茜廊餐廳 (德福廣場1期)

營業中

休息中

我每次夜晚上堂前都會去食下午茶6:00前orders 當係晚餐 都好飽呀！意外地，豬扒包真係好好食呀！之前有食過意粉都好好食！咖啡又好香！環境又靚又舒服！值得推介！

肚子餓了，路過和友人吃個西餐，晚上需要等位，餐廳安排有點混亂。烤豬手好味道，熱騰騰的，皮脆肉嫩。可惜三文魚粉就不好吃，跟我自己煮得一樣難食，白汁太稀，菇味亦怪，不合格。

係九龍灣附近住左好耐；經過呢間野都超過一百次！今日就黎試下，次次都見到人客幾多！ 但經過呢次晚餐，我唔會再呢個食店再出現，從此就冇我呢個客人！首先價錢貴，食物質量低我就簡單講我食左既食物第一，烤羊架羊冇羊味，街市貨色，賣成舊幾水，油尖旺普遍樓上既西餐廳，都係差唔多價錢，最重要好味。我真係諗唔到憑咩咁貴，唔通係食緊個鋪租？第二，葡式烤BB豬個名都幾吸引，諗到既係幼嫩既豬肉，一上枱，燒肉飯呀而家，188大元燒肉飯，呢一世最貴既，但我情願食街市燒肉飯，起碼個皮脆啲，有多些小咸味！仲有樣野，不得不提，蒜蓉包真係O 晒咀，有冇搞錯呀，拎街市既幾蚊豬仔包黎做蒜蓉包，食咁耐西餐廳都未能見過這樣！第一次寫食評，真係搞唔掂，倒錢落海都無咁心傷！ 呢餐5百幾蚊，加多少少食放題，韓燒，再高檔啲西餐都好過！

裝修後都無幫襯過，同朋友仔聚舊傾偈就揀咗茜廊。我大概六點攞位，當時有好多位，我就坐低等朋友到。我地食咗西冷同羊脾扒配大蝦餐湯想轉酥皮湯，待應哥哥竟然話人手不足做唔到酥皮湯聽見都O咀...個餐包有啲古怪，係一個咸豬仔切開上下兩半，味道有啲唔夾面層的蒜味。湯就有磨菇、蜆，多料夠熱因為個湯飲咗兩啖，個扒就到，我就唔飲湯住食扒先，仲驚鐵板會彈汁用紙巾圍哂...點知倒汁時係無乜反應鐵板唔夠熱朋友的西冷扒比我的熱一點，加汁叫做有啲聲雖然熱度唔夠，但味道卻比預期中好羊脾底味足！肉質又軟！隻蝦就麻麻地朋友都讚佢件牛扒好食！奇怪的是...我們不斷見到附近的扒都又大煙又炸炸聲！隔離枱位男士仲話塊扒全熟了因為鐵板太熱明顯廚房控制鐵板熱度不一整體上還可以吧！

失望服務不是很好 餐湯飲完無人收 四個吉和9和9碗一直在枱上 食物質素普通 味道跟以前不一樣 沒有保留以前港式西餐的味道最好味竟然是餐湯（羅宋湯） 蒜蓉包稍微多油價錢跟食物質素及服務不成正比 失望

今日去開九龍灣德福花園，有啲肚餓所以去食下午茶，這裡有好多選擇，但俾較多款式嘅我睇中這間，下午茶款式多，有飯有麵有包，但貴在有加一。今日叫咗雞脾薯條及皇牌豬扒包。雞脾都 ok, 但我唔多鐘意佢哋用嘅調味粉，類似印度香料味的，我最抗拒的味。而個皇牌豬扒包就真係幾好食，真係皇牌。豬扒夠厚又夠林，又大個，雖然$46,因包埋沙律都算 ok。沙律多咗啲沙律醬外都 ok的。而每個餐都包飲品一杯，埋單加埋一$92，雖然貴但都算係 ok。

