羲和雅苑

話說我同朋友都係大閘蟹嘅狂熱粉絲，一見到羲和雅苑有大閘蟹放題，立刻gogogo～！之前都唔知佢有呢啲offer，見到即刻心動，心動不如行動。加上我以前食過佢嘅片皮鴨，印象唔錯（廢話，如果唔係點會喺中國開咗40間分店，仲以過江龍姿態殺入香港？）時間管理我哋book咗8點session，大約等咗5分鐘入場，20:05正式坐低。任食時間係90分鐘，埋單時間係21:17——大家可以do the maths。雖然差咗幾分鐘，但老實講，對我整體dining experience影響唔大，因為重點唔係時間，而係……裝修羲和雅苑香港店由曾登上美國《室內設計》封面嘅設計團隊操刀，中式典雅融合摩登風格，再加上維港美景，真係無得輸。但可惜，食物就……食物逐樣講前菜：三色皮蛋清爽開胃，係成晚最穩陣嘅一味。湯：黃扒魚肚湯底還好，但魚肚未入味，口感偏硬，好似未夠時間煮。放題烤鴨：第一輪：仲老過我同朋友加埋嘅歲數，乾過我哋荷包，凍過我個心。如果佢攞住呢盤嘢去北京話係代表北京烤鴨，我真係驚佢會俾人圍毆。失禮人。而且烤鴨個餅皮要三催四請先送上，本身已經夠凍，等埋就更凍更乾。第二輪：有改善，至少有溫度，但同我上次食嘅片皮鴨係兩回事。可能套餐同散叫真係有分別。不過同平時比都係差d，不如烤鴨唔好做放題啦，直接每人一個portion ；起碼保持水準吖。大閘蟹（母）：佢真係可以註明只供母蟹，唔係唔得，但要講清楚。蟹嘅size偏細，可能同季節有關（小貼士：秋初蟹細，秋尾蟹肥）。第一輪唔夠熱，之後就好啲，起碼夠熱。但到last order時，我哋想叫多幾隻蟹，就話最多3隻——呢啲限制真係要講清楚。如果心痛啲蟹，就唔好做放題；直接俾每人一隻夠斤兩嘅蟹咪算囉。做放題，就要預咗有啲客係真係會食得多嘅。精品：鮑魚夠淋夠入味，值得一讚。時蔬：燕窩濃湯菜膽無燴過，似係滾水煮熟再淋湯，味道真係無乜。你可以當係點菜膽落個濃湯度食。主食：黃金蟹肉炒飯呢個真係……見好多檯都食剩唔少。我覺得唔係大家有心無衣食，而係真心煮得唔掂。醬鹹到好似UFO吸住啲飯，炒飯底又濕又黏，唔粒粒分明。我哋試過空口食、撈醬食……都救唔到，投降。甜品：朋友要咗酸奶，話好健康；我要咗薑茶湯丸——全晚最好食係佢。飲品：有汽水、有花茶，唯獨無薑茶。總結：食物方面：最好食就係鮑魚、烤鴨個青瓜絲、湯丸。其他……唔講都罷。如果做唔到，真心唔好做放題。廚房跟唔上，樓面都跟唔上。烤鴨餅皮要三催四請，食物跌 watt，完全唔係平時水平。Last order叫多幾隻蟹都好似好為難——如果咁都頂唔順，真係唔適合做放題。Service：人手不足得一個年輕女侍應同一個男侍應苦苦支撐成個區域。茶水唔熱要點蠟燭，換碟、上菜、收碟全部都係女侍應做，男侍應做輔助。差唔多8至10檯客，兩個人做，睇得出係踢曬腳。Dining Experience：麻麻哋食物唔得，服務唔夠，90分鐘好似食快餐咁。最緊要唔好阻人收工，樣樣嘢塞上嚟。明白公司可能想吸引新客，但無論廚房定樓面，都指向一個結論：做唔到放題。我係因為之前試過呢間餐廳，知道佢平時唔係咁嘅水平；但我朋友第一次嚟，三個字：永不回。建議公司：如果堅持做放題，建議自掏腰包請員工去成功嘅放題餐廳試試，睇吓而家嘅 standard 去到邊度，點樣可以更加改善。結論:明白公司搞放題係想吸引新客，呢個出發點無問題。但吸引之餘，都要顧住質素，唔好因為一時衝動而做壞招牌。我今次會的起心肝寫食評，唔係為咗鬧人，而係真心想幫大家 make the right decision。我試過，唔代表你一定要試；但至少你可以有心理準備。如果你真係好鍾意大閘蟹（母），go ahead。但 if not，真係可以考慮散叫。…查看更多

