影片
更多
2023-05-06
2366 瀏覽
羲和雅苑 尖沙咀老實講幾失望，由佢開業到現在一直想試片皮鴨及爆炸糖，但食完後自己先得唔建議別人為左食片皮鴨食呢間，隻鴨死得好無辜….服務方面佢班員工有努力到，但成果唔理想，培訓似唔多足夠，企位走位不善，人手亦似不足以應付僱客人數，在未爆店的情況，也要叫好耐先有人知或理會到。冰鎮鮑魚：入味彈牙，作為前菜無得輸。張氏獅子頭：一個唔多結實的小肉球，唔好話彈牙，基本咬感都欠缺，感覺食咁肉泥，一咬就散晒，唯一可取係個汁幾好送飯。第一次食到咁的獅子頭。黃扒魚肚：入味魚肚彈牙，一個唔錯的湯羹。金沙焗大蝦🍤：雖然蝦肉火喉over左少少，仲算晌合格線上，金沙做得脆塊包住蝦肉，如果再加返點金沙醬汁晌上面，整體會算係唔錯，但感覺又似炸多過焗？🤔金沙魷魚：份量夠，但肉較靭有點老。小籠包：皮太厚，就算不小心夾起時跌落也不穿，湯汁也普通。平時超市急凍貨式般。片皮鴨：分三部位食，表面似好講究，但味道有少少強差人異。第一部位鴨胸皮點醬汁及爆炸糖，食法算新奇，但該部分油膩味過重，果種油法似食緊萬年油咁。第二部位鴨身瘦肉點芥末醬，第三部分鴨腿肉才用鴨卷餅的正宗食法。整體鴨肉鴨騷味重，個人覺得唔可以做招牌菜。肉末脆黃瓜：入
老實講幾失望，由佢開業到現在一直想試片皮鴨及爆炸糖，但食完後自己先得唔建議別人為左食片皮鴨食呢間，隻鴨死得好無辜….服務方面佢班員工有努力到，但成果唔理想，培訓似唔多足夠，企位走位不善，人手亦似不足以應付僱客人數，在未爆店的情況，也要叫好耐先有人知或理會到。
冰鎮鮑魚：入味彈牙，作為前菜無得輸。
張氏獅子頭：一個唔多結實的小肉球，唔好話彈牙，基本咬感都欠缺，感覺食咁肉泥，一咬就散晒，唯一可取係個汁幾好送飯。第一次食到咁的獅子頭。
黃扒魚肚：入味魚肚彈牙，一個唔錯的湯羹。
金沙焗大蝦🍤：雖然蝦肉火喉over左少少，仲算晌合格線上，金沙做得脆塊包住蝦肉，如果再加返點金沙醬汁晌上面，整體會算係唔錯，但感覺又似炸多過焗？🤔
金沙魷魚：份量夠，但肉較靭有點老。
小籠包：皮太厚，就算不小心夾起時跌落也不穿，湯汁也普通。平時超市急凍貨式般。
片皮鴨：分三部位食，表面似好講究，但味道有少少強差人異。第一部位鴨胸皮點醬汁及爆炸糖，食法算新奇，但該部分油膩味過重，果種油法似食緊萬年油咁。第二部位鴨身瘦肉點芥末醬，第三部分鴨腿肉才用鴨卷餅的正宗食法。整體鴨肉鴨騷味重，個人覺得唔可以做招牌菜。
肉末脆黃瓜：入口有少少辣，無特別賣點大路野，上菜次序亦放太後，賣相唔好睇，無影相價值。
蝦湯海皇泡飯：附送炸米，但落左反而覺得差左，清淡材料蝦菇瓜亦唔入味，淺嘗幾口唔會食得晒成碗。
黃扒湯浸萵苣：汁只有色水食唔出咩味，睇唔出佢同黃扒魚肚同一個源頭，是因為太稀關係？萵苣切條狀無煮過火保留左爽口，一般勉強合格。
燕窩紫薯燉蛋白：椰汁味重味道唔似食緊蛋白，紫薯蓉無味，整體口味唔襯，唔明紫薯蓉存在的作用。
張貼
