綠茶餐廳 (圍方)

營業中

休息中

「綠茶」登陸圍方，帶來一抹清新。過往中菜江浙蘇杭嘅選擇喺香港都唔係太多，不過今次嚟呢間除咗有傳統嘅菜式之外，仲有香港嘅限定餐牌，當然唔可以錯過啦1.鮮果鵝肝塔殻~香港限定好西式嘅配搭，啱啱去完泰國嘅我都好掛住芒果，所以試一試，擺盤幾簡單精緻，似係食下午茶三層假會出現嘅鹹點，食落去有驚喜，呢隻芒果唔係太甜，但係有少少清新，但質地軟硬適中，配合埋小小軟身由香滑嘅鵝肝，味道好出奇，配埋龍井茶好適合，我會建議三個人或以上叫一個，每人試兩件就剛剛好。為咗真實呈現俾大家睇有幾足料，核突啲都影一張食中菜一樣可以扮港女打卡店內環境典雅中帶清新2.宋嫂魚羹清清地，鮮甜清香，配料都多，出菜擺左陣仲有煙，適合暖胃，有唔同大細可以選擇3.西湖雷峰塔：其實係淮山同奶凍，質感好特別，有清淡微甜嘅奶香味，質感滑得來有少少澱粉嘅感覺，造型好精緻，唔太鍾意食重味甜品嘅朋友值得一試4.冷盤：三色燒椒杭茄食食吓發現呢餐冇菜，見到個名好特別，其實係冷盤涼菜類，好香好惹味，茄子亦都好腍，唯一係茄子帶有油香先至好食，減肥嘅朋友可能要避免，但想享受美食嘅支持你叫5.龍井烤雞：茶味唔算太濃，屬於清香類，肉質好滑，拆開嘅時候仲有煙出緊

大圍圍方米芝蓮新派江浙菜有超過400間分店嘅人氣餐廳進駐香港，特地邀請杭州米芝蓮星級名廚俞斌擔任首席顧問，推港店限定升級新派浙菜。而喺香港嘅圍方分店佔地4000呎，裝修古色古，以「西湖盛宴」主題，仿照西湖第一勝景「三潭印月」設計，食客可在真船上就餐，逢星期五六日有古箏表演，觀賞穿上古裝女子彈奏古箏，邊坐在江南小船品嚐蘇杭美食!而新菜式只限大圍分店，如fusion菜「鮮果鵝肝塔殼」「黑醋脆皮牛腩」、超打卡甜點「西湖雷峰塔」「檸檬山藥」、宮廷菜「乾隆魚頭」、輕奢「南乳醉鮑魚」。🥧「鮮果鵝肝塔殼」塔殼外層好鬆脆，面層有滿滿嘅鮮甜芒果，底下有粒粒鵝肝，口感好豐富！🍗蔥香脆皮烤鴨內裡的鴨肉保持了豐富嘅油脂，滋味鮮美，搭配香脆嘅外皮，形成了完美口感對比，並帶有濃郁的蔥香味。🥘砂鍋西施豆腐 豆腐粒好嫰滑，配上芋頭粒、蝦仁、豬肉等，口感好有層次，送飯一流。西湖雷峰塔（冷） 以杭州西湖十景嘅雷峰塔造型設計，真係打卡甜品！鮮山藥加上純牛奶，奶香濃郁，味道微甜。龍井綠茶 $12/位.

.圍方開左間「綠茶」😍用西湖盛宴做主題，先係有隻船可以喺上面食野打卡，另外食物都係有西湖相關既造型😆👍🏻 傳統文化但茶式有啲都新穎👍🏻👍🏻.西湖雷峰塔 $28係用淮山同牛奶做😍 好健康，有啲似牛奶布甸咁，但個質感再棉啲👍🏻 .粉絲裏蝦 $108有埋個爐上枱，侍應會幫手處理，啲蝦好大隻同埋粉絲吸咗好多精華😍.蕭山蘿蔔乾炒飯 $58有啲簡單食材組合起嚟，就係考廚師功夫，啲飯一粒粒安身得你，又唔會好乾，有埋蘿蔔乾爽口👍🏻.麵包誘惑 $88呢個一定要叫，除咗賣相靚之外，個麵包看到好脆卜卜，加埋雪糕有煉奶味，超夾🤣 而且麵包厚得來係鬆軟嘅，食咗成個都唔覺得好油膩；加多個雪糕底，咁嘅話食到底都可以繼續點雪糕😀.茶飲方面其實都會想綠茶，係好香濃嘅綠茶；另外就叫咗暴打鳳梨茶，比起檸檬茶，鳳梨嘅香味更獨特👍🏻👍🏻仲有個可愛熊仔冰造型，打卡一流😍

