羲和雅苑

營業中

休息中

好耐之前已經同朋友試過呢間片皮鴨好食, 最近另外一位好朋友又想食, 我當然介紹佢黎呢間食啦! 餐廳位於尖沙咀LCX近海邊位置，有室內和室外用餐, 今次因為下雨, 就坐室內。如果天氣好, 日頭同夜晚都有個靚景陪伴一齊用膳呀, 超正! 呢到環境舒適, 很欣賞佢既藝術圓形設計隔開餐桌之間~*馳名烤鴨 （半隻）烤鴨即叫即燒，會係客人席前展現刀工, 一邊切片見到熱氣上升, 熱辣辣的烤鴨十分吸引。還包括了八寶盒配料及薄餅一份, 薄餅都好多塊。一鴨有三種吃法，脆鴨皮、鴨腿肉及鴨胸肉，首先加了爆炸糖的脆鴨皮吃法特別，食落甜甜地, 不會感到油膩。建議要快食, 因為爆炸糖接觸到水份好快會變硬呀。薄餅皮皮薄, 小小煙韌, 夾埋鮮嫰鴨肉, 醬汁和配料, 味道好有層次, 口感豐富! 鴨腿肉就可以點芥末來吃, 刺激味蕾! 個人就比較喜歡傳統吃法，不過同一時間又可以吃出三個不同味道, 又十分滿足開心, 哈哈!*松子桂魚松子桂魚賣相已經很吸引, 魚身炸到香脆可口, 魚肉好滑, 加埋酸甜醬汁, 十分開胃, 又係一味送飯的好餸~*金沙海膽蟹肉滑豆腐 $168海膽蟹肉好鮮甜，份量比預期多, 再配上滑滑的豆腐，送飯真的一流,

黃昏時間嚟到，呢度環境好靚，睇住個鹹蛋黃（日落），呢個晚餐相當滿足桂花烏龍茶這款茶香氣馥郁，桂花的芬芳與烏龍茶的清香結合，茶湯色澤金黃透亮蟹肉燕窩羹口感滑嫩，養顏健康馳名烤鴨師傅係面前即場原隻燒鴨切比你睇，睇得出師傅功架十足，燒鴨金黃酥脆鴨胸皮薄而脆，配上爆炸糖食令口感更豐富，令人驚喜鴨胸肉肉質柔軟、鮮嫩多汁，而鴨腿肉則更加豐滿，肉質柔軟，充滿油脂的香氣，配上甜麵醬、葱絲和青瓜，口感層次分明濃湯酸菜魚這道菜以新鮮的桂花魚片為主料，搭配酸菜、薯粉等湯底濃厚香滑，酸爽可口，湯底鮮中帶點小辣，忍唔住飲多幾啖。魚片在湯中煮至剛好熟透，保留了魚肉的鮮嫩。京式小籠包小籠包皮薄餡多，餡料由新鮮豬肉和湯汁組成，蒸熟後的包子透出誘人的光澤，吃上一口，湯汁瞬間在口中爆開，肉香四溢，搭配醋更加提味。

同朋友慶生揀咗一間位於尖沙咀嘅中式餐廳。呢間餐廳唔單止環境優雅，仲可以望到海景😍🌟馳名烤鴨（半隻） $388呢間不嬲都係出名食片皮鴨，一場嚟到梗係要試吓啦😆 廚師會喺你面前即場製作片皮鴨，過程非常專業同有觀賞性🫶🏽片皮鴨皮脆肉嫩，一啖咬落去，鴨皮嘅油脂好香同鴨肉嘅唔嚡😆傳統嘅片皮鴨通常只係配京蔥同甜麵醬，但呢間餐廳就玩出新花樣，除咗傳統嘅配搭之外，仲有青瓜、芥末醬、甚至係爆炸糖！冇錯，係爆炸糖😋初初聽到嘅時候我都覺得好奇怪，但試過之後，真係覺得好過癮😆爆炸糖嘅喺口入面卜卜卜卜咁跳🤣🤣食落去有種意想不到嘅層次感，完全打破咗我對片皮鴨嘅傳統印象🌟🌟撈汁海蜇花 $128呢道菜係由店員推介嘅😆係一個凍食開胃菜，酸酸辣辣嘅汁撈住爽口嘅海蜇花，嗰種爽脆嘅感覺都有幾個層次，介乎係食海蜇加埋雞軟骨口感嘅感覺😋海蜇本身冇乜味，所以佢調製嘅酸汁係好開胃得來好惹味👏🏻🌟🌟宮保大蝦球 $178蝦球炸得外脆內彈牙，而且蝦球嘅size真係好大隻！宮保醬汁嘅味道好惹味，帶少少辣，但唔會太刺激🫶🏽除咗乾辣椒之外，配料仲有京蔥同花生，一律俾我哋食晒🤣⭐️張氏獅子頭 $48@1位我哋叫咗兩客，獅子頭嘅肉質軟淋，介乎有啲糊，

