羲和雅苑

話說我同朋友都係大閘蟹嘅狂熱粉絲，一見到羲和雅苑有大閘蟹放題，立刻gogogo～！之前都唔知佢有呢啲offer，見到即刻心動，心動不如行動。加上我以前食過佢嘅片皮鴨，印象唔錯（廢話，如果唔係點會喺中國開咗40間分店，仲以過江龍姿態殺入香港？）時間管理我哋book咗8點session，大約等咗5分鐘入場，20:05正式坐低。任食時間係90分鐘，埋單時間係21:17——大家可以do the maths。雖然差咗幾分鐘，但老實講，對我整體dining experience影響唔大，因為重點唔係時間，而係……裝修羲和雅苑香港店由曾登上美國《室內設計》封面嘅設計團隊操刀，中式典雅融合摩登風格，再加上維港美景，真係無得輸。但可惜，食物就……食物逐樣講前菜：三色皮蛋清爽開胃，係成晚最穩陣嘅一味。湯：黃扒魚肚湯底還好，但魚肚未入味，口感偏硬，好似未夠時間煮。放題烤鴨：第一輪：仲老過我同朋友加埋嘅歲數，乾過我哋荷包，凍過我個心。如果佢攞住呢盤嘢去北京話係代表北京烤鴨，我真係驚佢會俾人圍毆。失禮人。而且烤鴨個餅皮要三催四請先送上，本身已經夠凍，等埋就更凍更乾。第二輪：有改善，至少有溫度，但同我上次食嘅片皮鴨係兩回事。可能套餐同散叫真係有分別。不過同平時比都係差d，不如烤鴨唔好做放題啦，直接每人一個portion ；起碼保持水準吖。大閘蟹（母）：佢真係可以註明只供母蟹，唔係唔得，但要講清楚。蟹嘅size偏細，可能同季節有關（小貼士：秋初蟹細，秋尾蟹肥）。第一輪唔夠熱，之後就好啲，起碼夠熱。但到last order時，我哋想叫多幾隻蟹，就話最多3隻——呢啲限制真係要講清楚。如果心痛啲蟹，就唔好做放題；直接俾每人一隻夠斤兩嘅蟹咪算囉。做放題，就要預咗有啲客係真係會食得多嘅。精品：鮑魚夠淋夠入味，值得一讚。時蔬：燕窩濃湯菜膽無燴過，似係滾水煮熟再淋湯，味道真係無乜。你可以當係點菜膽落個濃湯度食。主食：黃金蟹肉炒飯呢個真係……見好多檯都食剩唔少。我覺得唔係大家有心無衣食，而係真心煮得唔掂。醬鹹到好似UFO吸住啲飯，炒飯底又濕又黏，唔粒粒分明。我哋試過空口食、撈醬食……都救唔到，投降。甜品：朋友要咗酸奶，話好健康；我要咗薑茶湯丸——全晚最好食係佢。飲品：有汽水、有花茶，唯獨無薑茶。總結：食物方面：最好食就係鮑魚、烤鴨個青瓜絲、湯丸。其他……唔講都罷。如果做唔到，真心唔好做放題。廚房跟唔上，樓面都跟唔上。烤鴨餅皮要三催四請，食物跌 watt，完全唔係平時水平。Last order叫多幾隻蟹都好似好為難——如果咁都頂唔順，真係唔適合做放題。Service：人手不足得一個年輕女侍應同一個男侍應苦苦支撐成個區域。茶水唔熱要點蠟燭，換碟、上菜、收碟全部都係女侍應做，男侍應做輔助。差唔多8至10檯客，兩個人做，睇得出係踢曬腳。Dining Experience：麻麻哋食物唔得，服務唔夠，90分鐘好似食快餐咁。最緊要唔好阻人收工，樣樣嘢塞上嚟。明白公司可能想吸引新客，但無論廚房定樓面，都指向一個結論：做唔到放題。我係因為之前試過呢間餐廳，知道佢平時唔係咁嘅水平；但我朋友第一次嚟，三個字：永不回。建議公司：如果堅持做放題，建議自掏腰包請員工去成功嘅放題餐廳試試，睇吓而家嘅 standard 去到邊度，點樣可以更加改善。結論:明白公司搞放題係想吸引新客，呢個出發點無問題。但吸引之餘，都要顧住質素，唔好因為一時衝動而做壞招牌。我今次會的起心肝寫食評，唔係為咗鬧人，而係真心想幫大家 make the right decision。我試過，唔代表你一定要試；但至少你可以有心理準備。如果你真係好鍾意大閘蟹（母），go ahead。但 if not，真係可以考慮散叫。…查看更多

