綠茶餐廳 (圍方)

營業中

休息中

綠茶餐廳由內地攻港已一段時間，今晚屋企無飯食，唯有落樓下圍方分店試試佢，閒日晚市都幾多人，Keep住有幾檯等緊，但等位時間唔長。由先，呢間唔係茶餐廳，佢係一間價錢較相宜，但裝潢比較靚同新派嘅一家浙江菜館。熱懷舊米漿 ($18): 米味濃郁，微甜，口感非常幼滑細膩，平平地好抵飲。鮮果鵝肝塔殻 ($128): 鮮果也者即芒果粒，底下鋪墊鵝肝粒，芒果味濃，幾甜，但就蓋過左鵝肝嘅香味，我自己就選擇食曬啲芒果再食鵝肝。龍井烤雞 ($138): 脆皮多汁嘅烤雞散發微微茶香，龍井味唔算突出，但雞肉嫩滑香口，調料都幾香。原隻上店員會協助處理分切，價錢$138可謂相當划算。狀元芋頭煲 ($88): 每塊芋頭都切到好薄，裡面仲有豬腩肉片，兩者均至非常軟腍入味，芋頭質感綿密，但呢道菜適合拌飯食。分量蠻多，足夠三人分享。蕭山蘿蔔乾炒飯 ($58): 由於已點左唔少肉類，所以炒飯揀返個清少少，飯粒夠乾身，粒粒分明，幾有鑊氣，調味適中唔會太咸，素得黎都幾好食!最後提一提，茶水收費$12/位

同老公去咗沙田圍方綠茶餐廳食晚，新店以西湖盛宴為主題，裝潢以仿照西湖勝景設計，食客像在船上就餐的感覺，逢星期五六日更設有古箏表演，讓食客可以感受到杭州風情中。主打新派浙菜。入座後送上香茶一壺。葱香脆皮烤鴨：烤鴨皮脆肉嫩，帶油脂香，加埋香蔥食，提升香味。龍井烤雞：原隻脆皮烤嫩雞即叫即燒，上枱色澤金黃，拍照打咭後由店員拎回剪件，烤雞皮脆肉嫩，用龍井茶葉煙燻過，食落散發着淡淡的茶香。粉絲裏蝦：用煲仔盛載上枱，用明火即時煮，只需數分鐘由生煮到熟，之後由店員攪拌均勻就食得。粉絲和蝦仁爽口彈牙，粉絲吸收蝦的精華，非常惹味。蕭山蘿蔔乾炒飯：飯炒得粒粒分明不油膩，加入蕭山蘿蔔乾和三色豆炒，增加鮮甜味。

［綠茶餐廳在內地餐廳數量已超370間，以好吃及古典裝修獲得一致好評，香港的分店更有古裝打扮的少女彈古箏，令食客猶如置身於古代吃飯一樣]上網睇到講到咁勁，加上第二張相綠色嗰座塔令我覺得好似幾有heart，引到我排左30分鐘隊都要來食，不過當排到我嘅時候古箏少女已經執緊琴離開。可惜都幾失望，實物冇相片咁精緻，所以用手機影都影唔到佢好精緻😂由綠色嗰堆醬到白色既生藥，味道都唔係話好天然，同佢想塑造嘅餐廳環境都幾格格不入。反而第一張相隻雞係唔錯，個皮好脆+仲有木香。但應該唔會再嚟食，因為最後肚瀉收場，整體意見係內地嚟嘅餐廳香港人真係未必咁啱食，除非平時食開預製菜養成咗金剛不壞之身。#綠茶餐廳 #食評