去咗尖沙咀一間有海景嘅高級中菜餐廳，成個體驗好滿意，地方高級又私隱度夠，感覺好適合傾生意或者慶祝場合。半隻片皮鴨呢道菜可以話係全晚嘅亮點！！鴨皮烤得勁脆，薄薄一片，唔會有多餘油膩感，而且佢仲有個「爆炸糖」，食嘅時候係有種脆口又帶驚喜嘅效果，非常特別！ 整個片皮鴨嘅擺盤都好精緻，最特別嘅係一上枱我哋見到有個小枱仔喺旁邊，仲有個轉盤，但一開始唔知嚟做咩用，後來先知係俾我哋擺唔同嘅醬料用嚟轉嘅！佢嘅醬料選擇超多，真係可以滿足唔同口味。配料方面，平時去食片皮鴨最怕就係啲青瓜、京蔥成日唔夠要refill，但呢間餐廳就完全唔吝嗇，啲配料俾得好慷慨，完全夠用，而且啲鴨肉切得靚靚仔仔，分咗肉厚嘅一碟，就咁皮一碟同差肉加油脂嘅一碟。 蟹肉燕窩羹 ($158)燕窩同蟹肉份量唔少，入口滑溜，唔會太濃或者太淡，係一個幾適合作為頭盤嘅選擇。### **芥末蝦球 ($178)蝦球炸得外脆內嫩，芥末醬啱啱好帶出微微刺激感，仲有有啲甜甜地嘅味道，但又唔會嗆喉，連平時唔太食芥末嘅朋友都覺得好食，值得推薦。 青梅小排骨 ($148)小排骨炸得好香口，酸酸甜甜嘅醬汁好開胃，肉質嫩滑，唔會太乾，拌飯會更加出色。 楊枝

位於尖沙咀海港城最靠近海邊位置，鄰近郵輪碼頭，環境舒適，藝術圓形設計格開餐桌，有包廂的感覺⭐️馳名烤鴨半隻烤鴨會喺面前由師傅展現刀功片出，一邊切片，一邊見到熱氣上升及傳來陣陣香氣。烤鴨有三種食法，脆鴨皮、鴨腿肉及鴨胸肉。脆鴨皮推薦加上爆炸糖，咬落去嗰下油脂爆發，但唔會覺得油膩！鴨腿肉就建議加芥末單吃，芥末亦都唔係普通中式芥末，而係加咗芥末籽，味道更加豐富！鴨胸肉可以用薄餅包住嚟食，除咗傳統配京蔥甜面醬食法，亦都可以嘗試餐廳特有配山楂及紫洋蔥食法⭐️老北京貝勒爺烤肉⭐️避風塘軟殼蟹軟殼蟹大隻多肉，外面酥脆，而肉質仍然保持鮮嫩多汁，保持食材特性，避風塘炒法充滿港式風味⭐️張氏獅子頭獅子頭肉質細嫩多汁，醬汁濃郁包裹絕獅子頭

上星期和家人到餐廳吃晚飯，景是美的，靠窗，日落黃昏，但食物水準真是強差人意，特別是片皮鴨，油到嚇死人，不明那只鴨吃什麼，皮成吋厚，仲要只有皮，好少肉，油到不得了，連小朋友都要吐油。多年前在上海吃過這間餐廳，都沒有那麽油的，所以不會有下次。其他菜式中一般般，不難吃，但對不起價錢。還是讓位比遊客，我北上吃好過了。

