老北京 (渣甸中心)

營業中

休息中

相信好多人都好難抵抗烤鴨既美味豬仔就好鐘意食呢道北京名菜朋友之前介紹過呢間既北京菜好正宗今日就相約大食妹妹一齊去試下一去到餐廳已經好多客人好彩去之前有book位裝修同設計好有傳統中國宮廷風餐廳菜式有好多亦都好多傳統北京小吃但今日既主點係黎食烤鴨呢度係半份 份量2個人食都足夠烤鴨皮接疊好一塊塊拎起時唔會黐實晒配菜有大蔥，青瓜條同烤鴨醬烤鴨外皮香脆而且肥瘦均勻唔會太油膩將所有材料輕輕一捲就可以放入口簡單 好味 又實在另外仲點左客南翔小籠包一客有六顆大大粒 餡料亦很足我飽飽飲啖茶望住呢幅字畫彷佛自己走了一趟北京

平時好少出港島區，日日唔係番工就放工， 都冇時間好好咁explore 下有咩好食。咁岩就快聖誕節， 想同屋企食餐好啲既中餐，兩老對西餐就唔太感興趣，咁就不如搵間好啲既中菜滿足下兩老既需要啦。我同事之前去過一間上樓既中式餐廳幾唔錯，就同屋企人試下啦😋。講起北京我就即刻諗到北京烤鴨，佢亦都係呢間餐廳既主打，咁一定要狗衝了。 佢跟足傳統提供甜麵醬、青瓜絲同薄餅俾我地夾住去食。烤鴨皮外皮油亮帶脆，夾住食佢肉既比例俾出面多少少，咁樣既配搭反而更加出色。酸菜魚成日聽人講去深圳食好正，其實係香港都食到幾高質既酸菜魚喎。由於我地全部都係唔食得辣既關係，我地專登叫左小辣。本來食到咁多辣辣都嚇親，但事實上又真係微辣唔係食到出哂汗，魚夠滑唔腥唔霉，佢唔係一味酸咁樣，湯頭唔油膩又唔會有種嗆辣既feel，好鐘意佢有啲QQ 薯粉一齊，mix 埋黎食味道多一個層次。鍋塌豆腐係山東既出名菜式，佢稍微煎炸之後不斷用湯汁煮到入哂味，勾埋薄芡perfect 池。平時好少食到咁入味既豆腐，最岩攞黎送飯。

同親戚家人去嗰度食團年飯，食物質素不錯，試咗片皮鴨，糖醋魚，羊腩煲⋯⋯等往年我哋屋企人成日都去酒樓食今次想試吓新野去咗老北京，整體食物服務都唔錯唯一就係覺得店內空間太少，坐得唔係太舒服不過一定會再去食，因為食物真係唔錯

好日都唔出開港島，今日出到黎銅鑼灣都諗咗陣食咩好，上openrice見到呢間老北京原來係銅鑼灣都有一段日子，都幾多好評就上去食下啦～兩個人叫咗半隻片皮鴨，睇黎份量唔算好大，但食食下都覺得幾夠，兩至三個人都夠食！片皮鴨燒得好脆，中間有小小脂肪恰度好處，加埋大蔥、青瓜食好爽口，d皮整得好靚，夠晒薄！孜然羊肉超惹味，羊肉中層夾住小小脂肪，食落好香溜，有小小似豬頸肉口感，加埋d莞茜食其實好正。韮菜盒子，呢個一家要熱辣辣食入口，超級香！塊夾餅包住d菜仲有d菜汁，真係令人食唔停口，但係凍咗食的話麵粉皮就會變硬，味道無熱乎乎食咁香～老北京炒飯，係用老北京豉油炒，炒到粒粒分明，充滿甜醬油既香味，配埋蛋的洋蔥炒，簡簡單單一個炒飯已經好有地道北京菜既情懷～

以前起北京食過北京烤鴨之後，就一食難忘，久不久就會想再回味一下！今次同家姐去左呢間位於銅鑼灣既老北京食烤鴨！餐牌選擇幾多，可惜我地得兩個人，叫唔到太多餸菜！期待已久嘅北京烤鴨！半隻$198烤鴨份量幾多！鴨皮烤到好脆！鴨肉有肉味，又夠嫩皮，加烤鴨，加啲蔥再加醬汁，包埋一齊食！！！好正！無論皮同烤鴨既份量都好足，食完都幾飽肚！老北京炒麵$90相對一般既炒麵，呢度既麵條更有咬口，獲氣十足！除左有肉絲，仲有豆角，蘿蔔絲等！份量幾大，食完好滿足！