開心仔！九龍區都食到綠茶嘞！新店進駐圍方之前行APM亦見到有圍板相信下一間應該到KT九龍區有2間綠茶大家唔駛再迫希慎店圍方店嘅裝潢設計一樣都係咁古色古香座位夠開闊舒適幾啱同屋企人或一大班朋友嚟聚餐Menu 有耳熟能詳嘅經典菜式亦有由米芝蓮及黑珍珠星級名廚創作嘅幾款圍方限定菜我嘅personal pick 今次比較養生 lol試啲自己未試過嘅新嘢#西湖雷峰塔 好詩情畫意亦好啱打卡而味道又唔錯平平實實又清淡嘅山藥糕如果大家都鍾意山藥另一道 檸檬山藥 都幾很意山藥味唔突出反而食到奶香微微酸幾開胃但覺得佢似甜品多啲另外 陳皮菜脯老鴨湯 菜脯爽甜個湯冇好味精嘅感覺適合冷菜後暖暖胃再入主菜黑醋脆皮牛腩牛崩腩沾粉漿炸成薄脆金黃外層牛腩軟稔不過就偏肥而油潤沾黑醋會多返層果香味亦可解膩個人最鍾意係個 茉莉花蒸百合算係比較冷門嘅選擇但我偏愛百合蒸後嘅清甜同粉感加少少桂花蜜食，感覺好優雅☺️

喺內地遍佈各省三百幾間分店嘅 人氣江淅菜最近進駐圍方商場隨時隨地可品嚐到正宗美味嘅江南風味餐廳裝潢好有特色✨蔥香脆皮烤鴨 外皮香脆嘅烤鴨．肉汁豐富伴著海量香蔥．非常香口✨ 松露松仁烤菜心烤菜心口感超軟腍加入粒粒松仁．嘗到不一樣的製法✨老紹興喉口豬肉包 豬肉包一籠五個即叫即蒸熱到出煙✨蕭山蘿蔔乾炒飯 加入蘿蔔乾嘅炒飯色澤金黃．米飯粒粒分離✨海苔松仁芝麻球 面層沾滿芝麻．咬開裡面超濃郁芝麻醬口感軟糯好香口✨西湖雷峰塔 呢款精緻嘅甜品．打卡必選製成立體嘅雷峰塔．口感香滑

門口有飄著裊裊仙氣的船🛶宴🥙鮮果鵝肝塔殼選用酸甜適中的芒果，鵝肝切成小粒，芒果的清新剛好平衡鵝肝的油膩，加上塔殼帶有酥脆的咀嚼🥢三色燒椒杭茄（冷）🩷上層是紅椒、黃椒、青椒，下層是煮到柔軟細滑的茄子肉，和三色椒一起微辣又開胃🍋檸檬山藥原本以為是山藥泥淋上檸檬🍋汁，原來是把山藥泥捏成檸檬🍋的樣子，除了顏色，外形💯相似，山藥泥很粉糯又有點緊實，本身就是山藥的清香，吃的時候淋上桂花蜜🍯汁🥢杭式片兒川和茉莉花蒸百合也是清淡又健康，怪不得餐廳里很多都是公公婆婆一早就排隊來飲茶

位於大圍圍方的綠茶餐廳, 以西湖盛宴為主題, 綠色園林裝修, 環境清新優雅, 座位闊落, 還設有一隻真船, 可以在此用餐, 別具古香風味。剛巧有古箏表演, 更有雅興。蔥香脆皮烤鴨賣相精緻, 烤鴨周圍是翠綠的香蔥, 外層的鴨皮烤得好香脆, 內部的鴨肉保持鮮嫩鬆化, 肉汁豐富。香蔥清甜而且充滿香氣, 提升鴨肉的鮮味。南乳醉鮑魚鮑魚以薄片擺設, 顯現厨師刀工, 鮑魚片本身較清淡, 配以帶有酒香的南乳醬汁, 口感清新。老紹興喉口冬菜包 冬菜包皮薄軟熟有彈性, 冬菜和豬肉餡料充滿鹹香鮮美, 味道相互融合, 好有層次感。 海苔松仁芝麻球 芝麻球外層炸得金黃酥脆, 内饀軟糯, 餡料是咸香海苔和脆香松仁, 和外層的芝麻香味互相配合, 口感滋味豐富。江南綠茶餅 餅皮柔軟鬆化, 充滿綠茶香味, 甜度適中, 脆香可口。

