好耐之前喺佢哋嘅灣仔分店嗰度食過，記得係好食嘅，所以今次嚟到附近都揀左呢間餃子店！ 龍鳳松茸雙湯餃 $138 其實我本身係想嗌至尊松茸豬肉餃，點知一上枱嚟到嘅時候心諗點解少咗嗰碟醬嘅，問一問就知道自己原來叫咗另外一款餃子。 龍鳳松茸即係黑白松露餃子，因為我本身自己都好鍾意松露嗰陣味，所以都幾鍾意呢款餃子。餃子嘅皮好薄，入面係滿滿嘅豬肉同埋松露，一咬落去成口都係嗰陣煤氣味，真係好正 呢一款餃子係跟咗一碗湯嘅，碗湯湯好香魚味，飲落清清甜甜。 香煎軟心芝士餃 $69 芝士煎餃，外面煎到好香好脆，入邊係粟米芝士同埋豬肉。咬落去好多芝士，好似第二張圖咁樣，雖然有好多芝士，不過佢有啲粟米中和番嗰種滯嘅感覺。 感覺食煎餃好似有啲熱氣，所以仲嗌咗薏米水清熱去一下水腫 另外堂食店員仲免費請咗我哋食酸蘿蔔，唔係講笑，真係幾酸，食落好開胃。 另外旁邊仲有呢個辣菜譜醬，呢個辣菜脯醬真係唔好點太多，超級辣，平時譚仔我都可以食到小辣或者中辣，我都覺得呢個好辣，不過唔知點解又會好想繼續食

The is the worst Spanish cuisine ever!!! The calamari is super deep fired… I is so dry outside. Ox tongue, it tastes like lunch meat and it is salty. It doesn’t feel like the thick ox tongue that I expected. Steak paella. The paella tastes like Hong Kong style ketchup fried rice. And the steak is so dry. Apart from the food. We also ordered champagne sangria, and it tastes like water. We told the staff the food is not good, and they apparently didn’t want to know more, or they just get used to it. Worst dining experience I’ve ever had. Not recommended.

早幾日嗌咗外賣，拎到返屋企嘅時候都仲係熱嘅。 嗌咗全日早餐同埋火腿忌廉湯通粉，睇落都正正常常，全日早餐都好大份。 點知一食真係好鬼鹹，通粉食咗幾啖直頭食唔落。然後嘢飲都係超級甜

平時通常都係夜晚先黎廣華街呢頭食飯或者食宵夜，今次就晏奏黎。大概3pm左右，附近竟然冇乜人，餐廳唔洗排隊就可以直入。 プレミアム牛カルビ 御燒特級牛小排 $158 睇落平平無奇油脂唔算好多，不過就分布得好平均，估唔倒呢個牛小排極重牛味！加小小鹽就已經好好食喇！ 黒トリュフのジレットビーフ 御燒極上級黑松露吉列牛 $138 我加左錢要套餐，有糖心蛋，飯素同麵豉湯。 枱面上有教學教我點煎吉列牛，不過我一開始冇睇倒自己亂燒，就燒到甩皮甩骨。 後尾跟左之後，啲皮就冇再甩過。 呢個松露吉列牛比牛小扒厚身小小，外面果層皮有濃濃嘅松露味，而入面嘅牛就好淋，好好味！

呢間係外賣餃子店黎嘅，門面只有細細嘅logo一個，一個唔覺意，好容易就行過咗。 煎餃同湯餃都有，不過呢排比較想食煎炸嘢，所以一口氣就叫咗三兜煎餃🥟 煎餃嘅外貌大同小異，幾本上叫咩款睇落都係咁嘅樣。 今次分別叫咗椰菜鮮肉煎餃 6隻 $40，芝士粟米鮮肉煎餃6隻 $50，咖喱鮮肉煎餃6隻 $50 椰菜鮮肉煎餃，呢個聽個名聽落最安全，點叫都唔會錯，所以就叫咗佢啦，食落正正常常，冇乜特別。 芝士粟米鮮肉煎餃，芝士同粟米呢個配搭好好，粟米可以中和芝士嘅飽滯，而且個皮煎到好脆，令到個餃子好香口仲有芝士流出黎。 咖喱鮮肉煎餃，個人就唔係幾鍾意呢種咖喱味，因為我唔係好食印度香料，佢嗰隻味道食落超級印度，所以鍾意印度香料嘅朋友可以一戰