海港城海運大廈二樓的羲和雅苑，佔盡地理優勢，落地玻璃外便是流動的維港畫卷。這次趁晚市到訪，刻意選了窗邊位，在無敵海景相伴下體驗新派京菜。• 酥皮酸辣湯打破傳統的呈現方式，酥皮封碗的設計頗有巧思。揭開酥皮時熱氣騰騰，湯體酸辣平衡得宜，辣度溫潤不嗆喉，酥皮蘸湯後半脆半軟的食感值得一試。• 乾隆白菜看似平凡卻見功力，白菜脆爽不軟爛，麻醬調得濃淡恰好，隱約透出芥末香氣，作為開胃菜十分稱職。• 義和馳名烤鴨 廚師桌邊片鴨時已聞到棗木香氣。鴨皮配合各種醬料的組合頗有新意，傳統甜麵醬卷餅的表現亦穩健，鴨肉柔嫩不柴，餅皮蒸籠持續保溫的細節加分。• 張氏獅子頭 以位上形式呈現，肉丸燉得鬆化入味，湯汁清鮮不油膩，送飯一流。• 宮保大蝦球 大蝦個頭飽滿，彈牙程度可見新鮮度。宮保汁甜酸微麻，辣度點到即止，更突顯蝦肉本味。整體而言，羲和雅苑在傳統京菜基礎上注入巧思，搭配維港日夜皆宜的景緻，無論是商務宴請或特別紀念日都頗具吸引力。建議提前預訂窗邊座位，日落時分的黃金光影會為這餐加分不少。📍羲和雅苑尖沙咀廣東道3-27號海港城海運大廈2樓OTE203號舖…查看更多

片皮鴨 ($388)
相中嘅片皮鴨皮脆得像薄薄嘅糖衣，肉質嫩滑，配埋甜麵醬同薄餅一卷，啖啖香脆帶點油潤，鴨皮同麵餅嘅焦香混雜，食落去滿足感爆棚！旁邊有條雕花小蘿蔔作裝飾，精緻得像藝術品，啱晒同朋友分享大啖！🥟 (4.5/5星)獅子頭 ($96)
相中嘅獅子頭肥而不膩，肉丸大到碗邊，表面光澤油潤，咬落去肉汁滿瀉，暖心之選。增咗啲清香，份量夠晒一飽口福！🥄 (4/5星) ·宮保大蝦球 ($178)
相中嘅宮保大蝦球蝦肉鮮嫩，裹住一層香脆外皮，配花生碎同乾辣椒，微辣帶甜，醬汁濃郁但唔油膩，蝦球彈牙同花生嘅香脆完美融合，食落去開胃又下飯！🌶️ (4.5/5星)• 龍仔櫻花海味蒸飯 ($168)
蒸飯用櫻花蝦同海味炊製，飯粒粒分明，帶海鮮鮮味，上面有幾粒龍蝦籽作點綴，色澤粉嫩，食落去清香撲鼻，配菜式時特別襯口，份量適中又養眼！🍚 (4/5星)…查看更多

大家千祈唔好中伏join佢個大閘蟹加片皮鴨放題，勁搵笨！以下係幾個中伏位：1. 佢個放題本身跟左一set無得任食既菜式which is fine，但係佢個主食炒飯到我地last order個陣都未上，到上左之後我地話想打包，佢地又唔比。大佬係你地自己遲上啲野食，你碟炒飯又唔係任食，點解唔比我地打包呢？我地既著數位係邊？2. 一坐低個侍應已經同你講啲大閘蟹係即叫即蒸同埋每次最多嗌兩籠（一籠兩隻蟹），美其名新鮮蒸比你，但其實係一啲都唔合理。你去食放題/自助餐，佢所有野都係即叫即整既話你真係食條毛。我地坐低大約15至20分鐘之後先有第一set蟹，食完再落單之後等到last order都未有第二set蟹，佢啲蟹仲要好細隻，三兩都唔知有無。最搞笑係last order個陣我地話我地唔知幾耐之前嗌個兩set蟹未到，而家last order喇，比我地加多set蟹，個侍應竟然懶好心咁話我地未必食得切⋯係我地食唔切定你地蒸唔切呢？你地搞清楚好喎3. 片皮鴨加單佢地剩係比碟鴨我，啲鴨等到凍晒都未有皮，係咪又係即叫即蒸？你地唔等我地落單先開始養隻鴨？我未試過食放題係中間有15至20分鐘時間係無野食，其實你地唔想蝕底大可以唔做放題，無必要搞到自己間餐廳咁cheap…查看更多

