羲和雅苑

營業中

休息中

羲和雅苑嘅片皮鴨一向出名特別佢哋嘅鴨係分開三個部位咁上，每個位嘅建議食法都唔一樣，為求凸顯唔同部位嘅獨有嘅口感😌 第一個部位係淨鴨皮，建議點藍莓醬同爆炸糖食。食落好脆好香口，醬料同糖嘅甜味可以中和鴨皮嘅油膩感，爆炸糖係口入面彈下彈下，口感好得意😂 第二個部位係鴨胸肉，建議點秘製嘅芥末醬，感覺同平時食差燒肉唔多，鴨肉嘅口感都好軟熟，唔嚡口👍🏻 第三個部位係鴨脾肉，建議點海鮮醬，跟返傳統食法包青瓜同蔥，又或者可以試下用山楂條同洋蔥代替🧐

當日同朋友慶生，朋友大推到呢間食烤鴨，所以都滿心期待，果然係值得一試😌餐廳環境坐得舒適，有啲位置介可以望到靚靚海景，而當日就被分配坐卡位。卡位都坐得幾舒服，放有小咕𠱸～餐廳裝修充滿中國古代風既感覺，有一番風味～當日👩🏻‍🤝‍👩🏽👩🏻‍🤝‍👩🏽點了：❣️烤鴨朋友有預先order~呢到既烤鴨好特別會有3種食法，上菜前，店員會好快介紹一次，另外枱上亦有卡片介紹食法~第一食法：將鴨胸皮蘸藍莓醬+爆炸糖（創新特別食法🫢食落甜甜地，脆脆地又有鴨 油香，味道唔突兀，好有新意既配搭）第二食法：鴨胸肉蘸黃芥末（呢種食法就好似平時外賣燒鵝蘸芥末嘅食法，可以食到本身既鴨肉味道，鴨肉味香濃👍🏻）第三食法：鴨腿肉包薄餅食（餐廳有提供2種食法，當然可按照個人喜好去配搭啦，我特別鍾意山楂條，酸酸甜甜同鴨肉好夾，鴨腿肉肉質嫩，都會食到滿滿鴨香）烤鴨整體不錯，鴨肉充滿香濃鴨香，肉質不會柴口，鴨皮燒得很香，色澤均勻，食落唔會過分肥膩❣️蜜汁脆芋絲好喜歡既一道小食，係似拔絲地瓜咁，會有輕微拉絲，每一條芋絲都包裹住糖，又甜又脆口，好香，食唔停🤭❣️金沙海膽蟹肉滑豆腐賣相金黃，食落有鮮甜味道，豆腐係切成一片片，質感好滑，醬汁味道煮

過江龍🐉羲和雅苑，喺內地有好多分店。香港有尖沙咀同東涌兩間分店。位於尖沙咀海港城內，坐擁最靚維港景色🌃仲有露天位，可以無遮無擋欣賞維港美景。摩登中國風裝潢，坐得舒服。🦆片皮鴨3️⃣8️⃣8️⃣半隻，堂片，分成三個部位，用熱包噴住煙熱住上💨視覺效果一流。鴨胸皮脆皮嘅部份，會建議不包餅皮，點爆炸糖💥🍬同藍莓醬🫐呢個口感的確好新奇驚喜。胸肉連皮嘅部份，會建議配黃芥辣、山楂條同紫洋蔥🧅再用餅皮🫓包住，都幾清新，可能因為黃芥辣嘅關係，有啲似食緊牛扒🥩🤣最後脂肪比較多嘅部位，就配返最經典嘅鴨醬、京蔥同青瓜🥒我自己始終最鍾情呢個最傳統嘅組合。🦪冰鎮鮑魚滷得入味，爽口彈牙，旁邊的蘿蔔非常清甜。扒魚肚，金黃色嘅湯顏色吸引，味道鮮美。🥣酥皮酸辣湯🌶非常驚喜，帶山楂嘅清香果酸味而唔係一般食到搶喉嘅醋酸味，內裡的豆腐亦非常嫰滑，推薦。芥末沙律蝦球🍤醬汁有點太多，配上米通增添香脆口感。羲和小肉卷就有點太結實😅計埋環境服務，整體還是推薦嘅！用埋openrice餐飲劵更抵🤑