無比較無傷害，野食尚保持到內地水準，但對比內地分店，員工服務態度差天共地。本人食過內地及香港其他分店，圍方呢間員工態度需要認真改善，特別前台幾位及收銀女職員，黑口黑面非常趕客。每樣菜式都貴過深圳一截，價錢貴服務差，如果有得㨂確係返深圳食比較明智。用電話落單有個位可以註冊登記，向收銀女職員查詢後，職員敷衍話係商場app登記，明明係綠茶網站黎，扮聽唔到當無事，呢種態度認真令人反感，希望餐廳可以積極改善一下。

星期四中午一點半到達，冇人等位，入座率大約六成， 我們兩個大人被安排較近門口位置嘅單邊梳化位。一坐下，侍應會問你要紅茶定綠茶，茶芥每位12 蚊，用qr code點菜，每碟份量比較少(我諗頂盡只可當二人份量😑)，淺嚐。我哋嗌咗 雪菜黃魚麵、尖椒臭豆腐、 甜品: 黄桃桃膠& 西湖雷峰塔， 雪菜黃魚麵的黃魚係炸過先，所以有個脆皮，再浸湯，感覺上有啲肥膩， 魚肉質一般 ，另外臭豆腐唔係香港特色嗰隻臭豆腐，個人覺得味道麻麻地 ，另外，我覺得最好味嘅就係黃桃桃膠， 味道清甜 ，有滋潤嘅感覺，黃桃係半個份量(罐頭黃桃🤫)，至於西湖雷峰塔純粹係為咗個樣靚所以order咗，亦都係最中伏嘅食品， 螢光青綠色嘅汁，完全食唔出咩味道，塔主體的質感似硬實布甸，成個甜品簡單一句係冇記憶點，同埋一啲味道都冇。 埋單兩位連加一$282，性價比一般， 原因係每個餸菜都細到......好似米芝蓮精品餸菜咁細碟， 但味道就🤨見仁見智😮‍💨🤐。

綠葉餐廳（圍方）餐廳剛剛進駐新界沙田大圍車公廟路18號圍方三樓,餐廳裝修以杭州西湖風格設計,古色古香,設有船隻座位用餐和古箏表演,環境高尚幽雅,餐廳主打江浙菜,由米芝蓮名廚俞斌主理,高質食材有保証,服務員招呼殷勤有禮。蔥香脆皮烤鴨脆皮烤鴨被香蔥粒滿滿圍住好搶眼,烤鴨燒到微微焦香,食落有輕微炭香味,肉質嫩滑又美味可口。宋嫂魚羹魚羹內有萵筍絲,木耳絲,粉絲和魚肉,材料豐富,萵筍絲和木耳絲爽口,魚羹入口鮮甜口感嫩滑。老紹興喉口豬肉包豬肉包餡內豬肉肥瘦均勻,微鹹,包身飽滿,啖啖都有肉香味。雪菜黃魚麵黃魚麵配料有蘑菇片,淮山片,豬肉,雪菜和黃花魚,廚師先將黃花魚油泡,再與其它配料烹調,微鹹,不膩,黃花魚食落美味香口,麵條比較粗身,軟硬適中。海苔松仁芝麻球海苔松仁芝麻球第一次食有驚喜,微甜,清香的海苔和有口感的松仁,令軟糯芝麻球更香口。

呢間主打西湖盛宴打卡點多，除咗可以喺隻船上面食嘢之外仲會有古箏表演，環境清幽脫俗，圍方分店仲係由米芝蓮名廚俞斌主理，食物品質味道一流，十分推介一定要試，我已經嚟過好多次啦，之前一直無推介過，佢哋嘅每個菜都唔會令人失望，真係每款菜式都十分好味，今次我就嚟試下其他未試過嘅菜式，首先講下呢個蒜香脆皮烤鴨，用生蔥粒下面有獨特嘅醬汁加上佢呢個烤鴨，烤鴨皮脆卜卜，肉汁嫩滑真係冇諗過加埋個汁一齊食係咁好食。西湖雷峰塔，呢道甜品手工精巧味甜品唔會太甜，奶凍口感帶住少少山藥碎口感好特別，加埋佢嘅汁帶出甜味會有一種好清新嘅感覺。仲有呢隻龍井烤雞係我每次嚟都會點嘅一個菜式，有龍井煙燻嘅香味，雞肉超級滑嫩未食過一定要試。蘿蔔燉牛筋腩，蘿蔔牛筋腩燉到好入味，唔會等得太老，又唔會太韌。最後呢杯暴打鳳梨茶，佢唔係用罐頭嘅鳳梨用嘅係真材實料，味道啱啱好，唔會太甜甜到好似飲糖漿，又唔會太淡淡到好似飲水。所以話呢間綠茶係我十分想推介比大家試下。

