茜廊餐廳 (德福廣場1期)

要講起九龍灣🍴嘅懷舊西餐廳，真係一定唔少得茜廊呢間🌟！呢間由1981年📅開業至今已經有44年歷史嘅老字號，一直以來都係街坊們❤️嘅食飯首選。佢就座落喺德福廣場1期平台🏢，交通方便🚆，而且佢哋有重新裝修所以入面設計簡潔鮮明，餐枱闊落，都幾舒服咁🛋️。跟餐嘅凍奶茶🥤，凍冰冰❄️咁飲落去好舒服，份量十足大大杯👍。佢哋嘅蒜茸包🍞勁鬆脆，金黃色🌟大大塊咬落去香味🧄四溢。忌廉湯🥣入面有火腿同粟米🌽等配料，每一口都有層次感，味道好實在，確實係好有懷舊西餐廳嘅feel😋。呢度仲有幾款經典菜式🍽️，個人首推復古戴安娜牛柳🥩配忌廉焗薯、扒茄同西蘭花🥦。呢個牛柳煮得勁軟嫩多汁💦，肉香濃郁鮮明，外面用煙肉🥓包住層次十足，配嘅忌廉焗薯🥔入口越嚼越香，西蘭花同扒茄🍅嘅清爽感平衡返整道菜嘅豐富感，食落去相當滿足😌。BBQ烤原條豬仔骨🍖配薯菜，大大條豬仔骨真係勁驚喜，🐖骨肉分明，軟腍腍咁，吸晒BBQ醬汁嘅香味，好入味🔥，加上沙律菜同薯條🍟，份量豐富好足料。最後嘅甜品係懷舊香蕉船🍌，軟腍嘅香蕉上邊有雲呢拿同埋朱古力雪糕球🍨，淋滿奶油同士多啤梨醬🍓，再加上脆皮朱古力豆🍫，每一口都充滿童年回憶，正呀😊！佢哋食物份量大🍽️、質素穩定✅、價錢親民💰，難怪能夠屹立44年而不衰，一直以來都係街坊由細食到大❤️嘅餐廳。…查看更多

「茜廊餐廳」以懷舊港式西餐風格成為街坊摯愛。餐廳充滿80年代復古氛圍，燈光柔和舒適，這次品嚐多道經典菜式，彷彿重溫兒時美味回憶。今晚我們就嚐嚐「童年回憶」餐。食物份量足，味道亦佳。最重要是價錢大眾化。鐵板西冷牛扒牛扒以傳統鐵板盛載，上桌時熱氣騰騰，香氣四溢。西冷牛扒厚切大塊，肉質軟嫩多汁，搭配黑椒汁更顯惹味。忌廉焗薯口感綿密，忌廉湯香濃順口，蒜蓉餐包烘得外脆內軟，牛油香氣十足，重現港式鐵板餐的經典搭配。手指魚柳配薯條金黃酥脆的手指魚柳份量十足，外皮炸得香脆，內裡魚肉保持鮮嫩多汁。搭配的粗薯條炸得恰到好處，外脆內軟。童年回憶特飲黑牛與白牛這兩款經典特飲，充滿懷舊風味。黑牛結合可樂與巧克力雪糕，白牛則搭配雪碧與雲尼拿雪糕，清涼爽口，瞬間喚起童年美好回憶。華都夫沙律這道美式沙律以新鮮蘋果粒、西芹粒、提子和合桃仁組成，搭配蛋黃醬拌勻，口感清爽，層次豐富。香蕉船經典甜品香蕉船，以香甜香蕉搭配三色雪糕，奶香濃郁，甜美誘人，好味！茜廊餐廳以相宜價格提供優質港式西餐，無論是食物質素還是懷舊風味都值得推薦。…查看更多