突期然間好想食片皮鴨 諗住搵個少人啲既餐廳食 醒吾起有邊間就黎左呢到 😅 星期日佢地開11:30am 去到門口 佢地11:30都未stand by好都算 入到去坐低左 叫左半份烤鴨 再叫左一個菜同一個蒸飯 跟住等左15-20分鐘左右 黎左個菜 我地肚餓已經食哂 然後到左12:10分 位侍應同我講問洗吾洗幫我上左個蒸飯先 話個烤鴨要12:45先有 🙂 跟住佢同我解釋話因為啲鴨12點先送到 一般要烤45分鐘 首先 佢地無預先同我講呢個流程 我當時11:35落單時 職員都無問過我肯吾肯等個幾鐘😅 最後12:58先上到個鴨 個鴨變左甜品 個職員仲問我系咪趕時間 吾系趕吾趕時間 系你要俾人選擇囉 我選擇左等又一回事 我依家系被逼坐左個半鐘😅😅😅

我之前成日同屋企人食過幾次呢間，7月6日今日女朋友生日想黎呢間食片皮鴨，入左去諗好食咩就嗌落單，3個類似經理既女人應都唔應，見到扮見唔到，等左10分鐘先終於有人走黎幫我地落單，心諗算喇，可能人地真係忙呢🙄之後見到佢窗邊位有空位（因為個邊風景靚啲）就問下睇下可唔可轉枱坐，但係個金色長髮粉化行粧既侍應（疑似高級d) 兇神惡煞咁對我地講：「下，點解呀？有客人入緊喎］之後就走左去，其實轉唔轉得唔緊要，都係問下姐，唔洗咁既態度呀。我俾錢黎食野，唔係黎受你氣，忙係你既事，你餐廳咁既收費唔會預期係咁既用餐體驗囉！有呢d員工真係幫你老板倒米，真係唔會再黎食！！！建議如果大家唔介意餐廳態度而又一定要去呢個地方食食既話就去試下🫣保證令你難忘，海景餐廳既環境，大排檔既服務質素！

母親節飯食完後一點點comment🤡地理上有可取室內裝潢都幾精緻菜式食落就相對普通服務就唔好預太有因侍應們都不太有工作衝勁( ｰ́‎ࡇｰ̀)餐廳安排都有令人失望就算訂左位 等位時間相對比較耐不過以地利優勢價位真係唔算高🧐¯¯¯¯¯¯¯¯¯¯¯¯¯¯¯¯¯¯¯¯▰ 馳名烤鴨半隻 $388 餅皮相對比較厚身 五個人分每人食到三件左右 由於皮較厚 都好容易就食飽左鴨皮食落有酥脆感不過薄餅皮同片皮鴨上菜時間相差左了十分鐘⋯都好影響餅皮既軟硬程度同質感 片皮鴨分了三部分來享用：鴨胸皮： 食落真係最香 完全唔需要包薄餅皮放入口中兩至三秒起個口度爆炸而鴨皮係入口即溶的感覺🥹第二道係連肉的鴨胸皮 同樣不需要包薄餅食用食法係沾黃芥辣 食落微微酸中帶甜第三道鴨腿肉：建議包著薄餅用傳統食法可以加青瓜一條京蔥絲同埋甜麵醬亦可以加入山楂條、紫洋蔥同藍莓醬一齊食個人黎講最喜歡第一味鴨胸皮配爆炸糖 果種入口即溶會令人回味▰ 三色皮蛋 $78 造型相當打卡四隻鴨仔器皿裝住上多可愛 食落美味帶甜的辣不過總覺得皮蛋雪到無哂本身該有的味道▰ 松鼠桂魚 $428 同餐牌中來了點差別條然比預想的細條得多甜酸醬食落味道唔錯 魚

本來唔打算寫食評，打算就咁upload d相就算，因為懶，不過見到原來食評入面好多都比負評，咁我就寫少少我個人食完既感受！屋企人生日食飯，Book左呢間中菜，一講就知個位置，因為以前有食樓上天穴，位置正風景好唔洗多講，直接入正題，食物味道，我覺得好食嘅，特別係個花膠湯、鮑魚、鵝肝、水煮魚，蝦球、泡飯，呢幾樣野我係直接比滿分💯，真係好好食，泡飯 同水煮魚係一d我從來唔食既野，我都覺得好食，咁你就能夠理解得到有幾好食，不過我見好多負評都係講片皮鴨，我都agree係一般，名過其實，不是好差，只係冇咩特別！食物份量係多既，出乎我哋意料之外！員工係有改善空間既！整體黎計，我係會推介朋友去食！