中午經過見到新開的綠茶餐廳，裝修古色古香，門口仲有個古箏和涼亭雅座，詩情畫意，好似去咗古代用餐咁，很有趣。座位被安排靠窗的位置，感覺很開揚，以手機QR Code下單，好方便。原本想點黑醋脆皮牛腩，可惜已售罄，點了蔥香脆皮烤鴨、鮮果鵝肝塔殼和黑松露牛肉炒飯，兩個人食份量剛剛好。鮮果鵝肝塔殼以脆餅盛載著凍鵝肝粒，最上層有芒果蓉，的骰造型作頭盤是好選擇。蔥香脆皮烤鴨脆皮烤鴨外層圍了滿滿的香蔥和蔥油，鴨身比較細隻，皮脆肉嫩，味道調教得很好，推介。黑松露牛肉炒飯未上枱黑松露味已撲鼻而來，炒飯粒粒分明，味道偏濃，配上龍井綠茶解解膩。第一次在香港品嚐江浙菜，感覺好新鮮，期待下期叫多啲朋友一齊試多啲不同款式。

之前聽朋友講圍方呢間綠茶餐廳好食🤤 咁啱過嚟shopping，當然排隊都要食！呢間綠茶餐廳超受歡迎，晚飯時間一定滿座，大家記得book定位同預早到喇😚🍵 龍井綠茶/位 （$24）呢度嘅龍井茶真係好好飲，清新消濟☺️ 茶包好大包，沖多幾壼都唔會淡☺️🐥 龍井烤雞 （$138）必食🌟！呢隻龍井烤雞用煙燻焗，香氣十足😍 店員先會成隻雞上比我哋打卡，再幫我哋切開方便食，好貼心🥰 雞肉嫩滑得嚟，皮薄香脆，正呀🥳🦐 粉絲裹蝦 （$108）呢個菜有好多隻新鮮大蝦，加上蒜蓉粉絲一齊煮，鹹香得宜，好味🤤🥓 雪菜貢椒黃牛肉 （$128）炒黃牛肉呢個小菜鹹鹹香香，好適合餸飯食😋🥬 松露松仁烤菜心 （$68）呢個冷盤鹹鹹哋又夠香，好開胃🤤🥯 老紹興喉口豬肉包 （$38）豬肉包細細隻，都包咗好多餡料😋

第一次嚟呢間食，食品很不錯，各款食品都好精美，不死鹹，值得一讚係服務員很有禮貌！今時今日嘅香港，難得一見的高質服務態度👍🏻👍🏻👍🏻龍井烤雞必試，雞肉鮮嫩，服務員很貼心的給我們拍照完再幫我地剪開❤️，粉絲裹蝦上餐台先開始煮，超新鮮！蝦泡泡飯超鮮甜，茶香奶凍有淡淡的茶香味，好清新😋！特別要讚一讚店內員工都好有禮貌好親切，會主動提醒我們小心熱，龍井烤雞上桌後好貼心的讓我影完相先拿去剪，笑容親切👍🏻👍🏻本來睇食評睇到有一個比差評嘅post,都諗住唔試，但又好想親身試吓，結果非常滿意，唔明點解會有人比差評😂，真心推介，值得去試👍🏻

綠茶開咗新店在圍方，當然要去支持一下，碰巧造冬一家人去新店支持吓－入門口古色古香，還有一個彷艇嘅座位， 十分吸睛食物嗌咗一個六人餐，菜式豐富，價錢亦都很優惠至是1488 ，預早落訂$500還每人有一支綠茶9人食再加咗兩個包一個牛坑腩兩杯好可愛嘅熊仔嘢飲，仲有幾個金莎雞翼香港地方寸金尺土，座位是比較逼夾，沒有圓枱，是長枱可能因為新店加上做冬，服務員好似吃不消不，當然沒有人來清骨碟，好多時叫服務員來，他們都忙得不可開交食物方面，份量不過不失，比較出色嘅有鵝湯，燒雞，大頭蝦，魚頭煲，熊仔飲品性價比很高， $28這餐雖然吃得有啲忙亂，食物也不錯，可惜嘅事，最後等桃膠糖水，足足等了20分鐘，吹了又吹，竟然同我哋講是因為個個都係套餐，所以唔夠碗裝糖水😱😅用餐時間90分鐘，但係等糖水等咗20分鐘，上個糖水嘅時候，竟然係罐頭桃加糖膠，有點兒不倫不類