之前已經係尖沙咀分店食過佢地嘅牛肉麵，今次就黎左天后分店食。 牛腱牛肋條麵(套餐) $85 牛肉麵嘅質素都一如往常咁好，牛肋條同牛腱炆到好林，好入味。濃底有得揀濃度，我揀左正常，覺得已經好夠濃喇！ 套餐有包野飲，我揀左蜂蜜紅茶，唔洗加錢。 溏心蛋 $15 套餐加15蚊有隻溏心蛋，上嘅時候係原隻上嘅，我呢度係我用匙羹自己切開左。 台灣香腸 $33 台灣香腸嘅外皮煎到好香脆，唔怕口臭嘅可以配埋生蒜一齊食。 炸墨汁墨魚扒 $48 墨汁墨魚扒真係超級出色！外面炸到好香脆，但係又冇炸到乾哂，入面有大大粒嘅墨魚肉，相當足料。

之前響灣仔分店食過，覺得啲湘菜好好食，估唔到呢度上樓都有分店，所以就帶埋朋友黎左喇！ 大概晏奏兩點幾嘅時候黎，唔係好多人，而且有卡位，坐得比灣仔分店舒服。 水煮嫩牛肉 $189 水煮牛189啲大大兜，啲牛肉好嫩滑，除左牛之外，入面仲有萵筍同埋薯粉。 豬肚雞 $151 小鍋 天氣開始逐漸有秋意，所以我哋都叫咗個細嘅豬肚雞湯。一個砂鍋原煲上，有好濃嘅雞湯味之餘，仲有好重嘅胡椒味，飲落辣辣地。 鮮魚湯浸時菜 $90 食完辣嘢，仲叫咗個魚湯浸菜，清清地仲可以解一解辣。

金鳳都算係好出名嘅舊式扒房，今日就嚟咗鋸扒啦！ 見到有呢個15周年特別版嘅牛扒，貪得意，所以就叫咗啦。 套餐係包餐包，嘢飲同埋餐湯。 餐湯我哋就揀咗白湯，不過不失，同以前飲嘅味道都係一樣。 貴族牛扒，睇落都幾大塊，牛味都幾濃。 圖中係加汁之前影嘅，之後我揀咗黑椒汁，店員拎住個壺嚟幫我淋啲汁上去。 淋落去嘅時候渣渣聲，白煙冒出，一聞黑椒汁味超級香。 另外我哋仲叫咗一個雜扒餐，有腸仔火腿，雞翼豬扒同埋牛扒，樣樣都有啲，啱晒咩都想食嘅我。 呢一個我哋就冇加汁，因為本身豬扒已經好夠鹹。

今次係衝着個花膠雞湯而來嘅，果然冇令我失望呀！ 招牌濃湯花膠雞鍋 半隻 因為我哋兩個人食，所以就叫咗半隻雞 冇令我失望，一上枱倒成幾快大花膠響面頭，已經覺得好開心。 職員叫我哋飲咗湯先，轉頭再幫我哋加豬骨湯打邊爐。 個湯好濃郁，飲完之後個嘴仲會有膠質黏口嘅感覺。而啲雞相當之嫩滑！ 因為個湯真係好正，所以我哋就帶咗響鈴嚟沾湯食。響鈴吸哂啲湯汁，簡直就係一流！ 手切穀飼牛嫩肉 牛肉嘅口感好嫩滑，雖然睇落面頭好多油花，但係一啲都唔肥膩！ 牛骨髓 今次係我第一次食牛骨髓，我覺得都幾特別！ 食落好滑，有少少似豆腐嘅感覺，不過又俾佢更加絲滑 胡椒豬肚貢丸 呢個胡椒豬肚貢丸真係真材實料！胡椒味都幾重，而且仲有少少辣辣地嘅感覺！係會想再食嘅貢丸！ 打邊爐當然唔少得啲蔬菜啦！

見到呢間餐廳有好多好評，同埋就係米芝蓮嘅，所以就嚟咗買外賣啦！ 餐廳係自助嘅，右手邊有一部外賣機，響嗰度揀完之後用e payment 俾完錢之後就成功落單喇。 極黑黯然銷魂飯 面頭有兩隻太陽蛋，下一層鋪滿左五花腩叉燒，老實講呢個飯其實都幾邪惡，而且份量又多，不過啲飯加埋啲蛋汁又唔會乾，所以食吓食吓就食晒 孜然粉炸午餐肉 午餐肉超級大嚿，揸到面頭勁香勁脆，真係不能抗拒 炸糉 因為從來都冇食嗰啲咁嘅嘢，覺得幾特別，所以就叫咗喇，面頭揸到勁脆，而裏面就係軟軟嘅糯米，外脆內軟咁，都幾特別 打破咗我對傳統糭嘅感覺 古法瀨粉 湯底比較濃同埋傑身，食得出有蝦米嘅鮮味，我幾鍾意個湯底，不過瀨粉嘅質地同平時食嘅完全唔同，有少少似粉團 XO醬炒腸粉 Xo 醬超級多，不過食之前記得撈下，因為識到落底先發現原來仲有好多醬