匠心套餐2人冰鎮鮑魚彈牙嘅鮑魚配上伴碟嘅紅燒蘿蔔，蘿蔔燜得入味，天氣熱辣辣食個冰冰涼涼的前菜更開胃羲和烤鴨招牌烤鴨有三種食法，第一種鬆化嘅鴨皮點上爆炸糖，口感非常特別。第二種鬆化嘅鴨皮加上鴨肉可以點上藍莓醬加爆炸糖。第三種酥脆嘅鴨皮加上鴨肉用薄餅包上，加上青瓜絲、大葱絲同烤鴨醬，傳統烤鴨嘅食法。另一種可以用薄餅加上山楂條、洋蔥同芥末醬包住烤鴨一齊食。黃扒魚肚羲和三寶之一魚肚厚身大件有咬口，魚肚爽滑又唔會腥張氏獅子頭獅子頭肉丸燜煮得軟稔吸收咗湯汁嘅精華，濃濃嘅醬汁配上一口飯，下飯一流金沙焗大蝦用鹹蛋黃去焗大蝦，味道香濃，大蝦新鮮彈牙肉末脆黃瓜本身唔太鍾意食黃瓜，但呢道菜用肉末辣椒蒜蓉去炒黃瓜，撇除咗黃瓜本身嘅草青味，辣辣地好惹味蝦湯海皇泡飯有蝦仁粒、冬瓜粒、冬菇粒再加上脆米，鮮味嘅蝦湯去餚製燕窩紫薯燉蛋白甜度適中，燉蛋嫩滑奶味香濃追加和牛粒乾煸口蘑用蒜蓉辣椒乾煸蘑菇，和牛粒肉質細嫩，口感鬆化，每一粒依然保持內裡嘅肉汁，肉味濃郁，推介👍🏻📍羲和雅苑 (尖沙咀)尖沙咀廣東道3-27號海港城海運大廈2樓OTE203號人均消費：$700-800食物：⭐️⭐️⭐️⭐️⭐️ 環境：⭐️⭐️⭐️⭐️⭐️回頭率：⭐️⭐️⭐️⭐️⭐️

朋友生日，想食烤鴨🦆揀咗羲和雅苑 Reserve定一隻烤鴨即刻賣相精美 鴨身油亮 而且醬料同配菜不少可惜感覺只是賣弄色相 肉質很乾 而且沒有鴨香 右邊的鴨皮非常油 從未試過好似放咗一羹油落個口度的感覺 鴨胸肉就較乾，鴨腿就比較正常🥬乾隆白菜 爽甜白配以芝麻醬同吃 清新開胃🍯 蜜汁芋絲 芋絲炸得乾脆不油膩，外表裹住甜美蜜汁，令人停不下來的一道前菜🥟香煎鍋貼 味道中規中矩 也是送酒的不錯選擇🍝上湯黑松露蝦球伊麵 整個菜、汁也沒什味道。。麵質還帶點膠味，有點失望🐓宮保雞丁 雞肉不乾柴 肉汁鮮美 不過個sauce略油🥗黃扒湯浸萵苣 湯頭沒什鮮味萵苣無渣🍚櫻花蝦炒飯 略太油膩， 而且炒飯沒什香氣🐷香梅一字骨 這個。。首先沒什梅味，再吃肉時很咸。。。🥟濃湯水餃 皮略厚。。。餡和濃湯也較淡。。。🥯最後我們點了炸饅頭 上枱時嚇了我們一跳 我們從沒有吃過外表這麼恐怖的炸饅頭，應該是last order之過吧 我們都照食試吓 ，點知又係成口油。。。而且淋曬一點也不脆，比較失望

羲和雅苑 尖沙咀老實講幾失望，由佢開業到現在一直想試片皮鴨及爆炸糖，但食完後自己先得唔建議別人為左食片皮鴨食呢間，隻鴨死得好無辜….服務方面佢班員工有努力到，但成果唔理想，培訓似唔多足夠，企位走位不善，人手亦似不足以應付僱客人數，在未爆店的情況，也要叫好耐先有人知或理會到。冰鎮鮑魚：入味彈牙，作為前菜無得輸。張氏獅子頭：一個唔多結實的小肉球，唔好話彈牙，基本咬感都欠缺，感覺食咁肉泥，一咬就散晒，唯一可取係個汁幾好送飯。第一次食到咁的獅子頭。黃扒魚肚：入味魚肚彈牙，一個唔錯的湯羹。金沙焗大蝦🍤：雖然蝦肉火喉over左少少，仲算晌合格線上，金沙做得脆塊包住蝦肉，如果再加返點金沙醬汁晌上面，整體會算係唔錯，但感覺又似炸多過焗？🤔金沙魷魚：份量夠，但肉較靭有點老。小籠包：皮太厚，就算不小心夾起時跌落也不穿，湯汁也普通。平時超市急凍貨式般。片皮鴨：分三部位食，表面似好講究，但味道有少少強差人異。第一部位鴨胸皮點醬汁及爆炸糖，食法算新奇，但該部分油膩味過重，果種油法似食緊萬年油咁。第二部位鴨身瘦肉點芥末醬，第三部分鴨腿肉才用鴨卷餅的正宗食法。整體鴨肉鴨騷味重，個人覺得唔可以做招牌菜。肉末脆黃瓜：入