訂咗八點兩位7:55分到，叫個支客個支客都唔會理你，終於8:10入座8:13落完單，8:15片皮鴨到，凍的。跟住嚟緊20分鐘都係要食佢強迫嗰啲食物，有強烈感覺好似食緊三餸飯嗰啲餸一樣，同一個汁淋喺啲紹菜同埋炒飯上面。8:45第一蟹到每人兩隻，侍應話蒸蟹要20分鐘。9:08落單第二輪蟹每人兩隻。9:18侍應過嚟話last order。只可以落到一次單每人兩隻。成晚總共只係每人食得六隻就叫放題以後都唔會嚟食。…查看更多

✨今次分享我們的食評在尖沙咀羲和雅苑吃大閘蟹和皮片鴨，大閘蟹和皮片鴨是任食的。我們很幸運獲餐廳安排坐在窗邊的位置😆可以一邊看着維多利亞港的景色，一邊吃大閘蟹和片皮鴨🦀🥰✨️除了大閘蟹和片皮鴨任食外，放題套餐還包括前菜:「三色皮蛋或乾隆白菜」，我們選擇了三色皮蛋。之後，有湯羹就是黃扒魚肚(花膠)。再者，精品:「磯煮鮑魚或清洒鵝肝或金沙大蝦球或芥末沙律蝦球或蟹粉扒菜膽」(四選一)。主食方面就是黃金蟹肉炒飯。甜品就是二選一，老北京奶皮子酸奶或薑茶湯丸，飲品就是汽水或青檸梳打 (二選一)✨️一入座餐廳已經自動幫我們每位人頭點兩隻大閘蟹，每人一份片皮鴨😆大閘蟹清蒸需時二十分鐘，大閘蟹每隻膏也不同，有些多膏有些少膏，每次落單每人上限兩隻。最後落單就比我們每位落三隻。多膏的大閘蟹好好味😆啲膏好黃肉，最靚果隻會痴膏，漿口🤭個人吃蟹心得就是最好就先食乸，嗰時乸嘅膏最軟熟。到重陽節時，公乸都成熟，兩者都好靚，好多膏。✨️片皮鴨就好瘦，不過食幾件都會好快飽🥳所以要留肚食其他先。例如前菜三色皮蛋每人一隻，大大隻。最好吃是磯煮鮑魚，大隻大片，淡淡肉，切左幾片，好鮮味。之後花膠湯濃味又大隻😆炒飯是黃金蟹肉好炒到好食。最後甜品要吃薑茶湯丸，食完大閘蟹飲薑茶好舒服🤭😍📍羲和雅苑📍尖沙咀廣東道3-27號海港城海運大廈2樓OTE203號舖…查看更多

約咗屋企人去食點心放題，去到尖沙咀分店，一入去已經被壯觀嘅無敵維港海景吸引，而且舖頭入邊大部份都係落地玻璃，環境舒適，阻住食點心，在望住咁靚嘅維港景，非常寫意👍片皮鴨片皮鴨都算幾有鴨味，再加上有輕微少少鴨嘅蘇味，顯得鴨肉更有風味，而且鴨皮非常乾身鬆脆＂加埋蔬菜餅皮一齊食，非常鬆脆好味😋春卷乾身，而且非常鬆脆，完全食得出唔係放咗好耐先至攞出嚟俾人食嗰啲點心，似係新鮮製造👍我哋仲買咗叉燒包蝦餃、牛肉燒賣、排骨，基本上全部都好鮮味，而且醬料落得唔係好多，所以材料應該質素唔錯，唯一缺點就係蝦餃嘅皮有啲厚整體性價比都好高，每人落樓好似大概$200左右就食到咁多嘢，已經計埋+1 ，絕對係下午茶聚會嘅首選地方，而且係市區又方便…查看更多