又嚟到大閘蟹既季節 見到羲和雅苑做大閘蟹片皮鴨放題又點少得我呢個大閘蟹愛好者呢~🦀一嚟到我地就即刻揀好個套餐入面既野食🍚好快就嚟左前菜三色皮蛋，磯煮鮑魚，蟹粉扒菜膽，片皮鴨同黃金蟹肉炒飯,但就遲遲未見大閘蟹蹤影原來第一轉大閘蟹都要等20分鐘，d蟹嚟到一拎上手知道佢係即蒸，因為真係好辣手依個價錢上大閘蟹都唔會要求好大隻，係bb蟹size ，膏唔多但係90分鐘放題 要20分鐘蒸一轉 每人限2隻,嚟3轉其中有2隻疑似死蟹，因為入面d膏係黑色既,即係全程食得4隻bb蟹咁既質素大閘蟹放題就差d囉其餘套餐入面既野食都ok既，磯煮鮑魚甜得嚟彈牙;片皮鴨都唔錯有鴨香味，上得都好快;黃金蟹肉炒飯做到粒粒分明整體除左大閘蟹差d之外，其餘都ok既 但其實唔洗叫佢呢個大閘蟹片皮鴨放題套餐…查看更多

我哋買咗放題之後，因為見OpenRice啲評語咁差，冇乜期望。但去到後覺得管理層可能真係有睇open rice評語，好多食物都改善咗，特別係個炒飯。我哋尋日食嘅時候，粒粒分明，醬汁唔鹹。我哋每人最後食咗六隻大閘蟹，嚟到嘅時候熱辣辣，感受到佢真係蒸返熱先攞出嚟。大閘蟹有公有乸，好平均。另外店員都好肯落單，唔覺得佢哋拖，到最尾其實有啲唔夠時間食，但我想落多一轉佢都肯寫單，只係最後我啲朋友阻止我，覺得食唔晒。不過都好認同之前嘅評語，片皮鴨應該唔好做放題，每人一客就算，起碼keep得住個招牌，尋晚嗰啲鴨又多肥膏，皮又唔脆，完全感覺唔到佢係片皮鴨……另外員工全部都超Nice，唔係扮Nice，係打從心底裏面想做好件事嗰一種狀態。感受到餐廳好努力想做返好件事。成個海港城都冇乜人行街，尋晚係星期五，真係好荒涼……不過如果餐廳們都可以提升水平，改變大家嘅用餐體驗，一定會有更多人肯留喺香港消費。…查看更多

本身好有期望去食book左8點去到 準時落單叫蟹30分鐘先上第一輪 tatol得90分鐘食 本身都算可叫到3round 一人6隻都好。一上枱啲蟹勁細隻又污糟 蟹鰓黑色既 啲蟹肉一啲都吾鮮甜 第一次食啲白膏系爽口無味既 奇怪到一個點我同朋友食左一人4隻已經吾想再食片皮鴨同其他set內既小菜 普通到無得再普通人頭加一收6百幾蚊一位😊吾會再幫襯 臨走仲要叫左個70蚊楊枝甘露拎走 難食過街邊20蚊一碗的 裏面得幾粒仔芒果幾條仔西柚 無西米難食 cp值超低～值得一提就系女staff幾nice…查看更多

海港城海運大廈二樓的羲和雅苑，佔盡地理優勢，落地玻璃外便是流動的維港畫卷。這次趁晚市到訪，刻意選了窗邊位，在無敵海景相伴下體驗新派京菜。• 酥皮酸辣湯打破傳統的呈現方式，酥皮封碗的設計頗有巧思。揭開酥皮時熱氣騰騰，湯體酸辣平衡得宜，辣度溫潤不嗆喉，酥皮蘸湯後半脆半軟的食感值得一試。• 乾隆白菜看似平凡卻見功力，白菜脆爽不軟爛，麻醬調得濃淡恰好，隱約透出芥末香氣，作為開胃菜十分稱職。• 義和馳名烤鴨 廚師桌邊片鴨時已聞到棗木香氣。鴨皮配合各種醬料的組合頗有新意，傳統甜麵醬卷餅的表現亦穩健，鴨肉柔嫩不柴，餅皮蒸籠持續保溫的細節加分。• 張氏獅子頭 以位上形式呈現，肉丸燉得鬆化入味，湯汁清鮮不油膩，送飯一流。• 宮保大蝦球 大蝦個頭飽滿，彈牙程度可見新鮮度。宮保汁甜酸微麻，辣度點到即止，更突顯蝦肉本味。整體而言，羲和雅苑在傳統京菜基礎上注入巧思，搭配維港日夜皆宜的景緻，無論是商務宴請或特別紀念日都頗具吸引力。建議提前預訂窗邊座位，日落時分的黃金光影會為這餐加分不少。📍羲和雅苑尖沙咀廣東道3-27號海港城海運大廈2樓OTE203號舖…查看更多