今日晏左起身, 平時如果要歎早餐, 一定要趕係早上11:00前到達餐廳, 否則要食lunch 啦！！但我個人比較鍾意食早餐, 覺得比較light D, 無夠heavy !!今日去左九龍灣茜廊餐廳食早餐, 嗰度早餐供應時間到早上11:30, 晏左起身都無問題！！睇完餐牌, 我揀左英式早餐, 好似好豐富咁！！早餐有炒蛋, 蝦餅, 煙三文魚, 白菌, 扒茄, 有機沙律同格仔餅, 好多食材呀！！最後加埋杯橙汁添！！蝦餅最有驚喜, 金黄酥脆, 好好味道！！"炒蛋好滑漏！！煙三文魚同有機沙律好新鮮！！格仔餅大大塊, 甜味剛好!!一個早餐有齊沙律, 前菜, 伴菜, 主菜同甜品, 呢餐食得好full呀！！

德福咁多間餐廳今晚揀咗茜廊小食叫咗個黑松露醬薯條，薯條炸得不過不失，不過個黑松露醬就好出色，黑松露粉絲必試。叫咗兩個set dinner指定動作-羅宋湯，無甚特別，反而個蒜蓉飽有驚喜，用豬仔飽製作，坊間少見主菜1 黑松露野菌Pizza，又係黑松露粉絲必試，pizza面除野菌外就係濃厚芝士，簡單而好味。主菜2西冷牛扒，一向食開Medium，佢都做得幾好，扒心都係紅色，而且非常淋，無筋，入口口感其佳，要鋸扒茜廊都係其中一個好選擇！

茜廊喺德福已經有三十幾年, 17年裝修過後未曾去過, 星期六下午約咗fd同佢bb一齊食晏.裝修過後整間餐廳都光綫充足, 都換成透明玻璃, 令日光充分透入室內, fd帶埋bb一定要搵個闊落正位, 好在未到1點便到, 仲可以來得及坐個好位. 今次掛住同BB映相, 都無乜映 到食物, 又無記底價錢, 但羊架牛扒好大件, 上枱前先淋汁, 鐵板啫啫聲, 引起BB注意, HA HA HA.PIZZA係薄身, 做到脆卜卜, 整體比之前嘅質數提升咗好多, 第時再有朋友聚會我都會考慮過來茜廊.

之前有食過其他分店的茜廊，印象一直不錯，晚餐時間發現平時一向多人的茜廊沒人等位，就決定今晚就食你啦 被安排在牆邊位置，但坐位與坐位之間頗為迫，而且有點點焗，再加上很多人鋸扒，所以食完成身都野食味 😅點了兩個餐加小食，餐湯 - 是羅宋湯，但很辣 .....餐包 - 夠淋，再加上牛油，好食焗田螺 - 不過不失，但薯茸略為淡味烤乳豬 - 雖然是特價的餐，但沒想過只有四件，而且骨多過肉，味道是ok，但真的太少了，女仔食都唔夠 😅肉眼扒 - 夠厚身總括來說，味道是不錯，但乳豬份量偏少，不過看到隔離檯的鍋物好像不錯，有機會都會再食

早前與朋友到九龍灣血拼及吃飯，於小城知味吃飯後，離開時發現隔鄰開了茜廊，所以趁聖誔前夕，帶同媽媽來這裏開餐。 雖然人客挺多，但餐廳佔地非常大，所以，即使要等位亦不需要用上長時間。 而餐牌上的食物選擇多，價錢亦算合理，難怪門外經常出現少人龍。法式焗田螺 個人十分推介這款小食，因為田螺口感韌韌脆脆，完全沒有腥味，而且上層加入了大量薯蓉，入口幼滑，帶有濃濃的奶香味，非常好吃。 西班牙風乾火腿沙律 西班牙風乾火腿肉質幼嫩，帶有點點橡果的甘香，但又不失鹹香味道，層次感豐富，配合口感爽脆的沙律菜，以及甜美的哈蜜瓜粒粒，整個配搭都非常配合。 炭燒美國西冷扒配薯菜 西冷牛扒的賣相不錯，牛扒厚身，而且扒上可以清楚看到炭燒格仔網紋，入口除了有濃郁的炭燒香味，還有蒜容汁的香味，而牛扒肉汁豐富，入口鮮嫰甘香，非常好吃。 葡式燒bb豬配沙律菜 葡式烤bb豬只得6件，份量好像少了點，不過，BB豬的味道超讚，外層燒得非常香脆，即時放涼了，乳豬皮亦不會變淋，而內層的豬仔肉口感嫰滑，吃時咗點醬汁會更惹味。天氣轉冷，所以我與媽媽都點了冬日滋潤飲品來喝，蜂蜜菊花薑蜜一般，沒有太大的驚喜，不過，喝後非常潤喉滋潤