個龍井燒雞真係冇得頂好大陣煙熏味，價錢亦都唔係貴，絕對抵食綠茶餅要即食，唔可以放得耐蒜蓉白菜，味道好夠粉絲蝦非常推介！不過好易燶，燶咗就會黐底🥹蔥配芋頭驚喜地好食！不過勁易就飽東坡肉飯都唔錯，啲肉可以再腍啲最後點咗三個甜品杏仁燉蛋加咗柚子，甜甜地酸酸地咁幾得意海苔煎堆同普通煎堆裏面個餡完全唔一樣，亦都係一個驚喜嘅甜品，冇諗過會配搭得咁好最後嗰個桂花味嘅糊仔，麻麻哋😝雖然甜甜地⋯⋯平民價錢，絕對食得飽！

d野食全部都調錯味宋嫂魚羹係冇魚嘅，你不如話佢係生粉水好過白飯話賣晒但係竟然有炒飯賣蒸左條魚食，鹹過你喺街市買返嚟嘅鹹魚，本身夠味但又落重豉油個松子仁炒菜，又係偏鹹…..，但係又唔凍唔熱咁個東坡肉唔知做乜有飯喺個底度，但又唔夠餸舊東坡肉最吊詭係唔知做咩好多人喺度食飯，圍方係咪冇嘢食到咁強烈建議改善食物質素All the dishes were seasoned incorrectly.The Song Sao Fish Soup doesn’t even have fish—you might as well just call it thickened starch water.They claimed they were out of plain rice, yet somehow they still had fried rice for sale.We ordered a steamed fish, but it was saltier than the dried salted fish you’d buy at the market. The fish itself had

好多內地嘅過江龍餐廳都選擇係香港插旗，今次介紹嘅綠茶餐廳就已經開咗好多分店，而其中一間就係位於圍方。餐廳裝潢典雅，又古色古香嘅味道。蔥香脆皮烤鴨 $128 烤到香脆嘅鴨肉，伴隨着大量香蔥。鴨肉皮脆肉嫩，每一啖都勁多汁。老紹興蔥油腰花 $128遠遠地已經聞到紹興酒嘅味道，腰花口感爽脆又有香蔥嘅味道。江南茄子煲 $78茄子有光澤，口感夠軟身又入味。狀元芋頭煲 $88芋頭口感夠綿密，用嚟餸飯就一流。砂鍋西施豆腐 $88豆腐保持到小粒嘅形狀，完全唔會鬆散，配搭香濃嘅肉汁都好惹味。綠茶餐廳 (圍方) (大圍)大圍車公廟路18號圍方3樓321A號舖

🔶🔷🔶綠茶魅力沒法擋 分店越開越多🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力喔。綠茶餐廳開分店嘅速度真係好快，全部都開係商場入面，今次呢間就開左係圍方。門口有曬竹子流水，入到去裝修同樣古式古香，屬中高餐廳格調，但食物價錢就比較相宜，所以性價比好高。南乳醉鮑魚（$98）先食個冷盤，鮑魚切薄片，個南乳汁唔會太鹹。蘿蔔燉牛筋腩（$138）冬天食蘿蔔燉牛腩就特別正，襯白飯食無得輸。蔥香脆皮烤鴨（$128）呢款菜係香港限定菜色，蔥怪必叫！大量蔥花圍住隻鴨，烤鴨唔乾，加埋用滾油贊過嘅蔥花，又係送到好多飯食。📍綠茶餐廳 (圍方) (大圍)大圍車公廟路18號圍方3樓321A號舖。@greentea_officialhk

最近中午行大圍圍方突然聽到有人彈古箏🎶原來係人氣爆燈、主打新派浙菜嘅 #綠茶餐廳 表演表演者、店員眾人都著上唐裝衫餐廳佈局以 #西湖盛宴 為主題將西湖山水以水墨畫呈現結合餐廳轉角嘅翠竹、假山石等擺設甚具古色古香風味😍令人置身於江南餐廳邀請來自杭州米芝蓮黑珍珠大廚俞斌監督菜式品質相當不錯👍🏻今次我哋order咗🍽️蔥香脆皮烤鴨必點! 烤鴨皮烤得好香脆 肉質鮮嫩配以特製醬汁和蒽花味道十分豐富🍽️五花肉炒鹿茸菌鹿茸菌鮮甜無比 五花腩肥瘦相宜 咸香醬汁好惹味 這個配搭很不錯喲～🍽️南乳醉鮑魚圍方店限定! 鮑魚片薄切 鮮嫩無比 帶點酒香味再沾些南乳醬汁很滋味🍽️黑松露牛肉炒飯炒飯粒粒分明 牛肉粒不會炒到太乾身 每啖飯都充滿黑松露味🍽️熗伴冰草冰凍嘅冰草勁爽脆又清甜綠茶餐廳 ( #大圍 )📍大圍車公廟路18號圍方3樓321A號舖#圍方 #綠茶餐廳 #淅江菜 #沙田美食 #沙田 #香港必食 #香港美食 #香港好去處 #探店 #香港探店 #圍方 #大圍美食 #大圍