最近好想食中菜，食得西餐開始少少悶。食中餐特別鐘意食好難係屋企煮嘅菜。一直都好迷戀食北京烤鴨，目標係試曬香港嘅烤鴨，所以就搵左呢間試下。 北京烤鴨 烤鴨係呢到嘅主打菜，鴨皮烤得頗脆，而且有鴨油香味。唯獨鴨味較清淡，但連埋京醬一齊食， 鹹度係岩岩好。不少得係配上青瓜絲、京蔥絲 包住一齊食，餅皮以蒸籠上，令到食嘅時候都微暖。成個包住擺入口就好幸福 酸菜魚 酸味比較突出， 岩岩食落去唔太覺得辣，食食下個湯開始滲出辣味。 我地叫左小辣， 我覺得唔算辣，為大眾接受程度嘅辣。好難得個湯唔會油，我就咁飲個湯都得。魚係滑嫩，冇咩骨。 老北京炒麵 睇MENU 時候比手切麵呢個字吸引我， 麵條果然係有咬勁唔會死實實。 大蔥豬肉餡餅 味道少少近似小籠包，有滿滿嘅鮮肉做餡，大蔥味唔會好強烈搶曬D味。 鍋塌豆腐 同出面唔太一樣呢到係用炸嘅方法，外皮酥脆，但豆腐仲係滑嫩。

很久沒吃到北京烤鴨 上網看到介紹就來到老北京門口也是中式裝修裏頭除了室內區 還有室外區 適合吃火鍋的人分開就不要令室內滿是煙 挺貼心的孜然羊肉（$138）：意想之外的多芫茜 喜歡吃芫茜的我當然歡迎羊肉一點也不羶 孜然香味很好地辟走羊肉原有的羶味肉質也是蠻嫩的 不會過分烹調北京蔥油餅（$60）：表面烤得脆脆的 但不會抽乾了水分 挺有嚼勁本來餅不會過鹹 有點蔥的香味 搭着剛才的孜然羊肉不錯北京烤鴨（$198/半隻）：上菜的時候已經切好一片片 方便直接吃或包着吃肉質鮮嫩 有着鴨香 還是很有肉汁的 讚旁邊是附帶的醬料 分別有青瓜、京蔥和烤鴨醬是用來包着吃的這皮薄薄的一片 不會太厚 但也不會一包就穿而且上來的時候還熱騰騰 冒着煙 令人食慾大增這次是距離上次去北京玩久違地吃北京烤鴨挺懷念 味道挺正宗的附近也坐着不少講普通話的客人 感覺有保証 哈哈走的時候看到涮羊肉的海報 用銅鍋的香港比較少見下次來可以試試

老北京，聽個名都知係食正宗北京菜啦！黎嘅時候係夜晚6點幾，啲人都未開始入座。餐廳嘅設計都好有中國嘅風味，好似睇緊宮庭劇咁。豬肉白菜餃，睇落唔係好大隻，不過一碟就有好多隻。餃子入面有好濃嘅湯汁，菜同肉嘅比例岩岩好。食北京野點小得片皮鴨呢！片皮鴨啲皮燒到好脆，仲帶小小肉，啲肉好嫩滑。片皮鴨夾埋京葱黎食可以中和翻肉嘅油膩感，有啲人會加埋青瓜，不過我個人就唔喜歡青瓜。招牌炒麵，炒麵有肉絲同豆。個炒麵好有鑊氣，食落除左有麵之外，啲豆仲好爽，多一層口感！

今日心血來潮想食北京片皮鴨就去咗呢一間北京菜館食片皮鴨，裝修就好有北京嘅風味。當然要試吓主角片皮鴨先啦，我哋叫咗半隻$198連埋其他配料。鴨嘅份量都算多，隻鴨都笑得好香，放喺一塊薄皮上面，再加青瓜條，大蔥，再加埋秘製嘅片皮鴨醬一齊食甜甜地，蔬菜好爽口，再加埋鴨皮嘅香味簡直就係一流之後仲叫咗呢一個大涌豬肉餡餅$60有兩件，味道就同你出邊食嘅鍋貼差唔多，但係料就好足，而且豬肉餡滲透着好多肉汁出嚟，味道好濃郁。個餡餅嘅外皮都夠薄，而且煎到有啲脆口 ，味道吾錯。我哋叫埋啤酒飲每人大約$180左右，算便宜