茜廊係我都幾鐘意既平民西餐廳，餐廳裝潢每間都唔同，但都幾靚，食物味道不俗，但又唔貴。睇下d蒜蓉包幾大塊，不過都唔敢多食，驚之後食唔落，羅宋湯味濃，忍唔住飲曬成碗。西西里海鮮意粉- 海鮮包括鮮蝦,蜆肉同青口，海鮮都好新鮮，個sauce酸甜得黎帶微辣，好味!炭燒肉眼扒-肉質好腍，經過炭燒後，肉味更香，呢個價錢黎講，收貨!呢個係新出既抹茶撻，只需要加十幾蚊就可以食到，估唔到又幾好味，抹茶味幾香濃，值得一試。

去完MEGABOX 睇戲，打算在附近搵食，但選擇也不太多，於是回去德福花園再找找看，在平台見到一間西餐廳滿吸引，晚餐就選定你了。餐牌上有不同的套餐選擇，但當天沒有PIZZA有點失望，但吃貨是不會放棄的，選其他吧。先來一客前菜，蒜蓉包+羅宋湯，蒜蓉包的蒜味不會太濃，烤得蠻酥脆。炭烤澳洲羊脾扒伴大蝦份量十足，羊脾肥的部份不多，吃起來不會太膻，肉質嫰口，大蝦肉質爽彈。烤原隻燒春雞比想像想有驚喜，雞肉滑嫰，肉汁多，吃雞胸肉也覺太乾，值得一吃。茜廊咖喱(牛腩+白飯)咖喱汁味道濃不算太辣，配上白飯一流，牛腩不會太韌，不錯。

茜廊餐廳設有不少分店，其中一家落戶九龍灣德福廣場，正好在前往MCL戲院看電影前快快填飽肚。從來也是一家平民化的西餐廳，所謂平民是指其價錢，晚市套餐由$88元的Pasta起跳，包餐湯、蒜蓉包、主菜及餐飲，食物份量頗大，能帶滿足感。炭烤特級牛柳拼大蝦 ($228): 厚切牛柳共二件，具肉感，牛味鮮香，但無炭烤風味，肉感軟腍可口。至於大蝦亦相當肥美，肉爽鮮甜。本是鐵板上，但由於鐵板太有廉價的味道，遂要求以碟上。葡式燒bb豬配沙律菜 ($188): bb豬肉質幼嫩已是肯定的事實，其富肉汁，而且經烤至外皮香脆，可謂是皮脆肉嫩。整體惹味，還配黑醋汁。New York Cheesecake: 與一般New York Cheesecake的味道相約，是我較喜歡的一款芝士蛋糕，芝士味道較為濃郁，餐後食或會感到半點膩，唯餅底不及香脆。

我信相住係觀塘呢邊既人對茜廊一定唔陌生茜廊係喺我哋好細個嘅時候已經開咗嘅餐廳但細細個成日覺得呢度好似快餐嘅感覺所以一直未想試近期朋友有同我提起茜廊重新裝修感覺唔同晒就約我去試一試今日黎到的確有刮目相看嘅感覺重新裝修之後嘅茜廊感覺唔似快餐店我地7:30去到入座率達9成將近聖誕 更推出左一啲套餐給客人選擇唔想慢慢睇餐牌嘅我就係套餐上面揀咗其中一個set除主菜外每個餐都會有餐飲、餐湯以及蒜蓉包餐湯普普通通蒜蓉包就有驚喜蒜蓉包質感鬆軟上面鋪滿蒜蓉醬拎去焗非常香口我哋叫左個鵝肝作小食＄68 有兩片食落去不過不失慢煮鰽魚扒拼大蝦有兩大塊魚扒喺度魚扒肉質比較結實大蝦煎得好香 仲有好多膏添西冷牛扒我哋叫咗五成熟但上到枱嘅時候應該都有八成起初都會驚太熟 令到肉質變‘un’食落口又唔係喎西冷牛味濃郁 肉質都幾腍二百零蚊 咁鬼厚 仲要好大塊非常抵食聖誕節未諗去邊到同人慶祝食飯呢到係一個唔錯嘅選擇