中學時期至剛剛出黎做嘢，呢間餐都會係同朋友嘅聚腳點。到而加開業都已經有四十幾年，今日就同老公食緬懷一下。餐廳地點方便，裝修簡潔鮮明，餐枱闊落，坐得幾舒服。值得一讚係職員非常有善，對每枱客人都細心講解，感覺好好。餐牌選擇非常多，好多套餐價錢都好抵，而我哋就睇中一個鐵板特級西冷配薯菜套餐，套餐包餐湯、蒜蓉包同飲品，加配小食同升級飲品都需比優惠價，重點係呢個限時優惠，買一送一。另外我哋叫左一個小食同埋甜品，然後升級一杯特飲。白酒煮藍青口：有一打青口，醬汁調味調得幾好，鹹鹹地幾creamy，整體幾好味。餐湯：羅宋湯配料多，每口都食到蔬菜；忌廉湯濃稠適中，裡面有火腿同粟米等，幾有層次感。蒜蓉包：大大塊，焗得好香好脆，幾好食。鐵板特級西冷配薯菜：西冷扒瘦均勻，口感厚實，牛味濃，分別叫左5成同7成。醬汁有5款選擇，我哋就覺得黑椒汁最好食。薯菜有椰菜花同薯蓉，食完都幾飽。蜂蜜合桃蛋糕：蛋糕質感軟棉，合桃碎脆脆，忌廉味重，甜度剛好，都幾好食。椰乳雪糕紅豆冰：椰汁味濃，紅豆幾淋，唔太甜，仲有雲呢拿雪糕，當飯後甜品食都幾好。凍檸茶：凍飲唔駛加錢，茶味可以，糖水自己加，消滯最好。…查看更多

基本上早餐都會黎茜廊買麵包，貪佢地點近公司又順路。是晚加完班，同同事傾下野，近近地就黎呢度食晚餐。晚餐主要係扒餐為主，仲好多特價餐添，買一送一嘅鐵板牛扒超抵喎，可惜同事無興一齊叫，最後各自叫左份晚餐，再加下小食share啦。⭐羅宋湯 & ⭐忌廉湯 & ⭐蒜蓉包跟餐餐湯有紅白湯選，各樣要左一客，仲有蒜蓉包添，塊包烘得香脆好食😋⭐法式焗田螺田螺肥美，仲有一大盤薯蓉，上面放左蛋液，金黃色的好睇又好味。⭐炸馬介休球原本以為得炸球，點知上枱時仲有薯條同沙律伴碟，成份小食即刻升級左，炸得好香口，一絲絲嘅魚肉好鮮味。⭐煎蛋手打牛肉漢堡肉醬飯同事主菜點了肉醬飯，塊漢堡扒雖然唔靚仔，但味道唔錯有肉香，個肉醬酸酸甜甜幾好味，仲好大碟飯，跟本食不完😆⭐特級肉眼配薯菜自己點了肉眼扒配黑松露洋蔥汁，個汁幾香口，肉眼大大塊入口軟嫩，下層有幾件薯仔同椰菜，吸左牛油好味。⭐熱檸茶 & ⭐凍檸菜凍飲唔使加錢仲好大杯，正。加埋一三舊水左右，抵食啦。…查看更多

之前德福廣場50周年嘅時候有睇過佢哋嘅介紹，見到原來當時呢一間西餐廳已經坐陣喺德福廣場，今日終於有機會嚟食佢嘅晚餐。星期五晚上，六點半過後已經差不多滿座，再過多少少甚至要等位，可見其受歡迎程度。芝士白汁焗海鮮飯 $88 （+$38配湯及蒜蓉包）而家佢哋有一個童年回憶系列，裏面嘅食物全部都係以前細個嘅時候喺西餐廳能夠食到嘅嘢，而呢個海鮮飯係其中一個。海鮮飯有唔同類型嘅海鮮，而且白汁份量好夠，啱啱好焗完出嚟好重芝士味，而且份量超多，完全食唔晒。鐵板特級西冷牛扒配忌廉焗薯 $168 （+$38配湯及蒜蓉包）講到西餐廳嘅經典，當然係鐵板扒餐，呢個扒餐塊扒超級大塊，不過就冇得揀熟成度，但都尚算肉質嫩滑。雜果賓治（套餐加$10）呢個飲品亦都係童年回憶系列嘅其中一個選擇，真係有種返咗去90年代香港式西餐廳嘅感覺。雜果啫喱 $28雜果啫喱可能已經絕跡喺香港咁滯，竟然喺呢度見到，超級驚喜，當然要試一試佢🙌🏻。…查看更多