烤鴨懶係創新加藍莓醬同爆炸糖，但其實個味一啲都唔夾烤鴨本身亦都冇味，而且好油，普通酒樓嘅片皮鴨都好食過佢好多。所有嘢食都非常重口味，所有菜式唔係勁甜，就係勁鹹，食完個人勁辛苦。菜式非常細碟而且價錢不菲性價比極低。好似甜品嗌咗個彩虹湯圓索價$80，但嚟到只係一粒湯圓同一杯薑水，味道非常普通，完全唔明白點解要收咁貴。另外明明餐廳冇乜人等位，但依然要我哋夠鐘就趕人。服務態度很差。不建議任何人去食。請把錢洗在有意義的地方。

食左羲和雅苑既烤鴨差唔多十次，期間試過古🎹雅苑，城&美中🦆子，仲有其他酒樓既烤鴨，但都係羲和雅苑最得我心，會心思思想再食，主要係佢既食法糅合左傳統同新派食法，傳統美食得以傳承同時為食材帶黎新鮮感。作為羲和三寶之狀元——烤鴨係每次必食之選「會跳舞的烤鴨」：可以一鴨三食，第一食係鴨胸皮點藍莓醬同爆炸糖，香酥既鴨胸皮加上藍莓醬爆炸糖，微酸中帶甜又有咬口，好啱做前菜。第三食既鴨腿肉肥美鴨香濃，唔會好似好多酒樓既烤鴨有騷味脂肪會食到好膩。傳統食法青瓜絲、京蔥絲、甜麵醬，口味大眾化，好味冇得輸。個人鍾意新派食法，山楂條、紫洋蔥、藍莓醬，酸甜味提升鴨既香味。第二食鴨胸肉配酸中帶甜既秘製黃芥末，同樣係頭盤開胃菜之選。探花——獅子球以前食過，肉質嫩滑鎖住肉汁，係送飯之選。下次要試埋榜眼——黃扒魚肚😆

位置尖沙咀海港城都算少少高級地方 但不論服務 質素都達唔到標。成個場似MK場，小媽拆蟹不在話下，環境好嘈無乜心機睇海景。漏單落錯隔離枱不在話下服務奇差，唔識執台，唔識加水，更加唔識換碟。如果係茶餐廳就無乜所謂，好心收得呢個錢服務費應有嘅服務都無。叫左水煮魚，魚係新鮮，爽口，但唔入味，無乜水煮辣味。片皮鴨，食一兩舊係可以，但食多幾舊就勁油完全無食慾。荷葉飯好食，獅子頭不過不失一般般。值得讚嘅係茶好飲，但往往就唔加水，就算開哂蓋都扮睇唔到。

我去咗羲和雅苑食飯，真係好開心。啲環境好優雅，好舒服。菜式好多，真係驚喜。每一樣菜都好好味，啲份量亦都足夠。我最鍾意佢哋嘅片皮鴨，肉質鮮嫩多汁，好味。羲和雅苑嘅菜式真係好多元化，每樣菜都有佢哋獨特嘅風味。我試咗佢哋嘅片皮鴨，真係好好味，肉質鮮嫩多汁，好食。啲甜品亦都好好味，甜度啱啱好，令人回味。而且啲侍應好友善又好專業，服務好貼心。佢哋會問我哋嘅口味同埋喜好，再推介啱啱啲菜式，令我哋好滿意。整體試食體驗好好，我會推介俾我嘅親友。總括而言，羲和雅苑係一間好好嘅餐廳。佢哋嘅菜式多元化，好味，服務好專業。不論係環境定係食物質素都好出色。如果你想食高質素嘅中餐，我極力推介羲和雅苑。期待下一次再去試食。

聽聞呢間餐廳，成日都冇位！終於比我把握到一個最休閒的下午時間，遠離晚飯排隊時間人煙擠迫環境下嘗試下，我最喜愛的北京烤鴨！餐廳外面的面向維多利亞海港 ，景觀非常之好，😁對着美麗的大海吃午餐片皮鴨，是人生一大樂事烤鴨外皮烤得唔錯，每一隻眼都係顧客面前片肉放上顧客的枱上，所以夠晒熱辣辣，皮都好好脆，😁最有驚喜，特色的配合烤鴨配料特別多👍🏻有山楂，又有爆炸糖👍🏻烤鴨，聞名不如見面👍🏻可以值得一試