之前睇過D評論，好多人寫咗好多劣評，唔信邪，所以去試一試，真係全部講中晒。某些服務員態度極差(唔知，仲以為客人係佢哋仇人)，服務又唔專業，食物又偏鹹(叫咗十多個餸/麵/飯，最好味係個白飯)，款式種類極少，份量又細(一行8人，每人只可分到少少，食咗好似無食)，諗住想試埋甜品，最後都係無試，免得再次中伏，真係無下次。如可以選擇，只得1分(環境)，最貼切。建議大家，想試就要快D去試，否則好快摺埋，到時想試都試唔到。

一家12人去食飯，預早訂了枱，點知張枱細到離譜。好彩有4位小朋友，再換兩張圓凳，才可以所有人安座。食物有味，但你唔會叫好食，例如有d辣過頭，或者過鹹，份量細得可憐，例如，點條黃花魚，細過你去惠康買冰鮮黃花魚。最多每碟菜都唔算叫超貴。招呼差，點叫都無人加水，無人收碟。食到最後，係最嬲。佢本身講明，得90分鐘用餐，去到最後10分鐘，想叫甜品，佢話截咗單，唔比我叫。好嘢，有生意唔做之餘，仲直接趕客。若果想去感受吓，佢地九流服務，不妨一試。

從來未試過未食完餐飯就喺度寫差評90分鐘限時 Full house 忙 我明你忙 上菜粗粗魯魯 fine 　你收左收右 係咁騷擾我哋 fine 你剩返半個鐘頭 就算出邊冇人等 你嚟問我哋last order 冇問題我哋怕咗你叫你收晒啲嘢，然後上我哋比額外$50自帶嘅蛋糕 你突然又咩都唔收就去拎過蛋糕嚟成枱都係嘢 喺嗰邊邊一放低個蛋糕，插完蠟燭就點火 一句嘢都冇問到底你個蛋糕係點嚟係比邊個吹俾邊個食？我都已經唔想話你個蛋糕連雪入雪櫃都唔雪 嚟到都溶溶哋人哋生日慶生飯，你咁樣掃晒興 我哋已經唔係想要你嘅對唔住。仲要係態度極差嗰隻。我哋只係想投訴咁樣嘅服務質素大姐你仲要繼續喺度執嘢，仲要問我哋同我哋點火切蛋糕先至叫經理嚟其實如果你覺得我哋嚟食嘢，你唔一定要比好嘅服務我哋同等道理我哋忍你成個鐘你講對唔住唔代表我哋要接受最有趣係個主管嚟第一下個表情好明顯都係覺得我哋無理取鬧 我唔知唔知最後我哋解釋完件事，佢係覺得佢哋有錯定冇錯請我哋食個綠茶餅我哋掂都冇掂 咁嘅餐廳我哋唔會再嚟。平時其他餐廳水準冇咁好，我都唔會比差評始終生意難做 但係而家經濟唔好大家嘅錢賺唔易大把選擇我都係想提醒大家真係唔好貼錢

見大圍開咗間綠茶，上網search 話係內地人均消費約$50，但今餐兩人食咗$450。叫咗龍井烤雞，五花肉炒鹿茸菌，蝦湯泡飯。烤雞尺寸係春雞，冇雞味，冇茶味，飯腳話稻香壹蚊雞仲好食過佢。會先擺底俾你影相再拎走剪開。 隻雞剪到乳鴿咁，一開四，不方便食用。 五花肉炒鹿茸菌，油比較多，但都惹味。 蝦湯泡飯就咁湯飯，似罐頭龍蝦湯撈飯。之後講服務，未食過大陸個間唔知服務有幾好，但香港真係真係麻麻，6:30入座，入座時提及1小時30分鐘用膳時間，等菜用咗10分鐘，食咗15分鐘侍應已過嚟收嘢，因為隻雞已經食完，所以我都冇反對收碟，但冇諗過，碟五花肉炒鹿茸菌只係食咗1/3佢都收埋我，因為佢好快咁拎起碟雞就放落碟五花肉度，收走，因為太突如其來，同埋碟五花肉都俾佢污染咗，拎返都食唔到。 收完碟轉頭已經又走過嚟收埋個湯飯同我哋啲碗同筷子，好彩我已經𢳂起咗啲湯飯，由到菜到被人收餐具只係20分鐘左右，唔係話用餐時間個半鐘咩？ 你咁趕我走，好我走，侍應見我準備走，即刻企係隔離等執枱。但可以俾小小時間我着埋件外套同揹返個袋先嗎？ 見佢哋咁趕人走，以為好多人排緊，點知出邊跟本冇人等緊，體驗非常差，價錢偏貴，冇下次。