🥢馳名烤鴨估唔到嗌半隻鴨都可以有人係面前片😆呢度嘅鴨分左3個部分去食第一款係胸皮 配芥末同爆炸糖食鴨皮本身都好酥脆，一啲都唔油，配埋爆炸糖食個口感就更得意😆-第二款係鴨胸配冰梅醬食，酸酸甜甜咁幾解膩最後一款係鴨腿 呢款就推介包薄餅食😌有各款配料俾你包：京蔥、青瓜、山楂、紫洋蔥一啖擺哂入口簡直係大滿足🥢一品賽蟹黃面頭好多蟹黃，入面竟然有啲麵包，索哂啲精華，正👍🏻🥢宮保帶子我都係第一次食帶子係呢個煮法😆估唔到又幾惹味喎少少辣，但更多係大蔥嘅香味😌雖然都幾濃味都仲食得出帶子嘅甜味大蔥都煮得好好食，值得一試🥢京式小籠包一籠4粒，一咬好多湯汁，啲肉都好有鮮味🥢潮州蠔仔泡飯可以再加啲脆米落去食，成個泡飯有唔同嘅口感呢個蠔仔泡飯真係幾好食蠔仔都好大隻，又完全無腥味🥢甜品湯水薑汁紅棗小桃膠足料，夠薑！椰香紫米露椰味好重 好食😌

今次嘅標題已經講咗重點客人需求嗌咗片皮鴨，一隻嘅份量之後先諗起係…少之又少，啲肉唔知去晒邊 我哋喺度傾偈講笑話明明睇住佢批🤣🤣不過佢真係片啲皮出嚟就走原來我冇影到片完之後 可能太肚餓食咗先不過其實好普通，我哋都覺得有啲肉先好味，但係其實真係大部份都係得皮。。。雖然係香脆，但係太Heavy 賽螃蟹蕃茄味 唔係好相同我印象中嘅賽螃蟹之後同朋友傾起佢先講笑話會唔會係蕃茄炒蛋🤣🤣其實又似喎真係呢個肉餅唔識食..我哋4個人全部都覺得唔好食 唔識形容羊肉似係內地食嗰種之鹽粉味正常啦，不過你見佢羊肉成份其實都好少呢度啲嘢真係價錢貴，但係份量少手帕青瓜正常吧呢個係好味啲嘅蝦不過都唔平 同埋整體成間嘢都係油膩菜式呢個甜品真係成餐最比較出色嘅糕點 紅豆糕同埋軟豆糕 似係紅豆蓉，但係又有彈性嘅口感幾得意除咗食物一般，價錢貴，然後味道普通同份量細之外，佢嘅服務質素都麻麻哋，唔似係咁貴價錢提供嘅質素 禮貌非常好，但係甩甩漏漏同埋上菜好耐，如果佢哋好忙都會體諒，但係佢哋明明好空閒根本得幾台🥹所以我覺得八成嘅價錢都係比個環境..個環境超好有海景

之前都同朋友食過，今次同屋企人嚟食，感覺依然滿意！餐廳坐得舒服，枱與枱之間有足夠空間，唔會太迫，配合維港景色，整體環境一流。服務生態度親切，落單時會細心介紹菜式，食到一半會主動加茶、換碟，服務幾貼心。 磚爐叉燒肥瘦均勻，外層燶邊微脆，蜜汁滲入肉質，咬落香甜但唔會過膩。肉質嫩滑，有嚼口但唔韌，食落充滿炭香 。份量足夠3-4人食，適合分享。 北京填鴨半隻，烤鴨即叫即燒，師傅席前片鴨，熱氣騰騰，視覺效果十足。配有八寶盒配料及薄餅，鴨肉可以用三種食法：脆鴨皮配爆炸糖，甜甜地又唔膩，口感特別；鴨腿肉蘸黃芥末，微酸帶甜，平衡油脂感；鴨胸皮脆肉嫩，蘸藍莓醬再點爆炸糖，入口後爆炸糖會跳動，好有趣。傳統食法係包薄餅加青瓜條、京蔥絲、甜麵醬，新派食法可試山楂條、紫洋蔥、藍莓醬，味道更有層次。 宮保雞丁加入藤椒，帶微麻香氣，醬汁濃郁但唔會過鹹，雞肉嫩滑，外層微微焦香，咬落多汁。配料有花生、乾辣椒、蔥段，增添香脆口感，麻辣度適中，幾醒胃，送飯一流。 干鍋菜花用石鍋上枱，保持香氣同熱度，微辣惹味，菜花炒得夠乾身，帶少少鑊氣，口感爽口唔會淋，吸收醬汁後更加香濃，每啖都充滿香辣滋味，係一道非常有驚喜嘅配菜。