我同老婆都好耐冇食過北京菜了，路過銅鑼灣睇下openrice有邊間有得食北京菜，發現有間老北京食京菜，於是同老婆去試下。【北京烤鴨】果然沒有令人失望，侍應一打開蒸籠，麵粉皮薄到透光，仲要熱辣辣，但食落非常煙韌，鴨皮非常香脆，而且鴨片亦帶鴨肉，厚薄剛好，加上配菜，這個好好食，鴨肉好嫩又唔"孩"口，加埋d京蔥甜醬，包埋個皮，無得彈呀。【大蔥豬肉餡餅】是兒時既回憶，好好食！肉汁流晒出黎！豬肉也不會很肥！外層煎得香脆，但內裏依然軟綿綿，豬肉餡餅用上了豬肉，香蔥等簡單的材料，亦有不錯的味道，值得推介。【炸芝麻湯圓】炸湯圓唔係好多地方有得食，外皮香脆又有芝麻粒粒係表面，令湯圓更加香，內餡是流心既黑芝麻餡料，甜度適中，令鍾意黑芝麻餡既我，食多幾粒都冇問題。

開始四周圍選購聖誕節禮物，銅鑼灣區shopping 當然最方便不過啦。行到倦倦地決定過去渣甸坊一帶搵食先。餐廳位於樓上店，裝修有老北京中國風味。餐牌款式多樣化，睇到人眼花撩亂，好難選擇！麻辣粉皮粉皮食落感覺有啲似薯粉，口感好彈牙，麻辣味唔算太突出，少少辣，而青瓜咬落爽脆，味道清甜。和菜戴帽（配春餅8張）蛋皮煎得金黃香口，低下有粉絲，菠菜，紅蘿蔔絲，芽菜，雜菌等等既蔬菜，用薄薄既春餅包住吃，春餅口感軟綿，蔬菜絲爽嫩香濃，配埋一齊食非常可口。大蔥豬肉餡餅饀餅外皮香脆，內裏豬肉饀鮮甜多汁，香蔥味令到餡餅多了份香氣，滋味十足。

今天在銅鑼灣附近放工，所以相約朋友來了老北京試一試。我們八點多來到，已經差不多滿座。我們先點了半隻北京烤鴨。北京填鴨烤得十分香，而且肉質烤得剛剛好，十分入味。外面的皮也很香脆。用薄餅卷包着烤鴨肉、青瓜、蔥、醬汁，十分滋味。我們又點了一份雞絲粉皮。雞絲粉皮十分爽口，麻醬十分多。我和朋友也搶住吃呢！我們又點了一份龍井蝦仁。龍井蝦仁果然十分足料，蝦的份量十足。而且蝦也新鮮，而且十分彈牙。最後，我們點了一份擔擔麵。擔擔麵的湯底濃郁，而且麵量也十足。少少辣，十分開胃。今天真的很滿足，下次會再來試試。

上到來幾乎滿座。年齡層偏老，似乎真的是馳名吃北京食物。首先叫了招牌北京填鴨， 上來的鴨子有光澤，令人食慾大增。加上青瓜，白䓤，漿料，和很簿很簿的皮，很易入口。好快見底。再來雞絲粉皮，粉皮精螢剔透， 加上簿簿的青瓜絲和花生胡麻漿。好味。龍井蝦仁， 很少見的一道菜，似乎無咁油，叫了一碟來試。一上來，真的只有蝦，很足本。每啖蝦伴小小汁，有茶葉和若隱若現的酒味。啖啖蝦很好味。最後，友人未夠飽，叫了碗擔擔面，擔擔面粗身，有咬口。加上肉沬，小小辛辣和胡麻漿，好易入口，又帶點刺激。食完很滿足。

放假同屋企人去食飯因為有大有細所以我哋去咗食中餐上OpenRice見到呢一間都幾多好評又有北京填鴨食就提早book左去到餐廳個裝修不俗 是日平日 人不多 環境舒服一坐低就叫咗個北京填鴨因為要差唔多30分鐘即刻整叫咗個 蔥油海蜇 不過不失螞蟻上樹，味道唔錯幾惹味但都幾辣煎白菜豬肉水餃 個底煎到脆一脆，口感十足，一碟有八隻。🤗北京填鴨上台，皮薄，皮肉分明，好正呢到既北京填鴨好脆，價錢其實差唔多，下次想食北京填鴨一定會再返嚟!🤪🤪🤪🙏🙏

好耐無食北京菜 終於book到早晚市 帶屋企人黎食😁😁深木色設計好得老人家歡心😂因為要40分鐘準備 所以一坐低就叫左片皮鴨先半隻夠2-3個人食 ☺️😒片皮鴨未上時叫左個砂鍋豆腐 開頭睇名以為係煎豆腐再煮果啲 點知原來係一碗湯😂😂😂變左食雜菜豆腐湯 味道不俗 好有家常菜感覺之後羊肉餡餅上左 店員好好咁幫我地分左一半！👏🏻羊肉唔騷 而且皮薄 多汁值得一試等左好耐 主角上場🤭🤭🤭🤭夾埋薄而柔韌嘅皮同青瓜 醬汁 係北京嘅回憶番哂黎 啖啖肉呢🙈🙈而且皮底一啲都唔肥兼香脆💪🏻