今日同一家人出嚟聚餐 梗係揀食中菜最開心 你都海港城呢間羲和雅苑 一入去餐廳就好舒服 望住無敵維港海景🌅天氣涼啲嘅話坐喺出面都得🤩馳名烤鴨🦆呢個注定係佢嘅招牌菜 師傅會喺你面前切 有鴨胸皮 鴨胸肉 鴨腿肉 再配上啱晒打卡嘅八寶盒 佢哋都會教你點樣配搭食 令我印象最深刻嘅一定係鴨皮配爆炸糖 好有創意 口感十分有趣😳宮保雞丁🐓呢個絕對係我片皮鴨之後嘅大推 呢碟宮保雞丁外皮微脆 入面仲好嫩滑 醬汁甜中帶辣 好開胃！一品賽蟹黃🦀個名好勁 睇落同食落都冇令人失望 滑溜溜咁 仲有淡淡蟹鮮味，撈飯一流籠仔櫻花蝦海味蒸飯🦐櫻花蝦同海味滲入飯度 每啖都好有鮮味 飯粒分明 唔會太乾或者太爛 帶少少竹香 好有風味！整體嚟講都好滿意 望住海港城中菜 呢個價錢絕對合理 適合一家人過嚟聚餐！🧑‍🧑‍🧒‍🧒羲和雅苑 (尖沙咀)尖沙咀廣東道3-27號海港城海運大廈2樓OTE203號舖…查看更多

前菜先上了山楂汁淮山，去皮的淮山切成勻稱長條，瑩白如玉，裹著透亮的山楂汁。夾起一根，入口先是山藥條的粉糯清甜，帶著微妙的脆感，隨即被山楂的微酸裹挾，酸甜交織著消了膩，倒叫人胃口大開。主菜的炒羊肉香氣先一步鑽進鼻腔，羊肉切得薄厚剛好，裹著蔥姜的辛香，嚼起來嫩而不柴，帶著炭火炙烤般的焦香，油脂香混著孜然粒的味道，每一口都夠勁。而後是重頭戲片皮鴨，店家竟有三種做法。第一種最是驚艷，鴨皮烤得像薄脆般，筷子輕碰便簌簌作響，入口那“咔嚓”聲格外清脆，酥到骨頭都帶著香；第二種稍斂鋒芒，脆感依舊鮮明，卻多了層油潤的豐腴；第三種是恰到好處的溫和，脆度適中，更襯得鴨肉的鮮嫩。無論哪一種，連皮帶肉裹進薄餅，抹上甜麵醬，塞進蔥絲黃瓜，都是滿口鮮香。窗外是無垠海景，浪濤輕拍岸堤，天光與海水交融成一片溫柔的藍。抬眼是海風拂過的愜意，低頭是齒間流轉的滋味，從開胃前菜到層次豐富的主味，味覺與視覺在這一刻完美相擁，每一口都成了刻在記憶里的滿足。…查看更多

首次同朋友去食，大家總結如下評論：1）環境寧靜舒適，座位空間足夠，但空調不足2）主菜片皮鴨乾身，唔夠熱，肉質偏硬，但醬料配菜夠多3）酸菜魚魚片不新鮮（朋友在此食過不是這樣的）依價錢性價比 完全中伏！ …查看更多

今日同家人用網上平台優惠試佢地既90分鐘放題，點知一入門口個reception 已擺出一款不想招呼既樣子，仲要當時入座只得兩三枱客，佢竟然安排我地坐最近入口位置，又熱又焗的，都算啦，我地叫左一份片皮鴨食，家人覺得肥，叫店員換過一份，換左出黎都是一樣，食物欠佳令到我同我家人都有不愉快既心情，再加上詢問店員下單既時候是否用marker 寫落膠牌上（當時枱上只得一塊大張既膠既貼心紙，而喺counter 既阿姐同另一位女職員都沒人回應，我心諗這是待客之道嗎？難怪宜家甘多香港人北上消費，我想這間店要在海港城長做都應該⋯⋯⋯祝他好運吧！…查看更多

約咗同學食飯，我同學神秘一路都好想試呢間嘢咁我一路跟住佢行，約咗喺尖東站等，行咗好耐好耐好耐終於行到去呢間嘢，環境真係幾唔錯嘅，因為仲係下午茶時間，餐廳唔算多人，咁好啦叫嘢食啦，其實我不嬲都好鍾意食片皮鴨，真係有驚喜喎原來配搭爆炸糖真係好得意不過價錢唔算平，真係食個環境同服務…查看更多