羲和雅苑位於尖沙咀海港城，坐擁維多利亞港無敵海景🌃並以精緻京味料理聞名。餐廳裝潢以現代中式風格為主🏮既展現了傳統的典雅，又不失時尚感整體感覺舒適，更設有包廂無論是家庭聚餐或商務宴請，均是一個絕佳選擇。🌟羲和馳名烤鴨  $388招牌烤鴨即叫即烤，創出八寶盒吃法🦆師傅巧手將鴨分成鴨胸皮、鴨胸肉、鴨腿肉三部分。💫酥脆的鴨胸皮，油脂分布均勻，師傅推介蘸上酸甜的藍莓醬🫐及爆炸糖🍬彷彿有種在舌尖上跳舞的感覺，十分特別。💫鴨胸肉部分，建議蘸上帶有酸甜微及微微辛香味道的黃芥末醬💛能一解肉的油膩感。💫鴨腿肉部分是全隻鴨最精華的部分，肉質鮮嫩多汁，建議用薄餅包裹食用。加上青瓜條🥒京蔥絲、甜麵醬、山楂條和紫洋蔥🧅口感豐富有層次，再配搭上濃郁的甜麵醬，令人回味無窮。🌟老北京貝勒爺烤肉  $228菜式展現了傳統京味料理的精髓🐑烤羊肉味道鮮嫩，經過高溫快炒，外皮微焦，肉味濃郁多汁，配以大葱、洋葱🧅孜然等調味，香氣撲鼻，讓人一試難忘。🌟宮保大蝦球  $178大蝦球每個均十分飽滿，肉質鮮嫩彈牙，外層裹上薄薄的醬汁，帶有微微的甜辣味，惹味非常🦐宮保醬汁的調味恰到好處，用上花椒八角🌶️大葱、搭配花生等🥜增添了口感與香氣，整

昨天約朋友到尖沙咀海運大廈附近shopping，聽講附近有間「羲和雅苑」嘅片皮鴨做得出色，於是同朋友過嚟食晚飯試試。🥢 烤鴨半隻店員席前把烤鴨切片，分鴨胸皮、鴨髀肉和鴨胸肉三碟，當中以鴨胸皮最香脆，店員教我哋配埋藍莓醬和爆炸糖嚟食，口感超正。而鴨脾肉就配埋特別調製嘅芥末醬嚟食，口感酸中帶甜。而鴨胸肉就跟傳統食法包薄餅嚟食。🥢 三色皮蛋鴨仔器皿夠晒吸睛，賣相好靚。皮蛋配有蒜泥白肉嘅泡菜和子薑，口感層次豐富，非常好食。🥢 宮保大蝦球大蝦球肉質飽滿兼有彈性，搭配麻辣嘅花椒和微甜嘅糖醋醬汁，微辣嘅口感能刺激味蕾，增加食慾。🥢 燕窩濃湯菜膽南瓜蓉加上濃郁雞湯做芡汁，而菜膽充分吸收咗雞湯嘅味道，鮮美可口。🥢 椰皇花膠燉雞湯呢個湯原個椰皇上，裡面啲料好足，陣陣椰香味，夠晒滋陰。🥢 豌豆黃豌豆黄口感细腻绵密，似布丁般嫩滑，入口即化，味道夠晒清甜，回味無窮。

終於有機會試吓呢間出名食片皮鴨嘅中菜館 🦆！餐廳分室內同室外兩部分，室外環境可以望到維港嘅靚景 🌊，而室內嘅座位都好闊落，就算一班朋友一齊嚟，都有足夠位坐 👥。佢哋嘅中菜，食物質素真係一流 🌟，尤其係片皮鴨，有好多唔同嘅醬料同食法，畀到食客一種新鮮感 ✨，係我喺香港食過最好食嘅中菜之一！—————————————————🦆 羲和馳名烤鴨 （半隻） $388✨ 羲和嘅烤鴨真係名不虛傳，每個部位都有唔同嘅食法同驚喜。鴨胸皮係成隻鴨最香脆嘅部分，唔使包薄餅，直接蘸藍莓醬同爆炸糖 🍬 食，入口嗰陣爆炸糖喺口中跳動，真係好似「會跳舞的烤鴨」咁 🦆💃，呢種獨特嘅食法真係令人難忘。鴨胸肉皮脆肉嫩，蘸啲羲和秘製黃芥末🌶️，嗰種酸中帶甜嘅味道，唔單止冇咗一般黃芥末嗰種刺鼻同辣味，仲可以解膩，真係好特別😋。鴨腿肉就係成隻鴨最精華嘅部分，包薄餅 🫓 食就最啱。我哋試咗兩種食法，傳統嘅加青瓜條🥒、京葱絲、甜麵醬，同埋新式嘅加山楂條、紫洋葱🧅、藍莓醬🫐。兩種食法都各有千秋，傳統嘅味道濃鬱，新式嘅就多咗份果香同清新！
🍱 八寶盒 $108 ✨ 八寶盒其實係一個好精緻嘅調味料盒，入面有各種唔同嘅醬料同配料，可以根據餐

