻d湯先好沾麵，唔係鹽份沉係底你會以為湯汁有d淡味。 拉麵湯底雞味相較淡口浠身，但黑松露味勁出，配料既雞肉片好重雞味 幼麵煮得岩岩好半透明質感，麵質又夠滑掛得起湯汁，果然冇推介錯 岩岩提過既果汁包裝精緻，密瓜味有d假伏伏地，但蘋果梳打唔錯，可能因為果汁濃度較高 唔夠喉叫多個枝豆，上碟暖温，一般水準。 蔬菜係烚熟一d油份都冇，非常健康，本身取材夠靘爽甜清新，平均下濃厚既雞湯拉麵。

北角出名多平嘢食，今次我哋就走咗去書局街食肆中揀中呢間小店試試。 㨂呢間係因為門口企咗勁多人，但原來全部都係等外賣，所以好似我咁堂食係直入舖頭唔洗等。店舖細細冇餐牌，款式貼哂向牆上面自己睇，記住食野要先落單俾錢。 選擇困難嘅我揀咗必食推介嘅海南雞同埋咖喱，另外因為飲品選擇有限，所以點左跟湯嘅套餐，結果發現妹仔大過主人婆！😳 海南雞飯好大份，油飯香但我一個女仔冇可能食得哂（記住揾人share 或叫少飯）雞食得出唔係冰鮮雞或者雪藏貨，有雞味之餘非常之有咬口，我估係新鮮走地雞，因為唔用冰鮮雞（繼續靠估）所以做唔到海南雞應有嘅滑嫩口感。 估你唔到嘅係碗湯超級好飲！有木瓜粟米蘿蔔豬骨等等熬製，甜度十足，正過正餐十倍😋 咖喱汁唔同平時茶餐廳嘅味道，椰香味十足幾惹味，好彩菜飯比油飯細份清得哂唔洗做大哂鬼。 因為個湯太出色啦，所以佢哋用同樣嘅湯底去煮娃娃菜，帶出咗菜既甜味，不過我低估佢地飯既份量食唔哂，但因為用盒裝，好方便可以帶走剩菜。 作為偽文青我忍唔住問店員點解用膠盒咁唔環保，佢地話膠盒係用環保物料做，而用循環餐具更怕有清潔化學品殘留影響健康，又幾有道理🤔 唔記得講，埋單有加一，total $126，為咗碗湯我會再來。

尖沙食晚飯出名多人有排排隊，同朋友走去揾樓上舖食泰菜貪佢夠就腳性價比高 入座見舖頭橫裝幾靘，真係估你唔到尖咀Apple store隔離，嗰棟舊商廈入面既餐廳景觀會咁開揚別緻👀 Menu內價錢非常相宜，走過對面港運食分分鐘變double 小食先來一份雞肉豬肉兩溝串燒，沙嗲醬香口一定要狂點，只係稍嫌串燒肉質有少少鞋身，如果可以再滑嫩juicy d 會好食啲。 椰子雞湯用燭台熱住上，同朋友兩個人分每人都飲到3、4碗，肚餓為食即上即食，發覺材料未出味，雞湯味亦冇想像中咁濃，不過後尾發覺自己太心急，應該由得佢慢慢滾出味，熄火先好飲，所以後幾碗湯係好飲過頭嗰碗。 重點推介係呢碗紅咖喱雞，雞件選用左兩件雞髀，肉質嫩滑，我覺得仲正過食串燒嘅雞肉。俺辣嘅話可以自己用匙羹撇走咗浮喺面嘅辣油先至再進食，你會食到香料既層次（包括有少少我朋友好鍾意既中藥味🤣） 而紅咖喱既絕配一定係薄餅。薄餅係即焗烤得香酥鬆脆，熱辣辣放落來浸咖喱汁都唔會變淋，你見到餅身中間既幾有層次可以充份沾上咖喱汁，最正係薄餅有椰汁味沾咖喱汁食會蓋住香料冇可避免既苦味！一份薄餅三十幾蚊有成十幾塊，咁既質素非常抵食😋 另外，出面見唔到既蝦肉豬肉多士，多人士炸得夠脆，不過豬肉涵搶咗少少蝦既味道有d可惜。 仲有好好好食到唔記得影相既蝦膏通菜，辣咗少少，唔食得辣既朋友主動放棄成碟我自己清哂🤣 飲品都好有特式！泰式檸檬茶既茶底同平時飲開既港式茶餐廳口味唔同，茶味非常之突出，有少少炒過既茶香，如果要用詞語形容下隻茶味，我覺得有少少似朱古力味🤣另外，上面浮住個波波係冰凍咗既檸檬茶，好聰明既巧思！咁樣杯茶放奈咗都唔會因為溶咗冰而變得淡味👍🏻 碟豆花青檸特飲相比之下少少失色，顏色夠靘不過味道淡咗少少 食到飽到嘔，最尾埋單係咁，一定會see you next time😋

呢間中菜開咗好一段日子，作為大角咀人嘅我咁耐都冇去試過。最有印象就係向山竹十號風球嗰陣大角咀未試過咁大風但呢間酒樓仲開。其時屋企冇買儲糧，肚仔餓嗰刻真係想冒着危險落去飲餐茶🤣終於有次屋企人唔想煮晚飯就諗起佢，試一試呢間中菜究竟係咩水準 酒樓門口有d難揾，上到發覺酒樓比我想像中細，但選擇都勁多，咁岩做緊龍躉套餐推廣，叫個來試試 一種龍躉兩種食法，都係2百幾蚊，價錢十分相宜。魚腩位用咗嚟炒西蘭花，稍嫌肉質煮得老左少少，但勝在魚肉都夠滑嫩。 魚頭連骨位多數較腥，所以酒樓另一個食法就將佢炸香，用薑蔥煮法去腥，用石頭窩承載保温，非常聰明既煮法。 作為中菜點可以冇湯水温胃？一家人食就叫咗個花膠魚骨雞腳湯，百幾蚊一盅，原本仲驚3個人夠唔夠分，點知真心足料同大兜😳 店主非常貼心將湯渣分開，可見有幾足料 雖然啲花膠唔係啲好靚嘅乾貨，食得出係雪藏花膠但係非常厚身，火喉亦夠食落漿口，分開每人都飲到2，3碗大滿足😋 稍稍唔夠喉最尾叫多份大聖子，真心靘料隻隻新鮮厚肉 睇下一隻有我手把咁大，廿零三十蚊一隻冇理由唔食，係我要求高覺得煮得老身咗少少唔夠鮮嫩 埋單連加百零二百蚊一位，下次唔煮飯再去encore🤣