茶錢 $12/位難飲過酒樓啲茶蕭山蘿蔔乾炒飯 $58 啲飯炒唔開，好油，極少量蘿蔔乾，仲有最難食嘅三色豆。份量同價錢成正比，細細份。高湯蝦乾小青菜 $58普通青菜一碟，都係細細，都合理嘅$58。面餅醬香五花肉 （6件） $108舊五花肉硬過鬼條命，咬完都牙骹軟。五花肉成舊油炸，仲要大半舊都係肥膏，所以一食落去就咇油。龍井烤雞 $138味道算係比較正常，但唔明同龍井有咩關係，普通煙燻雞咁嘅味。size就春雞咁大。新裝修環境企理，但張枱坐得唔舒服，枱腳構造奇怪，會頂腳。總結而言，真係好難食，唔會食第二次。

知道圍方開左綠茶餐廳，環境唔錯，侍應仲著住華服，約朋友食個午飯先～蔥香脆皮烤鴨 $128烤鴨外皮酥脆，瘦得黎肉質細嫩多汁，蔥粒嘅蔥油好香黎撈飯一流😍西湖藕韻 $58蓮藕片同脆片相隔，蓮藕粉嫩令口感層次豐富，配上桂花蜜糖汁令蓮藕添上花香味。檸檬山藥 $58外形好可愛，山藥泥厚實粉糯，而且山藥味不會好重，反而有奶香味金沙雞翼 $68雞翼比鹹蛋黃包圍，仲炸得香脆，味道香濃，內裏juicy ，又好邪惡。芝麻包 $28芝麻細細個幾的骰，芝麻香濃。另外，每位茶價：$12

喺內地擁有多間分店嘅浙江菜餐廳綠茶開咗嚟香港餐廳由米芝蓮名廚俞斌主理今日難得黎到圍方就黎試下餐廳裝修超有特色一店一景圍方店就用西湖盛宴作主題可以坐喺船上用餐別有風味而且逢星期五六日仲有特備節目古箏娛賓好有特色！食物除左保有原餐牌外仲有唔少係香港店限定但即使挾住米芝蓮主廚主理嘅噱頭綠茶嘅價格都相當優惠👍黑醋脆皮牛腩（香港限定🇭🇰）一上枱已經聞到香噴噴皮脆得嚟完全唔刮口肥瘦分布啱啱好肉質超嫩仲襯咗一層脆米口感一流！江南茄子煲熱辣辣一上枱已經聞到濃郁醬香茄子煮到淋身又唔會太油入晒味！加埋啖啖肉碎撈飯一流完全停唔到口🤤粉絲裹蝦呢個一上枱已經好吸引蓋住個蓋嗰陣蒜香勁出打開之後更加香到不得了！粉絲索晒啲醬汁口感滑溜入味蝦又夠大隻爽口彈牙好有鑊氣！燴伴冰草食咗咁多重口味菜式梗係要一碟清新少少嘅嚟平衡下啦！呢碟冰菜清爽解膩口感爽脆帶少少冰涼感簡單加少少蒜蓉同醬汁已經好好食超fresh！西湖雷峰塔（香港限定🇭🇰）呢個奶凍勁IGable做成雷峰塔嘅形狀夠哂精緻配埋翠綠醬汁視覺效果一流味道仲帶少少清香口感滑溜完美收尾整體環境都好chill價錢合理中菜小炒適合多人聚餐下次一定要試埋其他菜式！