新年少不免到中菜廳應應節😝 見不少酒樓都有供應“片皮鴨”，但大部分都不是正宗那種啦🙈 還是把quota就給正宗好吃的這家👅 室內裝修古色古香，室外還有無敵海景，服務禮貌貼心，即使不是新年時節，也令人想再訪 ✿ 馳名烤鴨(半隻) $3882-4人分量，職員說即點即烤，所以要稍候師傅會在席前表演將烤鴨切片，職員詳情講解三種食法(參考圖)鴨皮從外觀可見，油亮金黃，一咬下，薄脆口感加上散發的油香，太正了吧🤤🤤三種食法各有特色，個人偏愛爆炸糖+藍莓醬的新派食法🤣 ✿ 張氏獅子頭拼磯煮鮑魚 $188✿ 鮑汁海參扣鮑魚 $268 飯和餸的比例是1：2，太幸福😝兩款都有磯煮鮑魚，是帶自身鮮味的鮑魚，肉厚彈牙，可以斯文地用附上的刀叉吃獅子頭柔軟惹味，跟軟彈的海參是兩個路線，兩款都點然後分享吃就對有蠟燭底座持續加熱保溫👍 ✿ 蟹肉燕窩羹 $158喜歡吃蟹但又懶於剝殼的一定會喜歡這份🤣啖啖蟹肉；燕窩這款食材本身就不搶風頭，主要增加濃稠和滋潤感😋 ✿ 羲和小肉餅 $68 外皮脆身，內裡滿滿肉餡，惹味路線尺寸看似不大，但很有飽足感😳試管中的是醋，解膩平衡 ✿ 茶位 $20桂花烏龍茶，清香甘甜邊喝著，邊聊天，邊看

星期一中午約咗一位從外國回來的朋友去海港城這餐廳食lunch。 這裏環境一流，座位舒服，仲有無敵維多利亞海景，服務又好，方便朋友又可以食中菜，另一方面可以打卡影相😅😅我們二人只叫了四個菜，分別是：義和小肉餅真係好特別，要提前25分鐘落單，因為係現做嘅。小肉餅上面插咗一條小管，原來係用嚟唧醬汁入肉餅裏面，咬落一口，醬汁同肉香完美融合，口感豐富。荷香鮑魚雞粒燜飯，飯粒分明，粒粒入味，鮑魚鮮嫩，雞粒香滑，荷香四溢，味道濃郁。避風塘軟殼蟹，蟹肉鮮嫩，外殼酥脆，配搭避風塘風味嘅蒜蓉、辣椒、面包糠，口感層次豐富，香辣可口。黃金萬兩（炸豆腐），外皮金黃酥脆，內裏軟嫩，吸收咗醬汁之後，味道濃郁，口感十足。總之，呢間餐廳不僅環境好，食物又美味，真係值得去打卡又可以享受美食，帶外地朋友來香港旅遊的，一定唔可以錯過。

今日喺尖沙咀海港城行街，面對維港靚景,梗係要搵一間舒適嘅餐廳，望住靚景食飯，舒適又開胃。嚟到呢間餐廳，面對維港360度全海景，無遮擋，除咗室內座位，外面仲有露天雅座，非常舒適又寫意。今日兩個人嚟食午餐，首先嚟一碟「青梅小排骨」，原來個碟都唔算小，大碟又抵食。排骨非常嫩滑，酸甜味道配合得非常好。接着係小菜「一品賽蟹黃」，鮮嫩記嘅炒蛋白配合非常鮮味嘅蟹膏，製作認真又美味。主菜「老北京貝勒爺烤羊肉」，在呢味菜式嘅盤子非常特色，這就是貝勒爺的風味，烤羊肉鮮嫩又香滑，味道香濃，非常推介。除此之外，我哋仲揀咗兩款靚湯，其中一款係「椰皇花膠燉雞湯」，原個椰皇上，入面充滿新鮮湯料，大大件花膠，非常滋補養顏。另一款湯係「酥皮酸辣湯」，酸辣湯非常香濃，而且用料十足。整體食物製作非常用心，賣相好靚，而且好美味。