今晚品嚐了三道經典菜式，每道都令人回味。**片皮鴨**外皮酥脆如紙，油脂豐腴卻不膩，師傅刀工精準，鴨肉薄切均勻，搭配甜麵醬與青蔥，捲入薄餅中，一口咬下，層次分明，鴨香四溢**蔥爆羊肉**鑊氣十足，羊肉片嫩滑無膻味啊 大火快炒鎖住肉汁，京蔥段爽脆辛香，醬汁濃郁帶微甜，完美襯托羊肉的鮮美，佐飯一流。 壓軸的抄飯掀蓋瞬間香氣撲鼻，油潤滲入米粒，飯底焦脆如鍋巴，拌入豉油後鹹香誘人整體而言，三道菜火候與調味俱佳，傳統風味中見功夫，唯價格略高，偶爾犒賞味蕾無妨。餐廳環境寬敞 有海景 心曠神怡 和一班朋友聚餐好開心 服務態度好…查看更多

今日2025年5月8日，我一家六人嚟到叫咗四個餸， 分別係小籠包，酸菜魚，濃湯雞煲同片皮鴨。首先食物質素麻麻但收緊一個貴價餐館嘅價錢，係食到有啲炆炆地個隻feel。其次係服務態度，店員服務屬唔友善，最燥係上緊濃湯雞煲個陣，時間係21:10，成枱嘢食都未食完仲上緊餐，有個短頭髮嘅女職員就已經擺張單埋嚟叫你埋單，個陣我都仲未飲湯就好似趕客咁。不論係用餐體驗和食物質素，完全用嬲同差勁嚟形容。埋單二千一，強烈建議唔洗嚟食，食完條氣唔順，以為去咗澳牛同九記🤬🤬🤬😡😡…查看更多

今天我們來到了位於尖沙咀海港城的羲和雅苑，這是一家以精緻京味料理聞名的中菜廳。餐廳的裝潢充滿現代中式風格，設計細膩而不失優雅，讓人感覺舒適放鬆。由於我們的用餐安排在包廂內，私隱度相當高，非常適合商務聚會，讓我們能夠在輕鬆的環境中享受美食。我們選擇了特快午市商務兩位套餐，首先上桌的是和風田園沙律。這道前菜由新鮮的蔬菜、車厘茄、脆片和酸甜的醬汁組成，口感清新，十分開胃，讓人感受到春天的氣息，為接下來的菜餚鋪陳了良好的基礎。接下來是濃湯花膠雞煲。這道湯品的湯底金黃濃郁，花膠的口感軟糯而有彈性，雞肉鮮嫩多汁，膠質豐富，滋補養顏，無疑是一道暖心的佳餚。這碗湯品不僅暖胃，更讓人感受到滿滿的幸福感。張氏獅子頭則是這頓飯的亮點之一。肉質細膩，入口鮮嫩多汁，濃郁的醬汁完美地滲透每一絲肉香，讓人垂涎欲滴。搭配白飯，濃淡相宜，回味無窮，讓這道經典的家常味道得到了升華。宮保雞丁的表現同樣出色，雞肉鮮嫩，花生香脆，乾辣椒與醬汁的完美融合，讓這道菜的層次更加分明。甜中帶辣，口感豐富，尤其是京蔥的加入，讓整道菜更加有趣，是經典川菜的極致呈現。然後是上湯蝦球伊麵，湯汁鮮甜濃郁，蝦肉質嫩滑，伊麵吸滿湯汁，口感細膩而富層次。海鮮和麵食的完美結合，令人一口接一口，完全停不下來。最後，甜品楊枝甘露為這頓飯劃上完美的句號。這道經典港式甜品清甜爽口，芒果香濃，西柚的微酸平衡了甜度，椰奶滑潤濃郁，果肉新鮮多汁，層次分明，令人愉悅。總括來說，羲和雅苑的服務態度良好，加上壯觀的維港景觀，整體用餐體驗非常愉快，讓人不禁想要再次光臨。這裡的每一道菜都展現了廚師的用心與技藝，無論是商務聚會還是家庭聚餐，都是一個值得推薦的選擇。…查看更多